一生懸麵

营业中

休息中

有次經過見呢間好多人排隊，所以我都去排埋一份😆🌟魚介豚骨沾麵沾麵湯底通常會比較濃稠 d，令到 d麵可以掛湯，可惜呢碗湯底比較稀😅，令到 d麵唔太痴到湯，冇乜味，但如果淨飲d湯，係好飲嘅😉，feel到魚同豚骨味☺️沾麵Q彈，有咬口👍～叉燒炙燒過，肥瘦適中☺️，入口即化，又 juicy，好好食☺️！糖心蛋好入味，夠流心，正😚！

平時見呢間拉麵店好多人排隊，聽講要排一個鐘以上，但今日經過時冇咩人，就決定入去試下。我同朋友叫左一個柚子雪糕拉麵、一個海老沾麵、兩款小食(小丸子同餃子)。柚子雪糕拉麵真係好有驚喜！柚子雪糕既酸甜混合濃郁香滑既拉麵湯底，口感好豐富。值得一提既係叉燒份量好多，有2-3塊，每塊都好厚好大，真係值得一試！海老沾麵亦不遜色，沾麵汁好濃好香，入面加左好多櫻花蝦，啲汁包圍住每一條麵條，食落真係好滿足。叉燒份量同麵量都多，絕對夠飽。小食方面，餃子即叫即剪，上菜時熱辣辣、脆卜卜，一定要快啲趁熱食🤣章魚小丸子都唔錯，大大粒，入面有章魚粒，真材實料！

每次經過一生懸麵都見到大排長龍，今次專登早D黎到，排左20分鐘左右就可以入座。叫左一個「期間限定：花生醬味雪糕拉麵」$98。真係色、香、味俱全嘅拉麵，不枉咁多人排隊等位。雪糕係真係凍嘅雪糕，唔止係裝飾。湯底係辛辣湯底，加左雪糕同花生碎後，啖湯會creamy左，而加辣味都中和左，更加balance，感覺有少少似食緊擔擔麵。不過唔食得辣嘅朋友就唔建議食，因為辣味即使中和左，依然都係偏辣。

聽過依個雪糕拉麵一段時間，一直都好想試，食晏同同事一行五人沖去好彩唔駛等位即刻入。🧡柚子雪糕拉麵麵質非常彈牙有口感 湯底豬骨香濃 配以柚子皮增加口感 柚子乳酪雪糕超冰凍口感似雪芭 雪糕筒脆口跟店家食法先飲兩啖湯 食三分一雪糕 再將雪糕撈勻湯底 好味異常地夾 柚子味清香 可解膩叉燒燒得好香 有輕微炭燒味所以好多人一聽到雪糕拉麵以為 係「伏」其實我真係想俾個服字佢👍🏻🧡花生醬辛辣拉麵另外同事試咗新品花生醬辛辣拉麵，佢話好似食緊擔擔麵咁，不過對於食開譚X少辣嘅同事來講，佢覺得都真係幾辣下。

雪糕拉麵都推出一排但一直都無鼓起勇氣去試今日男朋友排定隊陪我食咁我就豁出去試試佢之前上網見過人介紹話得半支雪糕但原來而家有增量原個柚子雪糕放入拉麵！仲有個花生雪糕配辛辣拉麵口味！我估應該似擔擔麵口味🤔所以試左柚子雪糕拉麵呢個反差配搭先拉麵上枱超熱柚子雪糕就好夠凍而且感覺仲比一般雪糕更耐熱少少我即刻救起左一大半雪糕先因為見有人話會可以無咁酸柚子雪糕酸爽冰涼排完隊食剛剛好👍剩低大約三分一混入熱湯入面豬骨湯底感覺更濃厚而且多左一份清新柚子味唔錯！叉燒有三塊厚燒豚肉唔會鞋，肥瘦適中有口感🤤男朋友食普通嘅辛辣拉麵我試左佢個湯底都唔會太辣幾惹味另外加麵好抵食下個加麵都好夠熱加入微涼嘅湯底入面瞬間又變返正常熱度好啱男朋友呢啲愛熱湯熱麵嘅拉麵控！叫多份章魚丸share章魚丸外脆內軟好好味呀！

