一杯鐵板燒居酒屋

营业中

休息中

今日3個人食 又係慶祝生日 不過今次係我生日🙈因為平時生日飯都係食開放題但今次想轉下 所以就黎左e到3個人食 叫左 一個柚子牛肉湯 窩蛋石鍋飯 炸豬排 一份蜆肉 58元的關西燒 同二品關西燒 炸雞 同炸雞軟骨 共608元 真心好抵食 我地3個人食 除番開都係203元又飽又好味 首先，環境方面 有日本居酒屋風格 座位闊落 坐得舒服 只係燈光比較暗 令人有d想訓教然後，服務方面 服務員態度好 好親切 又有笑容 唔洗叫都會不停幫你加水 食物方面，兩個關西燒都好好 醬料又夠多 餡料又足夠又不會有一塊塊面糊 食落口成塊粉漿咁 好👍🏼👍🏼而石鍋飯，柚子牛肉湯，同蜆肉 味覺都好好只係石鍋飯味道偏淡要自己加豉油 但這3樣菜餚 共同有樣野要讚賞的係 佢地D菇菌類都整得好好 ，就連我平時唔係咁喜歡食菇的我都覺得好味 一d都無個種菇臭味 煮得好好，仲食到有D鮮味 而蜆肉都食到係有海鮮個種味 唔會有個種腥味 而小食放面 炸雞軟骨，同炸豬排都幾好 只係個炸雞 麻麻地 唔係難食 但相比之下炸雞係比較差我地無叫飲料，全程飲水😂608元3個人 ，抵呀！！真係抵食到爆👍🏼👍🏼希望佢可以維持到水準啦🙈🙈

朋友生日，去一杯食飯。貪佢唔駛等位...叫左 蕎麥麵 .. 麵普通，但個醬油好失色，因為太淡啦！雞肉明太子.. 呢個普通燒露筍同車厘茄.. 反而覺得呢個唔錯，出面既肉唔會好柴，入面既蔬果夠juice泡菜牛肉飯..上菜熱辣辣（哥哥太快手幫我地拌均左，就無影啦）一杯關西燒.. 我覺得最好食係呢個，個沙律醬好好味最後加杯水果茶（十級伏）味道太假，似兒童咳藥水。茶木都好飲過佢....................因為有朋友仔大肚，唔可以食生冷野，唯有下一次再黎過啦

觀塘一家人氣日式居酒屋🏮，持續人氣強勁，等位實在無可避免，而家商場App 可以取票排隊減少等侯時間。「石鍋牛肉飯」同「薄燒牛肉」實在好有水準，每次都係忍不住要叫，牛肉包住香蔥實在好味，串燒🍡🍢即燒食材新鮮（牛舌👅、鰻魚🐠、豚肉露荀卷），鹽焗銀杏夠哂份量但一次唔能夠食太多。近日刺身類別發現有🐛，明顯地轉攻熟食爐端燒，也是不錯，其裝潢很有江戶時代風味，絕對氣氛十足，員工態度殷切熱誠感覺窩心。

「一杯」個人認為係觀塘區最好味嘅日本居酒屋。價錢偏貴，但份量同誠意都十足。一坐低，店員就會介紹是日廚師推介。今日嘅廚師推介係「A5和牛廣島蠔卷」，$280一份。和牛肉汁鮮嫩包住隻鮮甜廣島蠔。「南瓜沙津」，其實我唔太好南瓜，但依個南瓜蓉我又唔抗拒，上面既炸南瓜脆片仲好好味，個沙律汁仲好夾。「豚平關西燒」，入面既五花腩一d都唔膩，用鐵板炒，加埋個日式燒汁，食完可以再食。「東洋卷」，用班㦸皮包實牛油果、鰻魚、蟹籽，口味清新，另一必食之選。「三文魚茶漬飯」，相比其他食物遜色，不試也罷。「關西燒二品」，大大份，揀左雞肉、蟹肉做配料，有大量耶菜絲加日式燒汁，下次都會再食。串燒揀左「免治雞肉串」可以不食，「燒牛舌」太好味所以即時叫第二round，「雞肉京蔥串」配搭一流。「炸雞香蔥汁」雞炸得過熟同個汁少咸。「牛肉年糕串」口感特別。「廚師推介十件」件件壽司都很新鮮。

一杯一向食開，專程來慶祝生日，我知一向沒有幫人寫字等慶祝，我只是建議一下，看看有沒有噱頭，竟然有，還很特別，食物質素冇得頂，新鮮刺身，即叫即開，最喜歡刺身同海膽，雖然有人會覺得貴，但有甘嘅質素係值得嘅。而且真係新鮮到不得了！慶祝生日甘多次第一次用鐵板和牛拼鮑魚還寫上生日快樂🎂，真的很窩心，好特別，而且唔洗專登浪費左個蛋糕，服務態度很好，值得一讚👍🏻👍🏻我想沒有那間可以即叫即興了。點都係黎呢到最親切😊

銀雪魚焦香部分香而不難咬開。肉身滑且嫩，又有少少彈性。事前應該用鹽過夜，夠晒味。伴牒的紫蘇葉加銀雪魚，別有一番風味火。草菇則很咸，必須一碗白飯。或預早準備一杯水。豚平關西燒必點之選五花腩煎香，一點不油膩。中間的粉不多，但足夠口感。蛋有蛋香，估計是日本蛋或泰國蛋吧。

食過幾次 質素都好穩定 所以都會回頭再食𣎴過價錢我覺得有少少偏貴可能串燒比較多 要嗌多d先夠🥺🥺🥺🥺食物味道唔差 👍🏻👍🏻👍🏻上菜速度都好快如果諗唔到去apm想食咩都會再去食嗌左相中食物埋單就$380不過真係唔多鍾意tips 風氣明明已經加咗一 我比500紙係都要找銀仔比我 仲要望住我拎找錢好唔舒服 我都係嗱嗱聲找完錢就走😥😥

