一鳴拉麵

营业中

休息中

今日突然好想食拉麵，嚟咗呢間小巷到嘅日式拉麵鋪，一入去就好有日本拉麵鋪嘅Feel☺️☺️Lunch Time嘅Menu有拉麵，御好燒，炒拉麵同飯都算多選擇🤗🤗我點咗個黑蒜拉麵，一黎到已經聞到香濃嘅黑蒜味，湯底濃郁，麵質口感煙韌有彈性😋配左豬軟骨，紫菜，粟米，糖心蛋夠入味夠糖心，另外佢仲俾咗隻未剝殼嘅蛋我，初初我以為係生蛋🙈之後先發現係一隻糖心蛋，跟住我就放喺啲湯度浸左陣，連湯一齊食，雖然唔知係咪咁食，不過佢啲糖心蛋好好食，推薦蛋心蛋👍🏻👍🏻

已經有好多年冇去大埔食野啦，上網睇左喔間拉麵好似唔錯，終是趁今日得閒就去試下🙈🙈因為我係個路痴，所以唔係好識行過去，無奈之下我只可以打電話問點行過去，佢地nice同好仔細咁教我點行過去，臨收線前仲同我講真係唔識既再打黎問佢地，真係好感動😭😭其實只要係大埔虛火車站A出口轉右沿住右手邊行，唔使過馬路，就會見到運頭行，見到運頭街就自然搵得到間鋪，好易搵👍🏻哩個係Lunch menu,都有好多野揀而且好抵😍我叫左碗焰 鳴拉麵（曲麵）中辣，揀左叉燒，另加紫菜同櫻花蝦，份量滿滿，見到都流口水😋😋推介佢個叉燒夠厚、入味、入口即融唔油膩，而且有好多舊叉燒，唔似出面某d拉麵舖得一塊薄到冇朋友既叉燒🙈黎哩度叉燒一定要試下👍🏻👍🏻加$30轉套餐，有一杯特飲同一款小食士多啤梨梳打，酸酸甜甜章魚燒外脆內軟，入面有大大粒既八爪魚，吃得好味睇得出用心制做👍🏻下次夜晚再黎試下佢其實野食，讚讚讚👏🏻👏🏻👏🏻

今日嚟到大埔一間好有特色嘅拉麵專門店叫做《一鳴拉麵》。首先叫了一碗拉麵名字叫做「黑蒜。鳴」，呢碗拉麵相當特別， 湯底非常濃郁惹味， 麵條本身軟硬適中，配料亦相當充足，加埋佢好大塊嘅叉燒，再有一隻溫泉蛋同埋紫菜，仲有一些粟米， 加埋湯底相當濃郁，除咗食麵之外，個湯都差唔多飲曬，一個人食真係啱啱好份量，必食。「鹽燒雞翼」兩隻大大隻，燒得相當香，加埋佢哋嘅特製鹽嚟燒，塊雞皮真係好香脆，咬落去雞翼相當新鮮，不是雪藏，肉汁即刻滲頭晒出嚟，而且雞肉好滑嫩，再加小小檸檬汁，更為滋味，又係必食推介，正。「一鳴炸雞」，雞塊每一件都好大嚿，炸得相當香脆呈現金黃色的，外脆內軟，食落去雞肉很嫩滑新鮮，估唔到拉麵專門店嘅小食都有驚喜。「芝士蟹肉玉子燒」同樣地賣相相當吸引，陣陣芝士蟹肉味道離遠都聞到，玉子蟹肉燒蛋用鐵板上，可以保存食物嘅溫度。熱辣辣嘅一大件玉子我哋將佢切成六件，玉子燒食落去好滑，而且每一件玉子燒入面中間嘅蟹肉份量非常多，再加埋佢面頭的木魚，食落去有唔同嘅口感，而且好新鮮，好想再encore啊。拉麵店入面還有很多其他款式嘅食品，例如有新鮮運到嘅刺身，壽司，林林總總嘅食品，包羅萬有。飲品方面，有啤酒，

等左好耐今日終於能一嚐芫荽拉麵!原來有2個入口點知當日唔知係咪壞冷氣...........熱過跑步呀....(隔離台講)免費加麵同午市送隻糖心蛋(下圖)可以落單時加麵或者食完再加麵~大食的人有福了唔知有無限只加一次?好好笑, 問店員1辣d定3辣d, 佢話3辣d, 咁你要咩辣???我揀完1, 佢就話唐辛醬無晒~咁你問我要幾辣做咩菠菜直麵~ 直麵即係一蘭果d麵~唔錯唔錯~湯底有豬骨又有菠菜味~食完個咀唇好粘~好有骨膠原~不過叉燒薄左d同埋有1/3肥膏紫菜唔脆芫荽曲麵~即係極太麵?麵都係唔錯但豬軟骨d骨好硬...可能上錯左比左豬硬骨我本身d帶子變左做蟹柳....但牆上個黑板餐牌無改個湯........芫荽愛好者表示 無感芫荽只能做配角嗎?????????????一路食一路標汗室內熱得很食完即刻埋單走人總結:環境就居酒屋咁啦~坐到20人左右~但好熱好熱~條街仲涼過佢一坐底就有冰水奉上有日本的感覺價錢就非常抵~拉麵黎講真係好少咁平仲可以免費加麵~但餐牌無寫加蛋要$10~會黎食番豬骨湯底再評分

