影片
港铁旺角站 E2 出口, 步行约6分钟
继续阅读
营业时间
星期一至日
13:30 - 23:00
公众假期
13:30 - 23:00
公众假期前夕
13:30 - 23:00
以上资料只供参考，请与餐厅确认详情
香港人一年四季都咁中意烚下烚下🍲，已经无野可以阻到香港人对争取打边炉（同民主）既决心😼！加上早排系咁落雨，凉凉地，梗系即刻去打返个蒸气火锅啦！一锅疯地点就喺朗豪坊附近，约人好方便🤙🏻。．一入到去一眼睇哂，四张大卡位，每张有六个炉头（亦可以分开做四人卡位同两人座）。每张卡位都好阔落，唔使惊同朋友膊头掂膊头🤘🏻。-店员好细心咁讲解一次点菜方式同是日海鲜，因为佢地只会挑选新鲜既海鲜🤩，所以海鲜款式未必日日一样。$188一个人包十款海鲜，其他火锅配料$12碟，先食海鲜同配料，最后食粥🤪。．首先拣左标榜无味精、无色素既粥底先，粥底有五款，有粟米、菠菜、紫薯、椰子同甘荀。我地拣左粟米同菠菜，一开始个粥底系好淡味，好似粟米水同菠菜水咁，不过系正常既😙，因为就系要食海鲜既鲜味，太浓味会盖过哂啲海鲜，到最后煮成粥既时候，个粥底先见真章，好鲜甜🥳。不过食开浓味既都有豉油、蒜蓉同葱比你调味。．海鲜拼盘一送上黎真系好震撼🤩！店员仲会比埋个计时器你，枱侧边会教你烚每种海鲜既建议时间，唔怕渌到老哂！今日既十款海鲜有鲍鱼、肉蟹、生蚝、海虾、贵妃蚌、青口、白蚬、北极贝、黄刀贝同蕃蚬。整体上都好新鲜🥳，但有几样系特别正既要赞下：1. 蚬类：无论白蚬、黄刀贝定蕃蚬都大大粒又无沙，仲要食到啲海水味🌊，超鲜甜🥰。2. 海虾：手掌咁长，肉质爽甜🦐3. 鲍鱼：厚肉得黎又唔韧👏🏻4. 肉蟹：其实佢系粥底精华既主要来源🦀，真系好鲜，啖啖肉！．除左海鲜之外，仲嗌左啲肥牛、响铃、鱼肉饺、云吞同娃娃菜呢啲火锅配料一齐烚下烚下🤣。必推响铃同娃娃菜，吸哂海鲜精华，好好食！其他就不过不失啦！．食哂就加稀饭、南瓜同芋头落去煮，煮到淋哂就食得架啦😇！粥底极鲜甜，完全食到浓浓既鲜味！粟米海鲜粥鲜得黎会有啲甜味👄，而菠菜汤底就会海鲜味出啲🌊，如果想再惹味啲可以加菜圃同芫茜！．（见到好多食评话个粥煮完都好淡味，同稀水一样，乜唔识煮阵先架咩？🤣 觉得稀咪煮返杰佢啰🤣🤣 好好彩我食开杰粥，所以唔会一倒稀饭就即刻捞埋黎食！如果想好味啲就记得倒完稀饭之后都要煮多阵呀！）．食埋碗粥真系要捧住个肚走，不过好满足呀haha🥰！
继续阅读
听朋友讲依间啲海鲜火锅几抵又几好食🤤所以特登去左试好西啲海鲜一上到黎真系哗左声 两个人都有咁多😱有鲍鱼 贵妃蚌 蚬 大虾 膏蟹等等😍一位价180几蚊🙈普遍上啲海鲜都叫新鲜🤔除左只虾有少少腥但性价比真系唔错 食完都已经几饱🙈唔够饱既朋友可以再加火锅料或者佢地可以比你最后加粥啲粥索哂啲海鲜精华好鲜甜🤤
继续阅读
听讲粟米椰子汤稳阵，叫咗，汤到，试汤，冇味，唔明点解其他人会赞，入座一定要你食售价188嘅海鲜套餐，冇得散叫，海鲜以外每份收钱嘅配料冇讲明单点份量，即系你叫3份食物，佢比1份你都冇得同佢拗。海鲜，质素参差，有d新鲜有d有沙有d唔鲜。其他配料，例如鱼蛋都系外购，差极有个谱。环境，冇人服务，仲要加一，员工顾住自己人开party，中间有一两个著便服嘅小姐过嚟serve 你，唔知点解…个电炉完全冇力，大火开好耐都唔滚。食完之后睇返comment 先知有蒜蓉辣椒葱，但冇人比过我哋，全程斋豉油加冇味汤底打边炉。食完碗碟骨碟冇人收，放海鲜木桶漏哂水都冇人理。舖头出名粥底火锅但完全唔系想像𠮶回事，只系最后比d白粥你用嚟捞你用剩𠮶d汤。第一次好想快d食完走。
继续阅读
系去光顾依间店当日，买左个二九折Coupon，不过去到先发现即日买系唔认可既！之前食过😢不过都照食！我系星期五晚8:30去，见到座位Full哂既，但无人排队。食物方面，因为以前去过某间粥底火㶽食，对比之下，呢间汤底实系好淡！好淡！打足两个钟，可惜最后加了米糊后，煲出既粥真系太稀，兼无乜海鲜味道。。之前去个间系好浓既南瓜+海鲜味。。
继续阅读
旺角～感觉是年轻人的地盘、今日陪大少嚟朝圣买东西、行到攰一于系附近揾间餐厅医吓个肚、用 “某 “” App 嘅 Early Bird 火锅有半价、顺便可以休息下。小店主打海鲜火锅（一人一锅）、3 个人叫佐3 份不同嘅汤底试试～ 粟米～ 菠菜～ 椰子普普通通、可以10 道鲜味海鲜包括 ；1）日本白蚬2）越南蕃蚬3）纽西兰黄刀贝4）本地鲜鱼片5）韩国北极贝6）大莲贵妃蚌7）阳江生蚝8）大莲鲍鱼9）泰国海中虾10）菲律宾肉蟹每种海鲜都非常新鲜、尤其是海中虾同肉蟹、上枱后重系扎扎跳。要挑剔的话、本地鲜鱼片用普通淡水鲩鱼片、而且切得太薄、系个锅内刷一刷就散哂。贝类品种太多、感觉重复、食完觉得有点腻。追加食物～象拔蚌仔 、对、又系贝类。。。～ 美国三角牛肩（例）、一睇就觉得系长年雪藏肉、不过卖 $68 有半磅、真系无得投诉、食唔食自己决定啦。。。～ 鸡腿肉～白渔蛋～ 娃娃菜～珍珠荀可以、都系大路贷～ 猪润有惊喜、愿意花长时间清洗干净无异味、肉质爽滑、不过都系建议少吃、内脏一片起两片止。最后可以免费加米饭将锅底变成海鲜粥、不过已经好饱了。综合系一个给年轻人祭肚嘅好地方。
继续阅读