一鳴拉麵

营业中

休息中

平時收工經過左幾次呢個拉麵舖經常見門口都係大排長龍今日收工路過 把心一橫決定食一食有唔同嘅拉麵湯底可以試今次就試咗一個黑蒜味既湯底個湯係由豬骨濃湯配以自家製黑蒜油淆制整成的拉麵入口有嚼感 爽口不會太幼身吸左啲湯味 有好濃郁嘅黑蒜味另外仲叫咗唐揚章魚粒食到停唔到口 好滋味炸得香脆又唔乾身食落口感爽脆細細粒加埋啲沙律醬令人停唔到口勁有衝動想叫多一碟嚟食 好推介之後見到格離台叫咗個芝士明太子玉子燒好似好正就跟風叫咗個玉子厚身有口感 明太子又惹味果然冇叫錯來吃 有樣有味道明太子加埋玉子燒嘅配搭簡直絕配。食左熱烘烘既拉麵飲返杯青蘋果白桃乳酸梳打甜甜酸酸 又唔會蓋過果味下次收早要再食食呢間一鳴拉麵住大埔既朋友認真要食下！

一鳴拉麵，係我係香港食過最好食既拉麵一鳴拉麵，係我係香港食過最有日本水準既拉麵一鳴拉麵，一入鋪就會聞到好強勁既豬骨湯味，原來。。。。係香港食拉麵嗌辣湯通常都係中伏，通常完全唔辣，或者係豆瓣醬拉麵，什至係港式辣椒油溝拉麵，但因為呢張poster比左信心我，嗌左個地獄拉麵隨拉麵附上左好多海姥係毫無戒心下就飲左啖湯(我嗌左兩椒辣)哇，媽，好辣呀，但又勁勁勁好味我自問非常食得辣，完全冇諗過會比呢碗辣麵ko左，不過因為太好食，我又好enjoy被ko既感覺，係飲左好多水下食哂成碗拉麵。除左超讚既湯外，麵都係非常非常高質素既真日本拉麵而老公就嗌左巨大饅魚壽司，水準都比好多餐廳高質素，不過就未算係爆cp除此以外，仲嗌左章魚小丸子，都係水準好好，但又未算爆cp係香港，好食少少既拉麵都一定過百，而且都只係叫”好食少少”，但一嗚拉麵雖然只係七十幾蚊，但佢唔止好食咁簡單。直頭有日本水準，能夠係思鄉(日本)食到咁高質素拉麵，好感動一鳴拉麵，真係一嗚驚人，下次我會謙虛少少嗌個一椒拉麵。。。。

同朋友行行下大埔忽然間想起雜誌介紹過間拉麵好似好好味咁決定要去食一食一入到鋪已經好有日式感覺 鋪面唔算大 但都已經坐滿唒客排左陣都唔算太長時間呢間啲拉麵 佢係可以俾你自由配搭 我就選擇咗豬骨濃湯同硬身麵平時少食硬身嘅面 想睇下岩唔岩自己口味呢間又真係煮得岩岩好唔會太硬 剛剛口湯底係拉麵既精髓 好濃郁入口都唔太油除咗拉麵我哋仲叫咗佢個芝士明太子玉子燒嚟食 佢一切開啲芝士係拉絲架！ 多麼的邪惡！玉子又厚身 芝士配明太子 最適合不過！另外叫左個章魚粒粒 表面炸至金黃色肉質依然多汁又鮮味 唔會老火冇諗過原來有河豚乾食 食落有啲似甜薯條 甜甜地杯飲品青蘋果一千零一夜果味夠又夠冰涼食完拉麵成個人好熱飲返杯凍野就是爽到食完埋單果下先發覺有黑松露豬骨湯底！下次一定要入大埔食！

