一鳴拉麵

营业中

休息中

果日我地一大早去行慈山寺之後都煩緊食咩既時候 就上網見到呢間拉麵好多人介紹 所以2點幾既時候行完即刻衝去食❤️❤️拉麵最緊要就係個湯底 完全係精髓 好濃質地幾厚 係有小小鹹 但夾埋d拉麵一齊食 爽口又彈牙 真係好夾 但因為我叫左個辛既湯底 但已經叫左小辛 但都好勁 食到出哂煙 所以唔係太食得辛既朋友 可能就要試其他 或者再問 有冇得小小小小辛😂再講埋佢地小食 好味 即叫即整 但環境方面因爲係小店 所以食完我地都急急腳走人 俾下台客快d入黎食❤️

大埔墟地鐵站附近，有一間日式拉麵店，拉麵店內除咗有拉麵食之外，仲有好多串燒同啤酒，選擇非常之多，總有一款啱你食。餐廳裝修非常有日式嘅感覺，好似置身日本嘅拉麵小店一樣，感覺唔錯。章魚燒章魚燒味道非常之日式，燒汁嘅味都好好味，配上章魚燒，簡直冇得頂，加上面頭嘅木魚絲，同埋入面嘅章魚粒，真係好好食。地獄豬骨湯拉麵呢一碗地獄豬骨湯拉麵非常知足料，叉燒非常之好食，因為叉燒燒得好香，而且肥瘦適中，滑得來又唔會太肥，瘦得來又唔會太鞋，仲有櫻花蝦，令到個湯有一啲海鮮嘅鮮味，豬骨加櫻花蝦嘅味道係非常之夾，仲有流心蛋 ，有圖有真相，隻流心蛋做到啱啱好，蛋汁好香濃，蛋嘅味道會醃得啱啱好，仲有紫菜，紫菜加埋湯汁到好入味，整體拉麵非常之日式，非常之好味。巨峰士多啤梨梳打通常巨峰都會好甜，但呢一杯特飲一點都不甜，而且帶出巨峰嘅清香，而且仲有士多啤梨香味，配食拉麵非常之夾。呢一間一鳴拉麵，拉麵控係絕對不能錯過。

朋友們推介位於大埔墟嘅拉麵店好食，餐廳位於大街小巷入面，好容易可以搵到。店員隨即俾咗溫水我哋，非常體貼啊。餐牌上嘅食物多款，食物嘅圖片都非常吸引，首先點了幾款小食。一鳴創作醬伴炸香雞炸到香脆可口，食落去肉質鮮嫩，肉汁都滲頭晒出嚟，非常滋味。除此之外，唐揚章魚粒同埋芝士蟹肉玉子燒都係意想不到嘅好食。當然拉麵店主打嘅招牌拉麵不得不叫，首先在餐紙上圈出自己嘅喜好，例如麵嘅軟硬度、蔥粒嘅份量同埋追加嘅食物等，簡單而清晰。最後我們點了黑蒜鳴拉麵同埋一鳴拉麵。朋友嘅黑蒜油拉麵表面呈現黑色，但係非常香。我的一鳴拉麵表面呈現白肉色，清楚可見拉麵入面嘅配料，食落去麵質軟硬度適中，更非常入味，溫泉蛋半生熟，有入口即溶嘅感覺。每人一碗拉麵加兩三款小食已經好飽，最後兩個人埋單都只係三百幾蚊，價錢非常合理，簡直超值。

住喺大埔咁多年，經過大埔墟見到本身得一間鋪位嘅拉麵店變咗兩間連鋪位，而且好多人係出面等位，所以我哋兩個人都好想試吓。等左10分鐘左右已經有位了，餐廳裝修設計比較日式，而且枱椅以木為主。見到咁多人食拉麵，當然唔少得叫我最鍾意嘅黑蒜•鳴拉麵。賣相非常吸引，湯底好清香鮮甜，驟眼睇面頭已經有筍、溫泉蛋、紫菜同埋豚肉片，非常豐富，豚肉食落去好有口感，半肥瘦更加正。而我朋友就叫咗一鳴拉麵，麵質更有軟硬度比客人選擇，點餐時按自己想要嘅要求圈出就可以了。小食方面，分別叫咗芝士蟹肉玉子燒、一鳴創作醬伴炸香雞同埋唐揚章魚粒。不得不讚係芝士蟹肉玉子燒，食落去口感非常香滑，蟹肉份量比較多，加埋芝士醬一齊食好Creamy。總括而言，食物質素高而且好食，難怪咁多人喺門口等位，之後會介紹俾多啲朋友一齊再encore食。

