一生懸麵

营业中

休息中

每一次經過通菜街都會見到好多人排緊呢間鋪頭，心諗有啲咩咁特別，今次就同朋友一起黎見識一下。餐廳拉麵質素唔錯，有好多款小食可以嗌，值得嘗試！🥳 ✨濃厚豚骨沾麵（$79）麵上面有一點點既小麥，睇落去好特別，食落去非常有咬口，而湯底好濃郁，令到每一條麵都掛滿晒汁，食到停唔到口！🤪 ✨海老沾麵（$85）湯底佈滿晒櫻花蝦，數量可話非常震撼，沾麵既時候面上可以沾上好多櫻花蝦，口感豐富。而麵本身好彈牙，粗幼適中，搭配埋燒過既叉燒，好好味～～😍 ✨燒餃子（$28）🥟餃子整得好脆，咬落都有肉汁，餡料既比例好好，推薦可以嗌！ ✨章魚燒（$28）🐙章魚燒表現正常，每一粒都有章魚，皮都幾脆！ ✨綠茶可樂（$20）第一次飲呢款可樂，味道同平時既可了差唔多，不過相對哋比較清甜，可以試試！✨烏龍茶（$15） 

🇯🇵一生懸麵🍜諗起之前有一排雪糕拉麵好出名，行過旺角原來就係呢間大名鼎鼎既拉麵店既傑作！🍦話說筆者趕住食個 #dinner，咁岩5點幾竟然唔洗排隊就衝入鋪頭食野啦！雖然話5點食，但餐廳都坐滿8成位！🍜海老拉麵（$85）🦐朋友叫左呢款海老拉麵，講起海老拉麵，大家都會諗起可能係隻好大嘅大蝦係湯裡面浸著，上菜先睇到係好多櫻花蝦係上面，粉紅色超吸引。海老沾麵（$85）🦐🦐🦐因為我都係比較鍾意食沾麵，碗湯好多#櫻花蝦，濃味但唔係鹹，麵質叫左偏硬，有咬口，唔會有麵粉味濃厚豚骨拉麵（$79）🐷另一個朋友嗌咗呢一款沾麵，都讚個汁唔算鹹，又唔算貴，算係幾有驚喜！食緊既時候，大概5點30就開始有人排隊，所以想食又唔想排隊就記得早啲黎啦！

餐廳有拉麵同沾麵可以揀，但係我始終都係鍾意食沾麵多啲，所以就揀咗兩款沾面，包括濃厚豚骨沾麵同海老沾麵。兩款沾麵都有半隻糖心蛋、兩塊灸燒豚肉同埋竹筍，豚肉燒得好香口，肥瘦均勻，團骨湯底非常濃郁，而海老湯底就佈滿超多櫻花蝦，令到湯底充滿蝦香味，兩款湯底都比較濃味，所以掛湯，各有特色。而麵質好香小麥味，係較為粗身嘅面，同沾麵非常之夾。小食方面就揀咗雞軟骨棒同章魚燒，小食定價都幾低，而且份量都唔細，雞軟骨棒係由雞肉打成，入邊充滿着粒粒嘅雞軟細骨，口感豐富；而章魚燒既燒汁同沙律醬份量恰到好處，好好味！飲品方面就揀咗札幌啤酒同烏龍茶，啤酒會有個雪凍咗嘅杯上枱，就可以keep住溫度，飲到凍冰冰嘅啤酒！

Need a quick dinner at Mong Kok before heading home. All I had in my mind was ramen ramen ramen…Heard this ramen place got a good reputation and there’s always a queue. Waited for 15 minutes on a Thursday night at 8pm. Acceptable. I love oysters! Didn’t take me much time to decide to have their limited dish Oysters Tsukemen $128. Very generous amount of ingredients! 3 perfectly grilled oysters from Hiroshima. Big, juicy pork and half onsen egg. Personally i don’t like bamboo shoot so I skipped i

