一盛極牛 (已結業)

今日經開天文台道以為又要食韓國野啦，點知發現新開左間拉麵店，個名好特別叫"一盛極牛"，好奇心之下去望一望，發現佢地賣既唔係傳統豬骨湯底 + 叉燒，而係牛骨湯底 + 牛肉!!!______________________________🔹白牛拉麵 $108呢間鋪只賣兩種拉麵: 白牛 同 極牛基本上兩種拉麵完全一樣，但白牛就會喺湯度加入"白松露"。師傅話牛骨湯熬足20個鐘，加入秘製醬油，極牛牛味會重啲，白牛就特別啲。.我揀左比較特別既白牛，味道我揀左"普通"，已經好香松露味，重口味人士不防試一下"濃味"😋.至於牛肉有刺身同炙燒揀，和牛刺身喎，諗都唔使諗啦！好鮮既🐮味呀，完全唔會畀白松露搶左味呀。.不得不提個麵非常彈牙，師傳話係選用左南天製麵，口感，形狀都係特別訂製架。

知道尖沙咀開左間拉麵 即刻去試😋間野叫一盛極牛 原來真係得3款拉麵 配三款牛：慢煮、刺身、火炙。我叫左招牌極牛拉麵配火炙和牛牛望落仲有啲生生地，但食落去又有啲難咬，一讚既係有好香既牛味。至於拉麵，口感ok，湯底就似平時燒牛肉既味，好香又不會太咸🤤配料方面都有好多，基本野都有， 中意食黑木耳好爽口！仲有半隻溏心蛋！溏心蛋整得岩岩好，不會太熟或太生！食多一隻都仲得😂飲品方法就要加錢既，但餐廳有檸檬水免費serve，都不錯👌👌

今日同女友一齊黎到尖沙咀，行過見到呢間主打牛骨湯既拉麵，決定試一試！廢話少講，直接去相一黎係我叫既和牛刺身版本既極牛拉麵，講真佢比我感覺有啲似生牛肉粉，上面紅洋蔥同牛肉係夾既，拉麵屬於中等粗幼既麵，湯頭都算濃厚～另一款係火灸極牛拉麵，將熊本和牛火灸配上牛骨湯拉麵，油香味都好出色，基本上兩個麵都係一樣既湯底同做法，最大分別係客人想食邊款口味既牛肉！總結其實我覺得兩款牛肉都各有特色，如果想要嫩滑啲可以揀和牛刺身，想香口可以要火灸，另外湯底濃度，麵既軟硬等等都有得選擇，如果想一試有別於傳統拉麵既牛骨湯拉麵，可以黎到一試

係尖沙咀搵食，周街都要排隊，誤打誤撞入左呢間新開既一盛極牛。開宗明義寫住係牛骨拉麵，同平時比較多出現既豬骨，雞骨同魚介有咩分別呢？呢度既牛肉用左熊本和牛。行過黎太熱，叫樽可樂先。一碗叫左牛刺身既極牛拉麵，牛肉係即切，所以幾新鮮，而牛骨湯底好鮮甜加埋自加製醬油味道都幾濃。另一碗叫左火炙，但好似冇咩火味。有半隻味蛋，幾中意係溏心而唔係流心。可能剛開業，師傅們都有問我哋意見有咩可改善既地方，期待你哋將來既進步! 之後黎可以試到赤牛 同 白牛拉麵～

尖沙咀日本拉麵店新選擇‼️🍜1️⃣ 湯底 係用牛骨熬煮二十個鐘🐮2️⃣ 和牛 係用來熊本縣既和王😱😱3️⃣ 拉麵 係用真空雞卵麵 用上麵粉同蛋粉之餘 仲加入鹼水令拉麵更彈牙🍜新店開張只有兩款拉麵1️⃣ 極牛拉麵 2️⃣ 白牛拉麵極牛拉麵湯底加左秘制醬汁 牛骨味濃之餘飲落唔會覺得好油膩～白牛拉麵湯底加左白松露 松露味超突出 中意白松露既必試啊❗️牛肉方面有得揀和牛刺身同火炙和牛重口味既可以另外order和牛刺身另上🤤呢個價錢食到和王都總算值回票價💕唯獨拉麵鹼水味都幾明顯 唔係個個食得慣😳

