一本食堂

营业中

休息中

今日正值朋友同我都有啲事要去觀塘搞，事先並未諗好要食咩。咁啱我地經過鴻圖道戈邊，咪喺Openrice search吓附近有咩食，search到呢間一本食堂，見到啲野食好似幾平，同埋最緊要近我地，吾洗行太遠搞到身水身汗，呢個天氣仲要我行咁遠真系頂吾順喇。如果你問我入到去嘅第一感覺系咩，我會覺得系好有和式風情，近天花位置有好多櫻花嘅裝飾，對我黎講一間餐廳最重要嘅系味道，其次系味道，之後就到環境。食物嘅種類都幾多，就咁睇落最多款式嘅好似系刺身同埋壽司，可能餐廳比較擅長整呢兩樣野。想性價比高啲嘅客人當然可以揀「抵食推介」。另外仲有定食、拉麵、天婦羅等等，想食日式食物基本上呢度都有。首先叫咗份火焰親子卷，開頭仲以為真系會有啲火喺壽司上面😂睇黎系我諗多咗，只系個名吸引到人。火焰親子卷表面有三文魚同埋三文魚籽，三文魚正常質素啦，壽司入面系玉子同埋青瓜，朋友話成個壽司食落好似花之戀🤣玉子同埋青瓜喺日本菜黎講不嬲都系幾吾錯嘅組合。跟住叫咗份銀鱈魚，向來去到日本餐廳都一定會叫銀鱈魚，銀鱈魚嘅價錢向來偏貴，喺出面食多數百幾蚊，喺呢度$95實屬正常價錢。不過喺呢度黎講就好似比較遜色，銀鱈魚以呢個價錢偏向細條，

星期六同女朋友去咗觀塘工廈尋寶，就順便喺呢頭食埋晚飯。但由於工廈啲餐廳太受歡迎，間間都排哂隊，所以我哋上網搵吓食乜好，就見到牛頭角嗰邊開咗間新嘅日本餐廳。我地Walk in都有位，不過見大部份人都係訂枱。餐廳環境舒服，店員有禮，最緊要夠乾淨，唔係女朋友會坐得唔自在，哈哈。食物選擇極多，刺身壽司🍣、串燒料理全部都有，另外仲有定食同麵食。餐廳價格非常親民，平食又得，貴食亦得，得咗。餐廳主打大大件壽司，啱唒飯桶嘅我地，我哋要咗蟹子同希靈魚，魚生同飯量都十足，而且只係$1x就有交易。另外，我地仲食左雜綿天婦羅同蒲燒饅魚，全部都係抵食夾大件！味道亦都真係唔差。女朋友最鍾意食軟殼蟹，自己嘅同類🦀。蟹肉好多，伴碟嘅碎粒幾正，食唔停口。由於唔太肚餓，所以無叫到好多食物，每人消費唔過$100👍。第日我去朋友觀塘Studio打完機，可以帶佢嚟食，同兄弟食就一人一個丼飯或者定食打咗底先，再加小食。我目測隔離枱碗飯勁大碗，我相信一碗都夠我食。全部店員都好好人，又問我地食唔食糖水，不過我地會再去飲野，就無要到。佢地仲叫我地下次嚟食可以試下啲是日推介海鮮，例如今日有象拔蚌刺身。下次唔係同女朋友嚟食可以試下🙊，佢唔

良心小店，一入門口已經見到有口罩提供比有需要人仕拎，每包5個。今日來到呢到見到好多抵食野，拿拿聲叫左一板海膽，兩隻珍寶赤蝦，一set 特價刺身（三文魚兩件，海膽1片， 魷魚3件， 海虎蝦兩隻，希靈魚2件） 每款都好抵食又新鮮鮮甜， 特別係海膽好OK 。而我朋友鍾意食爽口野，所以每次定必叫粟米蟹籽沙律，估唔到呢到沙律咁大份量的。我們最後仲叫左d壽司， 蟹籽壽司，吞拿魚沙律壽司，蟹籽沙律腐皮壽司， 仲有手卷一件，食完真係好飽了。當我地準備賣單時，侍應話新開，所以送個糖水比我地， 原來送碗凍的紅豆綠豆糖水， 食完壽司個口咸咸地，食碗仔糖水岩哂。

