一杯鐵板燒居酒屋

营业中

休息中

今晚同朋友慶祝生日🎂諗起一杯的裝修好靚 朋友又話想食日本野 於是就揀左呢度😝😝我地8.幾去到 竟然吾洗 等位 即刻入得😚 我地3個人就叫左鰻魚茶漬飯 牛肉石鍋燒飯 一杯關西燒同埋鴨肉蕎麥面😋😋😋首先講左我最中意ge一杯關西燒 入面有牛筋 大量的椰菜 芝士再淋上醬汁🤪 醬汁好惹味 牛筋好似jelly咁 好淋😋😚 每人食到兩至三舊我同朋友都好中意鴨肉蕎麥面 湯底入口好清新 入面有小菇 娃娃菜作配料 鴨肉吾柴好有咬口 蕎麥面保持一貫水準 又可以食d菜 我同朋友都食吾停😚鰻魚茶漬飯味道正常但牛肉石鍋燒就有啲失色 牛肉好韌 但石鍋的關係飯熱辣辣 個人認為可以吾點😓😓整體我同朋友都覺得好好食 坐得好舒服 下次都會再嚟😙😙😙😙推薦:⭐️⭐️⭐️⭐️⭐️

呢間係我黎親觀塘都一定會食既日本料理，價錢合理又好味既，無論熟食定壽司同刺身都有水準👍🏻lunch好抵食，有套餐叫，有壽司又有烏冬，食到好飽，但去到晚飯時間經常排長龍，所以大家想去試下可以lunch time去試下，無咁多人

有一陣子沒來，可惜極度失望。銀鱈魚西京燒$158，上桌時賣相好似美美的，但奇怪點解用咁大塊葉蓋住呢。一看完來係兩條魚尾，露出來的位置完全看不出，一揭開，先知裝假狗。真的想不到日本餐廳，都咁。明白食燒味都唔係下下有肶位，但點解兩塊都係尾？如果你撘一條尾尚可以接受，這樣會否太冇禮貌。只可以話侍應哥哥們會主動推介食物，也主動加水，服務可以。

約左好耐無見既朋友傾下近況，就去呢間都好耐無去既居酒屋睇下維唔維持到個質素💁🏻‍♀️ 結果依然係🉐入座後有個專員介紹是日菜式，都係當日入貨既海鮮，可惜我地得 2 個人食唔到咁多😭 豚平燒入面係滿滿既菜絲，蛋皮夠薄，一啖擺入口好滿足喔~ 係個汁鹹左少少咁囉😅 佢有明太子雞肉同芝士雞肉，我一次過試哂兩款，都好食😍 明太子沙律味重 d，甜得黎帶少少酸相比之下我鍾意芝士多 d，好 creamy 好滑，每食一啖都忍唔住要點多次芝士汁🤤 翠肉瓜多汁，有燒汁味但唔會剩係食到調味既味道😋 鱔又係出色之作，皮脆肉嫩，連友人都大讚好好食👍🏻 美中不足係由於佢太受歡迎，限時 1.5 小時架咋🤦🏻‍♀️

感覺係香港少有充滿日本風情的餐廳👍🏻環境裝修同佈置會另人好似置身日本咁環境的確係會加左好多分既2人的話等位都算好快👍🏻人多的話就要等耐小小喇食物方面，叫左牛肉關西燒裹面有牛肉，牛筋同菜個人覺得太漿同煎得唔夠香而且唔味道較平時大阪燒淡另外雜菜烏冬味道可以，不太特別炸雞軟骨唔夠脆，完全無味牛肉豆腐鍋算唔錯，好香麻油味而且好多菜，岩哂鐘意食菜既朋友仔海膽炒飯炒得夠香亦好足料最後杯蜜桃梳打都不過不失

