一番風味 (已結業)

七點半一進店就看到老朋友，灣仔的朋友們看來都開始發現這新晉小店。看到餐牌，二話不說! 小二，及老子來個招牌蟹粥! 每枱人客都有柯打蟹粥，難怪一進店就嗅到甜甜又溫暖的香氣。執輸行頭慘過敗家，當然唔會唔叫咁蠢啦! 粥底creamy又鮮甜，睇下d膏! 爆矖出黎丫! 成隻膏蟹係返個粥度，d膏實得黎好有沙沙地既質感，仲好香，食多幾啖都咪話唔｢留｣。再叫多兩個海鮮小菜古法蒸龍躉片蒸得剛好，但要盡快食用，一放涼左就好｢鞋｣。如果切得厚d會冇咁｢鞋｣，d皮都會彈口膠質d。蠔油係有心思既，不過用返蒸魚豉油會冇咁嗆味。花雕蒸蝦仁賣相相當靚，龍藏黃金堆咁。好有心思，挑曬蝦腸又炒過先蒸。香係的確好香，不過可能就係炒完先蒸令蝦肉老左太實，但仍食得出係新鮮，好彈口。下底既蒸蛋用埋蛋黃比較少見蒸得好滑(絲般滑溜)。P.S. 門口個姐姐好惡😯不過環境係好坐既

以前每次去澳門必定去食蟹粥，但澳門回歸後，蟹粥店舖老板可能揾夠錢就把店舖頂讓出去，自此之後感覺整間店舖人面全非兼蟹粥的品質也變了，所以再也沒有光顧。但日前經朋友介紹下，和家人到灣仔道138號明豐大厦地舖的一番風味終於再次食到我心目中的蟹粥。入內坐下，經侍應推薦下叫了四位用晚市套餐($828)，有海鮮蟹粥、果皮蒸鮮鮑、薑葱焗筒蠔、銀稔祿鵝、蒜蓉炒時蔬、XO醬白玉蒸龍躉球兼有兩款每日不同的餐前小吃。今晚的餐前小吃是陳醋雲耳和海蜇，雲耳用小許麻油加陳醋作調味，海蜇就用麻油作配料，入口索索聲，夠彈牙。蟹粥和海鮮上枱十分快手，蟹粥用一隻大膏蟹煲至粥底金黃，蟹膏把整個蟹殼包得滿滿的，蟹肉鮮甜，問老板娘怎樣才能把蟹粥煲至金黄鮮味，她笑笑口說獨有秘方，但强調絕無味精，最後她也有把獨有秘方告知，當然講明是秘方，我也要為她保守秘密呢。再吃果皮蒸鮑魚和薑葱焗筒蠔，曾吃過靭過橡皮的鮑魚，但這碟鮑魚彈牙好咬口。而桶蠔口感十足，因size有我半隻手掌大。XO醬白玉蒸龍躉比較有創意，清蒸龍躉吃得多，用XO醬蒸龍躉還是第一次食，XO醬蒸煮過後不帶辣味，龍躉切片入口爽滑。銀稔祿鵝用銀稔醬炆得入味，鵝件煙靭有口感，它的味