今日同仔仔去觀塘開倉買野，順便係apm 行下街，行到累仔仔話想食壽司，我就醒起朋友話鴻圖道果頭開左間新野唔錯，咁就去食下。上到餐廳唔錯喎枱與枱之間好闊落，一d 都唔迫， 侍應已經熱情為我地介紹特價刺身， 咪講笑真係好抵食， 海膽$68， 仔仔聽見我肯叫， 陰陰咀偷笑暗爽。我仲叫左以下美食:蟹籽壽司，吞拿魚壽司，蟹籽沙律腐皮船京蔥拖羅茸手卷福神卷黃金粟米蟹籽沙律特價刺身珍寶赤蝦刺身三文魚親子丼真係好豐富的一餐， 刺身好新鮮，壽司係大大件的，仔仔食得超滿足。不過因為份量大的關係食唔哂，下次真係要叫小飯。

一本食堂Itsupon Syokudou-日本菜🇯🇵-採用日式和櫻花裝修🌸, 環境闊落💓-有口罩派發俾有需要嘅人，非常善心❣️Itsupon Syokudou, a sakura-themed Japanese restaurant located in Kwun Tong. Everything from traditional Japanese umbrella hanging on the ceiling, right down to an array of cherry blossom decoration, the restaurant takes you on a trip into the cherry blossom viewing season🌸🇯🇵🍣! 火焰壽司拼盤HKD$98(帶子、三文魚、吞拿魚、甜蝦、海蝦、蟹柳）Seared Sushi SetHKD$98 🔥🍣(Scallops, salmon, tuna, shrimp, sweet shrimp, crab sticks)味道分(tastefulness)：⭐️⭐️⭐️⭐️打卡分(photogenicity)：⭐️

一本食堂 Itsupon Syokudou+日本菜+壽司/刺身🏠環境:+ 位置頗多 座位舒適 餐廳裝修靚 有櫻花貼係牆+ 慢慢食都唔怕‼️ 雜錦魚生丼 $78好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️⭐️抵食指數：⭐️⭐️⭐️⭐️✅ 有大赤蝦刺身丶三文魚刺身、吞拿魚刺身、王子.......✅ 超大碗飯 一個人有機會食唔晒 可以叫少飯❎ 魚生如果大舊D 會正D‼️火焰壽司拼盤 $98好食指數：⭐️⭐️⭐️⭐️打卡指數：⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 相撲壽司 好大舊飯 應該係其他地方 兩倍 甚至三倍飯量✅ 燒得剛剛好 半生熟 幾特別 值得再叫❗️帶子壽司 $15件好食指數：⭐️⭐️⭐️打卡指數：⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 相撲壽司 好大舊飯 應該係其他地方 兩倍 甚至三倍飯量✅ 帶子厚切鮮甜📍 觀塘鴻圖道30號3樓 📍 3/F, 30 Hung To Road, Kwun Tong⏰ 星期一至日 11:30 - 23:00☎️ 電話號碼 21640066📩喜歡我的文章，可以關注我及讚好以作鼓勵

平時係牛頭角食完飯行去觀塘既時候都見到依間餐廳既招牌，而今日又約咗男朋友去觀塘，所以就上咗去試下。一上到去就見到依間店既特式原來係相撲壽司，姐係壽司會比普通既大啲。店內既裝修都好有日本風味，有好多櫻花既擺設，仲有啲房門係日本既拉門。滑蛋吉列豬扒鍋飯🍚豬扒比平時既無咁多炸粉，所以吾會咁熱氣，而且豬扒個面都有啲燒汁。豬扒下面就有啲滑蛋楊蔥。但可能因為飯既份量比較多，所以啲滑蛋吾係好夠去撈晒啲飯。個飯仲配埋麵豉湯同埋一個小食三文魚軟殼蟹反卷🍣個份量真係比我地想像中大好多，個頂有一舊三文魚同埋蟹子，而壽司既中間就包住啲青瓜絲同埋軟殼蟹。日本芝士年糕🥠個年糕中間真係好多芝士留心，而個皮又吾會炸得太勁，所以都吾錯。鹽燒日本多春魚🐟

