一葉台灣料理

营业中

休息中

約了舊同事來個開心聚舊Lunch，選了這評價不錯的小店一試，不出外料，Lunch時間店外還真聚了不少排隊的上班族呢！眼看老闆娘忙過不停，落力地安排人客入座，不消一會便騰出空位給我們了。 落單前給牆上的塗鴉吸引了視線，看來這小店有不少捧場客呢 點了個 肉燥乾伴麵，但當看到對面搭檯那小姐的幼米粉上檯，立即就後悔了... 那米粉看起來幼細通透，好像很好吃耶...哎我要再來試這個！說回我的乾麵，麵煮得稍為軟身，但伴著惹味的肉燥和醬汁一起吃還不錯，滷蛋也煮得入味，所有味道都來得簡單直接，帶點住家的感覺，不喜歡連鎖店的我，看來又找到一個Lunch好去處了。

今次已經係第二次光顧呢間由台灣人經營嘅小店，但今次係食晚餐。我同女朋友叫咗蚵仔餅、台灣白菜、台式炒米粉。個蚵仔餅比想像中大個，好足料(D蠔仔都幾大粒)。其他嗰兩味都整得好好味。另外我哋亦叫咗荔枝啤酒同冬瓜茶，荔枝啤酒其實一D都唔似啤酒，似果汁多D。而冬爪茶就比較甜。當晚老闆娘都有同我哋傾計，問吓我哋對佢食物嘅意見，可見得佢非常著緊客人嘅評價。佢仲俾咗一碗牛肉麵湯底俾我哋試吓，我飲落就覺得比起其他店鋪所買嘅牛肉麵湯底唔同，好似多咗D藥材味，而老闆娘就話係秘密。下次一定要試吓佢哋個台灣牛肉麵。

得知要跟老媽吃飯，在 Open Rice 找到了幾家食肆，想給老媽一點新口味，忽然腦子裡浮出了一葉。差不多兩年沒到一葉了，電話筒傳來花姐熟悉的聲線，雖然從電話中的聲音攪不清楚我是誰，就憑我喊一聲花姐，她便給我預留了桌子，言談中盡顯一貫豪爽的性情。自己的糊塗令老媽久等了，7時30分才抵達，差不多全滿的一葉看來仍大受客人的歡迎。這座客人剛離開，正好給我拍張照。左手邊排了一字橫向的桌子，而右手邊是卡座。店子小小，一切沒變，最搶眼的仍是滿載簽名與字句的花斑斑牆壁，很親切。花姐確是有一種老闆娘的能耐，還未開口便確定我是來電訂坐的那位，佩服佩服！經一輪交道，花姐替我們下了菜單。平日不怎愛這道菜，但花姐一定要讓我試試其特別之處，仍記得上次惠顧時也有推介過，這次老媽也愛試，就試試吧！黃魚的炸粉是酥酥的，與傳統中式甜餅的酥皮很相似，原來是從台灣特別帶過來，絕對有新鮮感！呈透明橙色色調的茄汁襯上菠蘿碎件，味道帶鮮、不太甜、蕃茄味較自然，原來也是從台灣帶來的。最初就炸粉與茄汁這兩種配料欲節省成本而試用本地貨，惜效果有別，唯有執著的用回台灣貨。魚肉本身並無特別，全懶地道台灣的茄汁與酥皮帶出特色來，對比之下我也

一葉係區內少有既台灣菜,身邊既友人都說一菜既食物做得不錯於是便同幾個友人係下午黎到呢度食午餐要小等大概10分鐘先有位跟餐會送埋豆漿點了友人們推薦既鹽酥雞排當大家都點米粉既時候,我點左乾麵後來感覺很後悔呢...麵煮得很稔很稔,好似發左水咁麵條既外圍係化既夾上黎一係一大團既食落亦冇咩味道...原諒我真的吃不下去,已盡力吃了一半但鹽酥雞排係做得唔錯既滿有酥香,食落亦很香口脆漿夠厚身,雞扒有厚度得黎亦很滑點埋醬汁味道會更好只係稍嫌食落唔夠台式風情 豆漿係水準平穩既,甜度剛好下次都係食返大路既米粉或者係飯好了

其實早聞我家就近這台灣料理, 是夜正到鰂魚涌公園跑步後冇方向地到來, 我家大人反正是台式牛肉麵的愛好者....義話不說便內進。店內乾淨企理, 這晚只見三數枱客人, 內進後老闆娘亦熱情款待及推介...價錢公道...一街坊收費但因剛完跑步胃口不大, 我家大人先點至愛"紅燒牛肉麵" .... 湯底濃旭, 牛肉新鮮炆至入味腍滑, 麵身粗扁拉麵口感非常 (跟福建扁麵相近)。我家大人說水準極高, 連湯帶料清晒!再點"三杯雞" .....[剛上枱己芳香撲鼻, 濃濃的醬汁比例(醬油、麻油、米酒)合到好處, 九層塔及薑片芳香夾着新鮮嫩滑的雞件非常惹味....我俾過讚佢!