近期大埔墟附近開咗好多間拉麵店，今次我哋就試吓《一鳴拉麵》。由於實在太肚餓了，我哋首先叫咗啲小食醫吓肚。本格章魚燒一份有五粒章魚小丸子，上面有沙律醬同埋燒汁，食落去外皮香脆，入面有好多魷魚粒，非常足料。芝士蟹肉玉子燒玉子質感猶如牛奶般絲滑，食落去中間有流心芝士，質感軟綿綿，非常入味。除此之外，鹽燒雞翼同埋一鳴創作醬伴炸香雞同樣地外脆內軟。拉麵方面就叫咗烏卒卒嘅黑蒜。鳴，拉麵好入味，充滿着好濃郁嘅豬骨湯味道，而且豚肉好大塊，半肥瘦，唔錯。而飲品方面，有啤酒、各款汽水同埋波子汽水，仲有特色飲品，任君選擇。總括而言，拉麵🍜非常有特色，而且湯底濃郁，簡直可以媲美日本嘅地道拉麵，最後埋單都只係＄400，每人平均消費＄200，好抵食。

大埔墟隱藏着隱世拉麵店，由細街入面嘅一間鋪頭做到兩間連鋪嘅一鳴拉麵，點都要去試吓。餐廳好日式Feel，裝修設計以木為主，牆壁上貼滿日本海報，好像置身於日本居酒屋一樣。其實主要想試試拉麵，一共有五款拉麵選擇，而且最後限定拉麵係不定期更新，餐廳以廚師發板調製，富有神秘感。我比較喜歡黑麻油的味道，所以就點了黑蒜鳴拉麵，麵質軟硬度適中，而且有我最鍾意嘅蔥花，湯底非常濃郁，配以豬骨濃湯更香濃美味。小食方面，有我最鍾意嘅熱辣辣玉子燒，而且有多款選擇，櫻花蝦海苔玉子燒賣相好吸引，面頭真係有一隻隻嘅橙色櫻花蝦，配以燒汁同埋香滑嘅滑蛋一齊食，特別creamy。鹽燒雞翼一串兩隻，燒到恰到好處，外面雞皮香脆，肉質鮮嫩，唔錯。除此之外，仲有汁燒茄子、秋葵串燒同埋炸雞等，同樣地香脆可口。

大埔不嬲無咩日本拉面店！今日去完整陶瓷 就去附近搵野食！ 出門排左好多人 梗係吾執輸！見到出面都貼左好多雜誌推介等等！為食既我，一定要試下係米真係咁正！值得咁多人排隊叫左個黑蒜油豬骨拉面！ 個湯底好似好似一蘭！但味道無咁濃同無咁油！ 黑蒜味重！佢有張紙！有得選硬度 直/曲面！蔥！辛辣醬等等！但我點左2級辛辣都吾辣！如果想要小小調味！ 可以加到3級！本身已經有糖心蛋！吾使另外點！ 但佢果蛋偏軟身！叫左一粒大大粒既小丸子！ 入面妹蛋海鮮料！出面都有好多櫻花蝦！完全好當造！ 2個人share先會食得哂啊！ 坐係bar台度！師傅係你前面整！有得睇有睇食啊！仲叫左個牛舌串燒！就有小小失色！可以再入味d! 不過哩個價錢黎講！已是超值！！

入到去嘅環境俾人一個幾舒服嘅感覺，入邊嘅佈置都好有身處於日本嘅感覺，居酒屋來講個感覺真係唔錯，好適合約埋一班朋友夜晚過嚟飲酒食下。去到居酒屋嘅地方第一時間梗係要叫番杯有酒精嘅飲品先啦，我叫左杯西柚燒酒梳打，但係佢嘅味道清清甜甜焼洒味不重，好容易入口味道都唔錯。之後再叫多咗杯荔枝熱情果乳酸梳打試吓，佢呢杯酸梳打同出邊嘅乳酸梳打唔同，偏向濃厚但係又唔會話太甜，但係如果你係想要啲好似汽水清爽嘅感覺就唔係太適合喇～除咗嘢飲當然唔少得嘢食啦，第一次食就食佢嘅一鳴拉麵有太麵揀，對我呢啲湯底狂嚟講真係冇得頂！佢嘅湯底幾香同埋有種濃厚嘅感覺，同事又唔會覺得味道太重，啱啱好～小食方面點左牛舌口感非常爽，但係個人覺得個汁較濃。年糕有蜜糖襯托真係好正～牛柳粒同埋豬頸肉配酒一齊食簡直一流～ 呢度絕對係一個同朋友飲酒食小食傾計嘅好地方～