旺角女人術嘅一間拉麵店，每次都會見到長長一條龍，如果你有時間，呢間拉麵店絕對值得你去排隊一試！！——🍐柚子乳酪雪糕拉麵非常有驚喜，柚子味道香，同豬肉湯底夾，同時乳酪中和咗個種油膩感，仲有胡椒味襯托，完全食得出個份心機。🥜花生雪糕拉麵味道唔會好奇怪，食落似擔擔麵味道，唔會太辣，又唔會話因為有雪糕就會好甜，味道不錯——評價：💵價錢合理🍜味道不錯🍲具有特色推介指數：❤️❤️❤️❤️（五個心心為滿心）

一生懸麵哈～～～～ 之前食左個雪糕拉麵、無諗過咁快又出新嘢 今次見到 柚子雪糕拉麵🍜呢啲環境 毫無懸念地返嚟食🤣辛辣拉麵🍜朋友食 辛辣味 叉燒係腩片既狀態出現辣味正 湯底濃郁👍👍柚子雪糕拉麵柚子豚骨湯 酸酸甜甜 正😋 其實冷熱食物放係一齊食對於好多人呢講都係好難接受的事 但係對於我嚟講 我一啲都唔抗拒😆雪糕有乳酪味 個雪糕筒浸林好正 好似腐竹咁 索晒啲汁👍 章魚燒章魚燒個味不錯 不過就太細粒唐揚炸雞味道OK 皮脆肉嫩煎餃子🥟味道不錯 但係煎得比較燶

🍦想食呢間餐廳好耐～小編好鍾意食雪糕，放咗工之後喺屋企自隊一盒家庭裝喺基本常識。呢間雪糕拉麵真係突破小編嘅眼界，仲要大家嘅評論正面。近日推出咗兩款期間限定嘅雪糕拉麵，當然搵日拉埋妹妹兩款都試晒佢啦！🍊柚子雪糕拉麵（$98）：呢一款係仲夏版期間限定嘅款式。選用較清爽嘅桔仔乳酪雪糕，搭配較清新嘅柚子豚骨湯底。湯底有柚子嘅甘香，與豚骨嘅鹹香，居然出奇地夾！半熟蛋帶溏心，出色！🥜花生醬味雪糕拉麵（$98）：呢款口感比較濃稠，選用左花生醬味雪糕，搭配辛辣湯底。頭幾啖都真係偏辣，但係同雪糕融和咗之後，整體湯底變得香滑， 而且辣中帶甜。叉燒好軟滑，油香而不膩。😋整體配搭十分出色，係好特別而且食落好味嘅組合。難怪喺各大討論區或者食評都大獲好評。想試埋小食嘅朋友仔記得一定要早啲去，小編同妹妹大概下午五點到，全部小食都已經售罄⋯唯有下次再去啦！好期待店家再推出其他口味嘅雪糕拉麵～👍🏼整體而言：1. 雪糕拉麵配搭有創意，好食。仲好適合打卡。2. 店員有禮親切。3. 店面比較的骰，枱與枱之間距離比較近。如果可以疏鬆啲感覺更好。4. 沾麵麵質出色！誠意推介！一生懸麵 (旺角)地址：旺角通菜街73號地下電話：27

