一杯鐵板燒居酒屋

营业中

休息中

聽說是apm 的人氣餐廳。基本在週末晚飯時段在apm都人滿為患。我們一早就訂位了。一杯關西燒 跟一般吃的內餡不一樣，但依然好吃。特別是它的醬。而且服務人員會幫我們切小塊，更容易吃。燒牛舌 我們本來點2串，然後再encore 2串。大家都是牛舌喜好者。蟹肉牛油果卷 友人一定要點的一道西京燒銀雪魚 超滑，配合醬很好吃雖說限時2小時，但最後也沒有人趕我們。真幸運！

平平無其既apm之中竟然可以有一間裝修咁日式野食日本級數既食店是為市民之福中檔價錢食到今日香港可稱為好食既食物實屬難得決定以後有時間就黎apm食呢間野不可多得不可多得

夜晚係apm睇戲所以同友人又嚟之前食過既一杯居酒屋食晚餐第一道：鐵板燒旬菜🥬🥕🍄（$78）份量係全部叫既菜中最大份，食落又香又有陣鐵板味（稱讚嚟既）🤣🤣🤣第二道：三文魚漬茶漬飯（$68）朋友評語：味道唔錯清清地但份量略小食得唔夠喉🙈第三道：海鮮茶壼湯（$68）可以倒出嚟幾個人share，份量大概六杯左右?!🤔🤔🍵🍵🍵🍵🍵🍵湯入面有蝦、帶子、蜆同蔬菜。雖然份量唔大，但賣相幾得意，湯頭飲落亦幾鮮甜第四道：豚平關西燒同平時食既差唔多好食，比我自己整既好食三倍🤣🤣第五道：蟹肉牛油果卷（$86）個人好鐘意食牛油果所以覺得幾好食🍣🥑整體評語裝修同環境都好靚好有日本feel🇯🇵🇯🇵🇯🇵食物品質有保證不過如果份量再大少少就完美啦適合胃口唔大又鐘意食好多唔同菜色既朋友仔～🤓

有信用卡半價優惠，當然要來吃啦。一杯的鐵板燒是令人回味無窮的，一進來就好有日本的感覺，不是放題的形式反而令人有種平靜的感覺，按當下的心情點菜，貴精不貴多。大阪燒是必吃，煙煙韌韌，醬汁恰到好處。串燒也很香口又不熱氣！

昨日中午约左朋友係觀塘食午飯，大约十二點到左APM等。時間尚早，朋友未到。於是係AMP商場逛逛。見到地下大堂己經佈置聖誕裝飾，好有聖誕氣氛。聖誕節假期時間，這商場肯定非常熱鬧。行左一會，朋友已到。大家不约而同想去一杯食日本野。到左一杯，都要等十五分鐘先有位入座。大家各叫左一個set lunch.雜拼壽司定食 - 有十件不同刺身壽司，刺身好新鲜，壽司好正。另包一碗湯烏冬，烏冬略欠林左，不夠彈牙。䐁肉玉子定食 - 䐁肉玉子份量好夠，亦好好味。不過碗飯细左些，唔夠飽。😂

串燒 烤得正有火候 加上檸檬汁🍋好👌尤其係牛舌 肉汁豐富 不會太乾 正正鎖住左 咬落非常之爽口豚肉關西燒 超夠豚肉 口感又唔太粉 加埋蛋黃醬 夠囇惹味🥳至愛既蠔登場啦 嘩 食落好鮮甜 味道偏淡 另外面頭仲有些少海膽 就麻麻地 特別喜歡💕佢個燒羊扒 一d膻味都冇 一口咬落食到好正既燒汁味 巨峰燒酌梳打 味道酸甜 又夠氣 😛貪心既小編希望如果可以有果肉 口感會更佳😍

食咗一個壽司Lunch set, 大約100蚊. 都算ok抵食, 一個set有10舊壽司, 一個細既蕎麥麵, 仲有一個細既海藻小食. 魚生感覺都OK新鮮, 喺魚生既部位有啲唔靚. 不過先100蚊, 不強求了. 最出名既好似喺大阪燒. 可惜我個人唔鐘意食. 不過聽食大阪燒既友人講, 佢覺得幾好食. 整體感覺都ok. 最有特色的喺個裝修. 好有日本風味. 坐得都舒服. 侍應服務快又周到. 上菜都算幾快. 唯一問題喺, 放飯時間人比較多, 雖然店面已經幾大, 都要等位. 我大約13:15去到, 等咗15分鐘先有位.

