一葉台灣料理

营业中

休息中

放工早早約左男朋友，見天色唔好，落住毛毛雨，就早啲食飯。我地大約平日6點9到餐廳，一個人都冇，侍應好因勤👍🏻其實呢間餐廳我地第二次泥，對上一次都成兩年前，食過咩都唔記得了，只記得感覺好唔錯🤔我地兩個唔太餓，叫左兩個餸一個魯肉飯- 干扁四季豆 $75OMG！呢個好好食！餐廳加左好多蝦乾仔入去炒，係圖入面都見到有好多蝦乾仔，調味好好，又炒得好乾身，男朋友用啲肉碎蝦乾食左一大碗飯！大推- 三杯雞 $118其實我條唎好炸😂我食唔出三杯雞入面佢落左啲咩香料，只知好個啲葉好香，炒到成個餸都係個隻葉香，調味好好食！雞嘅份量好多，我估計都有8-10件左右，我同男朋友都密密食，雞就普通雪藏雞，冇特別。而且佢係用瓦煲上，食到最後都仲係好熱- 魯肉飯 $25um...呢個飯相對上面個兩個菜就比較遜色，味道正正常常冇咩特別，，魯肉份量略嫌唔夠多，下次應該唔會叫了。總結：呢間餐廳啲小菜都好好食，雖然都唔平，但我會再返泥食。

食得慢真係諗清楚！午餐時間，由等位開始員工們跟老闆娘一致冇禮貌，好似求佢比張枱我地，誰是客人。正式開飯，佢地會不停不放棄地望住你食晒未，未食晒會出現十分不耐煩樣，員工們都好努力睇住食客幾時食飽。一放快子，即收走，她們任務成功請你走。仲要不停拎起你杯飲品睇下飲晒未！我明白中午時間位置比較緊張，快啲走快啲入下一枱，但唔代表要趕人走，午餐都要60蚊！可以表達得好啲既。食物係好味，但必須有心理準備，隨時比人趕走

同事帶左我地去食lunch，佢地介紹呢一間好好食。🤔入面唔大，最多可以容納20人左右。一到去我同事就大叫左出嚟，原來餐牌轉左，冇咗台灣腸等等。😱我叫咗個香酥雞扒飯，好大份！佢有好多豆角，好多飯同一塊雞扒。豆角好甜好好食👍🏼，雞扒同肉操飯就普通，唔係話特別好食，肉操同雞扒都偏鹹。飲品方面，default 左係豆漿，轉任何野飲都要加錢。🙈好在我哋早左黎，我哋走嘅時候門口已經排滿人。我覺得可以一試嘅。

一行6人全部人都點左雞排，不過雞排有兩款，一個係香酥雞扒另一半係麻椒雞扒。另外可以配米粉，飯同埋麵。野飲跟鮮榨（聲稱）豆漿。成個餐$58 同$59蚊。先講雞排，炸粉都幾厚身，會同雞扒皮肉分離。兩款雞扒其實係同一款雞排黎嘅，只係佢既麻椒雞排多咗啲汁，但個汁係甜酸咸咁，唔明點解叫麻椒😂一d麻都冇...米粉好似係興化米粉咁幼身，但唔吸味。好難形容，湯就咸既，米粉就冇味嘅，2樣野一齊放入口但唔夾既咁。麵就可能係台灣麵線，好淋。呢個可能唔可以怪佢嘅係台灣麵嘅質地，但唔岩我地口味。而杯豆漿..係室溫既，唔多好飲。**未飲完餐飲就比店員扔左**但食完佢個麵之後都難免會口渴，當我地計緊數買單嘅時候，我朋友杯豆漿俾店員拎起咗，我朋友都即刻話佢未飲晒，但個店員竟然冇理到就咁就掉咗佢..然後叫我地快d走出面有人等緊。其實大家都食lunch都明等位既煩惱，加上我地都趕時間走都食得快同食完就計數，我地已經扔緊d錢出黎計緊。佢扔我地杯野飲既做法真係好差劣...

一葉開左係我屋企好耐，終於有得試喇!!!點左三杯雞，櫻花蝦炒菜同紅燒牛肉麵，每樣野都好夠獲氣，真係有番左台灣食野感覺。三杯雞好地道，好香好香，最岩送飯，佢既汁做得好濃味，D酒味湧出黎，必試。櫻花蝦炒菜炒得好香，老板娘一D都吾孤寒，比左好多好多櫻花蝦係碟菜到，正!紅燒牛肉麵好正宗，好正!

一向鍾意台灣美食既我, 見到後街有疑似隱世食店就即刻衝左入去試食!一入去果時, 店員好細心咁提醒我風口位大風, 十分抵讚!見到個餐牌都留哂口水, 好多都標榜住係台式既食物我點左一杯熱冬瓜茶, 略甜, 但味道相當正宗, 份量十足大大杯!主菜黎喇! 台式炒米粉好夠鑊氣, 米粉唔會太過乾身, 十分惹味均衡飲食XD 所以叫左一個牛肉炒高麗菜高麗菜好甜, 好夠味, 醬汁亦好好食, 相反牛肉就冇乜特別最後怕唔夠飽, 叫左一碗肉燥飯$25雖然肉燥滿滿鋪哂係白飯上面, 但由於炒米粉上面都有肉燥, 所以不太特別而且略嫌味道不足, 肉太過乾身, 比起其他野食, 相對較為失色最後食唔哂 發現飯盒要另加$3 比起其他餐廳有點貴呢所以下次可以自備食盒!

