一杯鐵板燒居酒屋

营业中

休息中

放工近近地想去apm搵好嘢食, 好自然就會諗起一杯！ 一杯走日式居酒屋風格，能夠喺APM呢個商場屹立咁多年，一定有佢過人之處👍🏻每次入到一杯，都令我好想返去日本，佢嘅裝橫充滿日本居酒屋嘅味道！食物味道亦都一直保持水準每次嚟到必點嘅就係燒牛舌，呢度嘅牛舌係比較厚身嘅，我估只係加咗少少鹽調味,牛舌燒起上嚟香噴噴，食落軟淋，咬落去仲會有肉汁咇出嚟！！直情係我嘅至愛！每次返嚟一杯都係因為佢！除咗燒牛舌，呢度嘅其他燒物都好好食，真係要讚一讚個師傅，咁耐都keep到水準👍🏻今次仲叫咗燒豚肉，雞軟骨，一樣咁好味，呢度嘅燒物基本上冇得輸👍🏻另外一款我會推介嘅就係刺身沙律，最鍾意佢個汁，酸酸地好醒胃，加埋凍凍地嘅刺身，又係一個Perfect match！呢度另外一樣好多人叫嘅就係Okonomiyaki,大阪名物，不過自問麻麻哋呢樣嘢，食得多會好漏，所以我都係淺嘗🙈唯一唔好處就係限時食個半鐘，雖然佢上菜好快，但係食嘢都係慢慢嘆開心啲，另外員工服務一般，不過不失啦，不過為咗牛舌我一定會再嚟！！

東洋卷 (pancake rolled with avacado, flying fish roe and grilled eel).入面有牛油果,蟹籽,燒鰻魚. 外面係用微暖既PANCAKE皮包住. 全部都係我超級鐘意食既食材. 一啖擺晒落口係幸福呀😍 用左PANCAKE皮食落去係好特別 個口感係豐富左-關西燒三品 (Komomi-yaki three toppings).三品姐係可以揀三個食材 我揀左豚肉,芝士,小貝柱 個size係類似pizza hut細pizza既size 佢黎到會幫你切開九件去食 芝士味唔算好出 食到好多豚肉同小貝柱 都幾足料-另外仲食左雞肉明太子、壽司、(簡稱)番茄蝦翠玉瓜米通 (唔記得左個名)，依幾樣都算唔錯-當日待應好好人好好服務 本身有張吟釀coupon嗰日假日唔用得 但佢見就黎到期都比左我地換 令外東洋卷本身係一開二既 但係佢見我地有三個人 就主動問洗唔洗切開三份比我地-整體黎講 都好滿意今次用餐 野食特別得黎又好食 嗰晚又唔洗排隊一去就有位 價錢以日本菜黎講唔算太貴 大概100鬆啲一個人 比我都會想再去食過

所謂的鐵板燒你吾好以後有人係你面前煮就會好味！佢地只係找一些類似清潔呀姐係你前面抄抄下！完全冇專業技術！魚和肉完全好似用airfryer 煮咁，完全是冇肉汁和干爭爭！抄飯冇落鹽！門口個呀叔員工成日大聲叫歡迎光臨（日文）大聲到嚇親！

相信大家對呢間日式餐廳都唔會陌生,係APM入面又有冷氣坐得又舒服,仲要出奇地好快有位,正👍🏿由於撞正父親節,所以餐廳設有每人最低消費$250胡麻火炙三文魚卷🍣($168)賣相十分吸引而且味道亦都相當不錯,重點係份量都十足,性價比十分高💯壽司既口感好豐富👅有一咬即爆既三文魚籽係頂,軟綿綿既火炙三文魚🐟,壽司飯就包住脆脆既青瓜同埋其他配料,多重口感燒雞中翼🐔(2隻)($30)燒得啱啱好,雞肉鮮嫩而且好juicy,再加埋檸檬汁既酸酸地,簡直係一流😋重點係雞翼已經一分為二唔洗食得唔辛苦燒日本蕃薯🔥🍠($38)每次食日本菜都必點✔️開頭我誤會左以為係平日食開果D紫色小甜薯,黎到有少少愕然😂不過食落又幾正,燒到個皮脆脆地,蕃薯既肉就軟綿綿,甜甜地,好正🤩凍烏冬($56)好鐘意食烏冬既為食妹又點可以錯過呢個菜呀😏醬汁調教得好好,再加埋薑蓉同埋蔥花,味道好夾👍🏿夏天熱辣辣食返個凍烏冬好爽豚平關西燒($58)以呢個價錢食到大阪燒我覺得好抵🤩因爲出面食果D平均都要百幾蚊🙈重點係佢係好足料,有一大塊燒過既豚肉,口感脆脆地,再加有埋蛋同其他配料既大阪燒,味道好正,尤其係大阪燒醬係成個大阪燒既靈魂🤤餃子🥟(5隻)

