一鳴拉麵

营业中

休息中

住左係到咁耐都未黎過一鳴，真係枉為大埔人。今次又做無飯家庭，又凍凍地，食碗熱騰騰拉麵就岩哂啦。一鳴（豬骨濃湯拉麵）呢到既拉麵有好多選擇，我就叫左太麵配豬軟骨。另外再加$10加左大家都大力推介既櫻花蝦。一上台，賣相已經覺得好吸引，即刻嗒下個湯底先，豬骨味濃，配埋櫻花蝦就更加為個湯底加分啦。豬軟骨份量都幾多，有四五舊，唔會話腍係太緊要，有d咬口，唔錯。半熟蛋同樣出色，時間控制岩岩好，達到半流心效果。飛魚子章魚燒本身想叫超巨大個粒，以為款款都係啦，就叫左個飛魚子口味，黎到有7粒正常SIZE原來係寫明JUMBO個兩款先係。不過唔緊要啦，最緊要好食！章魚燒即叫即整，外皮脆卜卜，入面餡料豐富，再加埋沙律醬同飛魚子，YUMMY！巨峰士多啤梨乳酸梳打拉麵配梳打，好有日本既感覺呀！梳打酸酸甜甜，愈飲愈開胃，而且呢個組合夠哂清新，飲多杯都仲得呀！

經過條巷，見到呢度有幾間日本餐廳，好似幾好氣氛，入去試試。舖面似屋台咁，都幾日式，食物款式都ok多，炒叉燒拉面，覺得幾特別，試一試同炒公仔面有咩分別食落無咩濃味，同埋幾乾，而啲叉燒都幾林另外叫左個今日限定既芫荽湯底拉面，好有期望咁個湯底雖然綠色，但就無咩芫荽味，其餘果幾款湯底都無試過，所以無得比較。叉燒幾un，同頭先炒拉面既叉燒幾大對比，整體不過不失。另叫兩樣小食，雞軟骨同鹽燒雞翼。雞翼外層甜甜地，幾特別，不過細隻左啲

係大埔返工，咁岩爸爸今日黎大埔，就一齊係大埔食晚餐，諗起前排想食拉麵就搵下大埔有咩拉麵店，見到呢間一嗚拉麵評價唔錯就黎試下啦！黎到見門面同裝修都好有日本feel!佢地既拉麵可以揀湯底、麵條、麵質、配料等我同爸爸今次就試左'黑蒜。鳴'好香既黑蒜味😋😋😋😋湯底唔會好油好腬👍🏻👍🏻👍🏻👍🏻不過唔知點解爸爸碗湯黑到好似墨魚汁咁黑😂😂反而我果碗就正常色，見到有少少黑蒜油真係唔知邊碗先係正常啦😂😂😂另外，佢地仲有好多野食，不過今次就冇試啦玉子燒同章魚燒都好吸引同埋好鍾意佢地餐牌上既插圖，畫得好靚😌

每次經過大埔，都一定會係附近搵嘢食，放左學之後得自己一個係大埔，對於一個拉面控的我來說，一見到拉面就二話不說食左先講，所以去左大埔墟入面既一鳴拉面度晚餐。呢間拉面店好在位於大埔墟附近，一出火車站行幾分鐘就到，超級就腳。餐廳在設計上保存左傳統既日式風格，輔以餐廳自己獨特設計，形成不一樣的感覺。呢間餐廳既拉面為唔同口味既拉面改左唔同名，但全部都同店名的"嗚"字有關，當你坐低既時候俾張點菜紙你，然後用筆點野食。係餐牌入面帶個叫黑蒜。鳴，呢個係用呢間餐廳獨有的黑蒜油加上豬骨濃湯口味湯底既拉面，我見幾特別所以就點左黎試。揀左口味之後，就可以再細選面條的種類、面質軟硬等等，最令我感覺到特別既就係佢個配料可以選擇叉燒或者豬軟骨，平時拉面配叉燒就試得多，所以今次想試下豬軟骨作為配料，而且仲可以選擇唐辛醬的多少，選擇辣度。一黎到碗拉面已經散發出很濃的黑蒜油味，加上豬軟骨口感鬆軟，亦都好入味。餐廳亦都有炸蒜同辣粉提供，加完之後整碗拉面的味道就更香，更濃，令我食欲大增。總括黎講，呢間拉面店是值得推薦的，如果係大埔或者經過大埔想搵野食既朋友，呢間會係一個幾好既選擇。

