一風堂 (新港中心) (已結業)

I went in the late afternoon to avoid the ridiculous queues found in the evening. Having finally got a seat and tasted their Ramen, I can honestly say that it tasted ... just like a bowl of Ramen.Not really sure what all the fuss is about really. I think other Ramen shops dotted around Hong Kong and other places in the world could offer the same dishes.Definitely worth a try, but unless I really, really want Ramen in TST and there isn't anything else to eat in the Silvercord tower, I think I'l

隔了1個月無黎，難得老婆一早來預先排隊，我便繼續了我的一風堂之旅。這一夜，拉麵個湯我地一致覺得差左。之前正口既程度係正到我可以食3碗麵而不覺得飽。今次我食完1碗已經無癮再食落去！括來講應該係少左作爲拉麵湯神髓的豬香味。究竟係偷工減料？ 定有其他原因？ 等我分享一個故事啦。話説日本某美味拉麵我去大阪時每晚都要光顧一次。有一晚相熟師傅放假，由副手頂替，個拉麵即刻唔見左d豬味，情況同今次一風堂差唔多。原來拉麵師傅放湯之前，係碗底上放的幾種調味料都要有好大學問，掌握的好先會對個湯有畫龍點睛的效果。因爲這個經驗，我不敢一口斷定一風堂已經開始偷工减料。那麽師傅放假？禮拜五都放又有d講唔過去。大師傅已經返歸？我無望過廚房不能確定。等多1個月再去多次應該可以找到答案。但這次的經驗已經差不多應驗我之前的預計。反而，今次試 wasabi 牛油果蟹肉脆餅覺得超正！wasabi 本人覺得是幾百塔的調味料，需然呢味 wasabi 牛油果蟹肉並未用到鮮磨 wasabi，感覺不夠 refined，但反而做到一個好搶口既效果。口入面口既感覺過程係.... chok 一聲脆餅 .... 搶口 wasabi .... （

其實一早已經知道要等一風堂起碼要等至少一個鐘頭, 做齊晒心理準備, 半飽就開始拎籌, 等得0黎岩岩好開飯....點知係 d-mop 失守.... 累我大出血!! 呢個就係等得太耐既唔好處, 好易時間多左, 周圍行周圍睇就會放血!! 哈哈!!落order 既時候, 服務員問我地麵要硬身定軟身, 真係好貼心啊~我一於要硬身, 因為太多地方既拉麵都做軟身啦, 一於要唔同既口味試下!!菠蘿酒 - 大熱天時飲呢個真係好正!! 乾物女又要出動啦!! "太正啦~"因為真係好爽, 好好飲, 飲落又好舒服, 成個人好似要將所有悶氣散晒出黎咁呀~食完個麵再飲, 仲解埋d 油膩感!! 一個小食既價錢, 我寧願要多一杯!! 哈哈!!一風堂辣肉味噌 - 之前見d 人話好辣, 辣精既我當然必食, 一心想食辣既話, 我會失望左, 因為對我來講完全一d 都唔辣!! (唔通我條脷無左辣覺?! 講笑~)講番個湯底一流, 叉燒半肥瘦入口即化... (對於keep fit 既我來講咩都唔理, 民以食為天!! 照食可也!!)而我既硬身拉麵.... 太好味啦!! (要變食神入面既好姨啦!!) 感覺上有d 似公仔麵整到7成熟既感覺

星期日5點半去攞飛, 果時都飽飽地, 都知道是等好耐了, 所以去左附近行住等, 行左一個鐘頭多d返去竟然啱啱好就入到去食得, 果時都已經好肚餓了, 入到去真係個個都講歡迎光臨(當然是日文)連入面煮麵果d都係, 真的和日本相似!落單時店員都好用心解釋兩者有什麼分別, 又問我們要普通或硬的麵, 值得一讚! 簡單d講係一個辣一個不辣吧~ d拉麵不同其他店的拉麵, 這店比較幼身的, 軟硬度適中, 正! 而湯也是十分濃味的, 叉燒都好正, 好腍身, 又有少少肥膏, 不消一會已經食晒成碗麵了, 連湯都飲了一大半添! 叉燒包就食得多了, 日式的叉燒包就真係第一次試, 各有各特色, 呢個包好鬆軟, 入面夾住沙律菜同叉燒, 加上蛋沙律醬, 真係好好味啊!有甜或辣選擇, 我們選了甜的, 整頓飯中這個比較失色, 好之處是雞炸得好脆, 但唔覺甜呀, 而且這個沒有太大驚喜同特色! 全部比晒5分呀, 因為真是勾起在日本吃麵時的回憶呢

