一鳴拉麵

营业中

休息中

已經開張兩年多的大埔一鳴拉麵，男友最喜歡日本拉麵，今次和男友兩人趁放假去試試一鳴，我們刻意避開繁忙的午餐時段，午餐過後約2:30不用排隊，直接可以入座。走進一鳴，店內的日式設計古色古香，牆上有不少日本風情的畫報，仿如身處日本一樣。午餐一共有五款湯底可以選擇，而麵條，麵質，細蔥及配料可以根據自己喜好去揀我揀左一鳴特濃豬骨湯配豬軟骨，豬軟骨夠軟夠入味，豬骨湯底濃而不咸，飲左兩啖感受到真材實料去熬成，最喜歡多蔥，蔥花簡直為拉麵錦上添花！男友則揀左黑蒜.鳴，豬骨濃湯配上自製黑蒜油，黑蒜油香氣四溢，每啖湯充滿濃郁的蒜香，岩曬喜歡重口味的男友😂每碗拉麵跟配的溫泉蛋，夠香滑，流心剛剛好，有少少煙薰味問左餐廳姐姐話一鳴拉麵的大骨高湯堅持採用真正豬大骨，用慢火熬燉而成，不似坊間一般用豬骨湯粉或味精合成，所以食完拉麵飲完湯底完全不覺得口乾。兩份餐分別跟煎餃子及炸雞 煎餃子皮香脆但內裏保持juicy ，而炸雞十分脆卜卜，但略嫌偏乾了點一碗好吃的拉麵我認為最重要是高湯，我最怕飲完湯因為味精太重，口喝又口乾，這裏的湯底真材實料，完全可以放心

大埔區是我們比較少去的1個區域 這天難得過去當然要試試朋友推薦的拉麵店喔 聽說這是區內唯1拉麵居酒屋類型的餐廳所以1定要去吃1下的!!一鳴拉麵在大埔墟火車站走過去大概10分鐘的路程 小巷裡的店面更顯人情味推門進去 日本的氛圍立刻飄散到每個角落 選了1個位置坐下之後 就開始目不轉晴的看Menu囉我們點了1個拉麵 玉子燒和大阪燒 餐點好快就上來了!!拉麵方面我們當然點了這邊的主打一鳴拉麵拉麵上來了 不管碗或是湯頭都是熱騰騰的 喝上1口湯 超級熱的!!吃拉麵就是要有這種熱度嘛 現在已經很少拉麵店可以做到這個熱度了拉麵幼幼的 肉也燉得好嫩 配上鮮鮮的湯頭 根本就是停不下來的1直吃下去接下來來的是起司玉米玉子燒 蛋的部份超嫩滑的 剖開來裡面是流出來的起司跟玉米看到這個畫面真的是讓人賞心悅目啊 然後在下1秒鐘 海鮮大阪燒也來了 嘩!!看到它的時候就感覺會好好吃了 剖開來之後 能看到大阪燒是超多料的先是底部餅的地方 加上椰菜 接著是不同的海鮮類然後再有燒阪醬跟美乃滋 最後是鋪上滿滿的蝦子和紫菜絲 真的是又好吃又好看呢!!最後點上1杯巨峰提子梳打 配上剛剛所吃的美食真的是超級滿足的1頓啊!!下次來大埔

好難得大埔開了一間富有日本風味的居酒屋,今日特意乘車來嘗下師傅的手藝先看餐牌,無太大亮點,湯底都是用同一鍋豬骨湯變化出來的好吧,可能平凡中會見驚喜,於是叫了個焰嗚的拉麵,再+$18加配杯津路烏龍和煎餅等到拉麵落枱,先嘗一口湯底,mmm...湯底頗咸,嘗不出豬的味道,無加昆布的豬骨湯已經不合格,櫻花蝦對湯底提鮮的作用不大,碗中的辣醬拌匀後就更咸.食完碗麵飲左好多水😥再試個餃子,炸出來的,皮乾無亮點.日本的煎餃是煎出來的,好嗎？環境方面,我坐左在長枱的位置,清潔度有待改善再光顧的機會不大👋🏻

