一鳴拉麵

营业中

休息中

係大埔, 最重要嘅就係識搵食, 因為實在太多選擇啦, 身為拉麵達人既我,今次決定決定一嚐這間一鳴拉麵....大埔墟火車站行幾分鐘就到..店面裝修好靚,好日式, 店員態度超好, 一入到去店員都一齊用日文大大聲黎講歡迎光臨, 感覺好親切...呢間係以點餐紙自選形式去揀拉麵, 我選左豬骨濃湯拉麵, 湯底真係好濃郁, 好多骨膠原,有種漿住係口嘅感覺....落足料同時間去煮先會有呢個口感~~~!拉麵爽口彈牙,叉燒又大大塊，好入味!!!!!唔掛得咁多人排隊~朋友就點左秘製地獄豬骨湯底, 朋友本身唔食得辣但係都接受到呢種辣度..唔食得辣既人都可以一試...溏心蛋整得好好食, 好流心我地仲叫左2款小食, 一款係炸雞,一款係炭燒豬頸肉.....炸雞炸得好香脆, 好高質....炭燒豬頸肉不會太油, 又唔會燒得太硬~~~2款小食都正合我心意!!

大埔區原來數數下都有幾多間拉面。之前見過中午時間好多學生黎呢間一鳴拉面，今次晚餐時間就同朋友黎試一試～呢度間左兩個空間，我地坐果邊有吧枱位，幾張二人枱同一張長枱～拉面主要有一鳴（豬骨味）、黑蒜鳴（黑蒜豬骨）、焰鳴（辣豬骨）、翠鳴（莞萎味，呢個夠特別😂）同限定鳴（黑松露豬骨）～面的硬度、面條種類、蔥、配料、唐辛醬份量都可以選擇～ 我就比「限定」的字眼吸引左，揀左黑松露味☺️原來除左拉面，呢度仲有好多野食同飲品　（含/不含酒精都有）～內心爭扎一番後揀左芝士蟹肉玉子燒同埋芝士味巨型章魚燒😍 仲有荔枝熱情果乳酸飲品☺️結果冇令我失望！個拉面湯偏杰，好濃郁好香黑松露味，完全對得住個價錢！面條硬度符合我對硬面的要求。叉燒超大塊，肥瘦適中，仲要有三塊，食到超飽😂😂😂溏心蛋中間個流心都好正！呢碗面真心令我喜出望外！而且份量都幾多，食到最後差d冇位食小食🤦🏻‍♀️🤦🏻‍♀️🤦🏻‍♀️小食亦係呢間餐廳的另一賣點～ 蟹肉玉子燒又有驚喜！個蛋超級嫩滑，嫩滑程度好似旺角饒河街玉子燒🤤🤤🤤 而且芝士味好濃，仲有啖啖 真。蟹肉！唔係蟹柳黎架！章魚燒上枱果下好震撼😳個樣勁邪惡🙈佢上面除左芝士仲有蛋花，粒野勁大粒好辛苦先切開黎食

說到大埔,基本上大多數美食已經盡收我肚子裏,但今天吃的這家一鳴拉麵還是真的第一次試~這家拉麵店在一個不起眼的後街,不熟悉大埔的人很難會懂得來這裏找吃,而前來這家店的食客也不少,相信拉麵店的知名度還不少~餐廳除了有出名的拉麵可供選擇外,其他特式的小食選擇還真不少,而且下單是直接在餐單上填寫後交給服務生下單,非常方便~而今次我選擇的拉麵,是一款非常特別的口味,之前在其他的拉麵店從未試過的選擇, 名字叫拉麵 ,湯底加入了大量的芫茜醬在香濃的豬滑湯底內,追加了粟米作為配菜,眼見拉麵的表面舖滿粟米和很大片的叉燒,非常厚實~叉燒是這裏的招牌之一,因為非常厚,而且混入香濃的豬滑湯底一起吃,口感鬆軟好味,而拉麵質我選擇了比較軟身的拉麵,超正!而另外一款特式的小食我選擇了巨形的章魚丸,叫做JUMBO 雜錦海鮮燒,尺寸非常驚人,MENU上介紹足足有8CM的直徑,但目測好像比8CM 更大!用筷子輕輕把丸子打開後,發現入面非常足料,全部都是章魚及其他海鮮配料,而整體味道剛好,熱辣辣,好不容易才能把它KO~ 跟其他小的章魚丸比較,這款更顯出色!

