一本食堂

营业中

休息中

外賣指定午餐$31就食到！原板海膽都只係$68!仲有時令生蠔🦪同A5和牛壽司，全部空運到港！保證新鮮💕堂食仲免加一！好多優惠，記住去到睇下塊黑板有咩着數！午市套餐 特級肥牛烏冬肥牛有好多塊，而且大大碗！豬骨湯底濃濃的。如果烏冬再軟身啲，會更入味。日本磯煮鮑魚壽司，鵝肝壽司， 海膽壽司份量十足，鮑魚好有彈性，鵝肝入口即溶，海膽非常甘甜，全部都好好食，冇得挑剔。小食 網燒雞泡魚乾當餐前零食👍🏻乾身，好重魚味，脆卜卜~令我胃口大開！串燒 🍢鹽燒雞軟骨串相對地比較細串。香脆可口，不過比較淡味，下次叫蒜香，應該更美味~環境非常寬敞，乾淨，仲有好多位置比人打卡🥳

收工時經過鴻圖道，咁岩見到門外有一大橫額就俾佢吸引左入去！原來食日本野，上到去睇下餐牌有咩岩食外賣返屋企慢慢嘆先！去到有個長髮店員姐姐，好有禮貌，又叫我坐底慢慢揀！我見有海膽一板都係$68，仲有生蠔13蚊隻，珍寶赤蝦9蚊，一於試試。原來呢度叫丼飯或者定食，都奉送麵豉湯、糖水及汽水！之後店員姐姐好詳細講解，因為呢到d壽司係相撲壽司，飯會大件啲，如果細食嘅，可以叫佢少飯都得！宜家甘有耐性真係少有，要讚呀。啲生蠔，赤蝦同海膽，估唔到仲keep到好新鮮鮮，以呢個價錢好抵食！下次會叫多d生蠔同赤蝦先得！個丼飯好足料，有三文魚，吞拿魚，赤蝦，帶子，油甘魚，蛋，蟹柳 。食材一啲都唔hea，大大件又新鮮！呢間有驚喜，會keep住幫襯！

真係要講句，觀塘真係好多好野食，今日比我搵到間日本野,唔單止好味，仲幾抵食添。就係呢間一本食堂，佢近牛頭角地鐵站。原本今日約好哂朋友黎堂食，點知限食令要改做外賣。唔緊要啦，因為晚市外賣仲抵，滿一百蚊仲有9折。餐廳好大，又超日本風，天花用好多日本燈籠，日本傘裝飾，牆身又有好多櫻花，如果堂食一定舒服寫字意。呢度啲份量，真係大大件，相樸手份量，唔怪得叫相樸壽司。店員姐姐提醒，如果食過覺得飯既份量太多，可以叫少飯。呢度所有魚生，刺身都好新鮮，叫丼飯或者定食嗰啲唔止有汽水送 ，仲有麵豉湯同糖水送。個麵豉湯唔太咸，啱哂我口味。呢度仲有樣野正，有生蠔食，都係13蚊隻，大大甜蝦都係9蚊咋。真係食過翻尋味, 一定會再黎。

不熟悉這一帶的人可能會覺得有點難找，一來在樓上店，二來附近都是那些工廠大廈，不太顯眼。我也是有一次在附近拿了單張，再過來的。鹽燒日本多春魚多春魚肚中有滿滿的魚籽，不過可能因運送過程放久了，魚不太脆口。汁燒帆立貝帆立貝細細粒，有嚼勁，但個人認為上面的燒汁跟帆立貝味道不太搭配，反而蓋過有點本身帆立貝之味。大和牛粒 骰子形狀的一口牛肉粒，香濃牛味肉質結實。蒜蓉焗半殼蠔較喜歡滿是蒜泥蓋面的款式，蒜香味濃，一咬下去蠔肉肉汁溢出。北海道焗半殼蠔另一款則較芝味重，沙律醬味突出，比較飽膩。鰻魚炒飯一打開，撲鼻的和風炒飯香味，鋪面的鰹魚絲，還在舞動；飯粒炒得乾身惹味，粒粒鰻魚，豐富口感。最後外賣還奉送飲品及甜品，不過有趣的是中式甜品西米露，但味道不錯。

