一風堂 (新港中心) (已結業)

我同女友為了不想排隊就在開舖前30分鐘就到達，諗住食第一輪，點知已有條小人龍喇！其他人唔通凌晨就排定隊？一風堂叉燒角包，諗住會好特別，點知係搵人笨，食完後第一個感覺，用曼頭夾叉燒仲好味，赤丸新味，幼直麵條，煙韌彈牙；薄切半肥瘦叉燒，入口即溶；豬骨湯略咸，湯中頗多油脂，口味重；半熟蛋煮得岩岩好，味噌布甸，第一旅吃，味道特別，有一層焦糖在上面，但味噌味味道不夠濃郁，質地幼滑，少甜，拉麵沙律，七彩繽紛，配有粟米片，我仲以食緊早餐，和風醬汁沾上每條麵，估唔到凍食仲好味過熱食，明太子飯，明太子和蛋絲太少，不夠撈飯，飯軟好好味，店員也很主動為我們介紹食物、加水、 服務可以，但環境周圍都好嘈雜，坐多陣都會精神衰弱。