今次係第2次來，每次經過都總是出現人龍，今日都唔例外門外依舊排長龍，等了十分鐘先入到去，而店內佈滿食客，👍人氣十足麵質硬度（較硬/標準/柔軟）👉海老沾麵（熱/凍）🥢♨️點了碗“標準”質感拉麵，而麵條用小麥上製成，麵條煙韌彈牙，沾上鹹鹹海老沾麵湯，麵質令人愛上，火炙🥓🥓叉燒度及肉質口感適中👉海老拉麵元（幼麵條）🍜濃郁豬骨湯底，🥓🥓薄叉燒2片肉質口感適中👉煎餃子$28🥟每隻餃子粒粒飽滿，肉質鮮👉章魚燒$28♨️脆脆內軟的口感（軟、嫩、熱）👉綠茶可樂$20、烏龍茶$15必試✨靜岡特飲，有氣綠茶可樂味，甜度ok喎，解渴一流

今日去左前排好hit雪糕拉麵嘅一生懸麵！就算冇左雪糕拉麵，一生懸麵都仲係咁受歡迎，大概排左20分鐘先入到去。排緊嘅時候侍應會派定點餐紙俾你剔定。辛辣拉麵（麵條硬度適中）$79辛辣拉麵食落有驚喜！唔係平時食開辣拉麵嘅辣，有少少似韓式泡菜果種酸辣，都係溫和嘅辣。同其他拉麵店嘅辛辣拉麵好唔同，十分推薦唔算好食得辣嘅人！麵嘅硬度適中，有咬口。算係粗少少嘅麵，啱鍾意粗嘅嘅人❤️海老沾麵（熱沾麵；麵條硬度適中）$85碗沾醬一落枱，第一眼眼到係啲蝦鋪滿成碗沾汁！沾汁鹹度適中，加埋大量嘅蝦，十分之惹味。沾汁嘅汁都厚，掛到麵，十分推介俾鍾意沾麵嘅朋友❤️除左麵，仲叫左章魚燒同餃子。碟章魚燒有勁量嘅木魚片，食落十分香！餃子煎得啱啱好，外皮脆脆地又唔燶。

一生懸麵 #旺角美食 因為雪糕🍦拉麵🍜 紅極一時到而家冇左雪糕拉麵都依舊見到人龍證明食物水準係好 所以一樣大班棒場客當日我叫左個期間限定牡蠣沾麵$1283大隻牡蠣🦪 唔腥🤤仲有一塊日本叉燒 半肥瘦😋沾麵湯底用蠔同豚骨熬製杰身 好易掛麵🤤高質拉麵🍜 @issyoukenmen 一生懸麵 📍旺角通菜街73號地下—————————————-

人地話此麵店好食， 又試下。2023年1月1日下午2時， 門口排2個， 好快有位。門口排隊已經派定點餐紙， 一坐低就交餐單， 好快就送上麵， 快過快餐。魚介豚骨沾麵麵唔熱又唔凍，暖， 湯好咸， 麵好槳， 夾唔起， 一舊舊， 要加d湯在鬆起d麵。麵唔好食， 好槳又冇味， 湯又咸， 叉燒又肥。食左一半食唔到。 湯如味精湯， 食完好口乾。牡蠣沾麵以為好細碗，加$15要100g 麵， 點知來到好大碗， 食左一半就放棄， 因麵好槳又漲胃， 個麵128+15麵+15叉燒= $158。😒感覺唔好食, 又貴又食唔晒， 中伏好快送麵到，。好快食完， 又好快走， 位迫，,好像食快餐咁。 小食。🐙 章魚燒6粒嫩滑的粉槳， 但食唔到有章魚， 只是一粒粉。完全唔好食， 唔明咁多人食及排隊， 為咩？！總評： 食物 4分環境衛生： 5分

𝗣𝗹𝗲𝗮𝘀𝗲 𝗳𝗼𝗹𝗹𝗼𝘄 𝗺𝘆 𝗼𝗽𝗲𝗻𝗿𝗶𝗰𝗲 𝗮𝗻𝗱 𝗶𝗻𝘀𝘁𝗮𝗴𝗿𝗮𝗺 @𝗺𝗶𝗰𝗵𝗲𝗹𝗹𝗲𝗳𝗼𝗼𝗱𝗳𝗶𝘁 海老拉麵加叉燒 海量櫻花蝦配上超濃稠湯底 味道超級出色 每一啖都食到好香蝦味 加配半肥瘦叉燒 帶有燒過既焦香味 肉質非常軟滑 入口即溶 而拉面選擇左偏軟但唔會過淋 辛辣拉麵加叉燒 椰菜 湯底味道適中 有微微香辣 配上又甜又爽口嘅椰菜 口感好好 同埋叉燒係一定要推介大家點的 真係好好食 💓餃子 一貫日式味道 香脆可口 唐揚炸雞 炸得剛好唔乾 入面好多肉汁 我地點完就聽到停賣 因為賣哂😳 雞軟骨棒 煙韌有咬口 面頭既葱花好甜 令整個層次加分不少 飲品叫左無糖烏龍冷泡茶同啤酒 食完就明白點解平日都會咁多人排隊了但係佢地翻枱好快 唔會等太耐😉