-有可能係香港最好味嘅牛舌-等男友教完水 就去APM 食期待已久嘅一杯六點半去到已經要等位半個鐘左右就入到 唔想等太耐要早啲去喇!!-店內有吧枱、鐵板燒枱同普通枱今次我地坐普通枱，環境舒適，唔會太迫。-燒牛舌$48一啖咬落去 也太juicy了吧!!燒得岩岩好 一啲都唔難𡁻啖啖都充滿住牛既香味配埋少少鹽同黑椒 係完美啊-關西燒(豚+貝)$78店員會原個上再係你面前切開個餡係多到流出黎 入面有海量菜同蛋 再加自選1-3款餸配上沙律醬同燒汁成件事係豐富既!-總結仲叫左雞肉京蔥串$25、明太子雞肉串$25、泡菜豚肉石頭鍋飯$78?三樣都出色嘅，係性價比幾高嘅一間居酒屋，期待下次試佢嘅鐵板燒🙆🏻🙆🏻‍♂️

媽子話好耐冇請佢食飯，要服侍皇后，就要搵間好食，好坐，唔迫，乾淨，多菜色，有特色的餐廳~ 最好之選，莫過於近近地嘅「一杯」。餐廳位於apm，相當易搵當晚無book位，但都不用等位，好快就可以就坐樓底高，裝修又有特色仲可以睇住廚師整燒餅＜蟹肉牛油果卷＞賣相精嫩，蟹肉有點腥，牛油果片軟滑，整體配搭都夾，不過不失~＜柚子牛肉石頭湯＞喝第一啖，哇!真係有柚子味! 加上大量的蔥，旺菜，成個湯甜得來又有少少柚子香!Match!可惜所謂的牛肉，係好食，但分量好少，得幾小塊＜炸雞軟骨＞炸粉不會太厚，剛剛好包裹住雞軟骨的，都幾juicy!＜一杯關西燒＞雜錦燒餅，有蛋有菜有肉，上面淋上沙律，甜醬，好正侍應在燒餅上桌後隨即為我地切開燒餅，服務周到!女皇老媽子表示食得滿意， 御准我下次再帶佢去~

今日叫左兩個SET LUNCH, 同事叫鐵板豬定食, 我叫一個魚生飯。12:26落單, 12:55先到齊所有野食 !!首先到既係一個湯同一個前菜, 服務生妹妹話係鐵板豬。跟住到既係魚生飯, 係我既。一路同同事傾計, 過左15分鐘, 無黎過其他野食....." 唔該 ! " 有個黑哂口面既中年服務男走過黎, 我問: 可唔可以追追個鐵板豬, 仲未到, 我既湯同前菜都未到。佢走左去, 一句聲都無出過, 好快又走返黎....佢話 : 依個湯同前菜係跟魚生飯.. 我話 : @.@" 服務生妹妹話係鐵板豬架喎....心諗, 是但啦, 一陣另一份湯同前菜黎返咪得囉.....佢話 :  個鐵板豬係熟既, 要煮, 所以等耐D......你個魚生飯係生既, 所以快D - . -"咩料呀 ? 鬼唔知咩 ? O 哂啦......最終等左25分鐘, 鐵板豬黎喇 .....大佬呀 ~ 跟埋個湯同飯是常識吧 !!!!!!!好無奈又要忍住甘叫, 唔該 ! 個飯呢 ??????算...好好丑丑食完就埋單..... LUNCH 得一個鐘......P你個K, 埋單個姐姐簡直不得了, 本身都想擺低貼士, 埋單個姐姐問要唔要

經朋友介紹嚟到呢個觀塘嘅一間餐廳食飯呢度嘅裝修好日本feel，氣氛好好，令人有猶如置身於日本居酒屋嘅感覺朋友話呢到嘅關西燒好食，所以就叫咗個一杯關西燒試下啱啱上枱好熱個關西燒睇落好似一個有好多汁嘅大阪燒咁但同大阪燒唔同，佢食落口感軟淋淋都幾得意入面材料除咗有豚肉仲有麵,蔬菜之類，都幾好食嘅不過因為醬料多會有小小重口味，食唔慣濃味嘅人要留意下另外仲叫咗串燒食叫咗一串燒雞翼同一串燒日本大蔥燒雞翼係一開2邊咁分咗4份比你,有小小焦香味燒得好好味個燒日本大蔥上面放咗啲鰹魚碎，一上枱郁下郁下咁視覺感好強 大蔥食落好清新爽口,好鐘意佢陣香味，好好食