早兩日男朋友有事要去牛頭角，順便就係果度搵野食，行過工廠區果陣見到一間新開既日本餐廳，好奇而且又未諗到有咩特別想食，決定入去試下。一入去就俾佢個裝修吸引，成間餐廳既佈置好似一間大食堂咁，樓底好高，牆身痴左日式既壁紙。坐低後店員俾左一張好長既菜單我地 (PS 張list真係好細隻字XD)，上面包羅萬有，完全係放題既高級版。因為乜都想試，我地嗌左好多：1.芝士吉列蠔反卷：非常大份! 如果唔係我男朋友幫我食一半，我應該連一份都食唔完就可以埋單走人，味道黎講3.鵝肝肥牛炒飯：出奇地有鑊氣，肥牛同鵝肝比我想像中要夾，大推薦4.雜錦天婦羅：平時出街通常係放題先會食天婦羅，依度既係完全唔同!! 因為係新鮮炸起，真係好食好多5.串燒 – 鹽燒雞軟骨：因為男朋友搶哂成條，只聽到佢講好食…6.串燒 – 鹽燒雞中翼：燒到雞翼偏乾，味道尚可7.串燒 – 鹽燒牛舌串：好食，牛舌非常juicy8.串燒 – 大和牛粒串：不過不失，寧可多點一串牛舌食完後餐廳仲提供糖水，性價比真係極高。

我哋嗌咗粒粒魚生丼（$72）、咖喱肥牛烏冬（$59）、鹽燒豚肉串（$18）、鹽燒牛舌串（$22）、迷你甜薯串（$18）、香蒜雞軟骨（$45）同埋四款壽司分別係芝麻八爪魚壽司（$11@1）、玻璃蝦壽司（$12@1）、芝士蟹籽壽司（$13@1）同埋三文魚壽司（$15@1）首先講咗我識嗰個魚生飯先啦我想講呢個係我人生之中食過咁多個魚生丼之中份量最多嘅一個魚生飯啲魚生多都唔再講⭐️⭐️分別又有甜蝦，吞拿魚同埋三文魚等等重點係啲飯真係好多好似食勁都仲有咁😱😱😱😱真心抵食到爆😚😚而且啲魚生切粒左之後幾好咬口令到嗰口感更加豐富其實呢間鋪頭最值得讚嘅地方就係佢咩都份量勁多👍👍👍（真係多到我覺得佢有啲似做緊蝕本生意咁）我朋友嗌嗰個烏冬嘅咖喱牛肉真係比我想像中多好多同埋佢呢度嘅咖喱唔算太辣😘😘好啱啱好嘅感覺，亦都唔會遮蓋咗蕃茄湯底嘅味道之後嗰個香蒜雞軟骨亦都一樣大碟而且加埋香蒜嘅少少鹹令到個雞軟骨更加入味🥰🥰其實食完主食我地已經好飽（真心建議唔使嗌太多）之後仲有四件相撲壽司叫得做相撲壽司其係飯嘅份量更加多（所以我強烈建議如果嗌壽司嘅話最好嗌少飯，因為我以為都唔會太多得去邊😫😫）我自己就比較鍾意芝士蟹籽壽司因為

今日出開牛頭角，試下呢間新開既日本餐廳。呢度環境幾大佔左全層，仲有棵好吸睛既櫻花樹，坐得幾舒服。✨呢度野食選擇超多，真係花多眼亂，最吸引係佢超人氣割引既赤蝦，海膽🤩一定要試✨海膽刺身（$68):本身見特價野都驚會有怪味，但估唔到個海膽係勁鮮甜好新鮮，我地仲特登加左個壽司飯黎自制壽司，真係好好味。✨珍寶赤蝦（$9): 9蚊大大隻都真係幾抵食，食落爽口鮮甜。✨生蠔（$13): 雖然係13蚊，但質素真係唔差，無我最怕ge苦澀味。雖然不至於勁鮮甜，但入口夠冰凍食到有蠔鮮味，加埋個醬勁正。個醬同平時食既有d 唔同，帶點點甜同有黑椒既辣，幾惹味ge✨牛油果反卷（$62): 牛油果薄切再加d 蟹籽賣相幾靚仔，牛油果夠熟夠軟滑，入面有蛋，蟹柳同青瓜，點埋個底d千島醬好開胃。✨豬軟骨蕃茄湯烏冬（$65): 湯底可以㨂醬油，清湯，豬骨。 豬軟骨係爽口果一種，蕃茄湯味唔算好濃郁，味道偏甜。 臨尾仲有個龍眼肉西米露送，椰汁味濃，正🤩！整體覺得生野同卷物出色好多， 不過呢間下次可以再encore~