一生懸麵同朋友睇完戲就去左附近試下火紅既新改良版雪糕拉麵，餐廳由兩間良心店<一生懸麵>同<想甜嚐甜>合力推出雪糕拉麵每日限定好彩早到早享受特製辛辣湯底雪糕拉麵賣相真係幾靚仔，餐廳有指示教點食呢個拉麵，慢慢將雪糕融入湯底，半枝花生醬雪糕連埋花生粉同花生碎都幾香雪糕的溫度無令拉麵變得好冷或太甜影響食感，自家製的平打太麵粗身富嚼勁。叉燒厚切脂香突出, 另外半隻糖心蛋, 做到半熟而且夠味柚子雪糕拉麵拉麵湯係酸酸甜甜嘅柚子豚骨湯，柚子豚骨湯底配上原支桔仔乳酪雪糕，與湯底非常搭配。整體來說，桔仔乳酪雪糕和柚子豚骨湯底契合度較高，與夏天吃尤其適合。而店鋪外有長長人龍，想食既朋友要早啦

長期排長龍人氣拉麵店💖🍊柚子雪糕拉麵 (期間限定）$98🌟桔仔乳酪雪糕x柚子豚骨湯底🌟我跟足建議食法～真係好正‼️原來雪糕同拉麵真係咁夾😝湯底有陣陣的柚子清香味，為濃厚嘅豚骨湯底添加左一份清爽，帶一點微微酸～好特別好正👍🏻乳酪雪糕偏向硬身，好重乳酪味，食落係甜甜酸酸，好味😋食咗一半雪糕就將雪糕撈入湯底，湯底會變得更順滑濃稠😍一碗拉麵可以食到幾種唔同嘅口感同層次～真係好有驚喜👍🏻糖心蛋好好味😋忍唔住加咗一隻😝🐷濃厚豚骨沾麵 $79食沾麵最驚個湯會太鹹，呢度嘅就啱啱好～個人好滿意👍🏻豬骨湯底夠晒香濃‼️拉麵揀咗較硬，係粗身面，仲有麥嘅顆粒～而且拉麵卦汁能力好強，又有嚼勁，口感方面真係冇得彈😍有兩片厚切叉燒，兩面燒得好香，肥瘦比例亦都好適中，肉質軟滑得嚟唔會油膩👍🏻唐揚雞 $32有四大舊，炸粉唔厚，脆卜卜點買沙律醬食～正😌章魚燒 $28好少見會有章魚燒，有五粒～外脆內軟，真係有章魚粒㗎😋津路烏龍茶$15可樂$10一生懸麵 (旺角)旺角通菜街73號地下

之前聽講有一間拉麵店，係會將雪糕直接放落拉麵到食用，所以今次特登來試下，我同我朋友點左兩個拉麵share 一齊食，如果講濃郁豚骨沾麵，湯低其實唔錯，我覺得幾夠味，但係個麵我覺得太癡埋一齊，拆唔開，不過整體上，係好味的！！而呢個 柚子雪糕拉麵，真係有意外噶！！不過如果鐘意食小小酸，會覺得更加好味，湯底同雪糕，沒有違和感，凍凍地，熱熱地，幾特別幾新奇，可以試下！！不過呢間嘢，旺角過左18：00就超級多人排隊，大家要留意啦！！！

1)柚子雪糕拉麵，唐揚雞，波子汽水凍冰冰嘅雪糕太正啦⋯⋯炸雞夠香脆，做下小朋友先，叫支波子汽水飲🤤2)花生醬雪糕拉麵，燒餃子，蜂蜜綠茶呢款花生醬拉麵，拉麵上好多花生碎，兩款麵嘅叉燒都切得好厚👍麵質彈牙。💓其實😋有雪糕嘅拉麵，真係好想食下，如果想食得出雪糕拉麵嘅心思，都要有啲規則要遵守😋1先飲一啖湯，試試原本柚子豚骨湯味道2，再食雪糕（1/3到1/2的雪糕），享受埋桔仔乳酪味道3，將雪糕撈入湯中，再試試兩者混合後的味道（酸、甜、香、滑）4，再食麵，而火灼叉燒可和柚子胡椒一起食5，雪糕筒被湯浸後會有腐皮口感。人生點都要黎試吓雪糕拉麵，如果想食都要睇吓乜嘢時段，隨時要在門口等一下先有得食。