之前睇過某個介紹食物既post, 咁岩係附近做完野, 同同事提起就去左一鳴拉麵到試下。一入去其實都見到個環境係好似置身日本咁, d燈光暗暗咁樣, 牆上掛唔同既海報同畫, 都係d日本風既畫風, 就算好肚餓都會忍唔住定睛去欣賞。 而且門口位置都有同食店有關既報導, 都係介紹店鋪既拉面為主。其實一鳴拉麵係居酒屋, 專程黎到緊係要咩都試下, 除左拉麵, 都打算叫個小食試下。拎起個菜單, 係有d驚喜, 因為唔係就咁一張滿係字既菜單,上面仲有種種唔同既食物畫, 幾得意。點菜方式, 都係係上面畫數字, 簡單方便。拉麵可以有4款選擇, 分別係焰鳴,黑蒜, 一鳴同翠鳴, 係唔同湯底, 之後仲可以按唔同需要選擇返要直麵定太麵; 麵質軟硬, 有無蔥, 配料同埋要唔要唐辛醬。點好左菜同同事傾下計, 感覺幾捨意, 因為店內枱既數目比較少, 招待客人既數量都比較少。環境靜靜地, 方便我地傾計。等左一陣d野食終於黎到, 我既拉麵點左焰鳴, 係辛辣湯底, 唔嗆喉仲好香,上面仲鋪左好多櫻花蝦。 我要左叉燒做配料, 意外係好軟既口感; 當中最鐘意食都係入面隻溏心蛋, 一啖放入口! 我仲嗌多左個櫻花蝦玉子燒。 原條直接上菜

聽朋友講大埔有個正既拉麵！好有日本feel!入到去就見到個拉麵廚房！好似真係好左日本咁！見到個菠菜拉麵好特別咁！就決定食佢啦！拉麵有叉燒同流心蛋等配料！個湯底好好食！有濃濃既豬骨味同菠菜個種清清地既感覺！仲見到有菠菜蓉係入面！流心蛋勁入味！好好食！日式叉燒夠林夠入味！少少肥又唔會好油膩！太麵夠哂彈牙！又掛湯！另外叫左個秘製炸雞！炸雞炸得超香脆！一d都唔油！而咸炸雞最特別既地方係佢個醬！小小辣又似似地沙律醬好正好惹味！

區內的拉麵熱店, 週日午市要等位. 小店坐得較迫, 冷氣不夠, 夏天食拉麵會汗流浹背. 拉麵$68碗, 加$18有汽水和4隻餃子或炸雞, 另收加一. 點了碗燄。鳴, 即地獄豬骨湯拉麵. 湯底入口已經辣到嗆喉, 辣勁十足, 辣中仍嚐到濃厚的豬骨湯底, 不錯. 麵條可選直身或曲身幼麵, 個人喜歡後者口感較彈牙. 配料就有豬軟骨、半隻醬油蛋、筍干和櫻花蝦干.另外還點了碗限定。鳴 - 芫茜豬骨湯拉麵, 乃順應近排日本飲食潮流之作, 幾特別. 芫茜味適中, 不會太搶, 愛芫茜者可以一試. 配料除了叉燒, 本來還有燒帶子, 不過當日賣晒, 轉了蟹柳.