一入到店舖，播著日文歌，好有日本裝潢，而到了晚上7點，客人都偏多，店舖會提供張紙給客人下單，裏面會根據我的要求而下單，十分多選擇，甚至有得選擇甚麼麵。湯底我選擇了香菜豬骨湯底，當中要曲麵和多葱，第一啖喝湯底，發現好重香菜味，而且又有好濃郁的豬骨味，幸好我選擇這湯底！我要求葱多，師傅亦會下很多葱，啖啖吃到葱，令到每一啖拉麵都好爽脆，我好喜歡！附設刺身帶子，好新鮮，而筍十分爽脆，另外豬軟骨的肉厚實，份量又多，吃下去起碼有5舊吧！溏心蛋雖不是重流心，不過都香甜，重滷水味。而小食方面，串燒雞腎十分爽脆，配料有脆蒜和葱，亦不會太有咬口，煮得剛剛好。串燒雞翼吃下去甜甜地，當中的香料令到雞翼變得不平凡，而且另有檸檬解油膩感。最後值得一讚是員工會主動幫客人加水，好細心！

今次有空去一鳴拉麵吃拉麵，還很不錯。實在是十分肚餓，於是和朋友在六點正等候。比我想像中多人。一開門就很多人入去。內面的裝潢真的很像到了日本，裝飾得很像日本本地餐廳。我和朋友被叫到坐在廚師師傅的前面，看見食物一碗一碗的拿岀來。服務員也每次看見我個杯沒有水就很快添水。先是叫了一個黑蒜拉麵要曲麵，叉燒，走蔥。然後點了兩個串燒分別是豬頸肉及雞軟骨。黑蒜拉麵來的時候黑色一碗令我害怕得吃完嘴巴和牙刷變黑色。拉麵幾大碗幾飽肚。我選了軟的麵，來到的還好地軟，可以稍微再軟一點。豬頸肉一碟有兩串，個人認為不夠咸，可以再多點椒鹽味。之後一碟雞軟骨有一件，十八蚊有一件串燒。而我的朋友點了椒鹽雞翼和雞腎，賣相也不錯。見餐牌有波子梳打等等飲品。可惜最後沒有點到。一鳴拉麵還可以再來多次吃的餐廳。

店內是日本居酒屋裝潢，燈光也用暖色系，很適合三五知己喝酒談心。飲料如預期般先到 叫了兩杯梳打，一杯有酒精一杯無酒精。西柚燒酒梳打超易入口，不覺有酒味，酒量差的就要小心點嘍～ 荔枝熱情果乳酸梳打記得先攪拌再喝🙈很濃厚的乳酸味，不會感覺水太多稀稀的  麵好像是主打？叫了一個太麵底的，麵卷卷很Q彈，我最愛的京蔥超多～當然也可以跟店員說不要指定配料  牛舌外觀太吸引了，吃了一塊才拍照。原身的超多汁，不會難嚼，醬汁有點濃，配麵配酒一流  芝士年榚是輕微烤過？外面脆脆的還配上蜜糖，比其他店的更多細節💕  推薦牛舌和乳酸飲料！

黎到大埔，呢間小店裝潢別緻，充滿濃厚日式風情，飢腸轆轆既我一下子就被吸引。坐低唔洗兩秒，店員隨即奉上一杯水，非常貼心。睇餐牌先知道呢間除左係拉麵店，同時亦係一間居酒屋。除左拉麵以外，仲有炸物，關東煮，串燒等等。我見到好多枱都有嗌章魚燒！鍾情於食拉麵嘅我，都係揀返拉麵作主食。我最鐘意周圍去處發掘啲特別既湯底，呢度有五款湯底可供選擇，其中最特別嘅係有芫莤醬混豚骨湯底，同埋黑松露雜菌豚骨湯。係幾番掙扎下，我揀咗後者。湯底有黑松露蘑菇湯既影子，感覺有少許似西式湯。黑松露味道突出，湯底質感較濃稠。麵條掛湯能力高，每啖都充滿黑松露既香氣，完美咁同豚骨湯融為一體。配料有得選擇叉燒同豬軟骨，個人比較鐘意叉燒，而且份量好慷慨，整整有三大塊，仲好厚身，味道係OK既～蛋都幾入味～嗌左杯青蘋果白桃乳酸梳打，味道較甜。不過呢個湯底食到最後有少少膩。今次一個人食，淨係嗌左碗拉麵，冇機會食到其他野食，比較可惜。聽到隔離枱個女仔大讚芫莤醬豚骨湯好味，下次有機會嚟大埔都要試下！

