一鳴拉麵

营业中

休息中

自己本身就好喜歡食拉麵，但又不太喜歡好咸味的湯底，這間拉麵店真是有點令人驚喜，這個地區本身就沒有幾件高質的地道日本拉麵，難得開了這一間，真是幾合口味，豚骨湯很濃郁很甜但又不會很咸，我都只選了最普通最經典那款，男朋友選了黑松露那款，好像反正味道一般。

今次就去大埔覓食，見到有間日式拉麵店就決定試試。入去見到原來除左拉麵外，有好多其他小食。除左平時對多數有既炸物，串燒之外，連小丸子，大板燒都有😍真係好適合三心二意既朋友仔!叫左個祕製地獄醬豬骨湯底配曲麵，多蔥跟叉燒。湯底係典型地獄紅色，食落非常惹味，麵質仲好彈牙，份量又多。至於個叉燒真係要比100分😋竟然有三大塊厚身叉燒，就算係大食既男仔都唔洗驚唔夠飽。好彩冇額外加錢要叉燒，我已經好滿足。因為仲要留肚試其他野嘛😙另外叫左炸雞，雖然未算係多汁但外脆內嫩，一d都唔乾身，同日本炸雞有得比! 而且配埋醬汁，可以減低油膩感覺，食多幾件都仲得。最滿意既小食係汁燒牛舌，真係如其名多汁香口，好嫩滑，仲好厚身😋大讚大讚! 至於雞翼就不過不失水準唔錯。整體唔錯! 串燒即叫即燒，所以好推介大家試試! 建議同幾個三五知己去食，因為主食份量唔少，想試多d就可以多d人一齊去食!

我成日放假都會去食日本野，上網做左資料搜集，見到呢間店既menu好多野食，又多好評，未去已經好吸引我! 餐牌有章魚燒，拉麵，飯，炸物，鐵板燒，玉子燒，串燒，沙律。雖然已經大約知有咩食，但去到都揀左好耐，事關種類都有好多。想好食咩，就可以直接寫係餐牌上面。我最後揀左黑蒜油湯底拉麵，直麵，普通麵質，多蔥，跟叉燒。上檯既時候嚇親，叉燒多到唔知點形容，真係好抵! $75蚊勁大碗，又多肉，叉燒大塊厚身，雖然未至於入口即溶，但勝在醃得夠味，連住脂肪位，好滑又充滿肉香講真，有時係日本都未必食到，香港就更加難喇。。。所以我好滿意呢個叉燒另外好少拉麵店提供直麵，通常得曲麵（太麵），所以我當然揀左我最愛既直麵，麵質彈牙! 湯底唔係濃郁款，好處就係食落唔膩又清新。另外試左芝士年糕，外皮偏軟身唔脆，所以感覺冇咁熱氣，一咬真係芝士滿瀉。下次會再黎!!

大埔墟有好多不同的餐廳，各有特色，亦各有捧場客，而我非常喜歡食拉麵，今次就去左呢間喺大埔幾出名既日式拉麵餐廳。一入餐廳就知道我一定冇揀錯，裝潢同日本地道拉麵店差不多，而且除了拉麵，仲有好多其他日式料理，有炒飯、小丸子、串燒等等，好多選擇，而且所有食物賣相相當靚，好想點哂個menu~~鰻魚炒飯嘩~~~好香鰻魚香氣，而且大大碗，每粒飯粒粒鮮明，鰻魚汁亦都平均沾上每一粒飯，鰻魚好鮮好香，加埋鰻魚汁，一流飛魚籽小丸子飛魚籽舖滿小丸子上面，非常足料，小丸子外皮好香脆，而且外脆內軟，每一粒內有大大粒八爪魚，有口感，又好味，同平時既小丸子有好大分別串燒雞軟骨呢個燒雞軟骨好食得出奇，非常爽囗，燒得好香脆好香口，又唔會太油，加少少鹽調味已經非常好食~~~完全估唔到大埔有間咁好食既日本餐廳，最驚喜係除左拉麵之外，仲有其他食物，仲要係非常好食，必定要再去食。

今日同個朋友lunch去食,1:00唔使等位🤚🏻但入到去已經坐滿晒人，呢段時間裏面八成都係學生，原來有學生優惠平＄20😌我同朋友一人叫左碗黑蒜.鳴拉麵，追加左＄30有杯野飲同埋小食，我哋叫咗餃子同埋炸雞湯底夠晒熱，黑蒜味濃郁，麵質夠彈牙，最大驚喜係超多叉燒，炸雞方面配嘅沙律醬好好味，而炸雞呢夠晒大件，我叫左個士多啤梨梳打，𥚃面係有果肉㗎埋單一位＄108,呢個價錢又有小食又有嘢飲抵食會再幫襯😉