春天將完，當然要去大埔墟黎個單車遊 唔係就要等到秋天，真是花兒也謝了做完運動就梗係要食餐飽飽的，就急急腳去搵餐廳 一鳴拉麵應該都幾有名，因為6點幾就已經有人係門口排隊好彩等左一陣就入到，所以建議大家去之前記得book定位呀燒芝士年糕 賣相圓碌碌、仲有燒焦痕跡，幾可愛 咬落去芝士唔會湧出，因為比較稠身，有別於食開果D芝士既咸香都並唔張揚，唔會好膩 至於主角我就揀咗翠鳴即係加咗菠菜醬入去豬骨湯底 因為好似絕大多數食開嘅，都係原味同埋黑醬油 菠菜湯底好似係第1次見，都真係第一次試雖然加入咗波菜會稍為減低左豬骨湯底濃郁既味道 但菠菜嘅清甜減低咗拉麵湯底既濃稠感，唔會食到一半OR最後有膩既感覺而且叉燒肥瘦適中，可以不帶半點負荷咁進食，肉質亦鬆軟 可以一試

今日黎大埔揾朋友，又可以順道試下新餐廳，揀左呢間拉麵店。喜歡這種古色古香的氛圍。「黑蒜鳴」（豬骨濃湯配以自家製黑蒜油）$75喜歡重口味嘅我揀咗黑蒜油，豬骨湯底極濃郁，配以黑蒜油實在係香上加香。麵質選了普通，但仍然有咬口。不過，以我嘅食量來講，麵嘅份量比較少，如果唔嗌小食應該食唔飽。幾欣賞呢度嘅糖心蛋，口感綿綿的。叉燒肉質較為鬆散，但肉脂肥美，而且份量多。一鳴創作醬伴炸香雞$46炸雞雞肉好嫩滑，配檸檬汁食挺清新，無伏推介！唔知今晚個冷氣係咪壞左，我一路食一路滴汗，見到服務員不斷用搖控搞個冷氣，但只有愈來愈熱，最後食完就拿拿聲閃人了。

之前食過一次午餐印象唔錯隔左好耐終於離呢邊試下晚餐有兩枱客人一坐底，知道寫紙，就充滿好奇去睇各款小食。留意到，選擇拉麵嘅時候，餐單的設計有漏洞？！好似豚王/一蘭甘，有唔同面底或軟硬度等等的選擇，但系得一個範圍，若想一張餐單叫多於兩碗拉麵以上，就有少少疑問，怕店員睇唔明，或者有其他的寫法？就問一問兩位店員其中一位，我諗佢應該知道我地要問咩，有少少不耐煩地答左，之後我未作出選擇時，她再次同我講多一次其後都有2至3枱客人問相同問題，大家以客氣的態度，但都顯出店員不耐煩的語氣。我認為客人無惡意或唔系太多奇怪要求時，店員對話唔需要甘。店鋪不大，很容易留意到。拉麵正常，選擇要軟面，不過也比較硬，黑蒜味無咩感覺雞軟骨好味，炸餃子都幾好而黑松露醬帶子極度鹹，應該係表面嘅炸粉好鹹。其實係好有特色嘅店鋪，若可以有親切少少嘅服務會更有質素，更好的

今日放工後又來大埔覓食，竟然係openrice search到附近有拉麵店，個樣仲幾正宗添！位於運頭街，位置旺中帶靜。店內燈光昏暗，以深木色為主調，甚有古日本風味。Menu紙設計和印製得非常精美，令人懷疑係唔係真係可以寫字落去，哈哈！詢問過店員，今日嘅期間限定口味係蕃茄，冇乜興趣，都係食番原味好。一鳴拉麵（豬骨濃湯拉麵）$72我選了直麵、普通麵質、少細蔥、配叉燒、唐辛醬（2辛）。湯底非常濃郁，直頭好似花膠湯咁起膠，我超鍾意！店家聲稱佢地嘅大骨高湯採用真正豬大骨，以傳統慢火熬燉兩日一夜，絕非採用濃縮湯粉或味精，十分欣賞佢地嘅堅持。叉燒偏肥，肉質的確好腍，但一夾就散。溏心蛋不用另加，碗麵包埋。一鳴創作醬伴炸香雞$46炸雞製作需時，要等好一陣子。不過熱辣辣，外脆內軟，配自家製的芥末醬又的確好味。埋單的時候先發現原來有加一，都幾唔慣，因為係尖沙咀、銅鑼灣食開多數都唔洗加一。但由於佢定價不算高，還可以接受。發現左大埔有呢間正宗拉麵店真好，唔洗山長水遠出市區食啦！