今日心血來潮想去食碗拉麵 於是打開openrice搜尋一下 竟然發現大埔墟有一間拉麵舖，評價不錯。 於是同太太膽粗粗去試下， 竟然發現有驚喜!呢間拉麵鋪唔算大，座位亦都唔算太多， 但晚飯時間就嚇似魂來， 相信有唔少人同我一樣慕名而來。而呢度所用嘅餐牌， 內容簡單， 只需要直接在餐牌上直接要選擇食物， 然後交給店員， 不需要另外再下單，非常方便。至於點選拉麵方便 可以點選不同嘅拉麵， 拉麵硬度，是否加細蒽 ，配料同埋辣度， 所有都係自己話事。而我選擇咗黑蒜味道嘅鳴拉麵。 配料點選了叉燒， 而且仲額外加咗櫻花蝦同埋豬軟骨。湯底非常真材實料， 而且配料亦非常足料， 未食之前輕輕飲咗一啖湯， 發現湯底非常濃郁， 有好香嘅黑蒜香味， 拉麵質不軟不硬， 混合埋湯一齊食簡直係完美， 而呢度嘅叉燒非常之後， 入口鬆軟有香味， 豬軟骨相當有咬口!飲品揀咗一杯巨峰士多啤梨梳打，算幾大杯， 有少少微甜， 不過就飲到好香嘅士多啤梨味小食方面就點選咗佢哋舖頭嘅招牌菜之一， 係一款炸章魚， 表皮又薄又熱而且炸到金黃色， 食落非常香脆， 而且粒粒入面都充滿著章魚， 如果用來送酒就真係perfect!

最近喺大埔番工 見啲人話呢間拉面好食 緊係要去試下揀左好耐 終於揀左要 黑蒜叉燒拉麵 （加左二辣，最高係三辣）面揀左普通硬度同埋太面等左五分鐘左右 個面已經黎左個湯唔係好濃 比想像中淡（我食開偏淡味的） 而且二辣都無乜辣味 佢啲辣係淨係加七味粉可能真係要叫佢個辣湯底 先真正係辣溏心蛋整得好好食 好流心的叉燒有三片 唔算太肥 係有少少位肥左啲（我平時唔太食肥肉但佢呢個幾好，接受到）值得一讚既 係面 佢地軟硬度控制得好好 就算我食到尾 都唔會冧左總括黎講 我會比7.5/10 係幾好食既 但個湯唔夠香 可能見大家都話好食 心入面有少少期望啦不過68蚊（加埋一75）有呢個質素 算係幾好嫁啦

剛剛琴晚睇到飲食雜誌推介，報道會介紹呢一間大埔一鳴拉麵！「大埔居酒屋食巨型爆芝章魚燒 山咁高摩登燒」！住喺北區嘅我，當然唔輸蝕，今晚即刻嚟試一下呢一間居酒屋龍與鳳！原來呢間拉麵店一直都好受街坊歡迎，近日擴充店面，除咗拉麵，仲有增加咗屋台料理，關東煮、大阪燒、章魚燒等。店鋪裝潢採取一貫日式拉麵店風格，設有十個座位的拉麵吧檯，以及數張二至四人檯。 好，今次嚟到，一定要試咗招牌拉麵先，我地兩個食咗以下食物:黑蒜 鳴叉燒拉麵 $75 我選咗曲麵，曲麵的麵質本來就比較彈牙，黑蒜唔算太重口味，叉燒淋身唔鞋，溏心蛋好吸睛，整體唔錯，合我口味！野菜叉燒炒拉麵 $58呢個炒拉麵，重點都係食個麵，拉麵煙韌彈牙，餡料不少，而且味道夠，十分滋味，我鍾意！本格章魚燒（五粒）$32眼見個個都食新出嘅巨型芝士章魚燒！唔通個個都想食巨型芝士章魚燒咩！，所以我地今次就叫返基本嘅章魚燒，上抬外表金黃渾圓，頗墜手。鋪滿咗燒汁、蛋黃醬和木魚碎，內含章魚粒，口感豐富，可以。燒汁茄子 $22呢個可算是好清淡的茄子，原汁原味只配上蔥花同豉油，清清地都OK。青蘋果白桃乳酸梳打 $26有日本味道！總結一下，大埔難得有一間日式居酒屋小店