一鳴係大埔唔係開左好耐，不過時不時就見有人推介，又讚好好食。其實次次行去個邊都想試下，但次次都好多人，今次終於試左門面靚，好日本風，佔左兩個舖位，一邊鋪位大啲有多啲四人枱，令一邊空間少啲但係可以望到師傅煮嘢食。個人比較喜歡坐細啲嗰邊可以望住師傅準備食物環境唔錯，係啲位逼左啲，牆上貼左好多日本漫畫。個人唔熟悉日本卡通或者漫畫，但就咁睇，最近果兩張我覺得好似多啦A夢的公仔，有冇人同我有同感？黎到梗係食最出名嘅拉麵啦，期間限定係芫荽拉麵，不過個人唔係特別喜歡食芫荽，所以冇嗌到呢個一鳴拉麵，揀左豬軟骨。豬軟骨火喉夠，易入口呢款係黑蒜。鳴，揀左叉燒，叉燒超好食又大片，推介我哋同場都好多人食串燒，所以叫左雞翼試吓，燒得好香脆，味道好香口，肉質仲好嫩滑。好味食咗兩碗拉麵加埋叉燒，都只不過係180幾蚊，個人就覺得好抵

平時經過呢條街，都會見到呢間一鳴入便有好多人，今次一於入去食下，見門口裝修好有心機，好有日式感覺。日系待應姐姐帶左我地去另一邊新舖果邊坐低。入到去見到吧檯，開放式可以見到師傅係入便整野，最特別係牆左右邊既海報擺設，好多都係細個睇漫畫見過既，好有親切感，（暴露左年紀XD），但整感覺確係造到日本小店既感覺。食物方面，選擇都唔少，有串燒，小食，飯同主打既拉麵，拉麵既選擇紙好貼心，首先會有五款唔同既湯底比你簡，再細分到麵同配料多少，麵既軟硬度都有得簡，實簡到一款岩自己心水既拉麵，唔似某d拉麵店正係得個款你簡而比其他細節影響到個口感，因為我都簡左好耐XD，日系待應姐姐走埋黎向我推介左佢地限定既拉麵係芫茜湯，但個人對芫茜興趣不大所以無簡，但坊間覺係好少聽見有。豬軟骨.一鳴 豬骨湯底濃郁得黎香甜美味，食得出佢地好比心機去煲個湯底，最正係個隻糖心旦流哂黃，正！叉燒黑蒜.鳴 上到檯已經聞到好大陣黑蒜味，食落除左本身豬骨湯外再加左少少黑蒜味非常醒神，呢個叉燒真係無得輸，大大片之外份量仲好足，入味之餘外皮仲煎到好香，強烈推介配料一定要簡佢!同場加映，鹽燒雞翼，本身好鍾意食香口野同串燒，所以叫黎食下，外皮燒得

約左個好耐無見既中學同學，無理由食譚仔三哥咁頹既，於是不如近近地食個拉麵，聽聞呢間好好食，咁我地就7:15左右去喇，好彩我地早左去等位，我地一坐底出面就排長龍喇！朋友叫左個黑蒜拉麵，個湯底望落好正，真係黑色既！而我就叫左地獄個個，話辣其實就唔多辣既，不過都幾香，而且第一次見有櫻花蝦做配料好特別。另外叫左個燒茄子同雞軟骨，覺得性價比一般，份量唔算多，雞軟骨得兩串，茄子得6舊，下次都係試其他小食！

今日在大埔踩單車，有一間拉麵店一直好想試，有特色莞茜做湯底，咁難得入到大埔，就一定要試一試！😝😝這裡好日式，好似去咗日本的拉麵小店，好有旅行感覺！特別裝飾及擺設好靚！枱上有凍檸水🍋，用具及調味料，好完備方便。一坐下來就有雙蛋，真好！🥚🥚我們兩都喜歡莞茜，所以叫了一碗限定一鳴：莞茜豬骨湯拉麵，可以自己圈底選擇：麵的口感（軟硬）、種類（曲、直）、肉的種類（叉燒或豬軟骨）、蔥我們選了曲軟麵要叉燒多蔥；另加30要了餃子及特飲一碗好多料的拉麵上枱🌿🌿，湯汁綠色如綠茶，一陣陣莞茜蒜味飄過來，好大碗，有3片又大又腍的半肥瘦叉燒；又有薄薄而鮮甜的帶子；半隻流心蛋好靚又好味，配拉麵一流！湯底真係好好味，曲麵軟硬適中，連湯一齊食最好！😻😻加了煎餃子🐷，剛煎起熱騰騰，皮薄肉汁豐富，配汁食好滿足剛踩了2小時單車，熱都暈，這青檸青蘋果梳打立即幫我們降溫，好爽不太甜，剛好！