平時返工喺灣仔，人住大埔咁多年坦白講真係好少會喺大埔食拉麵！如果前日唔係行開附近睇傢私又突然肚餓，都好少經過呢條巷仔！見到門口又整到好似去咗日本咁，上網又見到勁多好評，所以就入去試試喇！裡面裝修都好有日本feel呀！同好多拉麵店一樣，大約有五種拉麵揀！我哋揀咗黑蒜。鳴配秘製叉燒拉麵同限定。鳴(黑松露)配豬軟骨拉麵。我自己叫咗限定。鳴(黑松露)配豬軟骨拉麵 (曲麵) - 湯底有濃厚嘅黑松露豬骨味，真係忍唔住連飲三啖湯先食麵，哈哈！本身比較鍾意食硬身麵，咬落更加爽口，師傅亦整得恰到好處！值得一試！另外加咗個紫菜櫻花蝦玉子燒，上枱時熱辣辣，切開中間都幾juicy~ 配以沙律醬同八爪魚燒汁，真係食到停唔到！估唔到唔洗去鬧巿都有一間咁好味嘅拉麵店，應該會變成我嘅飯堂了！

​ 今日原本約朋友出嚟食晚飯，但後來佢失約，有啲唔開心， 於是 自己就走去搵嘢食，對自己好啲 搵一間有名氣嘅餐廳食拉麵， 我本人好注重健康，食物又要有質素，都算係一個奄尖人， 見到餐牌上有一款黑蒜拉麵曲麵(豚肉, 溏心蛋)， 就畀佢吸引住，黑蒜是一種非常有益的食物， 對身體各種機能都好有幫助，味道又潤甜， 好啱我要求，麵質爽口滑捋捋，煙煙靭靭， 豚肉軟腍幼嫩，肉味香濃，肉汁鮮甜， 不需花巧嘅調味已經令人滿意。 再加上一隻用心製作嘅糖心蛋，更加錦上添花， 蛋白滑溜非凡，配搭溶化嘅蛋黃濃香，滋味無窮。 賣相已經好吸引的椒鹽雞翼非一般嘅製作， 氣味濃香撲鼻，雞皮卜卜脆，肉質幼嫩，鹹香微辣， 整隻味道調教得均勻，恰到好處。 剛才不愉快的心情已經一掃而空，美味食物真係會帶給你好多樂趣。

今晚加班後收工，一支公走去食拉麵，估唔到有意外驚喜!佢個豬骨湯底超正，飲得出淆製時間 唔短，濃郁鮮甜，加上香菜芳香無比，令你鼻蕾零舍醒神，配上肥大肉厚嘅帶子刺身，光澤閃令令的，肉質鮮味無窮，汁液在你口腔徘徊盪漾，極之享受，優質嘅食材能令你再三回味。一隻糖心蛋，就能體會得到大廚嘅非凡功力，時間控制得頂呱呱，原隻內外都咁滑溜溜，蜜潤蛋香滿載。香菜豬骨湯底(刺身帶子, 溏心蛋) 一款豬頸肉 都非常出色，煙韌又彈牙，肥瘦均勻，絕無油膩感，肉質鹹香豐富。串燒雞腎香噴噴，火辣辣，煙煙韌韌，串燒後肉質零舍濃密滋味，略小調味已經引人入性。

雖然我住大埔,但好少係大埔食晚飯,通常去左其他區今次大埔墟個邊聽講有間拉麵幾好食收工後特登去食^^~ 裝修是日式風格，十分美觀~ 食物選擇多, 一間唔大既拉麵店竟然有咁多選擇~真係幾正，人流多, 滿座架~~ 食野期間仲外面仲有排隊呢證明真係多人LIKE~ 野飲: 巨峰士多啤梨乳酸梳打幾好飲, 我去日式餐廳基本上都係叫梳打飲~秋葵串燒, 正野, 一見到秋葵我一定點推介雞軟骨拉麵, 大大碗, 都幾抵食. 料又足當然我都有加配料啦,. 想試下唔同口味~ 追加: 帶子^^ 一D都唔細粒, 足料喔~ 新鮮醬~ 半隻流心蛋, 甜甜地, 好味 日式叉燒, 幾好食... 肉質食落幾滑一個食咁多, 超級飽~ 但真係好食,, 值得一去﹗ 價錢又唔貴. 又多選擇下次我會試下小丸子囉~ 哈~ 