次次嚟到apm就會諗起呢間，今次同媽咪諗住近近地食個靚飯，所以就揀咗呢間啦因為冇訂枱，我就早啲去到同門口侍應講聲先，同埋擺低一件小蛋糕諗住俾個驚喜媽咪咁呢餐我地就揀咗3樣嘢食豚平關西燒 同 東洋卷次次嚟呢到都會揀一款關西燒嚟食，實冇死而東洋卷就係有一次落單嗰陣，侍應推介呢樣俾我地嘅，嗰次食完覺得好好味，所以今次決定再叫第三樣就係海膽吞拿魚卷（應該冇記錯個名），都幾好食我地仲叫咗生啤飲！最後侍應都好順利咁拎件小蛋糕出嚟，冇踢爆我，成功俾到驚喜媽咪

本身係景樂會員已幾年，因amp都有幾間食肆可用，都算抵。每年續會都係咁意同個 sales 講，佢地食肆啲員工態度有待改善。一杯呢，野係幾好食，但啲侍應把口真係衰到冇人有，食碟魚生沙律想叫碟豉油點下啲魚生粒啫，嗰條死佬呢，放低左啲豉油仲加多句，海鮮沙律係唔點豉油！嘩，著燈啦，你理得我點乜，黎緊依年唔續，唔食啦！之前都試過成5，6人黎食，個叔推介啲乜帶子，薄切乜牛，冇理佢，埋單都千幾啦，又係有說話聽：你地今餐真係好抵食，嬉皮笑臉

朋友生日相約飯局想食日本野揀咗呢間餐廳因為想食佢哋嘅豚平關西燒因為曾有友人推介又平又好食果然不負期望，豬肉同蛋一齊煎真係好夾再加上有點滑滑溜溜的透明醬料感覺像是食台灣蚵仔煎那種才$58係幾抵食的另外亦叫了東洋卷$68同炸雞香蔥汁$68東洋卷內有牛油果蝦子同鰻魚牛油果軟軟淋淋，但蝦子又彈牙入口有著兩種感覺炸雞好香口又好入味不過只係覺得份量太小真係每人小小的兩件之後再來就是鹿兒島厚切煙肉$180味道其實有點偏咸不過用來配啤酒剛好我哋選了三得利生啤$58同黑啤$66原裝日本進口入口好順黑啤沒有想像中的苦澀味如果環境更加寬敞就更好因為檯與檯之間靠太近是有點侷促的感覺沒辦法令人舒適地享受美食及聊天

今日同事叫我一齊食飯，好耐冇去一杯，經過見唔使等位，於是兩個就入咗去坐低，雖然話好耐冇去，其實都係兩星期之前，唔知係咪我唔好彩，我最鍾意食嘅花魚定食冇左，原來換咗Menu啊！於是我就叫鯖魚定食，應該唔錯呀。另外，叫左我最鍾意食嘅一杯沙律，佢哋個沙律dressing整得好好味，面頭塊魚仔脆卜卜好好味，我同事就叫咗豚肉鐵板，好多芽菜，不過睇落去好似好油。美中不足的是飯唔好食，以前午市係用日本珍珠米的，唔通而家物價高漲轉左？如果可以變返珍珠米就好啦。

侍應帶我們就坐的時候，才同我們說：因為今天是母親節，每人最低消費$350，因為已等了五個字，所以只好食母親節飯，不想再等其他地方了。雖然餐晚飯貴，但食物又真的不錯。得刺身盛合，果然中拖羅吞拿魚味道鮮甜，鮮蝦也鮮味。媽媽話母親節要豪一豪，食了50 g ,日本海膽. 雖然份量少，好貴，但真的很鮮甜美味串燒之選，䐁肉蘆筍卷，豚肉稍為乾斑斑，麻麻地。雞軟骨很爽口，牛肉年糕串燒，特別好味。天然鹽燒大蝦，大蝦碌碌，不過落了很多鹽燒。好咸玉子鰻魚石頭鍋飯，熱辣辣有飯焦，味道好好食。銀雪魚西京燒，魚味很鮮，很滑，煎得好有味道。連沙律醬都好食過人。

媽咪話要食日本野呢間可以試一試節日最低消費每人350開餐前叫杯梅子燒酒梳打清爽開胃鵪鶉蛋打落蕎麥麵 頗有新意最鍾意茄子呢個係鹹茄子 微辣 軟度合適燒黑豚肉 又幾香口推介燒薄切牛好好食 日本既味道呀

同朋友食飯，佢地帶左我黎呢間，7點黎到，都等左半個鐘先入到去，好多人排隊。一坐底朋友就要求order闗西燒，我地揀左兩個海鮮一個豬做配料，啲海鮮好嫩，醬唔會太濃，岩岩好，好唔錯。然後叫左個清酒煮蜆，呢個係我最鍾意既😍啲蜆肉好飽滿，吸左啲湯，非常清甜，湯我都飲左2碗。好正叫左份牛舌都好味，濃得黎，好鍾意牛舌有咬口既口感。個炸雞軟骨我診朋友唔注意，默默食左一大半...佢無太多調味，但因為完全唔油，好好咬，唔覺唔覺食左好多。總之好出色，會再黎。🥳

