一本食堂

营业中

休息中

用咗櫻花同日本油紙遮做裝飾，裝修帶有日本氣息。主打相撲壽司，顧名思義飯嘅份量多，不過細食嘅朋友都可以叫少飯。廚師發板刺身(18片) ($298)有5款刺身，款款都厚切，仲係空運到港，夠新鮮！牡丹蝦口感綿帶爽，充滿膠質。三文魚腩白色油花多，肥嫩香潤，入口嫩滑帶油脂。蟹籽沙律腐皮船壽司 ($12/件)將蟹籽沙律釀入腐皮壽司，入口甜中帶酸，層次豐富。網燒雞泡魚干 ($42)燒到黃金色，入口煙煙韌韌又甜甜地，香口惹味。(大鍋)肥牛野菜葛絲鍋 ($92)有7款湯底可以揀，而且可以加錢轉烏冬/稻庭烏冬。粉嫩色嘅肥牛好吸引！肥牛同野菜葛絲都好滑溜！

今日喺觀塘買廚具家品，血拼之後，戰鬥力下降，嗱嗱臨喺附近醫肚補充體力，之後再扛戰利品回家。隱藏在工厦中的一間日式料理，地方寬敞，裝修雅致，座位闊落坐得舒服。而且呢度係將食品選項印上一張極大嘅紙上，直接寫上數量落單，好方便💪壽司：鮮帶子壽司、海膽壽司、加拿大海膽壽司、大蝦天婦羅壽司、😋鰻魚壽司、😋炸軟殼蟹手卷😋原來呢度以相撲壽司為主，好大件，即係飯量比較多，放心店員會提你可以少飯😄串燒：鹽燒牛舌串：有黑椒香味外脆內軟👍炭燒雞腎串：咬落脆脆👍野菌雜菜豆腐鍋：材料豐富，跟鍋上的是葛絲，可加錢轉烏冬或其他呢度仲有甜品送，今晚食咗雪耳紅棗糖水，好清甜😀

今天和媽媽一起去觀塘吃壽司網上看到這間壽司的評語也不錯，主打相撲壽司，即是有很多壽司飯，一定吃得很飽，我們也很期待。看看餐牌壽司的款式有很多種類，也有小食、串燒、刺身、鍋物等等，心大心細呢！最終我們決定吃一個素食者也可以吃的野菜豆腐鍋（清湯），材料10分豐富有蘿蔔、茄子、娃娃菜、豆腐、金菇等等壽司方面我們吃了軟殼蟹手卷、海膽軍艦、帶子壽司🍣每款質素都很不錯，特別喜愛吃的是鰻魚壽司，燒得很香呢～😋

💮包羅萬有的日式餐廳🥘寄世鍋（豬骨湯底）好味指數：👍🏻👍🏻👍🏻👍🏻👍🏻聽到呢個名，係咪好好奇佢入面有啲咩呢。佢其實就係咩都有呀😋三文魚都可以煮到咁嫩滑，真係唔簡單呀💓另外仲有好多種類嘅海鮮，包括蝦、青口同帶子等等。個湯低好濃郁，唔係味精湯，啲菜索哂啲湯汁，正到爆。（小編係飲哂啲湯呀😂）麵底係粉絲，都係好彈牙。店家嘅鍋物份量都大碗，小編覺得兩個人些牙食就岩岩好。🐟油甘魚及鮮帶子（日本）好味指數：👍🏻👍🏻👍🏻👍🏻👍🏻油甘魚好新鮮，表面帶有光澤，食落去味道清淡，吞完之後，啲海鮮味道洶湧而出。日本空運帶子保持到好濃嘅帶子味，一啲都唔會腥。🍲喳咋好味指數：👍🏻👍🏻👍🏻👍🏻估唔到日式餐廳都會有喳咋食，仲要係好足料。飲落有好香濃嘅椰汁味，亦都食到好多豆類，口感好好。🍹紅棗蜜好味指數：👍🏻👍🏻👍🏻👍🏻有好多餐廳嘅紅棗蜜都好甜。但呢杯就甜度岩岩好，底部仲有好多紅棗，絕對冇偷工減料。🪑裝修餐廳主要用左櫻花泥做裝飾，座位都寬闊，適合多人聚會。🙆🏻‍♀️：店員服務態度非常好，小編因為見到餐牌有太多選擇，有啲選擇困難症。店員即刻講解哂成個餐牌，非常用心。以下係餐牌，俾大家參考下：