雖然仲要等到下個月，先可以去日本而家唯有去街食轉拉麵，望梅止渴 一鳴拉麵小有名氣，今日一試都冇令我失望 拉麵未到，小食先上 海鮮大阪燒 個名絕對冇呃人係超級多海鮮!!! 每一啖都感受到真材實料而且整塊大阪燒餅結實唔鬆散 ，配上無敵既醬汁真係好惹味唯一美中不足嘅係麵團太少 (係比例上)因為海鮮同椰菜，真係好多呀食完大板燒，就令我更加期待拉麵我揀咗 黑蒜。嗚 其實即係豬骨濃湯加自家製黑蒜油聞落味道好香，但要試一試湯底先知真偽 湯底黑蒜油味突出，但唔算好濃，比出面嘅更得我心因為平時我食到一半，就已經會覺得太濃而有點膩呢度我即使食曬成碗都只會覺得香 另外麵條吸收湯底嘅能力不錯 每一啖都好滋味 難怪有唔少人在外排隊

我雖然住大埔,但好少留意有咩新食店開幕,因為大埔啲鋪頭其實都轉得幾快,有日睇 YouTube 過氣歌星黃翊介紹大埔有咩好食,見佢咁用心去講,我就決定去試吓！去到只係等一張枱,地方雖少不過都算幾有日本 feel , 坐低之後見到張 meun 同去食一蘭 & 豚呢間食拉麵店一要自己圈想食咩麵?咩湯 ? 要义燒定豬軟骨,多唔多蔥等等等咗應該有10分鐘個麵終於上咗！一睇賣相唔錯,幾好 ! 我叫咗個菠菜底麵,我老公就嗌咗個黑蒜底拉麵唔駛講一上枱梗係呷啖湯試一試手勢啦！點知超失望黑蒜味唔濃,曾經見過有位人兄寫出前一丁都比佢濃,事實囉 ! 义燒超薄 , 湯底算濃但感覺唔到有膠質唔似用豬骨煲出嚟！我碗菠菜底好咸算濃,食唔到菠菜味 , 舊豬軟骨完全唔得 ! 總之我絕對唔會返轉頭囉…最後叫咗個小食芝士粟波,見到張紙寫人氣咁咪嗌囉 ! 嚟到確實喺一個波嘅形狀,但芝士原來係"沈"上去㗎囉…噢對唔住我地唔識欣賞

為左食大埔某間甜品，所以特登由旺角放工入大埔食晚飯今晚揀左食拉麵，因為都好耐冇食啦。黎到一鳴拉麵，間舖都好細，好有日式拉麵舖feel，我地坐左近拉麵師傅既位。我揀左豚肉豬骨湯拉麵。豬骨湯好濃，但又唔會太「杰」。豚肉師傅切得好薄，肉質嫩滑，好有豬味，流心蛋幾有蛋香。呢個係豬軟骨豬骨湯拉麵。醬汁都幾濃味，同湯底都幾夾，不過軟骨如果可以再淋少少就好喇呢個係日式炸雞。粉略厚，但都幾香口，雞肉滑。如果經過大埔，不訪黎一鳴試下

有多種湯底選擇既拉面館，氣氛也不錯！宵夜想食拉面，呢間啱晒大埔夜鬼。Last order 24:00am發現呢間好有居酒屋感覺的拉面館。黑蒜叉燒拉面75元忘記了咩名既冷麵味道都不錯鹽燒雞腎安格斯牛扒108元鹽燒鱈魚 好鬼鹹，食到喉嚨有啲乾涸！😵