之前有朋友話好食，食評亦有很多相，對蟹粥非常感興趣，於是3人行去灣仔碰一碰運氣，好彩星期一，黎到門口都唔多人，有位即食，見到一個4人餐都唔差，不過我們3人應該食唔晒，見食評都話個蟹粥好大鍋，所以決定散叫一個蟹黃蟹粥和2碟小炒，2杯凍飲，叫左菠蘿咕嚕肉，同薑蔥桶蠔煲。 通常出街食我都成日叫菠蘿咕嚕肉，因為自己煮唔到，估唔到個蟹粥好快就黎，當然佢一定一鍋每日煮好架啦，顏色好橙黃，粥內有一隻大過我手掌膏蟹，蟹膏係橙色一塊塊，足料一鍋足4-6個人食，真的很大鍋，價錢係時價，今日就$328貴得黎係值得，粥底又綿，我相信佢先用一些膏蟹要黎做粥底，到有客人叫，再另外加一隻大膏蟹落去再煲一陣，粥先可以禁重膏蟹味，唔食蟹肉淨粥都啖啖精華感覺，而裡面足一隻大膏蟹，我們數過一隻蓋，2隻鉗，6件身同腳，所有膏仲連住肉添，蟹腳啖啖結實有蟹味，蟹蓋更不同凡響結實橙色膏，很久沒試過如此滿足啦，堅食晒一滴都唔浪費。薑葱桶蠔煲，桶蠔無呃人，大隻脹卜卜，啖啖薑蔥香氣同蠔非常惹味，總共8隻唔錯菠蘿咕嚕肉，比較失色，比起另外2個普通左，佢用左豬柳上粉炸，粉醬唔厚脆身，啖啖肉，洋蔥夠甜，有紅椒青椒菠蘿同炒，外貌都唔錯。我們另外

早就說了，家人喜愛吃中菜，尤其是老爸，今晚相約數位一同到灣仔吃個四人晚餐，主角當然是羔蟹粥，儘管膽固醇是其中一考慮點，但美食在前，不想太多。四人晚餐售$828，平均每位只需$207，以灣仔這區來說，價錢算是客氣了。四人餐包括餐前小食(包括鴨舌及海蜇)及五餸一粥。鮮鮑魚𠝹花，令蒸煮時更易蒸熟，而且更加有美感。以果皮清蒸灑上蔥味，簡簡單單原汁原味。蠔肉新鮮肥美，鮮味十足，一點腥味也沒有，而且醬汁香濃可口，真是惹味之選。味道酷似醬油鴨，濃郁香甜的醬油把鵝件完全覆蓋，鵝件相當入味，非常香。而且鵝肉嫩滑軟腍而不老。這招牌羔蟹粥色澤金黃，賣相相當吸引，用上原隻爆膏羔蟹煲製已成，鮮橙色蟹膏混在粥底裡，令每一口粥都滲透著鮮甜，美味可口。一鍋粥可盛約八至九碗，四人食用剛剛好。

是日完成一個重大既present,有得早收工，就相約友人到灣仔一間新開既餐廳「形番風味」食蟹粥餐廳門面簡單，用色也單調，豈想到，餐廳內環境很大，裝飾品也用得細心值得一讚既係餐廳既台大大小小，有大圓台可容納一家大小，也有卡位，可以二人世界睇下餐牌啦友人不會看中文，店員細心地遞上英文餐單餐廳主打小炒同蟹粥價錢好合理，小炒都係一般茶餐廳既價錢當然我地叫左個蟹粥估唔到個蟹粥咁大煲足夠四個人食，絕對不誇張用料好足，一整隻蟹放入去慢慢煮粥十分的軟棉粥既顏色也很討好（雖然會感到邪惡）因為有這種顏色全靠蟹膏的功勞一人食左3碗，仲有淨，最後只好把包蟹是新鮮的，食得出的鮮甜，啖啖蟹肉配上棉棉既粥十分暖心值得一試！小炒方面，我地簡單地點了兩樣首先係鵝肝牛柳粒上碟靚牛柳粒好入味，唔會煮得太老，牛味也很足！正！驚喜既係廚師十分大方俾左好多鵝肝我地睇相.....當時無數到，只係覺得食唔哂鵝肝同牛肉一向是絕配，但通常只會在西餐食到！估唔到依家中菜廳把它略微改變，變出好味小炒對於這個小炒很滿意，唯獨美中不足的是對我來說有點油，可能鵝肝的關係！不過無所，食完再做運就可以另一個小炒....火喉控制得很好所有食材都唔會太老