位於大埔火車站附近嘅拉麵小店，放左學同埋男朋友過黎一齊食。平時雖然成日落大埔，但係都真係好少行開呢邊，呢日行過先知開左咁多間新食店。拉麵店細細間，入面用左深木色設計做主要裝潢，寧舍舒服😌睇下個menu，用全彩再加好多插圖，好靚，好比心機。呢度有啲特色飲料，一啲都唔單調，唔會淨係得可樂、或者抹茶嘅選擇今次叫左檸檬梳打，清清地，又夠氣，正！有5款拉麵比你揀，我地都有3款想食，所以決定每人叫唔同款試下。我今次叫左：焰鳴拉麵拉麵menu都好個人化，務求跟你嘅喜好制作一碗你鐘意嘅拉麵比你。焰鳴係一個辣嘅拉麵，本身有啲辣肉再加啲辣粉，搞拌之後拉麵唔會淨係純粹得辣，好似融入左喺本身嘅豬骨湯底，湯底好濃郁，但又唔會好杰特別鐘意附送嘅櫻花蝦，令到食起上黎有口感又有淡淡蝦味叉燒大大塊架！軟殻蟹超正嘅原隻軟殻蟹上碟，大大隻，又多膏，炸粉一啲都唔多！炸雞份量都幾多下~~靚靚玄子其實佢係一粒冇味嘅水狀啫喱咁，好似水晶球🔮，本來以為好易爛，但原來佢好Q彈調味嘅話由旁邊嘅糖漿同粉去放上去幾特別嘅日式甜品！

在新界北附近，一直都沒有合格的拉麵店，筆者一直為此而煩惱，直至今天，終於發現大埔有一間極受歡迎的拉麵店，我一直沒有到訪過一間店分開成兩個舖位，中間是廚房，星期二的晚上卻是熱鬧非常，8點就全院滿座主打拉麵，拉麵紙跟一般拉麵店一樣，可選硬度，蒽的份量等等，還有些拉麵基本款詢問店員下，得知今天的限定款是莞茜湯底！一於試試！小食紙也非常豐富，串燒，玉子燒，章魚燒等都有拉麵的綠湯底不一會就上桌，像青苔一樣的湯，筆者心想，能吃嗎？想不到湯底就像豬骨版的莞茜皮蛋湯，濃郁而富莞茜味，入口非常濃厚。拉麵的質感略為普通，但叉燒，荀尖，甚至紫菜份量都十分多！尤其叉燒有兩大厚塊，$88頗抵章魚燒超巨型，有筆者拳頭大！吃下去餡料很豐富，芝士一拉就起絲！忽然令人想起，這不就是大阪燒的味道嗎？另外點的大阪燒，欲吃出了炒麵！用熟蛋舖面，加上炒雞肉跟傳統炒麵，鐵板上，這就是他的原貌，口感偏甜，這也是日式炒麵的特色吧！

今次男朋友帶我去呢間拉麵店，位置在陳漢記對面的，挺易找啊。在橫巷之中，裝潢都幾似日本拉麵店。由呢張點拉麵紙就感應到今次應該有期望啦有曲麵同直麵揀，分別系曲麵質感似出前一丁，硬度揀軟應該會岩女仔食d, 普通又硬左少少。而直麵就系傳統拉麵果種，幼而長，你明架啦。睇下相先多謝男朋友帶我食呢間。 好開心呀