好味既野真的想一試，再試，三試....今天返半日工，係南昌收工，同同事傾開，大埔有拉麵好味就記起了！我記得自己有投票的！去到已經兩點多，過了午飯時間人沒有那麼多，幸運的我一到已經有位，入到餐廳似曾相識，是舊式拉麵店的感覺，加上貼滿了日本Poster，我是否到了福崗？還是返回現實吧！叫了一鳴拉麵，每碗$68，好像沒加價吧！今次見到有其他配料可以加，加了芝士和豬軟骨，每款加$10。先講下一鳴拉麵，是最傳統那個豬骨濃湯，老婆話黑蒜好味，我就選了最普通的，豬骨味好重好濃，飲了兩啖完全不覺得有味精，本身麵上已經有半隻蛋，另外再送一隻，碗內的半隻蛋因爲和湯一起煮，所以整隻都充滿豬骨湯底味道，送的都是半流心蛋，反而吃到真正的蛋味。加了芝士令拉麵黏在一起，更淋身，豬軟骨味道比較特別，甜味較重，質地幾淋，骨亦多，有口感！麵我選了曲麵，普通硬度，咬時柔韌細長，感覺有點像公仔麵，口感不錯！午餐還包了小食，日式炸雞有四件，炸得皮脆內軟，雞肉嫩滑，即叫即炸，放了一會還是熱的。聽聞附近有圖書館，吃飽就去打下書釘，又過了一天。

今晚，同朋友行咇，見到間店有好有人排隊，當然知道一定唔差，於是排埋一份，雖然我嘅身份咁特別，但一樣都要等！專門做拉麵，款式有四種，加多一款限定，本身喜愛濃郁湯底，於是不用多想就點了個黑蒜。鳴$75轉個頭師傅就炮製出來，一望就見到佢用了嘅黑蒜油，好香！麵底要軟，入口軟滑，配料選了超軟熟嘅豬軟骨，肉質軟熟入口味濃，加埋爽口彈牙嘅軟骨，超有口感！而個半隻溫泉蛋亦好香滑，入口時個流心蛋黃係口中迴盪嘅感覺一流！就好似係日本吃的一樣！加埋爽口嘅竹筍，整個湯麵嘅質素絕對比連鎖店優勝！而另一推介就係個一鳴創作醬炸雞$46，炸雞炸得外脆內香，入口時你會發覺炸雞肉質嫩滑，而個脆皮香脆，加埋特制醬汁入口，夠熱香口，另你食不停！今次絕對係正確選擇！

🚂東鐵有咩好野食⁉️🚂大埔墟👅 一鳴🍜拉麵舖頭距離火車站有少少距離🚶🏻‍♀️都要行5-10分鐘左右先到～門面同裝修都係日式拉麵舖感覺🍜舖頭拉麵基本上係紙上5種，根據食客需要再圈下點食法😋$68/碗 +$16 可以配多樣小菜同野飲🥛拉麵煮得幾好味～麵底係彈牙嘅👅仲煮得岩岩好～普通都已經好食👍🏿湯底都好濃，豬骨湯底，食落又濃味又甜甜地～叉燒都👏🏻唔係得肥膏，真係有肉食，入味又鬆軟，份量仲唔少～ 黑蒜油湯底其實都香嘅～不過其實原味差唔多，唔算太特別🙈推薦：🌝🌝🌝🌝🌚價錢：💰💰💰外觀：📸📸📸味道：👅👅👅👅

今日lunch又來到了熟識而又陌生的大埔，熟識係因為之前係大埔返工，陌生係因為好耐無黎啦∼一聽到黎大埔開會我就飛起Ivan，獨個兒去食自私拉麵。呢間一鳴上次我黎食過晚市，原來午市有套餐喎，由於係平日lunch time時間，有好多學生，我都等左20分鐘先有位。一入黎店員就送黎一隻半熟蛋啦，一陣可以加落麵！今次叫了黑蒜。鳴，係豬骨濃湯加上自家製既黑蒜油。整碗黑黑的，感覺有d似墨魚汁，黑蒜味好香，未食已經聞到，今次我仲追加左芝士，$10一片，芝士黎到已經融左一半，半融半生既芝士加入麵度，令麵內包含了芝士既香味！豬骨濃湯味濃，感覺好似食緊出X一丁既黑蒜豬骨濃湯麵！叉燒共有三片，易咬也煮得很林，單是拉麵我比70分！午市套餐除左麵，仲可以加$18配飲品同小食，$18兩樣野實在是抵！我叫了烏龍茶加餃子，烏龍茶都幾大杯，一飲-》透心涼！煎餃子有四件（強烈建議如果兩個人黎食，加一份就好了，四件餃子太飽了），餃子是即炸，入口仲係熱辣辣的，皮硬而脆，肉餡咬開仲有肉汁架！埋單連加一先$95，食一X都唔得啦！