估唔到我會忍唔住要呢篇「食評」。差不多2年前發現呢間餐廳，久不久就來食吓 lunch。而家越來越多人幫襯，不單唔可以訂位，仲要人齊先入得。因為而家無得訂位，我專程約朋友早些 (12:15) 去。我最早到，餐廳只有幾個人客，餐廳出面成條街得我一個，三十幾度大熱天時，我問可唔可以入去坐，朋友就快到。 我一入去坐，幾乎比人全程監視，老闆娘不斷問我人齊未，可唔可以打比我朋友催佢地快 d 到。不幸地我平時唔遲到的朋友咁啱有事要遲少少。我坐唔夠10分鐘，餐廳仍然有6成座位係空位，老闆娘就好客氣地請我走。我好明白鰂魚涌 lunch time 時間有幾繁忙, 所以好理解點解要人齊先入得。所以如果你想食呢間餐廳，記得最好唔好約人直接去嗰度等，唔好有朋友遲到，就算人齊去到，記得食快 d，因為之前嘅經驗話我知，其實你一食完佢地會立即埋你單同執哂你嘅餐具。食物味道一般，服務 & 用餐時間同茶餐廳差不多但價錢貴過茶餐廳。之前有食評話老闆娘十分好客，又話雖然 lunch menu 無咗麻油雞麵線但老闆娘都會幫佢叫台灣廚師煮。我去食過咁多次，都試過同老闆娘傾計，其實老闆娘係唔會有時間同你傾的，亦唔會比你 orde

這間是我在這邊返工的第一個星期已經想著去食了. 這天終於可以拉埋朋友去食! 12時多去到, 店子的坐得幾滿了, 幸好還有張空台.上兩個星期食過轉角那間叫什麼“味軒”的台灣野 (openrice 好像沒有這間), $40 食個爛鬼肉燥飯, 而且味道中下, 同事們都對這邊的台灣料理滿有陰影了. 今次這間較多好評, 應該不太擔心. 看看lunch menu 都幾多款式揀, 總比那間好. 朋友介紹食新竹米粉, 那我都跟他一樣叫鹽酥雞排米粉. $40 連豆漿米粉很幼細, 這種米粉好像不太多地方食到, 配上濃湯食落不錯呢! 而且湯內有佷多蔥花等配料, 食落帶點清香. 一食就愛上了.雞排做得夠台式, 炸粉厚厚的, 上面灑上什麼胡鹽, 食起上來挺鹹. 雖然我不太喜歡那種做法, 但不竟是較正宗.唯一不太滿意是好像去了茶餐廳一樣, 一坐低還未看餐牌阿姐就過來問你食咩. 還會因出面有人等就很客氣地請你走.

3個女仔一齊食晚飯, 因為唔食得好多, 所以就叫d野食share!今次我地食1)沙茶牛肉 $602)台式炒米粉 $553)肉燥飯(大) $184)豆漿x2 $105)冬瓜水 $6沙茶牛肉好好味, 而且我好鍾意食芥蘭! 不過同事覺得芥蘭有點硬, 所以人人口味唔同! 但呢款小菜配飯真係一流。老闆娘推薦的炒米粉! 睇個樣好似粉絲咁, 但原來都幾好味~因為d 米粉唔硬, 而且好有口感! 我飲豆漿覺得OK~同事飲冬瓜水, 佢話唔太甜, 都好味~~之前試過咖啡, 老闆娘話台灣入貨ga!老闆娘來自台灣高雄, 很好客, 而且每次上曬食物都會「得唔得?」可見佢真係落手落腳去希望做好生意~~而且成日同D客人傾計, 個個去都好似好熟絡咁~~~大家去到, 都不妨搵老闆娘傾下計丫~!!!

星期六專程往鰂魚涌朝聖一間網評不錯的一葉台灣料理，一腔熱誠換來滿肚子疑惑。我與「主人」在中午約十二時到食店。我們先點了蚵仔麵線，本來打算再要一個紅燒排骨飯，但店員向我們推介上海豬扒菜飯，並說這個菜飯是附近上班一族們最喜歡點的，我們因此便改叫這個是日推介。不一會，蚵仔麵線來了。一看，「主人」立刻嘴扁扁，原來她以為這蚵仔麵線會與在台北夜市吃過的相似。結果，不論是味道，製法及賣相，此蚵仔麵線都不同彼蚵仔麵線是也！我們正要吃的，是蚵仔清煮麵線，一滴用於台北蚵仔麵線的汁都沒有，雖然有冬菜佐料，但始終覺得味道較淡及寡，與台北蚵仔麵線的風味相去甚遠。由於我本身不太喜歡吃台北蚵仔麵線，故對此亦無太大失望，我反而胡亂猜測這麵線是屬於台北以外的流派，這當然是瞎猜罷了。本來，口味是很個人的，淡濃問題不是太大，但令人搖頭的，是蚵仔麵線的靈魂，蠔，無甚鮮味之餘，更是很多都有沙，吃幾口就吐一口沙。我與「主人」「捱」這麵線時，真是好像吃有骨的魚一樣，由於對這些蠔的衛生情況產生懷疑，所以一面吃一面驚會肚痛。吃完蚵仔麵線，推介的上海豬扒菜飯接著上枱，它的外表娟好，令我心中一寬。先嚐青菜，但覺味道清爽，鹹淡適中，以為食神

