一杯鐵板燒居酒屋

营业中

休息中

說到APM商場內人氣最盛的食肆，排列首位必定是這一間居酒屋....特別是一到週末日，等位的人潮就必然會出現。小弟就算事先已訂位，也要等一會才可就坐.....至於沒訂位的，那就更休想可走進去了....沒想到，這兒內隴是比想像中大，樓底非常高。裝修是一貫的日式居酒屋格局，挺有FEEL的....現在已差不多是滴酒不沾唇，故此來到居酒屋，確是有點無用武之地。可以做的，唯有是當平常餐廳般，只集中點吃的....沙律水準尚可，菜葉新鮮；溫泉蛋滑溜流心。若可以下多一點醋去調味，就更妙....大蜆肉用煲上，肉地肥美少沙甜而多汁；汁底有很濃的牛油香，帶少許CREAMY....這個做得相當不錯....比目魚炸得非常香脆，脆得連骨頭都可以嚼掉；魚肉本身仍能保持蠻嫩口的狀態；醬汁是加入了梅酒的，色水頗深的帶有酒香及濃甜。這一類甘口的汁和炸物配合得著實天衣無縫的....日本店的炸雞，無論是在居酒屋抑或拉麵舖，弄出來的水平一向都不會差得太離譜。這兒的也不例外 ---- 皮脆、肉嫩、JUICY。一切好吃炸雞有的條件，它都有了....來得居酒屋，又怎能不點兩三串串物吃 ?不過，有點出乎意料，這兒的串燒的水準只屬一般，牛

今日參加了老婆大人的姊妹淘吃飯，選了最「就腳」的一杯！因為人多的關係，他們安排我們坐最寬敞的位，最適合懷孕媽媽&小朋友坐。這次我們每人叫一個午餐套餐，再大家分享，但餓鬼的我只顧著吃，最後只拍了頭一道菜⋯😂😂食物水準很高，特別是魚生類！非常新鮮！最喜歡他們的蝦，十分鮮甜。魚生片每塊都切得很厚身，一口吃下去，滿足感非常大～不要看這烏冬好像沒有什麼特別，但其實放了很多蔬菜，而且湯也很濃郁！麵豉湯則沒有什麼特別之處，普通～

工作關係，到了觀塘午餐。餐廳裝修有特色，鐵板燒更是賣點。不過由於還要工作，所以不想坐bar檯，怕油煙味大。坐下看過午餐定食，有壽司配蕎麥麵，90元多些。不過最後試了$55「豚平關西燒」。關西燒很吸引，裡面有層豚肉（豬肉），雖然只是簡單的食材：豬肉、蛋等等，不過用鐵板去炒，連上日式燒汁，惹味好食。服務方面，店員服務可以，人多足夠照顧我坐的範圍的檯客。不過，餐廳有一樣東西很不「日本」，保持香港特色：逼食客幾多分鐘內要交檯這個要求實在大煞風景。沒辦法，皆因香港租金/舖位寸金尺土。

呢間餐廳好多人所以最好提前訂位，或者6點前黎到排隊，否則就要等下一輪。店員推薦有道德國腸仔，本來無諗住要因為印象中既德國菜好似豬手、腸都係比較重口味，但係個店員話係比一般德國腸細條d同無咁鹹，所以我地就點黎試下。Hmm..都係腸仔咁既味😂無咩特別，唔會推介。蟹肉牛油果卷，壽司整得好實在唔會容易散開，有時候從小細節就可以睇到廚師有無用心。關西鐵板燒，可以自己選擇餡料，我地揀左蟹肉，豚肉，辣泡菜，師傅會係鐵板果邊整好先拎過黎，一切開餡料好豐富，配合埋沙拉醬好好食，而且粉醬皮唔算好厚，值得一試！

為慶祝結婚紀念日，預早訂位，準時6点半到了，點菜前侍應生又再一次說明用餐限時90分鐘，其實訂位一次入座一次說明巳好足夠。說多次就煩！食物水準Ok，燒肉石頭窩飯普通左啲。那半條金時鯛刺身是職員推介……真不錯$350不算貴，但那北诲道海胆失色少少……冇想像中的甜味！関西燒，炒菜好味

