一生懸麵

营业中

休息中

冇諗過今個星期會咁忙，連星期日都要處理公事，好似冇休息過咁，聽日又要返工😭 忙還忙，點唔可以餓親，所以夜晚大概處理好工作既野之後就同屋企人食好野。我地一人點咗一個麵一份小食同一樽野飲。拉麵本身有2大塊叉燒，再配半熟蛋同荀。白湯豚骨拉麵（$69） 湯底清甜，叉燒軟稔，油花入口即化，好正🤩配埋半熟蛋同荀，成碗麵好豐富。海老沾麵（$85）碗沾麵汁鋪滿櫻花蝦，裏面仲有豚肉粒。麵汁味道濃郁，而麵既硬度揀咗標準，有咬口得嚟又掛汁。小食揀咗唐揚炸雞同章魚燒。炸雞有4大塊，肉質都鮮嫩多汁。章魚燒就有5粒，外層燒到金黃色，食落內餡鬆軟。飲品係波子汽水同蜂蜜綠茶。

救命啊太好吃了！！！一整个爱住！！！而且我怀疑这家是全港性价比最高的拉面，面也是，加料也是，10蚊满满一碗笋端上来我人傻了，老板你真的有在赚钱嘛，良心好店！！！没吃到之前那个雪糕拉面桑心呜呜，什么时候返场！现在的期间限定是蠔仔沾面，也好好吃，推荐！汤又浓又鲜，还配了洋葱和青柠去腥，蠔仔也烧得刚好，表面有点点脆。快吃完发现碗底放了油和瑶柱碎(不确定)防止面粘，细节也很到位。对了，买单时看到周四用学生证8折，以后可以经常来吃了好棒！

呢度一直以性價比高見稱，白湯豚骨拉麵只係$69，呢個價錢喺其他店相信只食到味精湯底，但呢度質素竟同其他約百元嘅拉麵相約，沾麵就更加出色🤩特濃豚骨沾麵 $79沾麵湯做到濃而不膩，麵條有麥香同咬口，浸完湯食到有湯嘅香濃同麵條本身嘅麥香，最後加魚湯飲埋個湯都覺得好好飲！海老拉麵 $85好大量櫻花蝦，好濃蝦味，麵條較幼，每一口都好掛湯好濃，但相比起會比較快滯唐揚炸雞 🍗 $324件大大件炸雞好香脆肉嫩，值得叫！煎餃子 🥟 $28嗰日比較冇咁香脆，外皮亦較厚，不建議點綠茶可樂 $20有綠茶味嘅汽水，好睇又好飲波子汽水 $15

今日介紹嘅呢一間餐廳位於旺角，前一陣子，因為雪糕拉麵二而紅極一時，而家就算係平日午餐去食都需要排隊。不過可惜已經轉咗餐牌，冇咗呢一個招牌雪糕拉麵變成牡蠣沾麵。餐廳同時提供沾麵及拉麵，價錢由$69至$85不等。🌟 牡蠣沾麵$150牡蠣沾麵湯底味道非常濃郁夠濃稠，個人覺得比起海老拉麵做得更出色，不過價錢當然貴少少。沾麵做到煙韌彈牙，叉燒肥瘦均勻。🌟海老沾麵 $85湯底鋪滿櫻花蝦好足料，飲落唔太鹹，麵條軟硬適中且掛到蝦湯，櫻花蝦亦都會黐埋上去，叉燒大概有三塊，套餐本身已包含半熟蛋，不過我哋另外亦有再加🥰🌟唐揚炸雞 $32唐揚炸雞炸得好脆口，雞肉嫩滑多汁。📌一生懸麵旺角通菜街73號地下🚇港鐵旺角站 E2 出口, 步行約2分鐘📍#旺角

Lee 間旺角人氣拉麵店🍜《一生懸麵 》，經常都大排長龍，係排隊期間店員都會比張落單紙，可以睇定同寫埋食啲咩，一坐底就可以比張落單紙店員落單，好快就有嘢食😋 🦐海老拉麵🍜$85成碗拉麵都有滿滿嘅櫻花蝦乾，有兩塊肥瘦適中嘅厚燒叉燒、半隻糖心蛋同荀，非常香口，湯底亦濃郁美味 🌶辛辣拉麵🍜$79有兩塊肥瘦適中嘅厚燒叉燒、半隻糖心蛋同荀，配合辛辣嘅湯底，拉麵粗身掛湯，辣辣地好開胃，忍唔住飲晒D湯😋 🥟煎餃子(5件)$28即叫即煎，熱辣辣，外皮煎到脆卜卜，咬落餡料多汁 🐙章魚燒 (5粒)$28外皮唔會太厚，咬落都有章魚粒粒，好惹味 🥤忌廉梳打 $10🥤烏龍茶$15