男友想試下一風堂. 7點去到, 攞到張385號飛, 但係叫緊28號, wow! 足足要等差唔多360張柗檯, 好, 就癲一次咁多啦!周圍行, 2個鐘後返黎, 仲係叫緊141, 又再行過. 40分鐘行再返黎, 竟然過左龍, 當堂呆左. 但當時已經9:40pm喇, 就算走都唔知食咩好, 更何況唔等都等左咁耐, 唯有硬住頭皮等佢叫完550個號碼後再以後補入座啦.等足522張檯+175分鐘, 我地都覺得超 crazy.9點11, 終於入到去喇. 要左2個白丸元味加一客餃子.白丸元味個湯有一蘭既影子, 不過偏鹹, 但如果以唔駛飛去日本但又食到日本拉麵黎計, 算係唔錯喇. 個麵有少少鹼水味, 塊肉幾鬆化, 肉味都濃. 個餃子不夠熱, 雖然係煎既, 但唔覺香口, 算係好一般, 下次可試過第2樣.雖然入座時已接近10點, 但係服務員仍然中氣十足既大喊"歡迎"," 多謝"等日文, 一d都唔欺場. 落單時又彎晒腰鞠晒躬咁, 幾有禮貌, 值得俾個 "like".下次會再黎, 不過唔會再揀呢d時間喇!

星期四晚放工即來攞飛仔, 六點四十五分到, 但到八點三十五分先可以入座, 其間當然唔會企响門口呆等, 雖有响附近商場周圍行呢度出名係拉麵, 不過款式只有三種, 飯好似有兩種, 少食五六款, 食物選擇唔多等都等到好攰, 影響'食力', 所以只叫咗一個'白丸', 一個'赤丸'拉麵, 同埋一客餃子可能因為麵得幾款, 所以點了唔夠五分鐘個麵就到嘞(唔通整定ge?!)兩個拉麵的湯底, 麵同埋餸(兩相片叉燒)其實一樣, 只係赤丸多咗一啲辣的醬料湯底其實幾濃, 但係飲晒都唔覺口渴, 麵就有點硬(後來食食吓聽到侍應同另一位食客點菜時, 會問啲麵要硬身啲或軟身啲, 但係幫我哋點菜嗰個就冇提過可以咁揀, 仲有問我哋要唔要配料時, 又冇介紹, 我哋第一次嚟都一舊雲, 唔知原來可以加紫菜呀蛋呀之類)飲子就好一般, 好似未煎過咁, 個面就一大堆薑蓉同蔥, 餃子汁味道亦較淡真係好食到值得等兩粒鐘? 見仁見智罷, 我就試過一次就算了

去完日本一陣已經好掛住一蘭既拉麵喇，見一風堂近期又成為左openrice既大熱，點都要去試試既差唔多二時去到，估唔到暑假過後都仲有ok多人等位喎~不過雖然話係十幾張枱，都係等左二十分鐘左右啫！同朋友一人分別叫左白丸同赤丸，另外再叫左餃子&炸雞~白丸--是我叫的，選了麵身較腍~是我喜歡幼身的拉麵呀！果然叫腍一點比較適合~個湯唔係好濃，不過清清地都幾香幾好味~义燒good半肥瘦，腍身又入味~赤丸--是朋友叫的朋友覺得唔夠辣，偷左一啖湯，我又唔覺得喎，赤丸相對地個湯濃好多，不過佢既蒜味都幾重....餃子雖然係皮薄，但一夾就爆開左lu~~唔係好特別，建議可以試其他野~炸雞--叫左辣既~原來得兩件咋....辣應該係指上面加左豆瓣醬...個其實除左辣醬同感覺到係炸物，係食唔到係雞黎......服務確實唔錯，雖然見佢地好忙，但服務員都會打招呼，也會不斷的會加水，讚！可惜，店舖係小食方面真係要加點心思呢~&雖然對我(女仔)黎講係夠飽的，但朋友唔夠飽哦

因為星期日既關係, 我同朋友就先拎左飛, 見要等成60-70個, 就去shop一陣~ 一風堂既食物好食就唔多講, 雖然所有waiter都好忙, 但係佢地連服務都勁細心的~ 雖然只有3款拉麵, 但有選擇困難症既我地都問下有咩推介, 佢地都好細心介紹唔同signature dish, 同埋3款拉麵既分別同食法~仲有食物黎既時候我地就急不及待要影相, 佢地係你影緊相個陣, 即使想上另一道菜都會等你影埋先擺底 (搞到我有少少唔好意思呢, 畢竟d麵都幾熱的~)之後食物未黎之前我就覺得凍凍地, 就將個披肩cum到實一實啦~ 有個waiter見到就拎左杯暖水過黎 **surprise**, 那種窩心服務相信好多高級餐廳都未必會有~