日本拉麵食得多，但以和牛做賣點既真係第一次。極牛拉麵($108)牛肉可以揀刺身、火炙或者慢煮，我就揀左火炙😊和牛上碟前炙至剛熟，仲呈少少粉紅色，不過有一兩舊比較韌，再嫩滑點就好了；湯底唔會太鹹，牛味濃郁，岀奇地有點煎完牛扒個陣香味；配菜有大量洋蔥、芽菜、木耳；拉麵係帶鹼水味的雞蛋麵，份量都好多，食完一碗夠晒飽阿！

朋友個朋友新店開張，話去捧下場。餐廳位置於諾仕佛臺酒店附近，呢頭食韓國野附，拉麵店應該係等呢一間-一盛極牛。餐廳對面就係間韓國店，外面掛幅大大塊門簾寫住「麵屋」。 入內面積唔算好大，大約30座，裝修簡約。餐廳主打三款拉麵🍜，有餐牌紙提供拉麵軟硬度，湯式濃度，配料分量，仲可以額外加錢追加額外分量/配料/主菜。兩人店員哥哥，外表高大，但對答溫文，服務不錯。極牛拉麵($108)賣相不錯，配料有流心蛋、木耳&蔥，拉麵分量足夠我食量，男仔大食的話應該要追加麵底。拉麵咬口剛剛好，軟硬度適中。身體力行支持小店💪🏻

平時細妹住喺學校🏫放假果陣又各有各忙🏸🎤📸🛍👫有時真係成幾個星期都見唔到一次🤦🏻‍♀️🤦🏻‍♀️難得今個星期大家都得閒又聽聞尖沙咀開左間新嘅拉麵店🍜🍥於是約左一齊去試下🍽🥢.牛肉刺身拉麵🐮🍣湯底味道濃厚，有好重嘅牛肉味🐂不過醬油落得太多，食落鹹左少少🤔🤔麵條軟硬適中，入口彈牙👍🏻牛肉刺身俾湯底浸至半熟，尚算嫩滑，但浸耐左會有少少韌，建議盡快食左先😂😂😂推介程度：👍🏻👍🏻👍🏻（5個👍🏻為最推介）.脊燒牛肉拉麵🔥🐮脊燒牛肉拉麵湯底嘅湯底&拉麵同牛肉刺身拉麵相同🍜脊燒牛肉燒得啱啱好，食落一啲都唔鞋口，香口多汁，唔錯👍🏻👍🏻👍🏻溏心蛋咬落仲有少少蛋汁流出😍可能喺湯底入面浸耐左，所以都係鹹咗少少，不過都尚可接受嘅😌😌推介程度：👍🏻👍🏻👍🏻👍🏻（5個👍🏻為最推介）

去開尖沙咀，見到間個名好大嘅拉麵店，原來係啱啱開，網上都未見佢嘅報導或食評，就大膽走左入去試試啦🙈但可惜佢地好多材料都唔夠，只係試到極牛拉麵，仲要連糖心蛋都冇晒啦😟1. 極牛拉麵配和牛刺身（＄108)🍣🍜極牛拉麵就係醬油拉麵加牛肉，而彤彤揀配牛刺身🍣湯底有幾香嘅醬油味，麵底都好多，和牛明顯有刺身嘅口感，有牛味，不過就有少少韌，但未到全部，係可以接受，配上拉麵食都OK的🙈彤樂評分：7/102. 極牛拉麵配火灸（＄108)🥓🍜相比起前者，反而火灸過嘅牛更好食，一食第一啖牛😋牛味好香濃，有點牛舌嘅味道都口感，而且唔會韌亦唔會膩，而麵底同湯底都同上碗一樣，感覺上更搭拉麵🍜彤樂評分：7.5/10