這天又離開了我的港島區，再次前往了九龍區，全因為工作的需要，餐廳位於觀塘與牛頭角中間，最方便的地鐵站就是牛頭角站，路程只需要五分鐘左右，還算方便快捷。餐廳位於大廈的低層位置，本來還擔心環境會不會不太好， 沒想到內裡裝潢有如一般的居酒屋差不多。餐廳主打的就是日本美食， 更不是一般的日本料理， 而是充滿特色的相撲壽司，我點算的食物就是 七味牛魔王反卷， 內裏肉汁豐富，外皮還帶點解芝麻的香味， 即叫即做的果然就是不一樣， 沒想到也做得不錯，最重要性價比十足分量充足。

【 巨無霸size 相僕壽司，抵食夾大件】#chihuo觀塘唔知大家有無覺得有時食日本野，食完好似食左陣風咁，十幾蚊件壽司，一啖就無左會有啲空虛。今日呢間樓上日本餐廳包保大食怪實飽！__________________________🔹 芝士脆炸豬扒反卷 $56👰🏻:🌕🌕🌕🌕🌑🤵🏻:🌕🌕🌕🌕🌑一碟六件同一碗飯嘅份量係一模一樣咁濟我懷疑淨係食個反卷已經夠飽.大件得來唔係剩係得飯多，豬扒夠大件炸豬扒食到脆脆地，夾埋片裝車打芝士仲有大量爽脆清甜青瓜絲口感幾豐富.🔹 京蔥拖羅茸壽司 $18👰🏻:🌕🌕🌕🌕🌑🤵🏻:🌕🌕🌕🌕🌑我個口已經好大，都無法一口掌握味道講真就正正常常，普通拖羅魚茸既味道但絕對唔係將貨就價既劣食.睇埋size，平時壽司嘅價錢，但份量係double 咁大，性價比非常之高.🔹 時令生蠔 $13/隻👰🏻:🌕🌕🌕🌕🌑🤵🏻:🌕🌕🌕🌕🌑佢有個特價menu，其中最吸引一定係$13隻生蠔同$68原板海膽.即刻叫半打試試佢咩料子，蠔肉算係偏薄身，但海水味搭救，可以叫一兩隻黎過下口癮.🔹 廣島蠔肉鍋 $95👰🏻:🌕🌕🌕🌕🌑🤵🏻:🌕🌕🌕🌕🌑有幾款湯底揀: 豬骨，蕃茄，醬油，我揀左豬骨。除左蠔肉，都仲

距離牛頭角地鐵站不遠，步行大概5分鐘到達，進入餐廳的時候，座位都很闊落，乾淨企理，翻開餐睇，發現有非常多的選擇，價錢亦合理。三文魚親子丼$80有很多魚子籽，飯的份量非常多，如果是女士，未必食得晒。三文魚很新鮮，配上紫菜條等，味道不錯。芝士吉列反卷（6件）$56芝士吉列飯卷有很香濃的芝士味，吉列炸品亦很香脆可口，最重要的就是這間餐廳的反卷是很大件。忌廉芝士三文魚反卷（6件）$60又係我最愛的忌廉芝士，香濃的芝士味很濃郁，三文魚亦非常新鮮，也是大大嚿一件。又係我最愛的忌廉芝士，香濃的芝士味很濃郁，三文魚亦非常新鮮，也是大大嚿一件。芝士焗蠔（2隻）$32每隻號都很大件，鮮味的蠔配上厚厚的芝士，簡直是完美的配搭。雜錦天婦羅$42香脆可口，有幾款選擇。贈送每人$9飲品飽到上心口，職員還跟我們說有甜品紅豆沙提供，因為我們二人已好飽，所以不吃甜品。總括而然，這間餐廳非常適合與朋友相聚，因為餐廳的空間讓我們可以舒暢的閒談。

觀塘日式食店都吾少，不過呢間性價比算係數一數二，實得推介一下。首先最吸引係，呢到既壽司，飯既比例係比一般店舖既多，大大件壽司食落口，好滿足之餘又覺得抵食左，啱晒香港人口味。件壽司又吾會因為多飯左而影響味道，一向咁好食。當然細食d既朋友係可以要求少飯。另外一個驚喜細心位係，呢到叫啤酒，係用雪過既凍杯比你架真心就算吧店都未必會！飲落爽好多！呢到仲體貼埋素食者既需要，餐牌有指明素食既口味，仲有走蛋素款式揀，素食者黎呢到食一d都吾苦腦呢到既刺身都高質，叫左個發板壽司，全部係高質d既食材 仲有大份沙律真係超大份😍熟食串燒都吾錯，今日三文魚頭仲特價$48有一碟食完仲有紅豆沙送！食完堆單超滿足同飽呀！會再黎食

