一鍋瘋 (已結業)

天氣開始轉涼唔打邊爐等幾時呀！近期最hit緊係粥底火鍋啦，因為多海鮮，最後食埋個粥暖笠笠，正去到旺角女人街搵食見到人頭收費咁計，唔揀啦就佢啦首先竟然係黎個沙律，咁清新我同朋友都揀左椰子粥底，聽到隔離台話紫薯粥底好味喎，下次試！特選配料，迷你海鮮拼盤咩呀！咁都叫迷你！成大盤海鮮喎仲要好新鮮！有蜆，花甲，桂花蚌，蟹，蝦，鮑魚！蜆粒粒都漲卜卜，花甲同桂花蚌好鮮甜，鮑魚好彈牙，蟹味濃，蝦爽口。簡單一句，新鮮就係皇道！好貼心有圖說明每樣海鮮淥幾耐仲有埋計時器特選配料。美國黑豚肉，蘿蔔，粟米，雞髀菇加自選配料。大份到呢！丸類不過不失啦，反而蔬菜真係好正，配合埋椰子粥底，超甜！！！肉類都高質，由其黑豚肉，入口油脂好香！另外，右下個魚皮餃好好味！食晒配料職員會俾兜粥同南瓜粒芋頭粒你，先落南瓜芋頭，煮一陣d水會收杰少少就加粥。我仲特登煮耐d個粟米等個粥甜d完成！好香蟹味！！點解？因為隻蟹好多羔.好好味！抵食好味呀！

今晚同朋友仔2個人慶祝生日，佢話想打邊爐，我哋就食旺角呢一間海鮮粥底火鍋，之前食過一個大鍋就人人一齊淥。。但原來佢呢間係一人一個煲，衛生之餘仲要個粥底有得揀味道我自己就試咗個椰子味，朋友試咗個粟米味，兩個都唔錯，配料仲要一齊上，擺得幾靚海鮮亦都新鮮冇得頂，每人另外仲可以揀3款打邊爐嘅食材，即係一個我哋兩個人可以揀六款，最後仲要食埋個粥底真係好飽好滿足，價錢仲要一啲都唔貴，每人圍返都係二百幾蚊，平靚正，抵食之後仲要有工作人員幫我地撈個粥底，服務一級棒

放假無無聊聊出旺角行下是常識吧，比我見到呢間位於通菜街既一人海鮮鍋，岩哂我呢d自私精，難得天氣又轉凍，就扯埋男人入去打個令邊爐先鋪仔雖然細細，但人氣超旺，好彩岩岩走左一枱人，我地先叫唔使等位。一入到去，果然見到全場爆滿一坐低，侍應就上左沙律比我地食，食住沙律慢慢揀揀法好簡單，每人選一個湯底，三款自選配料，海鮮船同其他配料就廚師決定，最後加埋飯落去就可以食埋個粥底，諗到都開心無耐湯底就到了！我選左紫薯，男人選左粟米，湯底清清地，無咩味精味。海鮮船到了，每人有半隻蟹，蝦，花甲，蜆...超豐富！而且海鮮真係勁新鮮，上枱時仲郁下郁下，最抵讚係隻蟹，蟹膏夠而且肉質結實，蟹味又濃，好食枱面仲有計時器同埋呢張紙教你海鮮要煮幾耐添，唔怕過熟啦食完海鮮船，配料船就上嚟啦！初初諗住會唔夠飽，點知廚師配料勁多，飽到想嘔最後加埋碗飯落去，就變成粥底火鍋，但係已經飽得好緊要，個粥只能夠食到半碗，清清甜甜，好味 仲有自家整嘅竹庶茅根飲Tim,咁就唔怕熱氣啦（自我安慰中😂）