有時候來到了觀塘不知道吃什麼的時候，便會選擇來這間日式居酒屋。這次點了我最愛吃的雞肉炒烏冬，有點濕濕的(乾少少會更好)，但是菜的份量真的有很多，雞肉亦不會過熟。朋友點了蕎麥面，味道都可以。另外點了一份鐵板比目魚，外脆的口感配合充滿油分的魚肉，給它一個👍🏻

今日吾洗返學 媽咪就話想食日本野 於是我地就去左我地的小飯堂一杯食lunch🤪🤪🤪 次次去親我地都會叫雜綿壽司配蕎麥麵 每次d刂野食好新鮮 今次都吾例外😚😚😚今日我地2.到 d野食好快就上枱 蕎麥麵熱辣辣 飲落個湯好似麵豉湯甜甜地 壽司照舊好新鮮 好厚切😍😍😍 今次我最中意帶子 質感厚得嚟好滑👅👅👅 雖然呢度收3. 但待應都無催我地 服務好好 人手亦都好充足👍🏼👍🏼 裝修好似去左日本懷舊居酒屋咁😝😝😝推薦:⭐️⭐️⭐️⭐️⭐️

滿有期望第一次去試試，結果極度失望而回。在鐵板燒吧枱浦坐下來，職員已急不及待推介和牛燒𧐢卷。我們表達不想吃和牛因不喜歡它太肥和太油。職員的態度立即轉變，全程在我們背後行來行去說話單單打打。食物品質更名不付實，三張鐵板燒枱，各由一位說普通話的大媽擔當師傅，但顯然易見她們都不是真正的鐵板燒師傅，只像food court裏的大媽廚師在炒兩餸套飯，炒炒下唔掂就改由一位比較像師傅的男仕在即埸教學，他來回三張吧枱指導三位大媽學做鐵板燒，實在離普。燒鵝肝像油浸一樣，就連石鍋飯都只是把早早煮好的冇泡菜味炒飯倒進石鍋充數，品質超差，我們只勉強吃了一半已被倒胃口，立即結賬走人。其實food court的石鍋飯真的好吃好多。

朋友生日，所以專登揀間好小小既餐廳 去到睇完餐牌，就覺得揀錯左！ 因為我地男仔多，佢地食量驚人😂😂係唔應該食居酒屋呢d 逐樣計錢既餐廳！ 所以我地係咁點d 容易飽肚既野食！ 味道普通，價錢又貴！ 下次應該唔會再食😂😂😂

約咗朋友APM睇戲經過見到幾吸引就入去試吓，見最抵食係大阪燒，有自選配料一至三樣揀，我揀咗豬肉同魷魚，雖然同我喺日本食有少少唔同，但好足料好好味，見廚師職場鐵板銀鱈魚，所以就order左但係同廚師整嘅又唔同樣，不過都好好食，煎得啱啱好，佢有啲貴嘅一人套餐同當日廚師Special，可能啲魚都有唔同，但我唔係好捨得食，所以嗌多個姜燒豚肉石頭飯就算😋，兩人多數都會安排坐吧枱，可以睇到廚師鐵板燒😝都幾好又唔係好大油煙，總共三樣嘢加埋唔夠$300，又唔貴喎仲好飽添。整體三樣都好食冇失望。

向來都好中意食日本料理所以每次都好中意周圍去搵好食既日本餐廳知道呢間餐廳都幾出名，而且每晚都會大排長龍所以決定早啲book位黎試下。呢度既店員服務都唔錯，主動向你推介好食既食物最出名既一定係鐵板燒，可以自選配料，然後就由師傅係另一邊鐵板度即整再上碟所以未食就已經聞到非常香噴噴至於味道方面，我地就要左大蝦同豚肉配料食落口仲可以食到新鮮又彈牙既鮮蝦，加埋大阪燒汁，無得頂！另外亦都叫左吉列豬扒，煎餃子同埋炒烏冬全部味道都拍得住係日本食到個啲非常用心製作的日本餐廳

平時行開apm都見呢間日式料理好多人排隊👭👫店鋪既裝修都好日式，好吸引我想入去食野😍今日星期五，book唔到檯既情況，我同朋友等左1個鐘先入得去😖由於等得太耐，我地太肚餓，Order左5樣野黎食😂呢個濱蟹意粉好好食😍😍好香蟹膏味，岩我鐘意食蟹既朋友仔海膽炒飯就一般般，除左上面一小板既海膽外，炒飯食唔到海膽味。日式餃子🥟煎得好香口，而且好juicy 👍🏻豚平關西燒可能比得太多醬，味道偏咸🤔飲品方面不過不失😛最後埋單$575，都算合理。最後要提一提啲員工好好服務，上菜速度快而且會成日留意我地有無咩需要👍🏻👍🏻👍🏻👍🏻

以前食過一次，呢間餐廳通常要等成個鐘先有位，所以永遠想食個刻都等唔到。今次睇完戲去睇下，竟然只要等幾個號碼。一入到去，就好似去左日本嘅居酒屋咁，連個MENU嘅設計都好似睇緊日文翻譯咁，非常有FEEL。今次試左唔同類型嘅野食，叫左三文魚同帶子魚生，好新鮮，三文魚有少少脂肪食落好香，帶子嘅肉質亦都幾結實，中上水準呀！而佢嘅串燒都十分惹味，最中意係個明太子雞肉串燒，兩隻味好夾，又帶出雞肉嘅香味。下次經過一定會再試呀！值得一去再去嘅餐廳