心血來潮好想食壽司🍣之前見呢間鋪頭都幾多食客幫襯，食過非常抵食，壽司大大件，今晚晚餐就係你啦！相機食先🙋🏻‍♀️我今晚食左4件蟹籽壽司，叫左芝士脆炸豬扒反卷$56同埋天婦羅蝦反卷$56，反卷同其他卷物不同之處係：反卷係壽司飯包出面而紫菜在中間～覺得幾特別所以點黎試一試，無點錯，真係好好味😋蟹子壽司都10分足料，超多蟹籽，魚生亦都新鮮，海鰻壽司好有口感呢度真係照顧到好多客人的需要，如果是食素，餐牌會有蔬菜的標記係前面以作識別；又照顧到我呢啲大胃王，食完捧住個肚返去，大滿足，呢度絕對值得黎食而家做緊大優惠，送客人罐裝飲品，我地揀左coke zero, 唔知呢個優惠做到幾時，要去食就快啦～覺得超抵🥰～

我真係好耐好耐冇食過日本野了，超級掛住，我哋今日最主要叫嘅係壽司、卷物、串燒，其他未試 呢度主打相撲壽司，飯量很多，如果食唔晒飯可以叫少飯～我就覺得飯量多之餘料都唔少，例如我叫赤貝壽司都有兩片赤貝係上面～足料👍🏻👍🏻長長的海鰻左起：吞拿魚赤身➡️油甘魚➡️赤貝➡️象拔蚌➡️帆立貝右邊三款好好吃呢❤️呢度的侍應服務非常好，擺低壽司之後仲會講壽司是什麼款式👍🏻左起：蟹子➡️加拿大海膽➡️海膽➡️蟹膏我就覺得右二嘅海膽最得我心！好鮮甜😍😍必點卷物超抵食，炸豬扒好厚仲有三大嚿最後仲送凍番薯糖水，糖水款式經常轉換，有新鮮感，通常七點幾之後就有得食～總括來講呢度性價比好高，服務貼心，又多優惠，滿分💯

限聚令放寬，又係時候出去覓食啦今次食日本野，呢間餐廳食物款式五花八門，壽司、串燒、鍋物、手卷、小食、日式沙律、丼飯，真係要咩有咩超推介佢哋既超人氣大割引，因為真係抵食到不得了🙈串燒：燒茄子，牛舌同雞腎，必點燒茄子，醬汁好到位，好味大割引: 海膽一板，質感綿滑，$68真係好抵食；另外仲叫左個刺身，款款都有啲，三文魚、油金魚、北寄貝、仲有螺肉添，全部都好新鮮👍🏻鹿兒島豚肉蜆肉鍋：配料非常足，有豆腐冬菇同娃娃菜，而且顯肉非常多，一啲都冇偷工減料，食得好滿足壽司🍣：叫咗幾款，火炙左口魚裙邊壽司，魚油香濃，魚肉大大塊，食完回味無窮；燒鰻魚壽司，條鰻魚又係大大條，啖啖肉👍🏻呢兩款壽司真係必點！提提大家，呢部手機係叫做相撲壽司，飯嘅份量有返咁上下，如果大家想減少飯嘅份量絕對冇問題，落單嘅時候同侍應講聲就得啦☺️餐廳為咗慶祝限聚令放寬，晚上有糖食，仲送汽水飲添，真係開心🥳呢間餐飯食物好，服務好，環境又大，坐得又舒適，真係非常推薦，大家經過嘅時候可以入嚟一試