話說見到有間日式餐廳既外賣自取優惠勁抵呀!!!!.好多款都好吸引，折後由31蚊-52蚊~~.吸引左我地去幫襯喇﹗.點知落完order先發現餐廳非常遠遠遠呀….而家又熱又焗，行過去真係行到成身汗.揀左最最最吸引既什錦魚生飯，8折後盛惠$54。.真心超抵食，勁大盒，刺身份量比想像中多，係成盒魚生飯個面都係魚生，款式又多，有三文魚，呑拿魚，魷魚，大大隻🦐，帆立貝等，感覺食材新鮮，好好味，仲送上麵豉湯。.餐廳環境唔錯，座位都多，都幾多人幫襯，可能因為優惠實在太吸引~~!!值得去試啊！真心推介😍

餐廳：一本食堂 (觀塘)地址：觀塘鴻圖道30號3樓限聚令嘅關係，依家5pm後都唔可以做堂食，放工黎到觀塘工業區嘅日本餐廳一本食堂買外賣返屋企食🥡一本食堂開左接近3️⃣個月，依家仲有開業優惠，只要係社交平台比個like或者出個post就可以免費有一件甜品或者三文魚壽司2件🍣疫情優惠指定午餐外賣有8折，最平$38就有，晚市買滿$100亦有9折，計返條數都幾抵食，分分鐘平過自己煮飯🤣見到刺身做緊大割引(特價)😍，所以叫咗兩set，分別係日本磯煮鮑魚1隻+玻璃蝦4隻+三文魚刺身1片($58)，同三文魚2片+海膽1片+魷魚1片+海虎蝦2隻+希靈魚2片($58)，平均黎計唔洗$10有一件，仲食到新鮮嘅海膽同鮑魚😋，外賣返屋企食當然無即食咁新鮮，但係鮮味都依然保留到，仲有6款唔同嘅set同其他多款壽司刺身比你揀鰻魚炒飯 $75呢個炒飯都幾大兜😂，兩個人share黎食都夠👫，鰻魚切成碎粒，份量都唔少，每啖都食得到鰻魚，而且加咗唔少爽口嘅蔬菜粒，睇落更多顏色之餘亦提升咗飯嘅口感值得一提嘅係佢地仲有間包房👍🏼，午市想同其他陌生人保持距離，又想一班同事幾個人食個飯順便傾偈🗣，不妨向餐廳提出要求

前陣子去開觀塘又知道附近有間食海膽超新鮮超平嘅日本餐廳，所以就去試下。去到發覺地方好寬敞而且裝修別緻，提提大家係要搭𨋢上三樓。 佢哋嘅menu選擇極多，有定食、鍋物、拉麵烏冬、小炒王、炸物天婦羅、串燒、小食、一品料理、刺身、壽司、沙律、珍味、卷物等等…… 而且日本酒類亦都有超多種選擇，鍾意約埋三五知己吹水品日本酒，呢度係一個好地方。我點咗鹽燒油甘魚頭連鮫，原隻鰻魚飯，同埋螺肉。因為我本身唔記得咗佢係相撲特色壽司，個飯同埋魚頭都超大份，真係一個相撲手嘅份量好抵食，如果下次同朋友嚟都可以叫少d。鰻魚飯就超有鰻魚嘅鮮味而且加埋特製嘅鰻魚汁，食到停唔到口，魚頭連鮫就分量多同埋燒得好香脆，如果鍾意食魚頭嘅朋友一定要嚟試。但老闆講因為油甘魚頭連鮫唔係日日返到貨，下次嚟時就睇下大家有冇食神呀！食到最後仲會有一碗特色糖水送，每晚都有唔同嘅推出，我今晚就食雪耳芋圓糖水，好好味又係好滿足嘅一夜。同埋佢哋而家做緊promotion，一板海膽都係68蚊而且見到枱枱都有人食，下次同朋友嚟我先至再叫。

