一鍋瘋 (已結業)

打完8号風球即刻落街搵嘢食，見到有寫住海鮮一人一鍋，即刻忍唔住入咗去食啦可能打完風嘅關係餐廳入邊冇咩客，侍應嘅服務好好認真介紹餐牌同埋鍋底^_^。我揀咗紫薯鍋，我朋友揀咗甘筍鍋，係紫色同埋橙色嘅，紫薯都幾好味，感覺好健康咁。職員都有認真介紹話佢哋係冇味精嘅湯底海鮮就會每人有一份嘅份量。都好足夠^_^！亦都有指示話俾你知，要擺落個鍋度幾耐先至可以整起來食。最正嘅係食到最後尾嘅粥底。擺咗啲芋頭粒落去好香滑。總括嚟講呢間新嘅餐廳都吾錯值得一試，地方便利，服務周到！