未有得去旅行，繼續食拉麵解癮，而且天氣開始涼，食起上嚟更加開懷。今次去咗呢間旺角拉麵舖，係因為有朋友推薦個雪糕拉麵，但嚟到發覺已經冇咗轉咗menu，所以試返本身啲選擇。特濃豚骨沾麵($79)沾湯上面加左魚介粉，濃度足夠，味道亦唔錯，太麵麵條就咁食都有淡淡小麥香味，炙燒叉燒肥瘦適中，玉子熟度都啱啱好。海老拉麵($85)就有勁多櫻花蝦喺面，湯頭嘅豬骨同蝦味飲落舒服，同麵條都夾，叉燒、蛋等其他配料都做得好。煎餃子($28)係一口size，啱啱煎起熱辣辣，餡料味道就正常。雞軟骨棒($28)表面勁多沙律醬同埋燒汁喺面，燒得好香同惹味，送啤酒一流。另外仲叫左札幌啤酒($20)同Coke Zero ($10)，下次再睇下有冇機會返嚟試到個雪糕拉麵。

突然間好想食沾麵，就突然記起之前經過呢間鋪都幾多人排隊，餐廳有45mins用餐時間•🐓雞軟骨棒 $28一客有兩串，有小小沙律醬同燒汁仲有藥花係面，唔知係咪太餓覺得好香又好好食，食落有小小軟脆骨既魚棒•🐟魚介豚骨沾麵（凍） $79魚介味道唔係好突出，無咩特別，之前食過一間既魚介就比較有驚喜🙈但呢到既cp價高好多😝•🦐海老沾麵（凍）$85有驚喜喎，碗湯汁有超多櫻花蝦最少100隻，因為沾麵個陣櫻花蝦會依附係麵條到啖啖蝦香，仲要增加到口感🆙🆙🍜每碗麵都有半粒糖心蛋同荀-先講麵質，可能係凍既關係麵質好彈，粗幻適中-然後兩款湯汁都好夠味，特別係海老好濃郁，每碗湯汁入面都有幾舊角切🥩-每碗都有兩大片燒叉燒，唔係好薄個啲，係有咬口仲要有陣燒過既油脂香（～感動的味🥹）食完唔夠喉…我已經決定好下次要加底🥹無加一 呢個價食到呢個質素good good 👍🏻

每次經過餐廳門口總會見到有長長的人龍，這天早一點來到，想不到未到晚飯時間已經要排隊了。不過職員很有效率，會在排隊時詢問入座人數，加快分流去到安排座位。這個時候可以看看點餐紙選餐和選擇麵條的硬度等，加快等候的時間。入座後，看到職員都很忙碌的下單上菜等，門口的人龍依然不減，果然是人氣拉麵店啊！現在已經沒有期間限定的雪糕拉麵了，希望餐廳會再推出，有機會可以再嚐嚐呢～我們二人各點了一個麵、兩個小食和兩枝飲品。餐廳麵裏的荀乾很合我口味，不會有難聞的味道，口感爽脆，平常不太吃荀乾的我，都全部吃掉了！而叉燒有火炙過的的痕跡，帶點焦香味，入口即溶，感覺更能帶出肉香的味道。♡海老拉麵$85 🥢必點🥢日本的海老即是蝦的意思。味道濃郁的湯底，湯裏有大量的櫻花蝦，每一口都可以吃到香濃的櫻花蝦味，加上大大塊入口即溶的叉燒、溏心蛋，十分豐富啊！♡濃厚豚骨沾麵$79 🥢必點🥢麵條上有一點點的小麥，有咬口，比較拉麵粗身一點。湯底果然濃厚，是偏糊狀的，味道濃郁。同樣有大大塊入口即溶的叉燒和溏心蛋。♡唐揚雞$32 🥢必點🥢外皮炸得金黃香脆，還帶點肉汁，大大件無骨雞件，啖啖肉，很滿足呢！♡燒餃子$28三十元不用就有五隻餃子