作為觀塘友, 好多次行過都見到呢間大排長龍, 而我又真係未食過.今日星期六一點半, 都係駁下要唔要等位..要等就算喇..點知又冇乜人WOR!咁就試下有幾勁要排到開哂巷先~第一次黎, 裝潢OK, 都有日本FEEL.唔係普通HEA下HEA 下就叫自己居酒屋.朋友黎食過DINNER, 所以想食關西燒~我地一個叫壽司SET, 一個叫刺身SET.SUSHI SET 跟多個烏冬, 唔怕唔夠食.我個刺身SET 就好似會餓XDDDD不過唔緊要, 我地有加到野, 朋友想試鐵板燒, 同埋話哂都係呢度既重點食物黎, 都應該要試既.食完之後就飽到一個點喇.

之前夜晚黎apm食飯已經有經過過一杯 見好多人排隊一直想試下今日終於有時間去排在等食😂😂😂剌身 um...吾新鮮 真系好麻麻...😅刺身後到鐵板燒 煎銀鱈魚 煎得幾香 但吾系我expect 既水準😂😂跟住到燒扇貝 幾香 但我覺得無乜鮮味。😅燒安格斯牛柳粒 肉質有d靱😅😅吾推介最後到牛肉粒炒飯 落左好多蔥所以都幾香既總結黎講 如果想平平地試下鐵板燒 可以試下呢間 但如果對食物質素有d要求既 就吾推介了（因為今次系我第一次黎，但都系最後一次！😅）

一行3人去一杯食生日飯食過好幾次都仍然揀呢度係因為嘢食真係唔錯,價錢唔貴,環境亦幾好。Book左檯,不過仍然需要等先可以入座,大概等咗20分鐘。串燒唔會太乾,正正常常,關西燒係呢度招牌之作,份量都幾飽, 最鍾意係佢既海鹽荔枝梳打,每次都會叫黎飲 適逢今日朋友生日,我哋買咗個細細件嘅1人份量蛋糕仔畀佢(細細件$30蚊個d),諗住我地食咁多野都唔會食得落甜品,買黎畀佢影下相,始終係壽星女生日。點知侍應一見到就行黎態度好差咁同我哋講要收切餅費50蚊, 而我哋件蛋糕仔根本完全唔使切,為免尷尬咁我哋影完相就算,連食都冇食,打算就咁拎番走,點知侍應A仲喺我哋隔離同侍應B講話係要收切餅費,其實係咪有必要喺個客面聽到既情況下前講呢番說話呢?又或者如果個侍應有禮貌d咁係客人面前講..而唔係一黎就態度惡劣,甚或刻意係客人旁邊同另一個侍應講既話,成件事會唔會好好多?

這是關西燒本身以為係圓形，但點知原來係長方形 ....都幾得意食落冇乜粉味，但係 餡料不足可以望住廚師整，係唯一好😅😅 同埋有啲偏鹹， 午市套餐佢嘅定價都有啲貴，一個豚肉飯都百几蚊...

2公婆同近1歲BB諗著去食晏，點知入到去俾張2人台我，話坐梳化佢話隨便但唔可以用哂兩張台因為我地只係兩個人，咁當我個仔唔係人？唔使食野？嬲爆，即走！帶小朋友既千祈唔好幫襯！！！Service十個差！走果陣個帶位問我個位有咩問題，講完都無話重新安排，Black list!!! 食物望落幾好食都假

元旦日早上係座附近行山，新年好開始，做運動希望今年新體健健康康。行完山到左觀塘已差唔多二點，於是趕快行去APM一杯鐵板居酒屋睇下仲有無午餐食。到左餐廳知道還有一個鐘食午餐。雜拼壽司定食 - 這個套餐我每次都叫，最喜愛食這款壽司，每隻壽司有不同魚類刺生，刺生好新鲜。但今次唔知點解失水準，刺生無乜光澤，食落知道唔係太新鮮。好在碗喬麥麵還好，麵質唔錯。滑蛋豬排飯 - 這個套餐亦不及水準。豬排又係不太新鲜，肉質無味，食落口感覺豬排雪左好耐，全無肉味。我幫襯一杯不下十次，每次食物有一定水準，今次唔知為什麼食物這差勁。