和家人在apm逛了一個下午，適逢當天是母親節，便決定在apm裏找一間環境舒適的日本餐廳(媽媽喜歡吃日本菜)然後在openrice便找到這間人氣旺盛的日式居酒屋🏮我們大概6:30取票後，等待了大概45mins才入座，入座時還有很多人在排隊，真的很受歡迎因為太肚餓的關係，我們先點了一個關西燒配豚肉這個關西燒的味道一流，麵筋香軟，豚肉分量尚可，配合酸甜的醬汁和清新的沙津醬，我們四人都說encore!然後我們點了一個海膽炒飯和三文魚茶漬飯。兩個飯都十分美味，但價錢偏貴牛舌也是一個必點的小吃，入口即融，濃郁的牛味在口內爆法，實在太完美羊排也十分軟，不會un這個東洋卷的配搭清新，牛油果加蟹籽和一些沙律醬必定迷到大大小小，爸爸還想追加一份呢最後當然還要追加一份關西燒因為實在太完美了，與尖沙咀的那間自己動手做的相差太遠！整體而言，一杯已經成為了我心目中日本居酒屋首位，無論環境、食物質素和氣氛都無可挑剔

聽人講話依間好好食，但每次經過都好多人等緊位，所以都想試好耐。今次就同朋友選擇試下依間，知道多人都特登未夠7點就去左拎飛排隊，不過都等左大約45分鐘先有位。入到去之後個裝修都幾有日本feel，店入面既服務員大多都好nice，除左有個好似未訓醒好搞笑。相對主食，嗌左好多小食串燒，仲叫左個卷。個卷出面係pancake包住牛油果、鰻魚、蟹籽，都幾特別。另外都嗌左個蟹肉忌廉，比想像中細舊，都有蟹肉味，但不過不失啦。至於串燒方面，嗌左幾款，最推介係牛舌！好冧唔會痴牙哈哈。野飲都唔差，我試左個荔枝燒酒梳打，酒味唔會太重。總括黎講，可能初時既期望太大，令到我有小小失望，比我想像中無咁好食，但係都係依區黎講係一個唔錯既選擇。

好耐冇嚟過APM食晚飯，今次同朋友黎食下呢間口碑唔錯既一杯。一坐低店員就話今日有新鮮三文魚餃，只需$168就有，由於我好鍾意食三文魚餃，所以就要左。果然無令人失望，煎得好香，充滿魚油香味，而家好juicy唔會太乾👍🏻份量都幾大，鍾意食魚嘅朋友應該會好開心😃蟹肉牛油果卷，賣相同味道都唔錯，叫左幾款串燒，牛舌燒得剛剛好，唔會燒到過左火喉，依然好juicy，個白繕都好食。炒蘆筍雜菌，不過不失，但係略嫌炒得太乾身。

見到openrice咁多人話呢間好食,咪試下囉排隊等左20分鐘,然後入到去bar位。睇下有咩好食,點人地推介個d....價錢來講都算貴,不過如果好食有咩所謂,點知真係係咩驚喜。性價比太低。

每次到APM晚飯，一定諗起－杯。但－定耍六點前到排隊等位，否則耍等下－輪。今晚入座就有位哥哥推介揚蟹肉大葉卷 - 有五件價錢不貴。外皮炸趣，食落好香口及有蟹肉鮮味👍－杯沙律 - 沙律菜新鮮。蟹肉牛油果卷 - 果卷的壽司飯好軟滑，配蟹肉牛油果好正。柚子牛肉石頭湯 - 食完沙律壽司，飲番碗熱湯，好舒服。

為免被某人說只著重母親節，咁父親節點都要找個地方吃飯嘅！打去一杯訂位，講明最低消費$250/位（不包加一），限時6:30至8:15PM。準時到達，為父親者有個玻璃相架做禮物，都算有些小心意。一杯的菜式不太貴，叫咗約大大小小共11款食物，加飲料剛好配合最低消費額。蟹肉牛油果卷，賣相不錯，是清淡之壽司卷物，蟹肉本身好似沒有什麼味道，唯牛油果的creamy，混和蟹肉、飯同吃，又能特出蟹肉的鮮味。鰻魚茶漬，分開上很精緻，鰻魚肉粒厚軟冧。上湯揚豆腐，薄薄炸漿很脆，豆腐滑滑的。燒牛舌串，軟冧，燒得剛好，唔乾。鹽燒雞中翼，皮其微鹹且脆卜卜，吃完再吃。燒牛肉年糕串，年糕吸了牛肉汁，又軟又好味。燒雞泡魚干，似吃一般魚干，無腥味，送酒一流。銀鱈魚西京燒，份量不太大又成$158，但魚肉燒得有油香又嫩滑，西京醬唔太鹹帶有甜味，一下子就搶光了。汁燒金目鯛魚頭及鮫泣，佢話當晚推介，第一次吃，的確好滑，魚味濃。牛肉石頭燒飯，牛肉非薄切肥牛類，似牛柳肉，有肉味。關西燒一品（豚肉），有芝士、大量椰菜絲，是飽肚之選。不過就覺得外層包住的粉醬皮太厚了。柚子梳打和海鹽茘枝梳打都偏甜，生啤無太大苦澀，父親節的主角一邊吃一邊飲，