今日同友人去沙田行街 佢提議去一間想食好耐係大埔既一鳴拉麵 係一條比較隱閉既巷仔既盡頭 去到發現唔夠位 店員提議去隔離間新鋪 感覺好似一蘭咁有2邊鋪面 雖然店面細細 但感覺好有日式風味 真係好似去左日本咁一坐低就俾好多小食搞到花多眼亂 果然係眼闊肚窄 最後叫左一款 有玉子同芝士既特大章魚燒 唔好芝士嘅我都好中意食 因為唔會好漏 而且章魚燒好足料👅主角當然係拉麵🍜啦 同友人分別叫左原味既豚骨 同 芫荽味 好特別咁 豚骨味湯底濃郁 肉同拉麵索左湯底好香好入味 入口嘅感覺係超級滿意 糖心蛋亦非常好黎到芫荽味聞落唔太濃 但友人話食落味道就比想像中重 雖然芫荽味做湯底 但唔會好重草腥味 我地食食下發現一粒白色小小透既物體 係帶子 連粒帶子我地都覺得好入味 兩碗都有 友人既芫荽味帶子係更加入味食物好食 服務質素好 環境舒服 巷子裏的小驚喜❤️

聽聞大埔有間出名既拉麵，仲要係大埔必食之選，咁又點可以放過呢~門口同鋪入面既裝修都仿如置身係日本咁，好有去左日本拉麵屋既感覺，座無虛席，令我更期待佢既野食。而且選擇好多，唔止得拉麵，仲有串燒，章魚燒，御好燒，關東煮，玉子燒而且重點黎啦，一鳴竟然有香菜味拉麵 OMG! 我係芫茜控，十級愛芫茜，我一見到二話不說就決定要叫佢。但我朋友竟然比左個厭惡既眼神我，唔緊要，無懼世事變改我都係咁愛芫茜! 而我朋友就叫左黑蒜。拉麵爽口，而且湯底好濃郁豬骨湯加上有啖啖既芫茜味，雖然成碗綠色但係有幾可香港既拉麵店會有得食呀~叉燒係比較肥既個種好鬆軟，但又唔會好油我覺得岩岩好，溏心蛋又正喎!間中食一餐有水準既拉麵，人都輕鬆D~我試左一啖朋友黑蒜湯底，味道都係好濃足料，最緊要又可以根據自己口味所有野都可以自己揀，真係好唔錯。我好愛佢杯飲品，乳酸梳打 有回憶既味道，好似細個食過既糖，好難形容但係好好飲！御好燒 醬料配上大量椰菜同海鮮，外脆內軟，好治癒~整體黎講，係好值得一試

🐰專業感想🍜06 April 2018💮住開大埔既朋友會知道 多數附近都係茶餐廳 搬字號鋪 而嗜食拉麵既就一定會想一試大埔人氣店既一鳴拉麵 餐牌入面有5款味道既拉麵而今次就揀左豬骨既一鳴同芫荽味既香菜。鳴 仲叫左一個小食名物Jumbo芝士玉子拌 🌕🌕🌑🌑🌑本來好大期望既jumbo玉子燒 黎到果然仲大過我個拳頭👊🏻！😳不過等左都幾耐 面頭既芝士蛋好嫩 味道係平時章魚燒入面亦好多章魚🐙饀 芝士偏小 粉漿偏厚 唔夠鬆軟 比較大粒所以個皮都比一般既章魚燒硬一鳴拉麵 🐖骨濃湯拉麵湯:🌕🌕🌗🌑🌑豚骨湯飲落好香滑 不過味道就唔算好濃 比起一般既豚骨湯底佢偏向乳白色 唐辛醬揀左2度 辣度好微 十分惹味 同叉燒好夾料:🌕🌕🌑🌑🌑一般拉麵既料不外乎係紫菜 味玉 荀 葱 等 但一鳴既拉麵仲包含一隻帶子 實在好驚喜🤔雖然係有啲奇怪 但幾有新意 因為多數拉麵鋪可能係特定既味道先有 e.g.帆立貝拉麵？叉燒既口感腍身 味道不過不失 但脂肪比例過多 肉位得好小隻溏心蛋做得唔錯 食落罕有地入味 而且食得出微微既酒味 好清新 唔錯麵:🌕🌕🌗🌑🌑麵有2款 揀左直麵 硬度揀左軟 食落似普通硬度 口感比較煙韌 麵既分量啱啱好

