一杯鐵板燒居酒屋

营业中

休息中

說到在觀塘APM有咩好食真係諗到頭都大，朋友提議一杯，先醒起原來呢個地方係有一間咁好食嘅嘢。以前來過食嘢，都係食燒餅同壽司等等，對一杯嘅印象幾好，覺得係有質素保證。今次再來食都唔太差。來一杯，一定要試吓佢個燒餅。燒餅比啲甜甜地嘅汁浸住，味道好濃郁，我好鍾意個隻味，仲會加啲沙律醬令到個汁更豐厚。我哋叫咗嗰個燒餅係自選兩個餸的，分別係雞肉同芝士，好似七十幾蚊唔貴的，而且佢個燒餅個皮好軟滑，冇加餸我都會覺得好好食！但對個燒魚比較失望，之前試過記得係好好食的，今次塊魚好似係隔夜油炸鬼咁，冇咗甘香的外層就只係覺得自己食緊一舊油淋淋的魚肉。真係估佢唔到個燒豆腐係可以咁乾燥的。簡直係乾到有少少鞋口。其他嘢食都幾好食，所以講到底都係值得再次光顧的。

今日係同朋友聚餐日，我地都比較仲意食日本野，就决定食一杯，之前都光顧一兩次，朋友都話食，就早一星期打電話黎訂位，因為呢間餐廳平時都比較多人排隊，但如果要打黎訂位，建議都係早幾日，即日訂位十成都冇得訂。呢間餐廳嘅裝修好有日本特色，環境唔錯嫁，有分唔同枱坐嘅，可以坐壽司bar，鐵板bar，普通坐位，如果2個人，我通常都坐壽司bar,會舒服D。但今次人比較多就可以坐卡位。一開始梗係食冷盤，由於大家都仲意食三文魚同甜蝦，就叫咗幾分。三文魚都係厚切嘅，味道都好鮮甜，而甜蝦口感都唔錯，都幾大隻。(8/10)呢個係火焰三文魚，我覺得呢個好好味，三文魚表面係烤熟嘅，但𥚃面仲保留住三文魚嘅肉質同鮮甜。佢裡面嘅醬汁係麻油醬，同三文魚好絕配。(9/10)呢個東洋卷係必食推薦，入面係有鰻魚，牛油果仲有魚子，由蛋皮包住，都覺得幾新穎，大家可以試下嫁。(9/10)豚肉炒麵我都十分推介，由鐵板部煮嘅，同我之前去日本嘅味道差唔多，佢嘅拉麵質感好彈牙同好入味。(10/10)加埋佢7月份有信用卡優惠，用中銀信用卡滿440(包加一)，就可以減一百蚊，最多減三次，所以都覺得好低。

apm既餐廳其實真係唔多, 唔多之餘而且味道唔算好出色!平時行經呢條後巷都知有間日本餐廳, 每次行過總係有人等位. 今晚放工行完書展再黎apm食飯見到無須排隊, 當然即刻入去喇! 因為真係餓到打晒鼓.. 😆入到去好有日式居酒屋既感覺, 我地安排到住係鐵板燒枱前, 真係靈(瀉)有feel!因為都比較夜唔想食太多野, 同朋友以單點形式簡單咁叫左d串燒: 燒和牛，雞軟骨，鰻魚，雞肉明太子，雞肉蔥串同燒雞翼。第一次黎食, 朋友推介呢度既燒和牛一上枱和牛串既香味已經芳香撲鼻,食落口感好軟熟而且好多肉汁, 和牛肥瘦均勻而且好濃濃既牛香味留係口腔度.火喉控制得好好, 調味亦都調得岩岩好完全唔使再落其他味粉, juicy既口感令人想一食再食!朋友真係好好既推介, 好食!😍👍🏻👍🏻👍🏻魚串燒看似好黑, 但實際上食落係好香口一d都唔燶魚似係新鮮魚口感結實但不失口感, 唔錯!😋其他既串燒都唔會燒得好干乾, 廚師既控制真係唔錯!雞肉蔥串同燒雞翼燒完都係唔會好干, 而且食落仲可以保留到鮮嫩感, 不過雞肉蔥串我就覺得有d唔夠味, 加左少少七味粉吊返個香味就冇問題~雞翼都值得一試不過串燒份量唔係太多, 如果食住串燒