為了避免打工仔午飯人潮，未夠12點已經到達餐廳，熱心的服務員帶著和藹的笑容幫我安排座位。 餐廳播放著台灣人氣歌曲，打頭陣有地表最強的周杰倫，雖然只是普通小店，店舖不算很大，位置亦唔就腳，但氣氛服務非常好。點了午市套餐：紅燒牛肉米粉牛肉份量多，一碗有4大件，牛肉夠厚，經過炆煮，非常軟腍！米粉是用台灣新竹米粉，比較幼身、半透明，好像米粉跟粉絲的結合。牛肉麵最重要就是湯底，這個湯八角味和薑味比較重，配上酸菜和香蔥，令人停唔到口。套餐附送豆漿，客人可以額外加錢轉其他飲品。午餐$62 真心覺得貴左少少。

想試呢間好耐，聽過唔少好評，琴日咁岩經過終於有機會一試！叫左「招牌乾燒牛肉麵」，係一款拌麵來的，上檯時熱辣辣出哂煙，擔心會唔會未「鯨」乾水，下面有一大pat水浸住d麵，好彩唔係。先試左佢既配菜，係自家醃製既椰菜，有d黃色既醬汁掛係菜上面，甜、酸、辣集於一身，好過癮。重點黎啦，個牛肉好有驚喜，超級淋，入口即化，而且好重牛味，好新鮮，食得出店主係用心去煮。麵就普通，但個醬汁辣辣地幾惹味。價錢$68一碗，但所謂跟餐飲品都要至少$15起跳，有d貴，成餐埋單要$86，係有d貴！值錢在果幾舊牛腩囉～

有一段日子冇幫襯喇。對上一次食牛肉麵，覺得個湯淡咗好多。而且間舖出面長期都，好大風。等位吹住風都幾係野。食物種類幾年都冇咩變過……變嘅只係價格今次試下個鹵香豬扒麵先。可以比較下牛肉麵嘅分別一見睇晒！豬扒本身好入味……係太入味。比較咸。連麵一齊食就ok個湯底冇牛肉麵嗰樣中醫醫材味。相對之下，冇咩特色喇。麵條比，牛肉麵幼好多。軟硬適中。好食嘅。天氣凍，食碗熱麵就真係吾錯。下次都係食牛肉麵好。個湯飲兩啖會好暖身。

Highly recommended by a friend and did not disappoint! Must-go place in Quarry Bay to satisfy your Taiwanese street food craving! Favorites were the prawn dishes --- one coated in salted egg and the other one the spicy sweet version! Three-cup chicken claypot and oyster egg dish were also good! Suuuuuuper friendly staff! So refreshing! Will be back for sure ✔✔✔😍

雖然係鰂魚涌番左甘耐工,但都食過呢間餐廳約左位舊同事食飯，就由佢帶我去呢度食入到去果條街，一見最多人排隊果間就係架喇哈哈。我點左香酥雞扒飯$56（包一杯豆漿）個雞扒落左少少椒鹽，十級惹味。食到最後已經不行了，真係好full><至於翠肉瓜直頭成為我既至愛　呢間既翠肉瓜係用蒜蓉炒，唔林之如，惹味到我既舊同事都不停偷食。而且連個飯都係魯肉飯，真係突然覺得好抵^_^你話間野係咪正宗台灣野，我就真係唔知。但係絕對係岩哂港人口味囉由於真係好多人等候，所以佢一般都會催人埋單，務求令到個turnover高d。不過生意難做，亦都冇咩所謂既~~~

今日午飯時間過黎 唔算太多人 諗都冇諗就揀左我最愛既 香脆雞扒飯 呢度既份量適中 雞皮香脆 雞扒份量十足 多汁滑留 沒有太油既感覺 配上帶有微酸的醬汁 令人有食完好想再食既感覺 價錢係鰂魚涌黎講尚算大眾化

8月第一日，又到每月工作日午餐巡禮的時間。每月返工都常有20幾日，在鰂魚涌區雖然超過20間食店，但能夠經營多年而又能夠保持食物水準的食店就不太多，當大家入去連鎖食店食個午餐都要$40~$50的時候，比多少少食個特色午餐又如何？是日早點離開公司去午飯，因為若遲5分鐘就會好多人等位。今次要了滷香豬排飯加本身個餐送豆漿。來時正如大家所見一樣，豬排已經切好，有很多豆伴碟，飯上還有肉燥，吃下來很開胃。豬排肉不乾有汁，豆是涼的帶少少鹹，飯量剛剛好。$56冇加一，食物保持水準，但閣下如想加一個燙青菜要加$22，個人覺得就貴了點。

Lunch時段嘅鰂魚涌，唔理係好食定唔好食嘅餐廳，都一定會大排長龍，呢間都唔例外。大熱天時，仲要等齊人先比入香酥雞扒麵 - 雞扒一般，炸粉比較厚而且冇乜雞味。個麵贏在有啲肉燥係度，亦都有粗同幼麵揀，不過麵質略微淋咗少少。份量適中，岩岩夠食。招牌乾燒牛肉麵(辣) - 牛肉幾嫩口而且好入味，比雞扒優勝幼麵比粗麵好味，冇煮得甘淋。呢個價錢，係同區午市時段黎講算係適中，味道可接受，最重要嘅係同區真係冇乜同類嘅選擇。

諗住食少少，之後去gym.....又自已呃左自己了。叫了碗擔擔麵，非常花生醬湯底。（至毒添）朋友叫左羊湯麵，都好多羊片。個湯又冇羊騷味，ok 喎。墻身安裝白板，加手繪塗鴉，好似好得意咁平日lunch多人，地方淺窄，服務態度真係差少少。晚上又唔差喎。此終晚市係呢區就弱d，六十幾文個麵。。。。都係午市抵食好多。