旺角通菜街經常有間拉麵店都大排長龍，無錯就係「一生懸麵」💕難得星期六日兩三點唔係好多人排，即刻試一試🤪.餐廳地方唔算大，大約20多個座位左右😗排隊嗰陣已經要開始揀食乜，咁就可以一坐低好快就有食物送上😌.🍴海老沾麵💰$85必食菜式🌟海老湯底滿佈櫻花蝦，湯頭充滿濃郁蝦香，非常鮮美🦐沾麵配有半熟蛋、荀、叉燒、青檸，建議食之前唧幾滴青檸汁落麵條，感覺無咁膩😙麵條粗身彈牙且掛湯，富有小麥香🌾.🍴特濃豚骨沾麵💰$79豚骨湯底質地濃稠，入口濃郁豬骨油香🐖叉燒肥瘦適中，火炙過後油香更突出，肉質鬆化🤤特登追加多兩塊叉燒，都係$15 ，好抵食😎.🍴唐揚炸雞💰$32足足有成四大塊，塊塊金黃香脆😋內裏肉質嫩滑又多汁💦.🍴煎餃子💰$28餃子煎得好香脆，蘸埋餃子醋，酸酸地化解油膩感😌.咁多人排隊係有原因🤟🏻價錢親民、地點方便、食物又高質，鍾意食沾麵嘅絕勿錯過😆

呢間沾麵出哂名係排隊店🫶🏻想食就要早啲去除左旺角 荃灣同牛頭角都有分店 早排仲推出左雪糕拉麵 不過依家原來已經無喇海老拉麵 $85滿滿既櫻花蝦已經好吸晴 拉麵屬於幼身拉麵黎講湯底真係好濃郁 叉燒厚切仲要炙燒過 肥瘦均勻食落夠腍仲有半隻流心蛋 同好高質既筍🫢完全唔臭魚介豚骨沾麵 $79呢個招牌沾麵真好出色 沾麵有得揀就凍/熱我自己就鍾意食凍麵沾熱麵 先至夠正宗凍沾麵既麵質夠哂彈牙 仲比較粗身 掛滿湯汁沾麵湯底有叉燒粒 兩塊炙燒叉燒我地再加左$15 變相4大塊叉燒鋪滿麵底😆都只不過係$94 都真係幾抵食唐揚雞 $32 餃子 $28小食價錢都唔貴 味道正常發揮 唔夠飽可以嗌👍🏻

聽人講【一生懸麵】曾經出過雪糕拉麵，不過今次黎到雪糕就冇，就連期間限定既牡蠣沾麵都賣晒，睇黎要早d去到先得。餐廳地方不大，基本上好容易令成間店全滿，當我走果陣，門口既人龍勁長。 - 麵食 -⦁魚介豚骨沾麵 $79沾麵有分凍/熱，因為食慣熱，今次都係揀熱湯。個人覺得凍麵熱湯先夠正宗。連果沾麵湯底都有粒粒叉燒，湯汁偏濃稠。粗蕎麥麵條煙靭彈牙，條條分明，另外沾滿濃濃既湯汁，掛汁力極高。⦁海老拉麵 $85櫻花蝦鋪滿整碗麵，仲有半隻糖心蛋、兩塊煎香既厚切叉燒，非常足料。尼碗用上彈牙十足既幼麵，加上揀左硬身，更加有口感。 - 小食 -⦁雞軟骨棒 $28雞肉肉質嫩滑，入面夾雜住好多雞軟骨，食落卜卜脆。配上大蔥同醬汁，非常惹味。 ⦁章魚燒 $28跟足日本關西章魚燒既口感🐙，細細一粒，口感偏淋身！ - 飲品 -⦁SAGE白桃烏龍冷泡茶 $18台灣原葉冷泡而成，味道清甜，帶點白桃既清香。 ⦁蜂蜜綠茶 $15