今晚媽子去左旅行無煮飯，就同亞哥自己食自己！亞哥話不如到屋企附近間一番風味食~因為聽聞個蟹粥好得！入到店内~環境光猛！有幾部電視同埋有wifi用~感覺幾好！！店員介紹左我地食新推出既古法黑草羊煲，醬汁夠哂濃味~內附冬菇，腐皮，荀~入哂味不得之了！至於個羊肉帶樕滑~蘸上少少腐乳更加好味~送飯一流！但我地無叫到飯~因為叫左煲蟹粥，煲蟹粥開蓋後~呈橙黄色！！顏色挎張到似係南瓜粥多過蟹粥~望見都勁吸引！！個粥真係好鮮甜甘香。尤其係蟹鉗既肉真係勁鮮蟹肉味~真係成隻膏蟹放左入去煲粥到~真材實料。我地再叫左碟xo醬蒸龍躉球！d龍躉魚肉好滑溜~加上d香既xo醬汁係面頭！更加惹味~雲耳亦爽口帶咬口！！好味道。

秋風起，糕蟹肥，今日就同友朋一同共享池名蟹粥。一早book 定19:00來，來到已經人頭擁擁。店來裝修美觀，坐位闊落。鮮味糕蟹粥，大大煲夠三個人吃。蟹肉好肥美，糕亦好豐富。煲到鮮黃色，好鮮甜。一淡一鮮味，甜在心頭。蟹肉肥美幼嫩。成個蟹蓋都係糕，正到呢！淡淡甘香，糕蟹鮮味。咸香雞，雞肉嫩滑，咸香幼嫩。一咬下去雞油流入口內，充滿雞味。雞肉嫩滑彈牙，雞皮同脂肪比例剛好。古法蒸龍利紐。雲兒蒸得好鮮味，好新鮮。魚肉好鮮甜，好滑口。好新鮮，識食魚的一定會知係好野來。5百元左右係灣仔食到呢餐，超值。

忍不住心思思想去澳門食蟹粥，耐何所有大假已經用盡，唯有繼續留港消費吧！上次已經同老公食過一次，不知道是隔多月水準是否依舊不變呢？今晚帶埋細妹準時7點到達，店內大部份位置已經滿座，店內格局乾淨，有回家吃飯的感覺，非常舒服。妹妹喜愛飲湯，二話不說叫了一煲椰子煲雞湯慢慢品嚐，湯頭呈奶白色而且有濃濃的椰子味，香甜美味，火候十足。黃金蝦鹹蛋分量恰到好處，每一隻蝦都被蛋黃所包住，而蝦殼炸到可以全部吞下，蝦肉爽口彈牙，鹹香撲鼻。燒汁野菌炒貴花蚌用上多款野菌，加上濃郁的燒汁大火炒過，野菌香味十足，貴花蚌鮮甜爽口，令人一試愛上。黑椒扣元蹄元蹄原隻去骨，肉質炆到一夾即散，黑椒味香濃，食完有一種黏口感覺，證明膠質豐富。啫啫通菜煲通菜鮮嫩，不過略為有點過鹹，如果可以淡味一點就更好。糕蟹粥果然沒有令人失望，依舊濃濃的蟹膏味，糕蟹非常大隻多肉，肉質鮮甜，而且份量十足，一煲足夠4人分享。果然水凖可以keep到，以後想食蟹粥都不用再去澳門那麼遠了。

呢幾日天氣凍左好多，不過香港人係怕凍d，都仲係10幾度已經見到晒啲羽絨出爐我都著咗件厚啲嘅外厚。天氣凍，最想食啲熱辣辣嘅嘢，打邊爐又驚熱氣，又保暖又對身體好嘅就最好食「粥」，但係白粥又清淡得滯，就被我醒起到食蟹粥。我地大約6點半到，已經坐左好多人。果然天氣凍都係最好食熱辣辣嘅粥，我諗我嘅想法同大部份嘅人一樣上一次嚟食過海鮮套餐，本來想今次散叫試吓其他小菜。但係我發現佢個海鮮套餐轉左食物，咁我哋又可以試吓其他嘢，同埋套餐好似真係抵啲。鴨舌，我之前冇食個鴨舌，今次係第1次試。感覺有少少似雞腳，都係食個皮，但係鴨舌表面好滑好入味。今次個龍躉球係蒸既，本來以為個味道會淡啲，但係佢個XO醬好入味，魚肉又唔散，仲可以食到啲膠質，旁邊咗啲雲耳好爽口開胃。食魚我就鍾意食到呢啲魚，因為無骨唔使驚怕食到骨，要就住就住。蒸鮮鮑，如果只係食飽魚呢個味道好淡，不過如果同埋果皮一齊食，果皮味道好出，仲可以帶出鮑魚嘅鮮味。呢個係銀諗碌鵝，感覺有少少似燒鵝，不過佢係用燘既方法你煮嘅，所以鵝肉非常入味。醬汁味道帶酸，所以令人好覺得好開胃。以為用燘既方法，鵝肉會變老，但係原來唔會，肉質仲好軟熟呢！終於到咗我哋期待已久嘅蟹

