一生懸麵

营业中

休息中

冇諗過今個星期會咁忙，連星期日都要處理公事，好似冇休息過咁，聽日又要返工😭 忙還忙，點唔可以餓親，所以夜晚大概處理好工作既野之後就同屋企人食好野。我地一人點咗一個麵一份小食同一樽野飲。拉麵本身有2大塊叉燒，再配半熟蛋同荀。白湯豚骨拉麵（$69） 湯底清甜，叉燒軟稔，油花入口即化，好正🤩配埋半熟蛋同荀，成碗麵好豐富。海老沾麵（$85）碗沾麵汁鋪滿櫻花蝦，裏面仲有豚肉粒。麵汁味道濃郁，而麵既硬度揀咗標準，有咬口得嚟又掛汁。小食揀咗唐揚炸雞同章魚燒。炸雞有4大塊，肉質都鮮嫩多汁。章魚燒就有5粒，外層燒到金黃色，食落內餡鬆軟。飲品係波子汽水同蜂蜜綠茶。