位於旺角的拉麵店，這間真的超人氣拉麵店，尤其早前推出雪糕拉麵大受好評；由於店舖座位很少，因此長期排了長長的人龍，只可以在4~5點這些非繁忙時間入座才不需要排隊特濃豚骨沾麵 $79通常沾麵的湯底會比較濃稠，這樣才能使拉麵更易掛湯；但這間的沾麵卻比較稀，因此不太能做到掛湯的效果，有點可惜；麵質很彈牙，炙燒叉燒肥瘦適中，不會太乾身，油香味十足，味道不錯海老拉麵 $85另一份我點了海老湯拉麵，麵款和沾麵是不同的，湯拉麵的麵條比較細，口感不及沾麵那麼彈牙；湯底用上超大量櫻花蝦，味道很鮮甜，口感亦很豐富濃郁煎餃子 (5隻) $28外皮不算煎得特別焦脆，而且有點軟掉，餡料份量亦比起其他日式餃子少，因此只是一般唐揚炸雞 $32炸雞粉漿厚度偏厚，但勝在雞肉不會太乾，依然能鎖住雞肉的肉汁及油香味，不錯

成日想試下食一生懸麵，今日經過旺角順便試下海老拉麵 $85白湯豚骨拉麵加半熟蛋走蔥$81章魚燒$28𝟮款拉麵既叉燒都是灸燒，叉燒唔夠腍仲好乾海老拉麵面頭好多櫻花蝦乾，除左賣相好仲好香，味道比較冇咁重口味，不過我比較鍾意就咁淨鮮蝦湯，飲到蝦味冇啲蝦仔吉個口為左試個湯，我專登唔要蔥，白湯豚骨拉麵湯底非常濃郁（不過可以唔洗有油浮面），濃味都冇過咸，味道算ok，但個湯唔夠熱，見顯試到，因為面頭唔熱，個麵附近啲湯熱鍾意食半熟蛋所以加左，但佢冇鹵到，有啲失望筍唔爽口，不如唔好落章魚燒一啖過，還算得過去。新發現原來用塊紫菜包住粒章魚燒好正，大家見拉麵有塊紫菜一定要試下價錢都唔算好貴

今日我同阿囝去咗食呢間每次經過都大排長龍嘅人氣拉麵店🔥雖然店員忙到踢晒腳，但服務都好好，值得一讚❤️🍜白湯豚骨拉麵 $69豚骨湯底濃郁得嚟又唔會過鹹，拉麵幼身掛湯，有兩塊燒得非常香口嘅叉燒，肥瘦均勻，燒完後多咗陣焦香味🤤配料仲有糖心蛋、荀同紫菜🍜海老拉麵 $85拉麵上面舖滿晒櫻花蝦乾，香香酥酥，成個湯底都充滿蝦嘅香味😍同樣有兩塊肥美叉燒、糖心蛋同荀雞軟骨棒 $28雞軟骨爽脆好有咬口，面頭再加上蔥絲同芝麻及醬汁，增添口感煎餃子 $28餃子煎得香口，皮薄多餡波子汽水 $15綠茶可樂 $20