今晚經過大埔街市，突然之間想食拉麵就喺附近揀咗一鳴拉麵呢間鋪頭。揀佢其中一個原因係因為個餐牌有好多選擇，個餐牌仲要非常之精美附有卡通嘅圖案。我同朋友每人各叫咗一個拉麵。除咗拉麵之外，有好多其他食物都非常之吸引，特別係關東煮、章魚燒同埋玉子燒。正當我猶豫緊揀邊樣之際，店員突然之間推介好西俾我哋—明太子牛油燒魷魚鬚，所以就試吓。拉麵總共分咗四種，我咁鍾意食辣梗係叫咗佢個「焰鳴」—秘製地獄醬豬骨湯底la～湯底好濃郁，連平時食得辣嘅我都覺得兩個辣有啲辣，非常惹味！佢唔似人哋平時出面淨係加啲辣椒油落去就算。另外仲有一大堆櫻花蝦，令成個湯底好鮮味。我配左豬軟骨，非常腍身，補充骨膠原最好。其實個拉麵嘅份量都幾多，食完個拉麵加埋啲湯，都已經有七個飽。之後個魷魚鬚，店員果然冇推介錯。先講個份量，以呢個價錢有呢個份量已經係非常超值！質素方面也不遜色，燒得好香口，但又唔會太過熟、唔會好靱，好有趙口！呢度啲嘢飲都好吸引比，佢0個個一千零一夜系列好吸引，叫咗個菠蘿味嘅。非常特別，有淡淡嘅薄荷味，食到飽飽地，呢個嘢飲即刻幫助消化。

我唔係一個好嘴刁既人，但呢間一鳴拉麵真係好令我失望，我今日中午去食，4個人叫左4碗拉麵，碗麵有黎到，個個試左一啖，大家即時有個共同意見，就係「個湯底唔夠熱」，食拉麵最精髓就係個湯底，佢地連最基本既一個熱辣辣湯底都做唔到，咁我埋單果陣同一個中女職員反映意見，希望佢地可以改善，但唔知係咪出左名，態度極之囂張，「喔」一聲之後，個中女職員走返去櫃台大喊「2號台話湯底唔夠熱，唔好食喎～～」個個講到幾咁好食，攪到我勁嬲勁失望，呢間食店，又貴又唔好食，絕無下次！

由於今晚放工屋企冇煮飯，唯有自己一個食晚餐啦！醒起放工落車附近有間一直想試的拉麵，就餓著肚皮走去一試啦！在門口要強烈地感受到小店的特別啦！餐廳內的設計也花個心思，可以看到師傅在煮食物呢！他們有數款拉麵湯底，主要都是豬骨做湯底再配合其他的材料！而且還可以選擇不同的麵條，而且還可以選擇豬軟骨或叉燒呢！黑蒜油叉燒拉麵🍜湯式十分濃郁，唔會過咸！叉燒亦煮得入味，肥廋分明，附上糖心蛋，食指又開始大動呢！😆本格鱆魚燒🐙看到不少客人都點的小食，令我也想試一試呢！$32已經有五粒的份量，算是十分抵食！而且即叫即做，外脆內亦是軟的，不會只有死實感！再次證明拉麵不只是出名的連鎖食肆才吸引，一些小區的拉麵店亦同樣十分用心製作，值得支持！

你們說哪一間食肆的拉麵最好吃？日/台式拉麵，我不是專家，況且食物喜好也視乎個人的口味，但去過大埔墟的「一鳴屋台料理」後，我可向大家介紹。「一鳴」拉麵突出的地方，正在於其拉麵的水準。我叫了一客豬骨湯底、直條、質地軟及豬軟骨的拉麵；湯底很濃郁和鮮味，呷一啖而不覺口渴；麵身很嫩滑，適合我敏感的腸胃；豬軟骨醃得入味而不會過鹹，肉質軟腍，相信是在烹調的時間掌握得很好之故。想吃一些菜蔬點綴，看上「汁燒茄子」；上碟超過十件，相當落本；茄子賣相不錯，燒得香噴噴，汁的顏色靚，味道鮮，用來送拉麵，十分滋味，真的越食越開胃。在這天的晚飯[時間，「一鳴屋台料理」內差不多是滿枱食客，大家可想像其吸引力！你們若有時候外出吃拉麵，值得試試。