拉麵控又要出動, 今晚一個人的晚餐, 落大埔搵下食朋友早介紹我食呢間一鳴拉麵, 話佢地個辣拉麵唔錯雖然間野系後街, 不過大埔都算熟路, 好快搵到間餐廳 (大埔人應該可以搵得仲快)坐底, 唔洗諗, 叫左個焰.鳴（秘制地獄醬豬骨湯底) , 好快都煮好, 唔算太辣不過就好開胃, 麵質一流最驚喜係杯青蘋果白桃乳酸梳打, 配辣麵絕配呀 餐廳系運頭街後街處日式設計主打4款拉麵可以跟個人喜好下單, 另會有第5款"限定.鳴" 時時會唔同拉麵外, 店內有提供其他日式食品特色飲品選擇都幾多焰.鳴（秘制地獄醬豬骨湯底）$75青蘋果白桃乳酸梳打 $26

細妹就黎返英國，係佢走之前同佢食多幾次飯。今次近近地屋企，去左大捕食拉麵。由火車站行過黎10分鐘到，都唔係太遠。剛剛放工有D口渴，於是就叫左杯桃味特飲，桃味夠香，加埋薄荷葉好fresh！重點係非常大杯，我同妹share左一杯都飲唔曬！黎到拉麵舖，點可以唔叫拉麵呢？廳有幾款豬骨湯底可以選擇，當中有濃湯、黑蒜、地獄醬、芫茜及每月限定的湯底。我最鍾意試新野，所以就揀左今個月的黑松露雜菌豬骨湯！湯底非常香，配埋黑松露又幾Match喎！至於麵，餐廳有直麵及太麵(曲麵)，麵質仲有得揀軟、普通及硬。今次我就試左硬身的太麵，麵質又幾彈牙爽口，吸左黑松露豬骨的湯，d麵好夠味。至於配料大家可以選擇葱的份量，以及揀叉燒或豬軟骨作餸。今次我就揀左多葱配叉燒。叉燒係燒到香口先放入麵，肥瘦適中，夠香之餘，又唔會太肥。另外，我們都叫左一份燒牛舌。食牛舌最緊要的係口感！呢串牛舌雖然得三塊，不過每塊都非常之厚，絶對滿足到你的口感！我們另外都點左一份玉子燒，金黃的蛋卷見到已經好開胃！玉子蛋味濃郁，食落口感又唔乾，唔錯！叫到Menu個名，口水已經滴灑出黎。呢份係Jumble芝士玉子拌章魚燒！呢粒巨形的章魚燒的直徑有8cm咁

大約75蚊一碗， 有五款湯底選擇， 餸類選擇唔多， 但係細節位做得足， 夠誠意， 所以其實ok。 反正依家越嚟越興做得尊， 做得精嘅呢個概念叫咗菠菜豬骨湯底， 清清地。 溏心蛋都做得好食。最有驚喜係小菜， 芥末八爪魚25蚊，份量都好多， 而且唔會淨係得芥末咁hea你, 隔離仲有啲配菜, 凍食開胃。玉子燒超大條， 熱辣辣上枱， 木魚絲郁下郁下幾過癮，唯一美中不足係蛋汁唔夠，可以再生些少。另外， 飲品超級大杯， 值得叫。 只係唔係杯杯好飲， 白桃一千零一夜可以， 但士多啤梨同青蘋果一千零一夜都唔得。

呢間一鳴拉麵 住大埔嘅朋友話黎親大埔必食 不過聽講就話夜晚會排長龍 所以就揀咗lunch hour黎呢度試下 不出所料果然等咗一陣就已經有位 外面睇落已經好似日本傳統嘅拉麵屋 有紅燈籠 木造嘅門 入到去都有日本特色嘅拉麵枱 可以對住拉麵師傅欣賞下佢手勢之餘又可以同佢傾下計 最緊要係一個人食都唔怕尷尬 最最最驚喜嘅係呢度嘅手繪menu 好靚好有心思同誠意 真係賞心悅目 叫咗黑蒜油豬骨拉麵我揀咗太面 仲有得揀軟硬度 有冇蔥辣辣等等 好細心仲加咗豬軟骨同帶子刺生 另外加20蚊就有四嚿炸雞同乳酸梳打 個面呢到最吸睛嘅緊係個黑蒜油豬骨湯底啦成個湯底呈黑色 上面係黑蒜油好香嘅蒜味 下面係奶白色而且豬骨湯亦都好濃郁 有啲似媽媽煲咗好耐嘅老火湯 啲配料有紫菜 糖心蛋 海帶 厚切叉燒 豬軟骨同帶子刺身等等d料完全覆蓋面條 見到三大塊厚切叉燒真係好開心 又入味 又鬆化 豬軟骨份量都唔少 亦都炆得好林 麵條軟硬適中而且冇鹼水味 炸雞炸得外皮好鬆脆 而且入面好多肉汁 加少少七味同蛋黃醬 完全同日本食嘅味道一模一樣 重點係只係20蚊 有驚喜