前幾日咁岩出觀塘拎野，順便同朋友食晚飯，佢就介紹呢間岩岩新開張既日本料理，話價錢親民，而且性價比好高，一於黎試一試🥰因為食咗下午茶，夜晚就唔叫咁多～最後我同朋友揀咗兩款野食，但份量已經足以填滿兩個女仔嘅肚～🍣火焰壽司拼盤（$98）呢樣有驚喜，本來覺得工廠區可能質素要將貨就價，但竟然係比一般食開既連鎖壽司店更高質，刺身好新鮮，而且好厚切，好滿足！芝士吉列蠔飯卷（$56）每件分量十足，餡料豐富絕不吝嗇，極力推薦大家試！食完之後我哋已經好飽，侍應話餐廳奉送免費糖水，當日係紅綠豆沙糖水，冰凍好食，甜度適中～

🎈一本食堂 (觀塘)🔍觀塘鴻圖道30號3樓-----平時通常都係港島多，最近因為工作需要，要過海返工一排，所以多咗機會試下其他區嘅美食😋。呢間日式餐廳位於觀塘區其中一個美食集中地「鴻圖道」，位置幾容易搵，無論係牛頭角地鐵站定係觀塘地鐵站行過嚟都唔算遠。餐牌選擇極多，係真係極多🤩，除咗餐牌之外，佢哋仲有啲餐牌以外嘅是日限定食材，B仔食左幾次都唔覺悶。-#時令生蠔（$13）呢款生蠔係期間限定嘅特價優惠，由於價錢太平所以其實本來唔係太高期望，點知嚟到卻令人喜出望外，脹卜卜又大大隻嘅生蠔，食落豐厚結實，鮮甜中又帶點回甘，同人講十三蚊一隻真係有啲難以置信。-#活鰻魚（$38）呢款餐牌以外嘅是日限定食材同樣係非常有驚喜，鰻魚魚質肥嫩，魚皮香脆，食完之後豐腴嘅魚脂味係口入面久久不散。-#炸軟殼蟹飯卷（$62）呢間餐廳主打相撲壽司，所以件件壽司都體積巨大，如果唔想要咁多飯嘅話，店員亦可幫你整返做普通飯卷嘅size，非常貼心。包裹係大大嚿飯卷裡面嘅係香脆又肉厚嘅軟殼蟹，雖然好味，但由於飯嘅比例亦多，所以會令整體味道變得較淡，感覺如果可以加埋牛油果🥑，味道就可以更豐富一啲。-PS：食完最後仲有椰果紫米露糖

絕對可以encore嘅日式餐廳～～～難得到週末 可以同大舊去遠啲食野 尋晚我哋就去咗喺觀塘有好多好評嘅呢一間日本野 場地好大寬敞 枱同枱之間嘅距離亦隔得夠遠 令人好安心😌～～～坐低之後 我哋就開始大展我哋嘅食慾 我地首先叫左佢嘅優惠刺身拼盤有珍寶帶子 甜蝦 北寄貝刺身拼盤 同三文魚 海膽 魷魚 海虎蝦 希靈魚刺身拼盤～～～呢兩款刺身拼盤裏面有咁多種刺身 但係每一碟都只係$58 而且啲刺身嘅質素仲好高 帶帶子同甜蝦好甜 尤其係個帶子真係超大粒 珍寶果然係珍寶三文魚嘅魚脂味都好重 海膽滑溜 魷魚鮮美 基本上都完全冇咩挑剔 真係估唔到咁嘅價錢可以食到咁高質嘅刺身 好開心啊🤤～～～食完刺身之後我哋嘅照燒比目魚就送到啦 香甜嘅醬汁 滑嫩嫩嘅比目魚 加埋超脆嘅魚皮 一樣都係冇令人失望啊！～～～食緊比目魚嘅時候 我哋嘅主食亦迅速送到日式煎餃子 香脆多汁 冷蕎麥面則彈牙冰爽 整體來講食咗幾樣野全部都好鍾意係一間會encore嘅餐廳～～～推薦度：🔥🔥🔥🔥🔥🔥🔥🔥🔥餐廳：一本食堂 (觀塘)地址：觀塘鴻圖道30號3樓