在大埔墟體育館打完羽毛球後，我們三人邊行入四里，邊商討到那間食肆吃晚飯。友伴既是女士，當然由她們「發板」。經過左思右量，她們挑選了「一鳴屋台料理」，貪其「骨紙」。我是「飯桶」，不加思索便叫了「豚角煮飯」；豚肉大半瘦肉，少半肥肉，做到肥瘦相隔恰當，而且炆得非常入味，唯有不停大扒熱飯入口；況且，伴隨的半邊流心雞蛋極之可愛，那能不多扒兩啖。海鮮是我「杯茶」，吩咐侍應來過「唐揚原隻軟蟹殼」；蟹炸得香脆而軟腍，濃味之餘又不失其鮮味，味道十分之出色，可是個人的小食首選。「一鳴屋台料理」身處大埔墟熱鬧區，附近食肆林立，但以其食物質數，無須擔心客源，定能吸引本地和外來食客。

和朋友來吃晚飯，第二次來，店大了，食品的種類多了。兩個人點了太多了...櫻花蝦玉子燒、大阪燒、菠菜湯拉面、秋葵、麻醬牛肉、醬燒飯團...最後打包了三盒回家玉子燒顏值高又非常好吃！必點！拉面不過不失。大阪燒醬汁太多，秋葵是炒的，不不太喜歡，但朋友很愛。

係大埔食拉麵，通常都會諗起去味千食，但今次我就去左間隱世拉麵店，食完覺得非常驚喜。餐牌方面，除左一般可以選擇唔同嘅拉麵，仲可以俾客人不同嘅小食，包括章魚燒、關東煮、鐵板燒等等。咁我地兩個人今次就叫左2個拉麵姐，因為晏就公司食聖誕大餐食得太飽。我地最後就叫左一碗一鳴拉麵同埋限定。鳴。咁呢碗就係限定。鳴，咁湯底係黑松露雜菌豬骨湯。咁我就加多$10有櫻花蝦食下。咁d櫻花蝦都幾多，而且幾紅，味道都唔錯添。咁我亦選擇左豬軟骨，咁豬軟骨非常腍。而湯底方面，我覺得非常好食，因為d黑松露好濃，配埋d拉麵食就覺得每一口都食到不少黑松露。而呢碗一鳴拉麵就係豬骨湯，味道唔會好似其他拉麵店咁味精。而叉燒個肥瘦適中，非常好食。

今日同朋友黎到一鳴拉麵食晚餐，未入到去已經被日式的門面裝修吸引了！內裡的裝潢也十分精緻，全木造既裝潢令人覺得置身日本一樣🙆🏻主打既野食當然係拉麵啦，淨係湯底都有五款選擇，有原味既豬骨濃湯、豬骨濃湯加黑蒜油、秘製地獄醬豬骨湯、清新芫荽醬豬骨湯同限定既黑松露雜菌豬骨湯！經過一番掙扎之後終於決定左揀黑蒜味（因為對濃濃的蒜香真係無抵抗力，雖然其實其他湯底都好吸引🙈）麵條同麵質都可供選擇，至於配料則可以選擇叉燒/豬軟骨，唔食豬軟骨既我自然地選擇左叉燒👍🏻 揀完主食就再睇埋小食menu, 好多都好吸引！最後同友人選擇左芝士蟹肉玉子燒同埋超巨大芝士玉子拌章魚燒（無錯，我地係瘋狂芝士控🙈）最後當然唔少得野飲啦，我地叫左一杯荔枝熱情果乳酸梳打同一杯白桃一千零一夜（即係青檸薄荷特飲😂）等待食物既期間我地傾下計，聽下背景悠和既日本音樂，感覺十分良好。拉麵黎到既時候真係流曬口水！湯底香濃入味（我試左友人既黑松露湯底麵相當唔錯！）叉燒肥瘦適中，又夠厚肉有口感，仲要有三大塊😍 小食都令人喜出望外，玉子燒熱騰騰加埋芝士同啖啖蟹肉，令人食到唔停。另外巨大章魚燒都有豐富既配料，令人很有驚喜！每款食物都太吸引，令我地食到

