一生懸麵

营业中

休息中

平時見呢間拉麵店好多人排隊，聽講要排一個鐘以上，但今日經過時冇咩人，就決定入去試下。我同朋友叫左一個柚子雪糕拉麵、一個海老沾麵、兩款小食(小丸子同餃子)。柚子雪糕拉麵真係好有驚喜！柚子雪糕既酸甜混合濃郁香滑既拉麵湯底，口感好豐富。值得一提既係叉燒份量好多，有2-3塊，每塊都好厚好大，真係值得一試！海老沾麵亦不遜色，沾麵汁好濃好香，入面加左好多櫻花蝦，啲汁包圍住每一條麵條，食落真係好滿足。叉燒份量同麵量都多，絕對夠飽。小食方面，餃子即叫即剪，上菜時熱辣辣、脆卜卜，一定要快啲趁熱食🤣章魚小丸子都唔錯，大大粒，入面有章魚粒，真材實料！