估唔到大埔都有一間隱世拉麵店，位於大埔墟一條小巷入面，去到已經好多人等緊位，等左大約15分鐘就有位了。餐廳環境設計有吧枱， 以及二人四人枱，主要以木為主，木嘅設計配合餐廳嘅日式拉麵概念。除咗有幾款拉麵選擇之外，仲有各類唔同嘅小食，我哋首先叫咗「黑蒜。嗚拉麵」，拉麵湯底以豬骨濃湯配以自家製黑蒜油製成。另外，餐廳好貼心體貼，比客人可以選擇拉麵嘅軟硬度，我哋就揀咗最軟。拉麵賣相好吸引，配以蔥花、燒肉、溫泉雞蛋同埋兩大塊紫菜等等，拉麵比較幼身，而且非常入味，咬落去有口感，味道好濃郁，兩個人share好快就食晒。小食方面首先叫咗「芝士蟹肉玉子燒」，玉子燒好大件，用鐵板上可以保存玉子燒嘅溫度，玉子燒面頭仲有好多木魚，食落去有幾種口感。除此之外，芝士蟹肉喺玉子燒入面，非常足料，而且味道剛剛好，唔鹹唔淡，好正。「鹽燒雞翼」同埋「一嗚炸雞」炸到好香脆可口，雞翼好大隻，面頭塊皮燒得好香脆，仲有啲七味粉喺雞翼上面，食落去更加滋味。炸雞炸到好香脆，肉質非常鮮嫩，肉汁都滲透晒出嚟，呢度啲小食果然一流。埋單都只係二百幾蚊， 就有咁高質素嘅食物，除咗拉麵之外，不得不試佢啲小食，竟然出乎意料之外，有驚喜。

大埔人搵食真係勁方便，單係大埔墟近街巿嘅食肆多不勝數，今日就試下運頭街呢邊嘅舖頭。一鳴拉面。拉面店外保持一貫木制裝修，隱約睇到入面嘅拉麵檯。坐低之後就將注意力放晒喺張菜單度，頭版係揀拉面，之後係其他小食，原來仲有炸雞串燒架。我就揀咗原味嘅一鳴湯底，叉燒，硬面，少辛。仲有試埋呢度嘅炸雞。喺等緊食嘅呢一刻，坐喺拉面檯望住師父認認真真地制作自己嘅拉面，個心情真係好期待，見到佢地煮面都有幾個步驟，功夫一定唔少。拉面上檯喇，已經聞到好香濃豬骨味，先試下個湯，一啲都唔肥喎，濃而不鹹，個面真係配合到我個口味，靭度啱啱好，因為我女朋友個碗係揀正常靭度，而我就揀咗硬，真係做到有分別，明顯曾經喺時間方便有所控制，唔會求求其。叉燒吸收晒醬油亦鬆化入味，肥瘦適中。中段有炸雞上檯，令我不得不叫啤爽一爽，仲估唔到有生啤，補足返我呢啲大食怪，拉面店嘅炸雞竟然比美韓式做的，又香又酥，配合芥醬，再送埋啤酒，又係一大享受。再講，賣相都靚仔吸睛。呢餐整體我覺得每樣食物都有佢獨特之處，睇得到有心機嘅制作，食得到應有嘅味道。

去大埔墟買屋企野，行到過去突然之間見肚餓，天氣又熱食啲濕濕地野就最好。本來想去食牛腩麵，但見到對面行仔有一間門面好靚嘅拉麵，見到原來都好多推薦喎， 咁就一於入去試吓。拉麵湯底都會有四款，我自己鍾意食辣就叫咗焰鳴。今日佢嘅限定湯底係芫荽豬骨濃湯加帶子，應該都會幾特別，不過第一次都係試咗佢個辣底先，另外叫咗幾串串燒過下口癮。佢嘅拉麵都有兩款揀有直面同曲面，見湯底係豬骨湯所以揀咗直面普通軟，冇咁heavy。配料就揀咗豬軟骨，啖啖肉應該好正。辣度方面我咁食得辣梗係揀三辛！拉麵一到，睇個樣都已經相當驚喜！好多櫻花蝦，一定好香口。試一啖湯先，味道真係好濃郁，配爽口嘅直面簡直無敵！豬軟骨夠大件又入味，雞蛋流心。重點係佢個辣醬，肉碎夠多又夠辣！食到出晒汗個感覺相當之爽。食完個面，串燒到汁燒牛舌睇得見咁juicy,牛肉味又香濃，果然係人氣之選！大蔥串燒竟然充滿牛油味，好香，有驚喜！墨魚咀選用左汁燒，好少見，冇平時咁乾身，保留返墨魚鮮味。鹽燒雞軟骨，做得好香口，加埋七味粉夠晒邪惡！估唔到大埔都有咁出色嘅拉麵小店！下次試吓佢個限定湯底先。

大埔好少唔係連鎖嘅日本餐廳何況係拉麵店呢間店有兩個連住嘅舖位都算幾多人 差唔多full哂同friend order左兩個拉麵同一個小食第一個係招牌一嗚拉麵配叉燒揀左硬度嘅直麵同2度辣醬直麵本身無咩彈性再加埋揀左硬度所以有種好難消化嘅感覺叉燒偏肥 肉比較少2度辣撈完個湯就唔係好feel到第二個係辣湯拉麵配豬軟骨中度軟硬嘅曲麵同1度辣曲麵質地有彈性好多有少少似公仔麵易入口好多豬軟骨普普通通不過都幾大舊湯底好夠味夠辣但又唔會仲太heavy嘅感覺推薦食得辣嘅朋友一試👍🏼👍🏼之後小食叫左芝士蛋卷清清地咁但就略嫌普通芝士都無傳說中嘅拉絲蛋味都無味所以唔會再試整體黎講小店算係咁上下都係推薦大家食辣😋