最近呢間拉麵係網上平台好紅，有同事帶起組團去食於是就成事啦。同一般日本餐廳一樣，呢間拉麵舖有黃昏的落場休息時間，想食的人最好lunch或晚餐時間去免得撲空。我地就係無查時間5：45pm去到大閘仍關上，不過都係等左15分鐘就開舖。Menu係一次性使用，畫係左邊個格就可以交比侍應。除左拉麵，佢都有提供玉子燒 料理 關東煮 炸物 等等。營業時間做埋宵夜時間，如果純粹過口癮，小食特飲係唔錯既選擇，訂價亦合理。章魚燒係我的摯愛，能放入口的質素已經很少。既然正常同Jumbo size價錢都一樣，當然試特大！Menu話一粒高度有8cm，目測同水杯差不多啊~一粒小丸子正常只有一粒墨魚同椰菜，諗住好厚粉卻有驚喜♥中心8-9成係材料，反而粉漿只係係黏合作用。叫得海鮮有蝦仁、原隻墨魚仔、冬菇、粟米，當然亦有椰菜。Toppings有傳統既木魚絲紫菜碎同醬汁，另外多左櫻花蝦仔香口好多。論材料Jumbo小丸子完勝，呢個價錢多人分夠抵食。論香口就叫普通版比較好，但一份只有五粒，視乎喜好。再來黑蒜油拉麵，多蔥.普通硬度直麵.豬軟骨.少少唐辛醬。每碗拉麵都有肉一份，半隻流心蛋、筍片、兩塊紫菜，材料幾豐富。嚐辣的可以加唐

去大埔搵朋友，平時甚少黎大埔都唔知有咩好食，朋友就介紹話不如去食呢間拉麵，由火車站行去拉麵店都不用十分鐘，地點都幾方便。店舖裝修設計都係日式屋台風格令我覺得自己好像置身係日本既拉麵橫町小店中Menu印刷非常精美，有好多款食物可以選擇，有串燒、鐵板燒、章魚燒、玉子燒、關東煮、炸物小食…一定可以搵到啱自己口味既野食。黎到當然要試下佢地既拉麵，落單時可以按自己既個人喜好選擇拉麵既配料，麵條同麵質。我本身就鍾意食辣，所以叫左碗焰鳴，濃郁既豬骨湯底再加上辣肉同櫻花蝦非常野味。朋友就叫左碗一鳴，原味既豬骨湯拉麵。另外再叫左兩小食一齊share，一鳴創作醬伴炸香雞同豬頸用串燒。炸雞炸得好趣又香口，咬落去juice有肉汁，加上特式既蛋黃醬係perfect match！

這間拉麵店位於兩幢大廈間的小巷中，沒有有突出的牌匾也沒有廣告，甚是毫不起眼。偏偏未到六時店家仍未營業，外面已站滿一群等食的人，口啤像是不錯。因為看到動新聞介紹他家的特色小食，老遠入大埔吃拉麵。餐廳主打拉麵亦身兼居酒屋的角色，照顧不用客源。首次到訪必然要嚐拉麵。最有綽頭的限定鳴是黑松露口味，配上拉麵店自家配方的招牌豬骨湯。每碗拉麵跟日本拉麵店一樣，由麵條至配料都可以度身設計。湯頭是濃郁的豬骨湯，骨膠原大概已融入湯中，鹽分沒有太多用餐後沒有口乾。黑松露味道自然，湯中充滿粒粒菇碎很實在。選了曲麵比較闊身，有點像沾麵用的麵條。而湯底也是蠻濃厚，曲麵剛好能吸上更多湯汁。不過我要的硬麵似乎是普通麵質，是麵條本質比較軟綿綿嗎？叉燒是厚切五花腩肉，一共有三塊！外面的拉麵店只有一至兩塊，而且是薄得一夾就碎那種，通常都要追加果腹。豬肉被火槍燒過，油花在口中湧出很滿足。摩登燒份量很誇張，如果單點這個足夠兩人分享，已經以拉麵作主食的話至少四個人才點吧。底部為椰菜粉漿，然後是煙三文魚片，再來超多炒麵加上滑蛋跟調味料。以上是錯誤示範，要用配上的鑊剷像切pizza一樣分件。明太子醬及燒汁不少，加上滑蛋半熟仍有蛋汁，