都市人貪方便，食親都係大集團既食肆今日為大家介紹一間相當有特色既拉面小店🍜佢亦係食過後，令我回味無窮既小店入門後隨即聽到熱鬧既日本歌曲的確令人好放鬆，可以暫時放低眼前既壓力雖然係一間小店，但店內環境舒適坐低後就享受呢度既小平靜店內影既每一張相都好有特色，有種令人覺得好文青既感覺而且梳打味道都好清新我點左個限定拉麵🍜莞茜帶子差燒拉麵可以自由加點唔同既配料而我就加左芝士、蟹棒、栗米芝士係灸燒，絕不hea上入口有好清新既蔬菜味，食唔出係用莞茜調制湯底唔食得莞茜既人，相信都接受到！推介同場加映熱辣辣既炸餃子🥟基本上呢個價錢已經食到好飽一句講哂：會回頭吃！

心引起當然要搵食止癢，今晚就去了這裡，店舖大了，位置多了，不用等位，而食物不單止拉麵，還有關東煮，同章魚燒嘅選擇，炒飯亦有驚喜，好似今次就點了個鐵板鰻魚炒飯$88，起初以為鐵板上，完來不是的，是在鐵板上炒用碗上，放心絕對夠熱，望到有4塊鰻魚肉在碗的四個方向上，中間就放滿了啲香脆紫菜絲，而且個飯裡面重有好多鰻魚粒，材料十足！而啲飯又唔會話炒得好乾身，入口好有口感夠晒煙韌彈牙！最後忍唔住加埋個一鳴創作醬伴炸雞$46，雞肉外面包住薄薄嘅脆醬炸得外面香脆裡面充滿肉汁，加埋個醬汁味道更佳！這裡除了食麵外，還有其他心選美食，又多個借口遲啲先至去安排行程！

我都有一段時間冇經過呢頭，小巷裏面嘅拉麵店，唔經唔覺好似多咗一個舖位，是居酒屋嗎？這天難得約到成年冇見嘅朋友，就一於試吓佢推薦的拉麵店。應該是大埔墟這個範圍唯一一間我會encore的拉麵店。坐下之後就開始看Menu，畫得好有心思我們各自點了一個拉麵，同埋幾有興趣試吓大阪燒。好快就來了拉麵，黑蒜。嗚 $75Ramen 我點了曲麵，喜歡口感比較硬的，少蔥已經夠晒香。配料就揀咗豬軟骨，唐辛醬 兩隻辣椒嘅香辣味道已經好刺激。湯頭都是熱騰騰的，吃拉麵就是要 hot，依家凍凍地就最啱呀！還有完美的薰流心蛋接下來來的是屋台料理鐵板燒，芝士煙肉御好燒 $58。超多料的，尤其是椰菜，先是底部餅的地方，加上椰菜，加上醬汁的美味，只不過食晒都唔會過飽超級滿足

第一次食呢間，夜晚9點幾食，無咩人，上菜好快，等幾分鐘已經有得食，章魚燒好好食，好香，仲有好多種味選擇。另外叫左碗焰。鴨配豬軟骨曲麵，仲會配埋我最愛既溏心蛋同櫻花蝦，個湯底原本都有d辣，好惹味，所以都唔洗另外再加辣，食完都唔會話好口渴。有加一服務費。

同老婆仔去食拉麵,呢間個個fd都大讚,我地即刻黎潮拜啦~今期限定款式竟然係我最愛既莞茜,即係叫返碗試試啦~仲要加埋我最愛既紫菜,無敵呀~成碗拉麵都係綠色既,一睇就知足料啦~食一啖,濃濃既莞茜味湧出,真係大滿足呀!我叫左直麵同叉燒, 叉燒大大塊,而且好腍,係我鍾意食既口感~一d都唔鞋~紫菜浸落莞茜湯到,索哂d莞茜味,真係岩哂我呢個莞茜怪!哈哈!食左拉麵,仲叫多左個小食~芝士明太子玉子燒~老婆仔鍾意明太子,我又想食玉子燒,一次過滿足哂兩個願望~$68蚊,但份量都幾多下,一人都分到兩三年,平平無奇既玉子燒入面包住好多芝士同明太子,呢個配搭真係唔錯~最後整多杯白桃一千零一夜,原來即係青檸薄荷葉特飲,再加埋白桃,夠哂fresh呀~另外仲想讚下呢到既裝修,好有日本feel呀~有一下真係以為自己係日本~雖然未有得去住,但黎呢到解下思鄉之苦啦~