影片
更多
2017-03-05
105 浏览
好少去大埔舊墟，唔係好識路。去到嘅時候過咗午膳時間，肚餓唔想再行嚟行去搵嘢食，於是見到呢間拉麵店就入去食。一拉開門，侍應姐姐見我係一個大肚婆，即刻安排一個闊少少、冇咁大風嘅位比我，又即刻拎多張櫈過嚟比我擺嘢。之後好快上咗一隻雞蛋比我，我問侍應姐姐個蛋黃係咪全熟，跟住侍應姐姐話係流心嘅。我本身諗住唔要隻蛋，因為懷孕期間要小心飲食，以免貪吃引起不適，點知侍應姐姐好好人，即刻叫拉麵師傅烚過另一隻蛋比我，要全熟蛋黃。仲間唔中幫我催師傅隻雞蛋熟未 (佢主動幫我催，唔係我催佢哋)佢哋真係好好人呀，表面睇佢哋個個都好後生，估唔到佢哋咁體貼，值得一讚，因為好耐都冇遇過咁有人情味嘅食肆!!至於拉麵，我覺得都 ok，同其他拉麵差唔多!希望佢哋 keep 住對客人體貼呢一份熱心，同時亦希望大家比多啲機會年青人同埋小店，多啲幫襯佢哋!!
去到嘅時候過咗午膳時間，肚餓唔想再行嚟行去搵嘢食，於是見到呢間拉麵店就入去食。
一拉開門，侍應姐姐見我係一個大肚婆，即刻安排一個闊少少、冇咁大風嘅位比我，又即刻拎多張櫈過嚟比我擺嘢。之後好快上咗一隻雞蛋比我，我問侍應姐姐個蛋黃係咪全熟，跟住侍應姐姐話係流心嘅。我本身諗住唔要隻蛋，因為懷孕期間要小心飲食，以免貪吃引起不適，點知侍應姐姐好好人，即刻叫拉麵師傅烚過另一隻蛋比我，要全熟蛋黃。仲間唔中幫我催師傅隻雞蛋熟未 (佢主動幫我催，唔係我催佢哋)
佢哋真係好好人呀，表面睇佢哋個個都好後生，估唔到佢哋咁體貼，值得一讚，因為好耐都冇遇過咁有人情味嘅食肆!!
至於拉麵，我覺得都 ok，同其他拉麵差唔多!
希望佢哋 keep 住對客人體貼呢一份熱心，同時亦希望大家比多啲機會年青人同埋小店，多啲幫襯佢哋!!
张贴