在觀塘/牛頭角主要食肆都集中在地鐵站附近，但其實行多兩步，已有一些抵食，又坐得舒服既餐廳，一本食堂正正就是這樣。一本食堂果然沒有錯！他們的環境十分闊絡，以日式風格佈置：有櫻花、富士山等...無得去日本都止止渴先。餐廳更十分貼心，有需要人士更可取一包口罩，共同抗疫！新開業期間，更提供不少優惠！時令生蠔 - $13/隻$13 就食到即開生蠔都算相當抵食，而且生蠔入口清爽，口感Creamy。粟米黃金沙律黃金沙律的份量份量非常大，連一個大圓碗都放得滿滿的。沙律中有青瓜絲、粟米、蟹柳、蟹籽，吃起來口感豐富，真是一道消暑、開胃的前菜。燒鰻魚定食 - $72重點當然是食燒鰻魚，鰻魚中並沒有絲毫的細骨，而且配合香甜的醬汁，吃起來濃郁粘稠的口感，真是不消一回鰻魚就被我整條吃完了。炸軟殼蟹反卷 - $62反卷份量都非常大份，咬起反卷，軟殼蟹香脆多肉，還有清爽的青瓜、蟹籽等食材，令口感更豐富。紅綠豆沙原來餐廳還有甜品贈送(每日甜品會有不同)，其味道清甜冰涼，潤喉消暑，為這頓晚餐畫上完美句號。

朋友說觀塘新開了一間日本餐廳，價錢親民，一於去嚐嚐！餐廳特色是相撲手壽司，顧名思義飯的份量會比較多，提提大家，細食的朋友下單時記得要少飯喔！環境寬敞舒適，裝潢走日系風格，選用柔和的淺啡色為主調，以燈籠、傘作、富士山璧畫及櫻花樹作為裝飾，洋溢著濃濃的日本風情。燒鰻魚定食 ($72)定食跟前菜和麵豉湯。木耳爽口且味道帶辣，開胃又惹味。鰻魚色澤亮麗，魚肉入味及沒刺骨，可以安心大口嚥下，加上醬汁鮮甜，美味可口。網燒雞泡魚干 ($42)軟硬度適中，煙煙韌韌，相當有質感，味道鮮甜，甘香可口。炸軟殼蟹反卷(6件) ($62)反卷體積比一般的大很多，非常飽肚。炸軟殼蟹份量十足，口感酥脆，配搭了清爽的青瓜絲可以中和油膩感。香草煎羊架(2件) ($73)可以選擇生熟程度，值得一讚！火候控制得宜，入口有羊味但沒有羶味，有肉汁。迷你甜薯(2串) ($36)體積小巧可愛，可以一口一粒，入口幼滑軟綿，味道香甜。鹽燒牛舌(1串) ($22)牛舌大塊，口感鮮嫩柔軟，調味剛好不會過咸。食物有質素，份量十足，服務周全，價錢親民，相當有驚喜！