同三五知己一聚，通常都喺揀日本菜，貪賣相精緻，味道亦相當不錯。今次選擇喺APM嘅一杯，入到嚟哇一聲，估唔到樓底咁高，餐廳亦比門口望到嘅大好多。 因為事前已訂枱，待應就安排我哋坐入隔間，其實係空間較大嘅6人枱。裹面環境較靜，亦不易比人打擾。 豚平關西燒，豚肉份量充足，唔會成口粉。醬汁好好味！份量比較精緻，但目前份量我覺得足夠，再多可能過膩。 另一道菜海膽炒飯，炒飯炒得十分乾身。帶子彈牙，成個飯入味之餘口感豐富，不得不試。 待應推介嘅雞肉燒鳥冬。上菜時熱辣辣岀哂煙，可以睇到木魚絲舞動，睇見都開胃。 居酒屋點少得燒酎，我自己叫咗巨峰燒酎梳打，但似乎朋友嘅更好飲，因為我果杯冇果肉☹️

難得放假，想輕輕鬆鬆食個午飯，為了避開於酒樓大排長龍的命運，我便提議吃日本菜。想不到假日的午市仍有套餐可選，我便挑選了刺身定食及散叫二品大板燒，即可自由選擇兩種配料，有貝柱、豚肉等等。當日的刺身有三文魚、吞拿魚、海膽帶子、甜蝦等等，厚身的刺身配以少許芥茉，整體感覺已經不錯！到新鮮烹調好的大板燒，有豚肉及白目魚作配料，由於大板燒上的醬汁已經十分濃郁，蓋過了配料原本的味道，但大板燒整體質素還是很好👍🏻

今日大約7點去食，都幾多人排隊。成間舖嘅環境好有日式風格。另外，有埋吧枱位，可以睇住師傅整關西燒等等。。。尼個係豚肉石頭鍋飯，味道十足，豚肉汁可以撈晒成碗飯👍🏻不錯！牛油果吞拿魚卷。好一般！可以唔洗叫，而且份量好少。牛筋關西燒。份量夠大，而且啲料都好足。牛筋亦好軟，好易入口，味道亦不錯！可以一試！串燒方面我地叫左牛舌，牛肉芝士同雞翼。首先，牛舌非常有驚喜，燒得好入味，而且口感唔硬，好易入口👍🏻一定要試！而牛肉芝士就。。。。唔知點講，無需要叫囉！就係咁😂。最後，雞翼就正常水準。

這家店在APM商場已經 立了無數個寒暑，每一個晚餐時份，餐廳外都是門庭若市，我多年前也偶爾光顧過一兩回，所以當這天看到這麼多人排隊，我還是想回味那段時光；我跟女友分別點了泡菜豬肉石頭鍋飯、大板燒、三文魚壽司卷，及香煎比目魚配梅汁。老實說，食物價錢在觀塘區來說真的不算便宜，還有點昂貴，所以我對於食物質素是有所期望的；但當我們看到賣相不堪、份量細小的三文魚壽司，我心裡還是有一絲悵然，嘗了一口，發現味道一般，就是路邊攤的質素，但比路邊攤貴多了，一份港幣$78，只有8件壽司，而且每一件不是一般的小，我本人覺得是一點也不劃算的。至於石頭鍋飯及大板燒都是賣相普通，味道一般；內心没有失望是假的，畢竟從前是頗喜歡這家店的，昔日的味道不再，價錢卻隨著通漲增加，感到更多的是惋惜。唯一有驚喜的是香煎比目魚配梅汁，外脆內軟，肉嫩多汁，可是依然改變不到其他食物給我負面的感覺。