身為日本一蘭拉麵的Fans，早前聽聞繼中環豚王後又有日本拉麵店新開，特意去試一試！為免等太久，差不多過了Lunch Hour才到的，不算太多了，等了25分鐘左右而已~店內都幾多位，比起豚王確實係坐得舒服很多...白丸元味，豬軟骨湯底不算濃，只是普普通通麵身唔夠爽，一般而已叉燒是不錯的，幾好味，肉質唔會太老，又有少少湯底味加了溏心蛋，好味，不過貴左D... 赤丸新味，湯底都的確有點辛辣侍應生說不太辣...可能是本人不吃辣吧..吃到嘴也紅了 麵身質地真係唔夠彈牙，跟豚王差很多呢......一風堂辣肉味噌友人很吃辣的，但也說頂不順 總而言之，我只能說這兒的拉麵不算差，但如果要排隊這麼久，真是免了...... 質素只是比味千好些少，但價錢一點也不大眾化完全比不上中環豚王，莫說日本一蘭拉麵了... ...

由於友人 6 pm 前已到，所以並不用等位。幸好早左少少來到．．．我到達的時候( 6 點幾) 門外已有大堆人等位中　Ｔ＿Ｔ一坐低就感到有 ”打仗” 的氣氖～　 (因侍應們的步速極快,,仲要成日撞到人地張椅)好不 relax =___= (好似想坐耐少少都會被鄙視)所以我地都係盡快 落 order~~ 我們一行 3人~~ 選擇不多，就即管 點晒佢o個 3款 拉麵~不過明明個Waiter 問我地粒蛋分唔分開上...話左分開都係放埋落碗麵度 = =搞到都唔 "溏心" ๑ 而拉麵方面~~ waiter 有問我地想要 軟/ 中/ 硬 ~我地都揀左 中....但原來應該要揀硬 (u_u)o〃 原來 中 ge口感係 幾腍....又唔 煙韌๑ 叉燒不錯，半肥瘦，肉質不韌～๑ 湯底味道幾濃郁的~ 但慘在係食完之後勁 口渴 ๑ 叉燒不錯，半肥瘦，肉質不韌～反而配菜較為出色~ 芥末。蟹肉。牛油果。脆餅一點點的 wasabii 味吊起了胃口 希望 牛油果 同 蟹肉 的比例可以平均一點~ 西京燒銀鱈魚燒得剛好，口感．肉質嫰滑～如果這份大d 就好喇~~~另讚的～～　就是雖然他們很忙，但wa

我同女友為了不想排隊就在開舖前30分鐘就到達，諗住食第一輪，點知已有條小人龍喇！其他人唔通凌晨就排定隊？一風堂叉燒角包，諗住會好特別，點知係搵人笨，食完後第一個感覺，用曼頭夾叉燒仲好味，赤丸新味，幼直麵條，煙韌彈牙；薄切半肥瘦叉燒，入口即溶；豬骨湯略咸，湯中頗多油脂，口味重；半熟蛋煮得岩岩好，味噌布甸，第一旅吃，味道特別，有一層焦糖在上面，但味噌味味道不夠濃郁，質地幼滑，少甜，拉麵沙律，七彩繽紛，配有粟米片，我仲以食緊早餐，和風醬汁沾上每條麵，估唔到凍食仲好味過熱食，明太子飯，明太子和蛋絲太少，不夠撈飯，飯軟好好味，店員也很主動為我們介紹食物、加水、 服務可以，但環境周圍都好嘈雜，坐多陣都會精神衰弱。

久仰大名，終於有機會一試相就唔影喇，因為有好多食評都放左相，仲影得好靚~哈入正題我大概下午3點多到(平日)只有小貓34隻在門口排隊，所以等左約10分鐘已經入得入到去亦都唔見坐滿人，有吉枱有一疑惑：明明裡面有枱，但偏偏唔入晒客，估計應該係時段問題，唔多客，所以總要製造有人排隊既形象餐牌上選擇唔多，拉麵得3種揀，唔緊要，重質不重量其他配料要另外加，每樣唔同價錢(唔算貴)今次食左白丸、赤丸同一風堂餃子拉麵落單時會問你喜歡食較硬身定軟身既麵白丸湯底確實不錯，夠濃味叉燒有3塊，大小一般，肉質較稔，肥肉較多，偏咸赤丸湯底同白丸有d唔同多左個豆辦醬，辣到適中，唔會辣到出晒汗湯底有d白色細細粒既野，我估係豬油類既物體所以湯飲起唻較香2碗麵都係揀較硬身麵質麵既粗幼似乎同味千有d相似，直身偏幼算煙韌，不過欠缺彈性一風堂餃子上面放左大量蔥及薑蓉皮好薄，值得一讚，味道幾清唯獨係煎得唔係好夠香總括唻講湯底真係唔錯不過食到尾會覺得湯底有d偏咸(個人已經比較鍾意咸、濃味既野)價錢尚可不過如果要peak hour唻等一個鐘以上去食我絕對唔建議!!!