🐳真係冇諗過平日下午兩點，都會有咁多人黎食麵，我哋到達時，餐廳入面已坐滿人，仲有人喺出面排隊，原本以為可以唔使等位，好在唔駛等好耐，大約15分鐘就有位了。🐳有咁多人嚟食沾麵，一定有原因嘅！🤔有啲人淨係嚟食一碗沾麵就走，不過我哋一場嚟到，當然叫埋小食和飲品啦！🐳海老拉麵💰85原本以為海老拉麵，就係有一兩隻大蝦，甚至好似天婦羅嗰啲咁樣嘅大蝦，但原來係蝦毛仔，係勁多嘅蝦毛仔，係有少少失望，但原來呢碗海老拉麵又比到驚喜我喎，因為嗰啲蝦毛仔又乾又脆，非常之鮮味香口。而且仲有兩塊燒過嘅長叉燒，口感和味道又真係唔錯喎。🐳濃厚豚骨沾麵💰79沾麵嘅麵非常彈牙，冇煮過龍，有口感！醬汁真係非常濃厚，食沾麵嘅時候，千祈唔好過度浸喺醬汁入面，咁樣可能會太龍尾了。輕輕沾濕麵條就已經足夠。另外最愛的就是糖心黃的雞蛋，好滑溜！🐳唐揚雞💰32有四件超大的唐揚炸雞，新鮮即炸，熱辣辣，味道足夠，點上沙律醬，中和炸雞的熱氣！🐳章魚燒💰28有五粒章魚燒，每粒章魚燒都真係有章魚㗎！唔係淨係有麵粉㗎！size 啱啱好，一口食一粒！🐳波子汽水💰15嚟到日本拉麵餐廳，如果有波子汽水嘅話，我都一定會叫波子汽水，唔係因為佢嘅汽水特別好飲，

放假去旺角睇戲 決定食個拉麵先再入場 平時見到呢間排晒長龍 今日難得三點去到門口淨係排幾個人 我都即刻衝過去😋🍜海老拉麵 $85超級無敵勁多櫻花蝦！所以每一啖拉麵都食到佢啲蝦仔 粒粒都好脆 麵底偏向硬少少 鍾意食硬嘅朋友應該會喜歡🍜辛辣沾麵 $78呢個係豚肉湯底嘅辛辣口味 我覺得對比其他拉麵店來講比較溫和 冇禁辣 湯底比一般沾麵鹹少少 所以鍾意重口味嘅人應該會喜歡我比較鍾意食偏軟身既麵 但最後嚟到都係少少爽口🤣🤣 🍖雞軟骨棒 $28有兩條雞軟骨棒 啖啖肉😋🍗唐揚炸雞 $32冇諗到咁大碟雞！ 一共有四舊 拍得住某個大牌子啲炸雞🤣 好抵食🍹波子汽水 $15食拉麵一定走唔甩叫波子汽水😋整體來講性價比算高 無論主菜拉麵定係小食都係平民價位

Intro: 一生懸麵真係好多人排隊，而呢到除左沾麵之外，仲推出左最新嘅雪糕拉麵，而今次決左早d去試下袖子雪糕拉麵，唔知有冇特別嘅crossover嘅味道呢？～___________________🍽袖子雪糕拉麵 ⭐️7.5/10💰98✍🏻 跟指示試左少少袖子湯底先，袖子味幾清新，但略嫌唔夠濃，湯底有袖子肉✍🏻 之後就試下雪糕，䄂子雪糕就偏酸甜，同埋有乳酪嘅口感，感覺同湯底都算夾，但味道冇想象中正，但勝在特別✍🏻 雪糕筒浸冧左唔似腐皮嘅感覺，但浸到有袖子嘅香味✍🏻 火炙叉燒就一如以往咁出色好厚肉✍🏻 總括雪糕拉麵勝在打卡同特別，但要encore就未必啦！寧願分開雪糕同拉麵黎食___________________🏠一生懸麵📍 九龍灣牛頭角道3號得寶商場地下121號鋪📍 荃灣眾安街68號荃灣千色匯1期3樓3012號舖📍 旺角通菜街73號地下⭐️8/10 （拉麵）___________________

魚介豚骨沾麵*Time : OCT 2022, Dinner*Price : $79-HKD *Place : 一生懸麵*Review : 第二次來了，上一次被其份量吸引，而且質素有保証，今次再來試另一款沾麵。- 魚介豚骨沾麵 ：湯底比較濃味，油量比較多，調味的相信是用魚干磨成的粉末，味道上會比較咸，配上口感比較煙韌及口味淡的拉麵，味道上比較平衡，义燒佢舊是那塊又香又有肉汁的义燒整體是好水平，份量上絕對足夠，味道比上一次的蝦湯沾麵更好，濃味的湯由沾麵更能帶出好味道一生縣麵地址 ：旺角通菜街73號地下