自己唔係大埔人，見到大家對一鳴咁好平，就不妨試試。sorry，今次無影相，我點嘅係黑蒜叉燒硬直麵。幾分鐘後，麵就已經到。以我慣性會做嘅係試試湯底，湯底只係暖，小小煙都無，完全唔夠熱。味道方面，豬骨唔夠濃，黑蒜只係簡單幾滴黑蒜油，真係無大家講得咁出色。至於麵方面，夾起後放喺口附近已經聞到好重嘅鹼水味，一咬，鹼水味更加勁，甚至覺得有陣"壓"味，有好幾啖真係好勁。食完後，20分鐘倒開始口乾同埋喉嚨有一陣好膩嘅感覺。食後感: 雖然呢個價錢以拉麵黎講係唔錯，不過我覺得可以有其它選擇。。。。

今年情人節都係算叫做係涼涼地嘅情況下食咗個拉麵🍜 呢間拉面鋪好多人，好彩我哋有提早訂位先至入到去！呢度嘅裝修好有日式風味，令我好似去返日本咁樣。一如既往我都叫咗個豬骨湯拉。佢呢度拉麵嘅湯底同埋某大拉麵鋪嘅味道10分相似!可以話有過之無不及嘅! 風味絕對值得一試，更加難得嘅係佢呢度嘅叉燒肉身厚得黎味道又濃郁，唔似一般嘅拉麵鋪嘅叉燒薄得來又唔入味！絕對滿足唔到我啲重口味嘅人。但今次就啱晒我啦，佢嘅糖心蛋都好正蛋同紫菜都唔需要額外加錢十分超值！小食方面，我叫左個鹽燒雞翼再加多一個明太子芝士煙三文魚摩登燒。呢個摩登燒原來係用面底來做，鑊氣十足、味道濃郁！加上面頭嘅芝士同埋明太子可以話係一絕。一般來講拉麵嘅份量都唔夠，加埋一個摩登燒可以話令我滿載而歸，非常之飽❤🍴仲有淡淡的煙三文魚肉我罪疚感十足但最後都比我食晒😋😋🤘🏻

新年快樂~~祝大家狗年事事如意，一本萬利！而我？當然希望可以繼續吃喝玩樂！！新一年我就用新的形式推介更多物質吧~~哈哈！這次介紹大埔的一間橫街小店，非常有特色，而且很有風味！食物也很有水準！！ 原來這間拉麵店已經得到過很多的食評推介，是必吃食店之一！wow~~ 一人一張紙，選擇自己喜歡的口味~~由於當日我病病地，所以選了不辣的，下次希望可以品嚐到辣的味道！一鳴是指豬骨濃湯，我選的黑蒜‧鳴是指配以黑蒜油的豬骨濃湯，另有焰‧鳴，香菜‧鳴和限定‧鳴。我朋友叫了焰‧鳴，是辣的。大家到來可以試一下喜好的湯底哦！ 另外，由於大食，所以我都點了一個海鮮御好燒！這個有點厚度上的驚喜，哈哈。 後加套餐，一杯飲品和一個小吃，不過這個追加比想像中貴。 店舖都有特色，特別這次坐在bar枱位，望著大廚一碗一碗麵出爐，真是太好了。 章魚燒先到~~兩個人吃三粒有點難搞，哈哈。這個章魚燒的確不錯，喜歡外脆內軟的感覺，入面料多，章魚一大粒！好開心~~ 之後小吃二選了餃子~~這個要一點時間才會上到我們面前，煎得剛剛好，而且味道不錯。 焰‧鳴~到~~~不用加錢就有櫻花蝦啊！ 辣度很強，不過就吃不到其他味道了！呵！麵處理得

雖然舖位較偏，但舖內裝修得幾有日本風格，重有幾熱門嘅日文歌湯拉麵炒麵都幾好味湯拉麵個湯底幾夠味，炒麵有章魚燒嘅味，都幾好食建議夜晚去食，lunch menu 選擇唔多，得湯拉麵揀得落手