aug 21, 11.............決定尖沙咀1日遊...........扮吓遊客.................先揀來這裡排隊食lunch........多謝友人喺店舖開之前10分鐘到............但已見到>40人排緊........真喺痴線.............第1round入唔到去............要食第2round,.............幸好d食客多喺食完就走..............我哋等咗<40分鐘 :1) 芥末蟹肉牛油果伴脆餅 (hk$68)-見有1風堂嘅推介標誌,所以叫來1試-份量都幾足吓,不過只喺食到芥末味,蟹肉比較少,1點鮮味都食唔到,可能已被芥末蓋過了-面頭唧了1條明太子,對整體味道改變不大-個脆餅大致喺用米漿整出來,都脆-睇唔到有咩咁signature2) 白丸元味 (hk$68)-沒有試到友人-聽說味道都唔差3) 赤丸新味 (hk$68)-我問咗赤丸即喺有幾辣,原來只喺+咗1pat紅色嘅麵豉醬,所以即喺唔辣-明顯比白丸油d-先飲1啖湯底,夠味,豬骨味就唔算濃,但就唔鹹-叉燒得1塊,厚切,1定喺大坑達x嘅2塊

最近迷上食拉麵,中午晚都可以食...加上近日食友不斷推介一風堂真係忍唔住都要行住等!是日放工後就去拿飛當時叫到5X, 我張起飛係0361 (到E家都不能忘記),行住等都等得好辛苦,最後入座時間9:20分左右 饑餓狀態咁.... 所以入座既時候大家都好DOWN,2個人...拿拿淋叫左5樣野白丸元味 - 豬骨湯底, 拉麵雖然唔知正唔正宗, 但係又食唔出有咩特別!赤丸彩味 - 又唔係話好辣....份量不多,我可以要食2碗先可以夠~餃子 - 都OK....一啖一隻....又唔會漏! 炸裂豆腐 - 想俾個UNLIKE佢....俾佢個名呃左!!!!用炸過的麵條&豆腐加上辣味增湯度.......湯極咸!豆腐份量又極小.....千奇唔好俾佢個"人氣" 呃到叉燒角包 - 未去之前....D食友已經講到好吸引....又點會唔好食先??? 真係要強烈推介啦!!!用饅頭咁既包 包著叉燒....中間夾著生菜和沙律醬~個沙律醬用d 叉燒又幾match wor 等到癲左既一餐晚飯....如果下次食都要等咁耐! 我老實答你....寧願唔食啦

等位就預左喇﹐而且等位唔算好辛苦﹐因為有冷氣有商場﹐所以如果兩粒鐘可以品嘗美食﹐其實我覺得可以的。至於係唔係真係美食到甘緊要﹐就真係見人見志了。本人食拉麵唔多﹐唔係話好識欣賞咩係上品咩係差。我食左白丸﹐第一眼覺得好細碗。賣相呢﹐可能先入為主覺得日本野都係好精美﹐所以覺得無咩色水甘。叉燒好正﹐唔UN又入味。麵呢﹐好似無咩突別。湯呢﹐唔太鹹﹐幾好的。男友食赤丸﹐試左口湯﹐聞落好香﹐飲落...好似辣味同蒜味功高蓋主﹐叉燒好似肥左D。我諗女仔都係唔好試呢個喇﹐真係有D肥膩。我地怕等好耐﹐所以五點三羅位﹐點知七點已入坐﹐根本不太餓。但碗面如名﹐真係一陣風﹐所以諗諗下不如食埋個好出名既叉燒角包啦。又係一陣風。講真﹐點可能食得出好味定唔好味呢﹐因為兩啖已無左﹗個包好軟﹐叉燒D汁好將軍漢堡﹐生菜好生菜﹐整體有D凍唔夠熱。賣相﹐又係好一般。個碟唔係好大但我包實在係細﹐有四份一隻碟係吉既﹐望落去﹐覺得個包好寂寞。服務係好好﹐野食黎得好快。隔離檯有漏單﹐侍應立即跟進同覆返個客話跟左﹐然後鞠躬道歉﹗香港有無黑面既服務的確難得。(但甘既價錢講真你黑面我不如去茶記啦。)冷氣超凍(我左漫畫位)﹐記住帶件衫。總結﹕唔