很久之前已經想來一杯試一試的了，每次路過都被它的門面吸引，既然發糧了就決定來吃吧! 店員引領入座還以為會招呼我們到巴枱坐下，原來是給了一張在正中央的四人桌，那就太好了，一來可以一覽四週環境，最大好處當然是舉機拍照啦。打開餐牌.....啊，實在很多吸引的食物，大部份都是傳統的日本料理菜底，當然，來到一杯怎麼不能嘗一嘗鐵板燒呢？沒多久，店員看來了解我們正在愁要吃什麼刺身時，就主動前來介紹節日限定......(幽靈萬聖節)刺身三點：TUNA、油甘魚、帶子，看肉平平無奇，常常在放題吃到的款式......會問到，$220值得嗎？.......絕對值得 !!!  TUNA跟油甘魚魚味濃郁，帶子大大隻肉質厚實，海鮮味濃，真的有種身在日本當地吃刺身的同感~~~~雞中翼：廚師的制作手法好用心，將一隻雞中翼一開二，除了可以加快熟的時間，也能將整隻雞翼燒得更好味脆口。燒牛舌串：熟度剛剛好，加入了五味粉太香口了。牛肉年糕串燒：肉質嫩滑，夾著日本年糕一起吃有很溶化的感覺。海膽炒飯：份量足夠二人食，炒得十分之香，因為有海膽吧，米粒一粒粒的很香口。豚平關西燒：有功力的關西燒啊，大大件又好味，師傅反件的手勢非常好。蜜

呢日lunch時間約左個朋友喺apm食飯，我哋揀咗位于4/F嘅一杯鐵板燒居酒屋。Lunch都有頗多套餐選擇，我揀咗$82嘅燒花魚定食。呢個套餐有前菜、燒魚、飯及麵豉湯。前菜嘅筍，爽口味道不錯。麵豉湯，一向是我喜愛的食品之一。燒魚夠入味，乾身香口，只是魚骨比較多。飯採用日本米，軟硬控制得好，飯夠香口感好食。

不知不覺到了十月，結婚也有一年了，當中歡喜多於悲，謝謝你總是體諒我及遷就我，令我每天也過得開心快樂。雖然我不太懂得怎樣令你開心，但我也希望你每天過得開心快樂，我會努力做個賢妻的。很高興我們的小天使將成為我們家的成員之一，現階段的我雖然要戒口，但我們這天還是外出吃飯簡單慶祝一下。因為剛好想到一田走走，所以選了觀塘吃飯，這家餐廳早前經過已經想試試了，所以這次訂枱到這裡吃飯。煎雪魚老公說我要多吃魚，他知道我喜歡吃雪魚，所以點了這份煎雪魚。魚質幼嫩多汁而且油脂分佈適中，美味萬分。豚平關西燒 我們看到大部分人也是點這個，所以也點了一份。內有黑豚肉及蛋，蛋方面我也要求了全熟，所以不知道平常的是半生熟還是熟蛋。整體感覺也不錯，但也不是很特別，吃一次便足夠了。生薑豚肉石鍋飯一上枱，店員會立即番幾番。生薑味道香濃但吃不到生薑，豚肉嫩滑而且配上少許飯焦更惹味可口。

今日同d朋友gathering, 去左apm既一杯日本料理食晚飯，這裏餐廳環境燈光偏暗，地方也不是特別寬敞，都算整潔~當日我地叫左4樣食物，柚子牛肉石鍋湯一杯關西燒，豚肉炒麵同埋餃子~柚子牛肉石鍋湯這個柚子味唔出，同埋有d苦苦地, 裏面有d雜菜，紅蘿蔔，菇，京蔥，牛肉etc。。。份量都算大，但味道一般偏苦~一杯關西燒這個必食，關西燒麵粉蛋醬開得唔錯，裏面有埋d菜，再煎香佢，整到一條條咁，再放埋d調味醬料，沙律醬呀燒汁呀。。好香 好味豚肉炒麵麵質彈牙，加埋豚肉同椰菜一齊炒，加埋醬料另到d麵好入味，豚肉都正常正常唔"孩"，椰菜炒得好爽口，好好食餃子餃子皮都煎得幾脆口，裏面餡料都係菜肉餃，點埋餃子汁食，都幾好味總結，食物都唔錯，係柚子牛肉石鍋麻麻地，其它都好好食