J.&A.食過都讚好，咁岩M.黎呢頭shopping，當然唔放過咁好既機會試食喇！必飲冬瓜茶，好清甜，夏天之選．蛔仔酥：雖然宜家唔係食蚵仔既季節，但都食到鮮甜既，炸到香脆又唔覺膩．糖醋油爆蝦：酸酸甜甜好開胃啊，中蝦連殼食又幾盞鬼．紅燒排骨飯：排骨炆到好焾身，好入味．

前幾天無意中在TV看到介紹此店舖，所以今天一於去試下，我們在早上大約１１點８去到，無開燈，黑漆漆，吳通未開門，咁我地又見門口個牌寫住１１：００AM 營業，一場黎到我咪推門問下佢地開門未，有位亞叔問我地會想食咩，但他仍然無開燈喎，咁我咪問返佢係咪未開門，如果未開，就算吧，正當我地想推門走人的時候，個亞叔又話開喇，叫我們隨便坐，　然後才開燈開空調.看見餐牌好多野都好想食，但因第一次來食，所以只叫了台式炒米粉，麻油雞面另加一杯冬瓜茶。台式炒米粉HKD50-, 炒得好乾身，好有獲氣又不會油淋淋，配料又好多麻油雞面HKD50-, 是湯面,好香麻油味，雞肉是件雞件，都好多件雞，成碗野都好大碗，份量亦很多。冬瓜茶HKD6-, 都幾好飲, 不會太甜, 而且又可解暑.

是日又無飯食,去左屋企附近買野食啦見到呢間野,成日想去試又無機會,今次就買來食下啦叫左個鹽X雞扒飯+冬瓜茶雞扒分開上啦,幾好味,脆脆地咁啦,個飯有D瓜,有D菜係面,有D肉碎,有D醬唔錯,份量OK,個冬爪茶幾甜下

終於到此一食......我非常鍾情於台灣料理; 我鍾意的程度是可以要用自己的死腦袋去記住「XX男女」推介過的又正宗又好味的台灣料理店。 此店老闆、厨師及食材均清一色來自台灣, 可想而知要食正宗台灣料理, 非此店莫屬此店午市所賣的都是麵食、米粉和便當, 想吃台灣家常菜......請留待晚上六時後牆壁上寫滿了讚賞字句,也有一些異鄉客留下的思鄉証據。台灣精緻午餐奉送豆漿/冬瓜茶。 昨天冬瓜茶售罄, 店主話要下星期才番貨,那麼只能叫豆漿吧。豆漿應該也是交來的, 因為親眼見到店員把豆漿從巨型透明膠袋分別倒進各紙杯裏。紅燒牛肉湯麵; 湯底甜而且有濃郁牛味, 就算全碗飲盡也沒有口渴。 麵是白身粗扁拉麵, 口感夠Q夠嗦汁。 牛肉炆得鬆化入味軟熟。墨魚餅魚腐乾麵; 乾麵即是拌麵, 撈麵。 墨魚餅有墨魚粒, 好咬口; 魚腐軟淋淋, 好舒服。 麵也是白身粗扁拉麵, 用來撈也是一流！單單午餐已經那麼出色, 我想晚餐呢......一定是不得了

不嬲好怕食香港既台灣野,冇特色之餘又唔正宗,不論不類前幾日老公帶我來呢度,姑且試試啦!食物好好味,好正宗,價錢平,老闆娘對品質要求既執著令我不可不帶全家來試今日全家來齊,可試多幾味野點左紅燒牛肉,一葉炒飯,台灣炒米粉,三杯雞,蚵仔酥,胡椒蝦,五味卷,蒜泥白肉超好味呀~~~~ 大大份,油少,又唔鹹終於搵到好既台灣餐廳!記得點埋冬瓜茶,home-made,唔太甜,清涼解渴,正!

有一晚回家途中發現一間好隱秘的台灣食店 - 一葉位於鰂魚涌芬尼街13號得發大廈地下試了紅燒排骨麵餐,另加$3有冬瓜茶,再加$8有個菜個麵的麵質不錯,排骨做得好軟淋,個湯底唔會放好多味精個港幣八元正的菜,估唔到喺咁好味呢但老闆娘熱情地推介麻油雞麵線,只好對她說下次再試吧!結果今天LUNCH就去試吓過麻油雞麵線點知去到店內看見MENU無咗麻油雞麵線立刻找老闆娘問過究竟!原來午餐MENU是不同晚餐MENU的!老闆娘見我專程來試,就幫我問吓台灣廚師可否煮給我食,最後當然是無問題啦並且知道了老闆娘是台灣高雄縣人!麻油雞麵線用了黑麻油,老薑及枸杞等材料來做,麵線不會煮得太淋,雞肉煮得剛剛好,質地非常嫩滑老闆娘仲話女仕們食麻油雞麵線,好補身呢