天氣轉涼~專登約朋友黎食個晚笠笠既蟹粥 ($328)勁大兜!!! 勁足料~~~!好大隻蟹呀!!! 好多蟹肉! 粥底真係超正~超鮮甜~冇諗過會食得哂! 但真係太好味~哈哈~我地食左成個鍾之後都仲見到碢粥有微煙~ 食粥最緊要就係熱辣辣嘛! 加分加分!燒汁野菌炒貴花蚌 ($88)超爽口彈牙bor~~呢間D海鮮真係幾出色~好多唔同種類既野~用燒汁炒過後好入味~~味道岩岩好! 唔會太咸! 推介=)梨山醬汁骨 ($58)其實純粹覺得個名幾得意~~又想食下肉~haha酸酸甜甜~~爆得好香~!細細粒既肉骨~可以一啖擺哂落口 慢慢啜~正!裝修, 服務都唔錯! 食物質素絕對係水準以上! 最緊要係好適合一家大細黎食~ 老人家冇牙可以食蟹粥xdxd

不常去灣仔的我，同朋友假日到灣仔行街，發現灣仔區小店不少，難得黎到，真係要吃餐好。有誰說有空出來飲茶就真的去飲茶，所以真的要出來找好野食。灣仔區一向給人印象，高級，貴，這家小店一改我對灣仔區有色眼鏡的印象，就是午市都有分三種類別給客人選擇，照顧不同客人需要。門面似是小店，沿路留意到環境空間十分廣闊，而且比想像中大。裝潢方面，滿載香港舊式香味，掛上木造的扮設和照片。想起了陳百強先生的喝采，為甚要受苦痛的煎熬，快快走上歡笑的跑道歌追剩一分熱仍是要發光 找緊美好。餐牌封面十分簡潔，圖文並茂，招牌蟹粥 （膏蟹）主打菜無人不為所動，整個粥底滿是金黃色，已經深深吸引住我，本不期望有蟹膏，但偏偏有，起出望外。我不客氣啦。整個粥底煲至綿綿綿的感覺，真合我意，熱氣騰騰的粥底煮得很綿稠入口細滑，滿是蟹的鮮甜味，果然跟店名一樣有自己的一番風味。節瓜粉絲煲節瓜又名西葫蘆是比較常見的一種瓜類蔬菜，拿來煎，炒抑或涼拌皆可，是廣東家庭家常菜。配料都十分充足，蝦米，節瓜，粉絲。為我帶來住家的感覺。加入蝦米的粉絲煲味道較為鮮甜，各種配料讓煲內讓粉絲充分吸味雖不知他們同什麼牌子的粉絲，但入口彈牙爽口，而且叻一種值得一讚就