要數香港的拉麵店，果真花上一整天也數不完。而要從萬綠叢中成為那一點紅，絕對毫不簡單。每家店要花盡心思、絞盡腦汁，才能想出自己的突出之處。是晚途經尖沙咀新開的「一盛極牛」，決定和家姐一試主打牛骨湯底的拉麵。新店環境不大，但尚算舒服。餐單是常見的自選拉麵紙，可因應個人喜好剔選多項拉麵的做法，如拉麵硬度、多蔥少蔥、湯底濃度等。而這新拉麵店只有兩款拉麵，但貴精不貴多，我們各點一款試試。一陣松露香氣撲鼻而來，原來是先到的白牛拉麵($108)。除了香味，這拉麵的賣相也不錯。數片火炙牛肉置於香濃的拉麵湯上，配料精簡，但看下去整體感覺和諧。白牛拉麵的湯底用白松露熬製而成，喝下去與聞時同樣引人入勝，好不香濃。縱使湯底看上去比較油，但吃下去卻不覺過分油膩，反而是層次豐富的牛油香。火炙牛片同樣十分出色。半熟的火炙牛口感鮮嫩，是十分好的貨色。牛肉咬下去嫩滑非常，肉味濃而不膩，的確出色。說時遲，那時快，極牛拉麵也上菜了。極牛拉麵是別處也常見的醬油湯底，看上去不太深色，估計不太濃味。醬油味道不是很濃，不過也好，因為我不喜歡太咸的拉麵湯底。而這碗麵與另一碗另一不同之處是所選牛肉。我選的是和牛刺身。雖然只有四片，但四

今日番工攰到不得了，所以晚餐打算喺公司附近隨便解決就算😪 行到黎天文臺道熟悉嘅炸雞店，居然要等位。。。我同同事兩個唯有轉戰隔離呢間新嘅拉麵店🤔 入到去聽店員講先知原來仲試業緊，所以暫時得兩款拉麵—— 白松露湯底嘅「白牛拉麵」同醬油湯底嘅「極牛拉麵」。兩款都係$108，同區黎講價格正常。我揀左白牛拉麵，配火炙牛肉。賣相相當唔錯，幾片火炙牛睇落係超級吸引，而且未食已經聞到好香嘅白松露味，加分！！先嚐一口湯底，白松露嘅香味鋒湧而至，香濃到不得了！同埋店員有過黎解釋呢個牛骨湯底會較一般豬骨湯多油，因為咁先可以保留牛骨湯嘅香味，真心好正！另外，幾片火炙牛口感嫩滑，燒到約6成熟，所以一啲都唔會韌，好好食！拉麵我揀左普通硬道，啱哂我呢啲懶人，口感唔錯。枱面亦有一般嘅七味粉、芝麻嗰啲，不過我覺得個湯都夠香濃，唔洗另加都可以👌🏻食完碗正拉麵，出黎見到隔離鋪仲拉緊隊，我覺得自己真係揀啱左😍😂

一盛極牛🐮🐮🐮～～～～～～～～～～～～～～～～～～一盛極牛係尖沙咀啱啱開張，好驚喜係有日本feel嘅拉麵👍👍👍😍極牛拉麵😍牛肉可以揀慢煮、和牛刺身、火炙, 今次揀左火炙，牛肉係熊本牛，肉質好好，有質感，有牛肉味。湯底係牛骨湯，唔算太濃，令成碗面嘅味道都剛剛好, 麵嘅硬度剛好。糖心蛋滷得入味，同拉麵絕配。乾筍甘甜，咬落去爽，青蔥也有清脆口感，最特別係加左紫洋蔥，質地較脆。