今天天氣突然轉涼，秋意漸濃，我便相約友人一起到旺角專食火鍋嘅《一鍋瘋》。我們去到火鍋店門口，店員便有禮貌和有耐性地慢慢逐一介紹海鮮火鍋的材料、特點、食用次序和食用方法等等，這樣更令我們期待享受這個海鮮火鍋呢！火鍋店是剛剛開業不足一個月，店內是全新裝修，感覺很乾淨！火鍋店共有四款湯底供選擇，我們選擇了粟米味和紫薯，而紫薯味是較為甜的：海鮮火鍋包括了新鮮蟹和蝦、鮑魚、花甲、沙白和貴妃蚌等等。 全部海鮮份量足夠和十分新鮮，所用食材算是較佳嘅海產。鮑魚咬落很彈牙和好味，配合紫薯湯底就更食得甜美：鮮蝦肉質夠爽和食落鮮甜，唔錯！😋蟹肉很甜，蟹鉗夠多肉：沙白和貴妃蚌有很多粒，而每粒都是大大粒，抵食！海鮮火鍋還包括了一大盤肉類，包括我喜歡的肥牛、包心圓、墨魚滑等，共有幾十種供選擇：最後，火鍋湯底加上白粥便製成了火鍋粥，食落有味道，頗有特色：以$198價錢食到多種海鮮，算是十分超值！

今日同4位姊妹見天氣涼涼地 就係這間新開的火鍋店食一人一鍋火鍋。這邊都唔算好大間，但服務唔錯，幾位侍應都好熱心好勤快，一入到黎就先比每人一個蔬菜沙律，清下腸胃健康下。有蒜蓉、辣椒及青蔥可選放食物方面，198/人可自選湯底（紅蘿蔔、椰子、粟米、紫薯）一大盆海鮮（3種花甲、蟹、蝦、鮑魚、帶子）再有蘿蔔、鮮雞批菇、粟米、黑毛豬）及選3種配料海鮮好新鮮，仲會動的；好鮮甜，好好味道，蝦好爽好大隻！鮑魚好新鮮！配料好多選擇 好味道；選擇有丸、牛或雞；豆腐、菇、粟米、魚皮、生根、炸響玲黑毛豬好大塊， 好好味道好有豬肉味！最後有南瓜及芋頭粒粒 之後煲到差不多就可以加飯入去煲 就有好甜好滑的粥食了

好耐冇去過女人街，今日經過，晚飯時間發現呢間新開嘅粥底火鍋，見到價錢幾抵就走入去試吓。呢間火鍋一入去，職員就會介紹佢哋嘅食法，先會送上每人一碗新鮮嘅沙律菜，然後每人可以選擇一款粥底，有四個選擇粟米🌽甘筍🥕椰子🥥紫薯🍠，我哋四個人食，所以每人要一種唔同嘅粥底，咁就可以試晒👍🏻🤣四款粥底真係各有不，紫薯最受歡迎，因為最後加粥後會最甜最好味，但煮食物時，所以食物都會變成紫色，賣相不太討好，但其實食落好鮮甜。椰子粥底好香，好清甜。甘筍粥底就最青，但係又會有淡淡的甘筍味。我最鍾意嘅係粟米粥底，好香粟米味，好似用粟米湯來打邊爐咁，好正。之後每人有六款時令海鮮，我哋見到個海鮮盤送上來嘅時候，大家都嘩一聲，估唔到有咁多海鮮。而每款海鮮都係超級超級新鮮，而且係靚了，絕不欺場。淨係見到個海鮮盤，已經覺得今次抵晒。新鮮既海鮮，放落粥底度真係超鮮味呢間火鍋店超細心，有指示教你每種海鮮煮幾耐，仲提供埋計時器俾你，等你啲海鮮唔會煮到過時，真係非常貼心。食完海鮮已經半飽，但仲要每人可以選三款配料，我哋四個人就揀咗12款真係睇到都覺得好誇張。這些配料超級新鮮，質素非常好，除咗自選配料，餐廳仲會送五款精選配料包括四款小