呢日同朋友來觀塘區食飯，一致認同來呢間成日排曬長龍嘅一杯居酒屋！好好彩今日唔洗等位就有，入到去就即刻交左野飲一路飲一路等friend到。呢到嘅梅酒真心正！甜甜地好好味！有野食啦！海鮮salad。呢個唔錯，刺身沙拉，柚子汁，完全唔洗點豉油wasabi，點左反而好奇怪。南瓜salad。好好味，幾創新。刺身！呢到d刺身真係冇得談！好新鮮！而且大大件食落好有口感！呢間餐廳每日仲有d新鮮日本魚做刺身，問waiter就會推介翻，之前試過金線鯛真係好好味！唔洗次次都食三文魚咁寡，不過今次朋友好似唔太感興趣所以冇叫有d可惜。東洋卷！呢個真係好正好正！成個擺落口果種融合嘅口感，每樣野完全冇衝突，好match好夾！最對系超好食嘅創新料理！另外仲叫左好多不過冇影到相，但係每樣都好好味！如果來觀塘食日本野推介呢間！服務態度好好！waiter waitress會推介d好野食比你，而且服務好好，成日幫你換碟，好細心！食物好食！而且價錢合理！唯一唔好就係成日大排長龍。

平時夜晚好瘋狂多人等位，自問耐性一般，多數半途而廢。今日陪老細去食，因為早左出去又訂定枱就梗係食到啦！店內環境真係幾正，有一刻會以為自己去左日本添 (當然快速清醒知道身在apm啦)。例牌影返幾張相先⋯佢有午市定食，唔駛煩，叫左個壽司盛，老細梗係食好西 — 鐵板燒啦 (帆立貝、牛柳粒)D野食都算快到，蕎麥麵湯底清清地，有幾粒菇，麵略淋，還ok吧！前菜都係普通野，牛舌漬物主角到，壽司定食 — 吞拿魚、油甘魚、三文魚、魷魚、腐皮、三文魚卷，真係普通質素食物而已。坦白說，如果唔駛等位我會食晏，但如果要我排好耐隊食晚餐我會選擇放棄吧⋯⋯呢個價錢，相信有更好選擇啦！

今天剛剛經過，竟然見星期六都有set lunch，便入去試試，感覺真的十分好食。特別是鐵板炒拉麵和日本燒餅，很熱和好味道。服務也很好。價格不責貴，下次一定會再來。

今晚同女朋友叫左關西燒同魷魚炒麵，關西燒份量少左，個關西燒下面用左蛋代替，唔係好似以前禁大份。另外炒麵份量少左，以前炒出黎好香，但而家個種香味無左。估唔到無食一排水準有d下降。

晚上會合女朋友往apm一杯食蔥吞拿魚腩卷, 雞肉湯烏冬、野菜蕎麥面和豚平關西燒, 蔥吞拿魚腩卷吞拿魚好新鮮, 入口即熔, 配上蔥和醬油, 更能帶出壽司鮮味, 雞肉湯烏冬雞肉煎得香脆、烏冬湯底配上煎雞竟然沒有油膩感覺, 可見師父功力；野菜蕎麥面野菜好新鮮, 好鮮甜, 蕎麥面爽口；豚平關西燒醬汁鮮甜, 豚肉好滑, 雞蛋煎得甘香, 好味日本菜

今晚同老友encore呢間日式餐廳。大阪燒：有多款不同材料選擇，今次選左帶子粒，好味燒牛舌：大大塊好juicy北海道蟹柳上湯石頭燒：蟹腳細少冇咩肉欠鮮味比較失望燒栗米：有牛油香，賣相同味道一樣good!蟹腳意粉：一上枱已經香噴噴，蟹腳夠多肉，正呢間野食同環境ok,係我心水的男人食堂！

個人唔係咩日本野都鍾意食，但一杯食左好幾年，都間唔時都會黎食因為每次等位都要好耐既關係真係有心機先會黎等位食，今次等大概一個鐘坐bar 台。東洋卷同豚平關西燒係必嗌！東洋卷鰻魚+蟹子+牛油果口感一流!關西燒就岩我鍾意濃味今次除此之外只係叫左串燒n 串想encore 再encore 係牛舌，可惜當日無和牛飲品所有都好平，而且未飲過難飲，不論有酒定無酒依家中銀卡食有折，襯仲有要去多幾次！