秋意漸濃，天氣早晚有點涼意，開始想念那些有點暖意的食物。途經灣仔一帶看到一簇新海報，那窩色澤亮麗的蟹粥廣告，煞是吸引，看來是新開業的，全日免收加一，決定一試，餐廳面積不算小，卡座位較多，而且分佈闊落，雖似茶餐廳格局，但坐下來感覺舒服餐牌有小菜和海鮮供應，小菜由五十八元起，豐儉由人我們點了窩招牌蟹粥因為是羔蟹讓粥底變得粉橙色，非常吸引，羔蟹肉質結實，是新鮮食材，粥底香軟綿滑，帶點鮮甜味，濃稠度處理得滿分，收費三百二十八元，份量可以四人食用避風塘炒蝦上檯時飄來陣陣炸蒜香氣，看賣相已叫人食指大動，入口果然沒有失望，蝦肉爽口入味，那細碎的炸蒜煮得乾身不油膩，味道搶囗卻又不會太鹹鋒味小炒皇沒有主、配角的分野，那小小的魚乾炸得香口奪味，腰果酥脆可口，因為太好味道⋯⋯嫌小了，反而鮮美的蝦乾較硬身，整體還是好吃的觀看隣檯其它出品，賣相都具水準，該是有高手坐鎮的食肆吧？

之前試過這裏的蟹粥，覺得味道不錯。一直想帶家人來試試，但是一直沒有時間。今天為了慶祝媽媽的生日，我一早打了電話訂了位，希望帶他們來試試及給媽媽一個驚喜。我們家是比較早吃晚餐，所以還沒有太多人吃飯。但是在我們離開時，已經坐滿了人。慶幸我們早一點吃飯，才能安靜地吃。看了看餐牌，黃金蝦是是日精選，我們便毫不猶豫地選擇了他。還叫了一些小食，小菜，當然還有今日來的主角---蟹粥。陳醋雲耳 $28先來了這個小食：陳醋雲耳。味道酸酸的及有少少辣味，很開胃呢！另外雲耳質感爽滑，很有口感！媽媽説雲耳有很高的營養價值，及對身體好，叫我們多吃一點。黃金蝦 $98這個貌相及顔色也很美。蝦每隻有1隻手指長，有5隻蝦。原來黃金就是蛋黃，蝦的醬汁就是蛋黃醬，有很香濃的蛋黃香。每隻蝦也有很多的蝦膏，蝦肉鮮甜爽口。銀諗碌鵝 $88店員介紹這個是這裏的招牌菜，叫我可以試一試。這個有很濃的醬汁，鵝味很濃，肉質嫩滑，不怪是這裏的招牌菜，味道很好。招牌蟹粥 $328終於到了主角登場，香濃蟹粥香已經紛紛撲鼻。媽媽說現在是蟹的季節，應該要吃多點蟹，不時不食。粥香又綿，還有一大隻蟹在煲內，這隻蟹有很多橙紅色的蟹糕，非常甘香。另外，蟹

Lunch 叫咗個清蒸龍躉餐跟湯。$8x. 嚟錯咗份炸龍躉。算，照食。唔知乜嘢叫做鹹同埋骨嘅朋友，記住叫呢一份炸龍躉lunch set。從未食個龍躉咁多骨而又鹹到好似鹹魚咁（唔係講笑，堅鹹），以為淨係某幾舊係咁, 點知件件都係咁！仲要係勁少肉,淡淡骨,想點啊？最終因為每一舊都太鹹勁多骨而得丁少幾啖肉嘅關係，冇mood食落去，食淨一半有多。好浪費，全因太鹹。係咪用剩嘅龍躉頭尾切出黎所以多骨咁？? 啲龍躉肉係咪霉左所以要用咁多鹽？問心，我都係第一次食咁鹹，咁多骨，咁小肉嘅龍躉。太失望。仲諗住呢間野個外觀幾靚，應該難食得有個譜，點知我錯了。不過佢個例湯都ok 嘅。唔知我嘅經歷係咪淨係apply 喺條龍躉到，因為我見其他人啲食評都唔錯，真係好想知點解我條龍躉會咁錯會俾多次機會呢間野，(不過死都唔再叫龍躉），希望有好嘅驚喜。

如果見到感覺還好既新店，通常都會去試試既！就由下午茶試起，點左 XO 醬牛柳絲炒烏冬，一上碟就係熱辣辣既，值得一讚XO 醬炒得好香，牛柳絲又夠稔，整碟炒得唔算油膩下次可以試下佢個晚餐先