呢幾年大埔真係多左好多唔同既餐廳湧現，想食唔同類型既菜式都有，不過大埔墟又真係無咩食日本野既選擇喎；原本黎到呢度都係諗住食拉麵，點知原來居酒屋既食物都有，好驚喜。閒日都唔少人去，不過其實佢地係兩間鋪連住既，所以等位都唔算好耐。入到去，店員都好快手，反而係我地見到餐牌花多眼亂，十五十六唔知食咩好。例牌都係一人一張落單紙啦，我同友人各自揀左一個拉麵。我揀左黑蒜。鳴拉麵，湯底好濃郁好厚身又唔會過鹹，有陣陣黑蒜油味，拉麵都算掛湯，仲好慷慨有兩大片叉燒同半隻溏心蛋，抵食。而朋友叫既係香菜。鳴拉麵，揀配左豬軟骨，仲要係莞茜豬骨湯底！唔好以為莞茜味會好臭，反而佢係清甜，加埋豬骨湯個味道好豐富，配料仲有幾片帶子；豬軟骨就唔算好稔，不過味道就唔錯既。兩個拉麵我比較喜歡呢個。最後都忍唔住叫多個鉄板燒，佢既層次好豐富，頂層有蟹籽、厚厚既芝士同埋大量明太子醬，中層係炒麵，底層係雜菜燒，咩都有，絕對係貪心之選。味道都唔差，又大份，兩個人食左咁多野個肚要爆都要食埋佢！另外，呢度既餐牌設計都好靚，又多野食揀，所以睇餐牌都睇左好耐。😂😂😂住大埔既不妨過黎食下呀，性價比唔錯。

平時收工經過左幾次呢個拉麵舖經常見門口都係大排長龍今日收工路過 把心一橫決定食一食有唔同嘅拉麵湯底可以試今次就試咗一個黑蒜味既湯底個湯係由豬骨濃湯配以自家製黑蒜油淆制整成的拉麵入口有嚼感 爽口不會太幼身吸左啲湯味 有好濃郁嘅黑蒜味另外仲叫咗唐揚章魚粒食到停唔到口 好滋味炸得香脆又唔乾身食落口感爽脆細細粒加埋啲沙律醬令人停唔到口勁有衝動想叫多一碟嚟食 好推介之後見到格離台叫咗個芝士明太子玉子燒好似好正就跟風叫咗個玉子厚身有口感 明太子又惹味果然冇叫錯來吃 有樣有味道明太子加埋玉子燒嘅配搭簡直絕配。食左熱烘烘既拉麵飲返杯青蘋果白桃乳酸梳打甜甜酸酸 又唔會蓋過果味下次收早要再食食呢間一鳴拉麵住大埔既朋友認真要食下！

一鳴拉麵，係我係香港食過最好食既拉麵一鳴拉麵，係我係香港食過最有日本水準既拉麵一鳴拉麵，一入鋪就會聞到好強勁既豬骨湯味，原來。。。。係香港食拉麵嗌辣湯通常都係中伏，通常完全唔辣，或者係豆瓣醬拉麵，什至係港式辣椒油溝拉麵，但因為呢張poster比左信心我，嗌左個地獄拉麵隨拉麵附上左好多海姥係毫無戒心下就飲左啖湯(我嗌左兩椒辣)哇，媽，好辣呀，但又勁勁勁好味我自問非常食得辣，完全冇諗過會比呢碗辣麵ko左，不過因為太好食，我又好enjoy被ko既感覺，係飲左好多水下食哂成碗拉麵。除左超讚既湯外，麵都係非常非常高質素既真日本拉麵而老公就嗌左巨大饅魚壽司，水準都比好多餐廳高質素，不過就未算係爆cp除此以外，仲嗌左章魚小丸子，都係水準好好，但又未算爆cp係香港，好食少少既拉麵都一定過百，而且都只係叫”好食少少”，但一嗚拉麵雖然只係七十幾蚊，但佢唔止好食咁簡單。直頭有日本水準，能夠係思鄉(日本)食到咁高質素拉麵，好感動一鳴拉麵，真係一嗚驚人，下次我會謙虛少少嗌個一椒拉麵。。。。