係大阪返黎香港之後，一直都好想食大阪燒關西燒 ，但係實在無咩地方好食。雖然有另一間連鎖店好出名，不過又要DIY，都係啱少女多啲，我都係需要被服侍多啲😂係朋友介紹下知道左呢間係APM嘅居酒屋。價位中等，環境又靚，又係主要食關西燒，唔係唔試啊嘛～關西燒有好多選擇，揀preset嘅又得，自選嘅又得～由於太想食燒餅嘅關係，揀左兩個招牌嘅。第一個係豚平燒，面頭嘅燒到好香好脆嘅腩肉。中間有粉漿，最下面係蛋。第二個係一杯關西燒，呢個配搭如果係自選應該唔會揀到，不過係意外地合拍啊～ 同平豚燒唔同，呢個入面有牛筋，芝士同大量椰菜。唔好比芝士呢兩個字嚇親，配埋椰菜其實一啲都唔會膩。今次冇食串燒，反而仲叫左個牛肉石頭鍋飯。嗯，有啲失色，泡菜唔夠，所以無乜味。好在鍋夠熱，好快就有飯焦。不過真係無乜需要要點呢一個飯，加上兩個燒餅都係飽肚，可能點啲小食串燒都夠嚕～

基本上LUNCH 時間食一杯都要Book 位, 因為真係好多人！ 今日好想叫我的最愛—粒粒麵炒飯.. 只可惜”賣晒”!! 叫左一杯關西燒 +南瓜沙律 一杯關西燒 --- 燒汁+沙律醬酸酸甜甜十分開胃。關西燒厚度剛剛好，值得推介!!南瓜沙律 - 凍凍的南瓜蓉加沙律醬，好好味! 必吃!!!

晚飯時間 好多人排隊日本野又唔想只食壽司呢間係唔錯既選擇唔會太貴 又多款式服務：店員態度親切既 因為大阪燒都好多款 我都唔知選擇邊樣 服務員都好友善推介食物：叫左 大阪燒 串燒 魚鮫 同壽司1.關西燒 （$60-$70）汁夠多 右埋沙拉醬 而且個皮好好味（有芝士會更好味 記得加）我選既呢個係招牌 食落好似有牛腩咁 幾特別2. 串燒 牛舌燒雞肉芝士（一般般）3. 值得推薦既係店員介紹既 三文魚鮫唔太肥 剛好 點埋個酸酸地既 蘿蔔容sauce 食到唔停口$1204.壽司 🍣味道一般 賣相都一般 海膽軍艦都唔食好鮮甜$260 有10件 都滿足既 最後 埋單5百幾蚊 推薦 ：魚鮫 同 關西燒

觀塘APM呢間一杯成日都大排長龍，今次就早咗幾日打黎預約，但預約時間只限八點半，冇得早啲。我哋八點二左右黎到已經可以入去，好肚餓啊！叫咗一啲串燒，包括鰻魚、明太子燒雞、牛舌，另外仲叫咗一客牛油果蟹肉壽司，同埋一杯大阪燒。埋單每人二百蚊左右，居酒屋黎講唔算貴。全部串燒同壽司都唔錯，好好食，好有居酒屋嘅質素。但對個一杯大阪燒就有啲失望，裡面嘅肉味太重，唔係好夾，下一次要試下其他大阪燒！除咗食物，環境都非常唔錯，雖然好多人，但都唔算太嘈雜，見到多啲人仲可以有間房，多人黎嘅可以一試！