之前去過摸過門釘知道唔訂檯都好難有機會食到，有次係觀塘附近又6點幾就去搏下點知又有檯，睇過食評好多好評梗係去試下啦！由於未黎食過，主要點食評大家普遍都話好食果啲：魚生沙律：都幾大份，我地5個人share都夠，幾多魚生，啲菜都新鮮，有西柚有蕃茄好fresh串燒類：話明居酒屋當然試下串燒！燒雞軟骨$25：燒得好脆好香口，無乜脂肪，好細粒好細粒，好似無食過咁雞肉明太子$25：呢個好食，雖然食落似沙律醬多過似明太子，個味都好突出好襯雞肉鹽燒活鰻$55：自己好鐘意食鰻魚，呢個尚算唔錯，食落清淡啲食到鰻魚原味，不過實在唔夠喉東洋卷：見好多食評都話呢個好食，一份得3件，呢度係2份有5件（我諗waitress交代左切5件）裡面材料配搭得好好，有蟹子、牛油果，個底仲有鰻魚，入面既鰻魚仲多過鰻魚串燒，我地都覺得好食既，不過唔知點解覺得唔襯pancake 皮，襯返壽司卷咪幾好壽司10件：望落去好靚好新鮮，食落就魚生好淡味，吞拿魚都一般，就算蝦、帆立貝都唔特別鮮甜，屬於普通貨色，飯既醋味唔強烈，做得好普通，$2xx 呢個質素有啲失望窩蛋石頭窩飯$60：以為有蔥、蛋、雜菌放係石頭窩會好重蛋香，點會撈完仲係蛋汁濕

為慶祝男友在新公司完成嘅第一單生意，我當然要獎勵下佢尼兩個月尼努力。佢想食日式，所以我揀左一杯試下。我5:50pm 去拿位已有數人在排隊，好彩等了15分鐘左右已入得。出名的一杯關西燒當然唔少得、而且係最快上枱。一上枱仕應已熟手地幫我地井字切開，確實係熱辣辣。佢嘅皮不太厚，入面嘅材料也好多、有菜、蛋黃、八瓜魚等，味道也不錯，但兩個人食有D多。之前我在灣仔一家日式料理也試過南瓜沙律、覺得不錯、故也試試尼度。剛炸好嘅蕃薯塊配上凍嘅南瓜容和南瓜粒，一硬一軟、一冷一熱，甜度適中、配搭恰到，正合我心意。至於這𥚃的串燒個人認為普通。雞肉芝士串的雞肉沒有咩味，芝士汁好似用水開出尼甘，賣相也...（沒影相）鹽燒大蝦等到我地食完全部食物才能上，賣相也是普通，鹽太多以致過咸、而且肉質食落有D鬆，沒有結實的咬感。唯一算好味嘅係和牛串、燒到適中又鎖到肉汁。廚師推介嘅壽司（十件）味道不錯、都很鮮美。由於我地坐bar 枱，都可清楚見到部分材料、都係即叫即切，唔會一早整好。我們叫了杯梅子燒梳、味道太淡，似乎加了太多冰。

家庭日，因為媽媽特別歡喜一杯既關西燒，於是一行五人決定再到一杯~關西燒（$98）選三個餸今次簡左蝦，帶子同魷魚，飽滿既餡料被薄薄既外皮包住，煙煙韌韌，而且吸收左醬汁，唔怪得關西燒每次都係媽媽必點之選粒粒麵炒飯依碟係筆者最欣賞既一碟！麵cut成一粒粒，有新意！沾滿濃濃既汁，醬汁醒胃，而且有鑊氣！依碟非常出色，蜆鮮甜大隻，菇吸收左蜆汁，味道鮮美，唯略嫌份量少，一行五人只分得1,2隻。豆腐嫩滑，口味清淡，有豆味，但性價比唔算高，下次未必會點，留quota再試試其他小食！其他有炒麵，石頭鍋飯都唔錯！保持一貫水準！一家人有說有笑，分享美食，人生追求的就係咁吧！

一杯常常門口大排長龍，有時好耐性既話都會等下，暫時幫襯過幾次。這兒食物選擇其實不算多，我們通常會叫關西燒。今次選了這個有三種toppings：豚肉，雞肉，貝柱。 算頗足料，有好多貝柱，夠鮮味之餘，亦有嘗到豚肉雞肉的香味。關西燒上面層皮，燒汁的味道也可口，沒有搶走的味道，讚！

第一次光顧，沒有想像過在商場裏的日本料理餐廳會有這樣傳統日式的裝修。本來每人叫一 午餐，但關西燒實在太吸引了! 所以我除了叫一 份燒鯖魚套餐，還叫了一杯關西燒。 燒鯖魚套餐，味道合格，但不是太出色。而且等了非常久! 但是要值得一讚是一杯關西燒 (不是一碟是 一杯 “店名”)材料有雞蛋，椰菜，牛筋等。麵粉皮厚度適中，味道層次豐富，有大量沙律醬， 酸酸甜甜十分開胃, 而且入口軟綿綿，好有口感。其實......兩人行已足以當作主食!