今日同朋友去咗觀塘附近仲有公司喺觀塘附近，佢話呢間日本野平時食晏都覺得唔錯，今次就同我黎食晚飯呢間日本餐廳喺3樓，地方好大，坐得好舒服食物款式真係超多，有刺身，壽司，鍋物，燒物，串燒，日式料理， 足足填滿左兩版紙叫咗個刺身同海膽：呢度刺身做緊特價，只係$48就有晒三文魚，油甘魚，帶子，北寄貝，翡翠螺；一板海膽只係$68，啲刺身仲要好新鮮添，真係超抵食仲叫咗壽司：蟹籽，燒左口魚裙邊，雜錦魚生碎，鰻魚：一上枱，我終於知道咩係相撲壽司，真係好大件，唔止舊飯大，連啲食材都好大件，佢嘅紫菜都依然係好脆，真係抵讚鹿兒島豚肉蜆肉鍋：呢個份量又係超足料，仲有唔同嘅湯底揀，又可以加配烏冬，豚肉都幾嫩，蜆都幾大隻同清甜仲有值得一讚嘅係店員嘅服務，佢會推介有啲乜嘢新鮮嘅食材，仲有佢會溫馨提示佢哋嘅壽司係相撲壽司比較大件，提醒我哋可以唔使嗌咁多，疫情期間仲送汽水同糖水總括來講呢間餐廳真係性價比超高

今日去觀塘電頭髮 ，之後好想食壽司，見到周圍都有幾多選擇 ，上網睇下呢間性價比高， 所以就入嚟試下先 ! 呢度個位置比較近牛頭角地鐵站 ， 都幾易搵到。。首先叫咗個火焰三文魚壽司 ，個三文魚超長，堅抵食! 再來一個牛油果反捲， 牛油果份量都多，一啖一啖咬落去十分有滿足感 小食有好多選擇，我就叫咗冬菇同埋甜蕃薯。。。。。燒冬菇非常香， 冬菇嘅香氣湧入口腔超正。。 甜蕃薯番薯味濃郁，味甜甜的，是我的最愛。。。。。。呢度嘅環境不錯，地方夠大，中間有棵櫻花樹，很有日本的感覺 是同朋友聚餐的一個好好嘅選擇

今日去觀塘見個客， 好少出觀塘都唔知食咩好。 客人介紹我去呢間 叫做一本食堂的 日本餐廳呢度環境寬敞， 地方好大， 張枱也偏大，坐得十分舒適。 每張枱都有圍板隔住， 衛生良好， 感覺衛生安全。最特別嘅地方，係餐廳嘅中間有開櫻花樹， 而家冇得去日本 去啲有情調嘅地方食日本餐就最好不過呢 。今日我哋個lunch叫咗 :鮮帶子刺身 帶子刺身十分新鮮， 味道鮮甜壽司叫了劍魚腩手卷，牛油果飯卷劍魚腩好厚身， 口感十分豐富。我最喜歡吃牛油果飯卷， 牛油果配上飯卷簡直是絕配 。壽司全部好大份， 性價比超高。日式叉燒拉麵 朋友係拉麵控，咁一定叫個拉麵呢! 呢度嘅日式叉燒拉麵當然唔係好似拉麵專門店 一樣，不過佢嘅豬骨湯底， 味道都非常濃郁!配合埋彈牙的拉麵同爽口嘅叉燒， 都係唔錯嘅選擇!去日式餐廳食天婦羅一定冇得輸。 天婦羅炸得非常香脆， 食完唔夠喉仲想叫多一碟呢度地方寬敞，環境好 ，係個傾計嘅好地方。服務員態度親切， 禮貌也不錯 。性價比高嘅地方當然會再來。。。。。。。

經同事介紹公司附近開了家樓上日式食堂，價錢貼地，又多選擇。其實主要想吃刺身，星期五的晚上就到那邊買些加料回去吃。食物種類及款式繁多，基本的日本料理都涵蓋了，刺身、壽司、手卷、拉麵、烏冬、日式炒飯、燒物、鍋物、天婦羅等，數之不盡，真是蠻多選擇。整體平價有質素之性價比高的日本料理食堂。下次再過來一試他們的熟食。這個餐牌很吸引，全部主要點的都是特價優惠。吞拿魚、立魚、甜蝦、海膽、北極翡翠螺：毫不欺場的刺身拼盤。以為是薄片刺身，沒想到刺身新鮮，每片都是厚切大片，肉質結實，富有彈性。海膽刺身（原板）：意想不到的價錢，平日原板的份量起碼二百元左右。份量不算多，海膽以原塊木板呈上，逐片小塊排列起來，味道濃郁新鮮，回到家配白飯一起吃，加上這個價錢，值得一點！珍寶赤蝦：蝦迷的我，當然不會錯過這巨型的大蝦。蝦肉鮮甜，蝦頭非常飽滿大隻。