一星期一次嘅送小朋友去旺角學嘢嘅時候，今次去遠少少，因為成日喺IG見到人哋share食雪糕拉麵，我都想試好耐。今日就搵埋媽咪陪我一齊去試。聽講午餐同埋晚餐嘅時候都好多人，要排晒隊。我地嘅時間就啱啱好， 5:00去到唔使等位直入。未到一生懸面唔係唔食雪糕拉麵嫲嫲，我揀咗柚子雪糕拉麵，媽咪因為食緊膽固醇藥就試花生醬味雪糕拉麵。$98一碗有小食有飲品，都幾抵。章魚丸子有驚喜，熱辣辣。唐揚炸雞亦都keep到肉汁。碗麵嚟到我哋跟足指引，首先飲一啖湯，試吓豚骨湯嘅味道，好清甜。之後再食一半嘅雪糕，酸酸甜甜好開胃。之後將雪糕溶入湯底，再試試兩者混合口感味道，有齊酸甜香滑，好特別。最後先至食麵同叉燒，叉燒肉keep 到好juicy。最後先食個雪糕筒，雪糕筒吸收左湯之後又真係幾似腐皮。麵質彈牙。花生醬個款就食食下覺得有d似擔擔麵。有機會下次要試埋沾麵。

特式雪糕拉麵雪糕拉麵聽就聽過，但係未食過，有啲好奇， 於是就走去旺角通菜街73号地下的一生懸麵，品嚐一下是怎樣的味道。 雖然已是下午二時， 但仍然有很多人排隊， 可見這間食店人氣十足。 還有超贴心的做法，就是每一碗麵填一張落單紙，你可選擇麵的軟硬度及偏好， 仲有柚子雪糕拉麵的食法建議。柚子雪糕拉麵火炙叉燒焦香軟稔，桔仔乳酪雪糕混入柚子豚骨湯底， 令整個湯底酸酸甜甜，開胃得嚟又有冰涼感覺，最啱夏天食。花生醬味雪糕拉麵花生味嘅雪糕结合有花生碎，芝麻的辛辣魚介豚骨湯內， 不但中和了湯的辛辣味 ， 且多了一點creamy 又有香濃花生味的感覺，非常有新鮮感。

今年年頭大阪拉麵店「フラン軒」推出了辣味噌雪糕拉麵，熱辣辣拉麵與冰甜雪糕味道竟然匹配，還讓顧客吃出了幸福感，𣊬間牽起一片熱潮。良心拉麵店【一生懸麵】亦緊貼潮流，與甜品店【想甜嚐甜】聯乘，推出改良版雪糕拉麵。之前限量發售，每每開店半小時已經售罄。Bookmark良久趁工作日下午人龍比較短，便來嚐嚐。"特製辛辣湯底雪糕拉麵"以豚骨湯底加入辣椒製作，辣勁十足，面層灑上大量花生碎，口味與四川擔擔麵相似。花生醬雪糕只有半支，甜度不高，花生味沒想像般濃厚，溶在湯底裡中和了辣度，更添奶香。本來擔心雪糕的溫度會令拉麵變冷，或太甜會影響食味，但卻出奇地無違和感。自家製的平打太麵粗身，掛湯力強富嚼勁，還吃得出麥香。叉燒厚切經火灼，脂香突出。"柚子雪糕拉麵"是仲夏限定款式，柚子豚骨湯底配上原支桔仔乳酪雪糕，加上柚子胡椒醬、火灼叉燒、半熟蛋、柚子絲、火箭菜和紫菜。湯底口味清新，柚子香氣突出。桔仔乳酪雪糕傾向冰感，清爽微酸，與湯底非常搭配。整體來說，桔仔乳酪雪糕和柚子豚骨湯底契合度較高，與夏天吃尤其適合。不過個人喜歡濃味及花生醬，縱然比較膩，還是會辛辣湯底雪糕拉麵。