今日行過女人街見到有間餐廳人頭湧湧 每一枱都有盤超大海鮮 同一個一人鍋 每個人都吃得津津有味難道是一人火鍋? 非也 非也 並非一般火鍋如此簡單而是一人粥底火鍋 先來個自選粥底口味共四種選擇 粟米 甘筍 椰子 紫薯之後可自選火鍋配料 例如丸類 肉類 餃類 菜類等等共30種咁多 每人可自選三種唔好以為得咁少嘢食餐廳額外會安排特選配料 豐富到有機會食唔曬㗎雪白既椰子湯底 椰香味重 清清的海鮮拼盤包括六種鮮味海鮮:貝類x3 鮑魚 鮮蝦 螃蟹每樣海鮮都有佢嘅烹煮時間 每人都會有個計時器 咁就唔怕海鮮唔熟或者過老餐廳好細心 已經事先將鮑魚內臟去除鮮蝦還是會動的 好新鮮螃蟹蟹膏豐富 甘香滑溜蟹肉結實彈牙 非常鮮甜自選火鍋配料及餐廳安排火鍋配料 這裏是二人份量 非常大盤 差點吃不完食曬全部配料之後就可以落埋粥底嘅配料 南瓜粒 芋頭粒 和米糊南瓜粒和芋頭粒煲到林身後 加埋米糊 翻滾起來 便可以吃了椰子湯底又香又滑 完全冇落一滴鹽 粥底相當夠味 接著一口一口的吃 我要高呼好飽哦$198每人 包括按人頭計嘅海鮮配料 火鍋配料湯底 醬料 米糊真係抵食 齋去買海鮮呢個價錢都唔得啦 仲要有人割埋洗埋 下次

初嚐一人鍋新體驗 感覺幾新奇有趣每位入場費$198包括 六款時令海鮮 五款精選火鍋配料(2種餐廳規定 3款自選) 四款特色粥湯底(四選一) 三款新鮮蔬菜 剛剛踏入晚飯時間 時間尚早 今天我是餐廳第一個光顧的客人 餐廳雖然唔算大 但都算坐得舒服 一坐低餐廳職員為我細心解釋用餐流程 並送上 一客沙律前菜然後調配醬料 簡單三種生蒜 辣椒 和 蔥花紫薯湯底 顏色非常漂亮 味道清清的 完全沒有添加味精 每人有一個計時器 煮海鮮嘅時候唔會過時 非常方便二人份量的海鮮拼盤 共六款海鮮咁多 款款新鮮 即叫即割光是貝款已經有三種 大 中 小貴妃蚌最為鮮甜 完全冇沙食完海鮮之後 仲有一大盤火鍋配料(2人份量)其中兩款配料及時菜是餐廳規定的其後每人可自選三款火鍋配料 二人一起用餐 即可選擇六款食曬全部火鍋配料之後 餐廳職員送上南瓜粒和芋頭粒 放入湯底之中最後把粥糊放入紫薯湯底之中 美味嘅粥底火鍋就這樣完成 食到最後全部配料及海鮮嘅精華都係湯底之中紫薯湯底特別甜 南瓜粒和芋頭粒令到粥底更加細滑 非常美味另外點選了自家製竹蔗茅根水 清熱下火起初會擔心唔夠飽 但原來我咁諗係錯㗎 由前菜 海鮮 火鍋配料 到最後嘅粥

打完8号風球即刻落街搵嘢食，見到有寫住海鮮一人一鍋，即刻忍唔住入咗去食啦可能打完風嘅關係餐廳入邊冇咩客，侍應嘅服務好好認真介紹餐牌同埋鍋底^_^。我揀咗紫薯鍋，我朋友揀咗甘筍鍋，係紫色同埋橙色嘅，紫薯都幾好味，感覺好健康咁。職員都有認真介紹話佢哋係冇味精嘅湯底海鮮就會每人有一份嘅份量。都好足夠^_^！亦都有指示話俾你知，要擺落個鍋度幾耐先至可以整起來食。最正嘅係食到最後尾嘅粥底。擺咗啲芋頭粒落去好香滑。總括嚟講呢間新嘅餐廳都吾錯值得一試，地方便利，服務周到！