呢間「一杯」係我有個朋友之前食過，然後極力推介比我的😊雖然我係觀塘到返工，但又真係冇食過呢間位於係APM入面既居酒屋🏮今日同友人終於決定一試，因為有啲驚晏左會好多人排隊等位，所以我放左工就即刻衝過去了，好好既係友人已經一早拎定飛等我黎😎我地基本上真係好快就入得去了，唔洗點等，唔知係咪都仲算早，啲人未食飯呢🤔我地見到網上推介話關西燒好好味，咁梗係一定要叫黎試下啦！我地叫左個豚平關西燒試下😂其實本身我地係想食呢個一杯關西燒，但落單既時候個店員同我地講呢個入面係牛筋同芝士黎，我地諗諗下覺得呢個配搭有少少怪，就轉左豚平關西燒🙈其實除左呢兩款之外仲有好多選擇，仲可以自己揀要幾多樣toppings都得🤣之後我地仲叫左個胡麻火炙三文魚卷，因為佢啲壽司都看似好吸引啊！-🎈豚平關西燒呢個真係好好味，唔怪得咁多人叫🙈因為我地坐係Bar枱度，係完全可以望到佢地點整架😋呢個食落去既感覺有啲特別，唔似出面大阪燒個類的，反而有少少似正宗既蚵仔煎個種食落去滑滑的感覺！佢係入面加左豚肉同蛋再配埋啲千島醬食落去好match😊-🎈胡麻火炙三文魚卷其實食落去都係好食既，個卷物上面就鋪左三文魚，然後入面配料應該係有黃瓜青瓜，

128蚊一客加州卷，d料唔新鮮、嚿飯好散、仲差過爭鮮😒 入邊吞拿魚又唔新鮮!!!! 差其他食物一般，性價比唔高。我哋四個人食，餐廳比得兩碟豉油，叫佢俾多兩碟 時，個侍應話你地點一點，四個人兩碟實夠。叫水都叫左幾次... 食物差、服務差，我地一定唔會再去😡128 mosquitoes, a California roll, not fresh!!!Other foods are generally cheaper.They served us with two dishes of soy sauce. When we asked the waiter to give us two more since we have four, they refused!... The food is poor, the service is poor, I will definitely kick this out of our list again.

太好食了，係我既愛店~觀塘黎講，好食又唔會失水準既日本菜，一定係呢間。食左咁多次，第一次坐卡位，好有私隱。一定要食關西燒啦！最好食係豚平關西燒，自己叫魷魚，蟹肉都唔夠好食。仲有東洋卷都係必食，牛油果🥑，鰻魚，蟹籽加埋一齊，簡直就係最佳搭配！最好一啖食曬，唔同既口味在口內激盪！火焰三文魚，正啊！三文魚好嫩滑，配上白芝麻，火箭菜，新口感！南瓜沙律都唔錯，不過係凍既，飽肚。牛肉石鍋飯都幾好食~有少少泡菜係入面。牛油果蟹肉卷就一般啦，味比較淡。

今次係我第三次食呢間位於APM嘅日式居酒屋，仍然無令我失望！本身想試新開果間台灣嘢，但個蛇餅太誇張了@@夜晚7點半到去到一杯，等左幾張枱就入得，我哋坐近門口嘅Bar枱，Bar枱嚟講非常闊落，可以叫多啲嘢食😋佢都好多選擇由沙律，小食，刺食，壽司，日式燒餅到串燒等等，而且價錢唔算貴，比起好多「小店」還要平。我哋叫咗7~8樣嘢到，$480埋單。每樣野份量正常，同埋好食。👍🏻有個阿叔侍應好好，主動幫我哋收起食完嘅碟，但反而有個較肥嘅四眼女侍應啲態度就勁惡劣，好有禮貌咁叫佢俾多個匙羹我，點知成程黑住塊面咁隊俾我，真係有啲燥🙄又唔係忙，同廚房入面左邊一男一女打牙教，就勁主動🤭講翻嘢食，上菜都算快，但又無一次過咁湧埋嚟，啱啱好，佢個炙燒三文魚($78)係第一樣上，配咗濃濃嘅麻醬同伴菜如海帶等，好夾好好食，有五片灸燒過又幾厚的三文魚唔錯唔錯，唯一係我以為佢係熱上。牛油煮蜆($78)非常好食，熱辣辣，而且啲蜆好肥美，牛油味超香，每人都食咗成7,8隻，仲有啲菇係側邊，要爭食。😋關西燒一品，揀左豚肉，雖然好多其他配料揀，但覺得豚肉最match，一品(一餸)只係$55，超級抵，而且勁大份，飽食之選😍其實燒餅配