架貓今日食日本美食。拉麵唷。呢間拉麵之前好想食，今日見落雨，天氣涼，就去食碗熱拉麵。貓貓既焰鳴拉麵成碗紅色，成個拉麵既外表同日本既一模一樣，好靚。貓貓本身食硬不食軟，order左硬既拉麵，食左一啖拉麵，係貓貓喜歡的質感。湯底熬得夠味，好濃郁。湯底加左櫻花蝦，成個湯好鮮好惹味。豬軟骨葉得好夠味，同辣既湯底一齊食，味道豐富。貓貓鍾意豬軟骨夠多，食得好飽同埋口感好好，貓貓食左個嘴啦。雖然係辣既湯底，但貓貓依然飲曬所有拉麵既湯，因為好難係香港搵到同日本食既湯底一樣既湯。貓貓今日好開心唷。貓貓既燒雞腎好爽口。好厚好彈牙既雞腎，加左七味粉好惹味。最衰貓貓今日黎野，如果唔係，貓貓一定order啤酒飲。

大埔有很多食店，交通都方便，而我又喜歡食拉麵, 去了一嗚拉麵食晚餐，店內環境有一種日式店的氣氛，當叫餐時都周圍望望。食個燒三文魚餃，一開始被燒魚肉吸引，魚肉好香滑美味，魚又新鮮外型又靚，魚的油香足以令人想一口食左佢落肚，夾到咀邊又會放慢來品嚐，好有口感。秘製地獄醬豬骨湯底拉麵，配以蝦米仔同肉鬆攪拌在拉麵中，個種好味已分不開配料了，再加好味的蛋和蛋黃，成個配搭好香口，同夾雜著蝦及肉鬆的鮮甜，令拉麵出奇地滑身。

近來工作不太順心，處處碰著釘，每逢出擊就失敗，本來想離港旅行，但是老闆不放行...食碗拉麵當自己去左吧？由於天氣實在是太熱了，好像是打颱風，坐下來先叫了巨峰提子梳打特飲，初飲時味道不太明顯，但後來提子味很重，飲品是有氣的，一飲入口直到胃再嘆一啖大氣！真是順心又爽YY！點我最愛的拉麵，黑黑的拉麵正好配我的心情，拉麵是黑蒜。鳴拉麵，豬骨湯加埋自家製黑蒜油，配料這次選了豬軟骨，豬軟骨很入味，軟骨一咬就爛，軟爛可口，味道亦好燶，湯底本身已經是豬骨濃湯，加埋黑蒜油就更加濃！蒜味很香又不會覺得難聞。麵質這邊比較特別，有得揀直同曲，我自己覺得直比較好食，曲有點似公仔麵，直麵好軟滑，食起來質感較好。為了獎勵自己，我再叫了「芝士蟹肉玉子燒」，由於即叫即整，所以等左一陣先有，芝士汁好明顯，一咬就會有點芝士必晒出黎，口感豐富，蛋卷又厚又大，蟹肉係真蟹肉，絕對不是蟹柳，所以$78很抵食！玉子燒的蛋漿會在切開時爆開一點蛋汁，感覺似溏心蛋般，顏色亦好靚，這個不錯！享用完拉麵，我當自己去了一轉日本了，滿足！

早幾日碌FB,發現一鳴拉麵出左期間限定既芫荽拉麵，同男友都係芫荽控既我，當然趁收早飛奔去食啦！其實一直都好鍾意食一鳴，不過多數都係下晝黎，原來夜晚裝修更顯日本風。晚市選擇有很多而且仲有串燒食，拉麵都係個五款，期間限定當然係我既目標，芫荽啦！香麻醬冷牛肉麻醬超多，牛肉好有咬口，加埋配菜：生洋蔥，芫荽等，開胃小吃。炸鷄軟骨香口，唔會好多粉，不過俾多啲沙律醬會開心啲焰鳴雖然為芫荽拉麵黎，但又驚中伏，所以都係叫左個正常架先提大家辣度有三級，三辛係最辣，今次叫左曲麵，麵身彈牙，曲麵可以吮到更多湯汁，湯底一如既往濃厚今日重點！限定。鳴芫荽拉麵！聞落唔會太攻鼻，食落似芫荽皮蛋湯但因為個底都係用豬骨濃湯所以都會好濃厚。限定鳴仲配帶子。帶子有用火槍燒過，彈牙唔會過熟，完全唔伏！提提大家，限定款係不定時換架，芫荽控要試就快喇！