一本食堂朋友係觀塘區果邊返工，今日等佢返工喺嗰邊食飯近創紀之城附近有座大廈，見到一本食堂嘅招牌好搶眼地方又好似好闊落咁，好似成層都係佢，就上咗去喇～一入到去店員好熱情咁招呼我哋， 幫我哋將啲濕嘅遮入遮袋然後最令我驚喜嘅係，佢哋門口竟然有一箱一包包口罩比有需要嘅人拎，超級有心！佢哋間野好似開咗個幾月，仲試緊業，有試業優惠。有個牌寫住「超人氣大割引 刺身組合」我哋見到啲嘢都幾吸引，都要左份刺身拼盤（三文魚 油金魚 鮮帶子 北寄貝 各兩片 各兩片同埋 北極翡翠螺一隻）都只係做緊$48，勁抵～ 佢另外仲有$68原板海膽，原價做緊接近$200不過佢數量有限，我哋去嗰陣時就咁啱冇晒。茄子串 $12（5/5）一串總共有三片好大塊嘅茄子，連埋佢哋啲自製嘅醬燒得勁香，好惹味，又juicy，層皮仲保留着茄子原有嘅紫色，好靚仔～和牛粒串 $22（4.5/5）和牛粒好嫩，完全唔會韌，不過略嫌有少少唔夠味不過佢都有提供鹽同埋七味粉，唔夠味可以再加！帆立貝串 $22（4/5）帆立貝串用咗同茄子一樣嘅自製燒烤醬，又係超級香！帆立貝完全冇沙，又有鮮味。火炙壽司拼盤 $98（4.5/5）壽司拼盤總共有六件唔同嘅壽司三文

因為立場嘅原因好耐都冇幫襯某壽司 搵咗好耐 先決定「一本食堂」 入到去環境好闊落 有成3000呎 因為新開無耐 裝修都好新 菜單選擇多得黎又平 特別係好多新店優惠 例如$68海膽刺身一板 （😩 比隔離枱嗌晒我食唔到 佢哋嗌左十幾板😩😩😩）認真睇菜單 先發現佢地好關注素食者 無論起：壽司 沙律 卷物拉麵 小炒 串燒 冷食 鍋物 素食者都有大把選擇 超人氣大割引 刺身組合「三文魚 油金魚 鮮帶子 北寄貝 各兩片 各兩片同埋 北極翡翠螺一隻」$48一間日式鋪頭做得長唔長遠 最緊要就係睇下佢地食材夠唔夠新鮮 菜單太多選擇啦 所以我地直接叫個小組合 結果肯係無令到我地失望啦 「新鮮食材每日都會送到」 所以鍾意食刺身嘅你 可以揀其他組合 😊👍🏿火炙壽司拼盤 $98一份有六個壽司 一本食堂嘅飯煮得好 粒粒分明 有光澤同咬口 加上新鮮嘅食材 火炙上 散發出魚獨有油脂 每個部分都認真對待 點會唔好牛油果反卷 $62哈 仲有朋友係唔會掂魚生 😂 你幫佢嗌定反卷就啱 牛油果反卷 入面有青瓜 玉子 蟹柳 味道比較清新 同爽口 包反卷對於師傅手勢要求都高 而一本師傅就做得好 因為包得好實 夾上口都唔會散曬