好耐之前啲Fd已經介紹過呢間，話好好食😋但聽到佢哋話要排長龍😨我就有啲卻步…今日同老公過旺角買野，心血來潮去𥄫下，真係好多人排隊…跟住去買左盒口罩再返黎😂😂😂可能過咗lunchtime，我排第2，等左5分鐘左右就入得食物魚介豚骨沾麵其實我本身係聽到雪糕拉麵，慕名而來😋但原來係其間限定，已經轉左，所以我叫左呢個！豚肉:佢係一層脂肪一層肉，比例正！加上燒過，佢個口感似食好大塊火炙三文魚腩咁🤣麵質比另一碗拉麵硬，湯勁多葱，超香，湯夠濃，唔鹹！湯汁掛麵好食！海老拉麵超多櫻花蝦！一上枱就勁香。本身係我食架，所以我嗌左軟麵。點知佢見到啲櫻花蝦同湯底正，就交換咗🥲呢個拉麵係幼身啲，沾麵就係粗啲唐揚雞 💕不得不讚呢個👍🏻❤️外脆內嫩，加埋個檸檬汁可以減低氧化對血管嘅損害🤣又好味啲！如果係細胃人士，想嗌小食就要少麵因為真係好飽🙃章魚小丸子我真係好鐘意食小丸子😋佢呢個外面小脆，入面爆涵🤣好熱！波子汽水佢會幫你開埋，如果你想自己開，可以同佢講聲其他雖然地方比較細，但依然都有好多人食👍🏻排住隊唔緊要，排緊都可以諗食乜，落住單先到有位，再到拉麵上枱，成個流程都好順暢！

入鄉隨俗學習食日本麵的文化，就是把湯都學清光，剩餘空碗一隻這是對廚師的一種尊敬，感謝的誠意製作。身心的滿載而歸！🥹🥹😬😬👍🏻👍🏻🥰🥰➡️白湯豚骨拉麵加叉燒睇到呢碗麵就知道有幾誠懇啦，筍好爽糖心蛋生熟度剛剛好，麵質可以俾你揀軟硬度，正所謂有得揀先至係老闆😂😂，你飲得出個湯唔係講笑係真材實料有厚度有熱度唔係啲死咸嘅湯真係值得推介，份量充足👍🏼👍🏼👍🏼➡️海老拉麵加叉燒作為一位拉麵愛好者除咗豬骨湯底，最好有啲新嘗試例如海老拉麵嘅湯好有蝦味將成件事配搭得非常出色，櫻花蝦分量十足令到碗麵有海鮮味嘅配搭，口感豐富好多，老實兩碗面嘅湯都係好正，同埋最鍾意佢哋對碗湯好有誠意係熱辣辣嘅湯，呢個先係食日本拉麵嘅靈魂所在，真係要食㗎！👍🏼👍🏼👍🏼👍🏼👍🏼👍🏼➡️唐揚炸雞其實真係好唔明白點解做拉麵咁出色要排隊，但係連個炸雞都可以做到咁有肉汁唔乾，個皮唔厚，真心喜出望外，如果你話淨係入嚟食個炸雞我都覺得可以㗎，不過排得隊嚟，你唔食佢嘅拉麵咪即係搵自己笨哈哈！還有其他選擇😁😁⬆️⬆️總評📝食物⭐️⭐️⭐️⭐️⭐️服務⭐️⭐️⭐️⭐️⭐️環境⭐️⭐️⭐️⭐️衛生⭐️⭐️⭐️⭐️價錢⭐️⭐️⭐️⭐️⭐️交通⭐️⭐️⭐️⭐️⭐️

一生懸麵之前推出左雪糕拉麵 搞到本身間鋪都要排長龍 仲更加長龍😂但未試嘅朋友已經無機會啦😅其實佢地嘅基本款都好高質😍星期六lunch time要排隊就基本啦大概排左20分鐘就入得 店員一早已經拎定張紙比我地落單 一入座好快就有得食😍▫️特濃豚骨沾麵 ($79)價錢性價比高 仲加左$15叉燒☺️沾麵汁味道濃厚 麵質選擇左偏硬食落好煙韌 浸落熱辣辣嘅豚骨汁濃得黎鹹味適中 叉燒肥瘦均勻 油香味十足▫️辛辣沾麵 ($79)第一次試呢個辛辣沾麵汁比一般豚骨多左份辣油香 沾麵汁內仲有一粒角煮豚肉 好腍香😍食到尾辣味好有後勁 但都忍唔住呷多幾口