久久不來大埔吃拉麵，還是會想的，尤其是友人很常偷跑來吃再在網路上分享，看到了，讓我也很想吃～終於約好友人一起吃～裝潢一樣不變，但生意太好把隔壁也租下來，變成不用等太久就有位置～Menu 加了很多新創意料理和新嘗試～蠻特別的⋯害我都拿不定主意～食物方面：芝士明太子玉子燒，一定要試！爆漿的明太子夾在厚厚的玉子中間，每一口都有明太子和芝士，玉子燒得剛剛好，蛋不會太老，很嫩滑～香味十足！每來必點👍🏻名物Jumbo 芝士玉子伴章魚燒～大大顆章魚燒，外皮裡面的章魚肉大大粒，很有咬口～配個芝士蛋醬味道都幾夾～值得一試👍🏻鐵板鰻魚飯～賣相極佳，不過鰻魚份量比較少，但鰻魚沒有刺，很優～飯底方面，每粒都係晶瑩珍珠米，軟硬適中，加上以鰻魚汁均勻沾上醬汁和鰻魚粒～光是吃飯已經很美味！再次到訪覺得食物選擇真係好多（選擇障礙既我如可是好呢），平日來不用等太久真好～😋

之前晏就係食間依過拉麵, 其實都知一鳴拉麵最出名, 緊係拉麵, 所以今次再同朋友黎, 決定唔嗌拉麵, 試下其他新既野呀!其實menu既小食同種類都好多, 所以我都坐低選左好耐, 因為都係輕食為主, 所以選擇左餃子同埋炸雞, 仲叫左杯野飲tim。可能我地都唔係d正常食飯時間黎, 客人唔多, 同frd傾下傾下, 杯野飲就到左喇! 叫左個提子飲品, 建議大家攪完先好飲, 因為本身我飲果時覺得好淡, 去到尾覺得好甜, 咁熱又講到口乾果時飲啖就係爽本黎以為d炸物會好耐先到, 可能客人數目唔多, 又真係幾快到我地面前。餃子本身都覺得係普通野, 但估唔到餃子皮又好薄, 入面d料味道仲好好, 唔係太咸。碟上面有餃子汁, 有d蔥味係上面, 鐘意食蔥既人一定要點黎食啊!炸雞本來都無咩好高期望, 唔期望有太重炸粉, 估唔到無不特止, 又係個醬汁好出色, 點仲蛋黃醬黎食個感覺無咁單調。個人建議兩個炸物都點醬食!臨走果時望一望近門口個位, 見到原來店入面有唔少推介(本身我真係留意唔到), 或者下次黎真係可以望完依d推介先再選食物。(photo)

今日突然好想食拉麵，嚟咗呢間小巷到嘅日式拉麵鋪，一入去就好有日本拉麵鋪嘅Feel☺️☺️Lunch Time嘅Menu有拉麵，御好燒，炒拉麵同飯都算多選擇🤗🤗我點咗個黑蒜拉麵，一黎到已經聞到香濃嘅黑蒜味，湯底濃郁，麵質口感煙韌有彈性😋配左豬軟骨，紫菜，粟米，糖心蛋夠入味夠糖心，另外佢仲俾咗隻未剝殼嘅蛋我，初初我以為係生蛋🙈之後先發現係一隻糖心蛋，跟住我就放喺啲湯度浸左陣，連湯一齊食，雖然唔知係咪咁食，不過佢啲糖心蛋好好食，推薦蛋心蛋👍🏻👍🏻

已經有好多年冇去大埔食野啦，上網睇左喔間拉麵好似唔錯，終是趁今日得閒就去試下🙈🙈因為我係個路痴，所以唔係好識行過去，無奈之下我只可以打電話問點行過去，佢地nice同好仔細咁教我點行過去，臨收線前仲同我講真係唔識既再打黎問佢地，真係好感動😭😭其實只要係大埔虛火車站A出口轉右沿住右手邊行，唔使過馬路，就會見到運頭行，見到運頭街就自然搵得到間鋪，好易搵👍🏻哩個係Lunch menu,都有好多野揀而且好抵😍我叫左碗焰 鳴拉麵（曲麵）中辣，揀左叉燒，另加紫菜同櫻花蝦，份量滿滿，見到都流口水😋😋推介佢個叉燒夠厚、入味、入口即融唔油膩，而且有好多舊叉燒，唔似出面某d拉麵舖得一塊薄到冇朋友既叉燒🙈黎哩度叉燒一定要試下👍🏻👍🏻加$30轉套餐，有一杯特飲同一款小食士多啤梨梳打，酸酸甜甜章魚燒外脆內軟，入面有大大粒既八爪魚，吃得好味睇得出用心制做👍🏻下次夜晚再黎試下佢其實野食，讚讚讚👏🏻👏🏻👏🏻