呢間餐廳裝修有心思，座位夠晒闊落，食物選擇好多，如果你係素食嘅話，就可以留意番餐牌上有蔬菜圖案嘅菜式，亦都可以同侍應講自己係蛋素或者魚素，可以更好咁安排適合你嘅食物我哋就叫咗二人前 $398 1️⃣蟹籽沙律 冰涼嘅青瓜絲加上鮮甜蟹籽，配上沙律醬，好開胃！2️⃣什錦刺身盛 佢嘅帶子好厚好大粒，都唔錯！3️⃣壽司盛(小卷付) 款式好多，質素ok呢度其實有相撲壽司🍣，勁大件嘅，如果細食嘅你可以要求少飯☺️4️⃣天婦羅盛 真心唔錯，外層香脆，裏面嘅蔬菜都保持到佢嘅水份，食落絕對唔會乾，幾好！南瓜、番薯、茄子、冬菇都做得幾好，最正就係佢嘅炸蝦，勁大隻，好彈牙可口，好新鮮。好推介呢度嘅天婦羅呀！👍🏻👍🏻👍🏻😘5️⃣鹽燒秋刀魚 香噴噴，肉質鹹香，好惹味！👍🏻👍🏻6️⃣肥牛鍋物 佢嘅賣相好靚，肥牛好鮮嫩，最好味係佢嘅粉絲，吸晒湯底嘅精華，配料都好多，正🙏🏻😛😛😛👍🏻👍🏻7️⃣什錦炒烏冬 食到呢度已經好飽，但係呢個烏冬仲係令到哋覺得好好食，火喉好夠，調味好好❤️8️⃣可樂 橙汁 9️⃣甜品紅綠豆沙冰冰涼涼，清清地，消滯😚呢個二人餐份量真係超級足，同埋質素都真係唔錯， 服務都好好，good!

一本食堂試下呢間新開既日本餐廳。呢度環境幾大佔左全層裝修好靚，有唔少櫻花掛係牆上面仲有棵好吸睛既櫻花樹，座位都好闊落海膽一定要試，海膽係勁鮮甜好新鮮珍寶赤蝦食落爽口鮮甜好新鮮，食落勁甜9蚊物超所值生蠔生蠔係期間限定嘅特價優惠令人喜出望外，脹卜卜又大大隻嘅生蠔，入口夠冰凍食到有蠔鮮味，加埋個醬勁正鹿兒島豚肉蜆肉鍋份量超級多兩個人都一定夠飽豚肉大件好好味，食落口感豐富蜆肉份量都好多👍🏻吸引配茶選擇多選擇超多，真係花多眼亂上菜夠快 食材好味新鮮員工服務態度都好好#liukahin@gmail.com #93575555#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #follo

今日去咗觀塘買少少野 見到好多人推介呢一間平價食堂一於就去試吓 ～一入到去 餐廳非常大座位寬敞 人與人之間留有相當大的空間 現在疫情時候 去一些大的餐廳 多位置的 更添安心 裝修不錯 很有日式風格我們叫了個滑蛋肥牛鍋飯 $58 豬軟骨拉麵 $65 鹽燒冬菇 $12日本甜薯 $18 仲見到有特價$13芥茉醬焗帆立貝 滑蛋肥牛鍋飯 份量甚大 附送一款麵豉湯 滑蛋夠滑 配上牛肉吃很易送飯 拉麵湯底豬骨味挺香 豬軟骨份量 夠多夠大 簡簡單單的一道菜色 芥茉醬帆立貝其實不是想像中的辛辣 有忌廉味 少許新鮮刺激不錯吃的 ！串燒火候都挺好 ， 番薯好吃 冬菇也不會燒得太乾最後我們兩個人埋單不用$200，性價比超高！見到午餐餐牌價錢都好抵 ，有機會可以試吓！

今日有frd喺觀塘學車，咁就順便喺附近搵食啦，誤打誤撞上左嚟呢間日本野，估唔到又有啲驚喜👍🏻呢間餐廳佔晒三樓全層，一嚟到就覺得佢幾寛落舒服！叫野食時店員都好用心講解，除咗本身餐牌外仲有幾款日本空運既時令高質壽司刺身，咁我就試左餐牌冇既大池魚王刺身，油脂好豐富，超新鮮，每款刺身溶雪都做得好好，總括係幾抵食！另外呢度賣點係相樸壽司，大大舊飯好飽肚的🤣不過如果唔鐘意大舊飯就記得要少飯啦！店員亦有講解話佢地餐牌上好多款食物都會提供全素版，係一般日本餐廳好少見，咁下次就可以同素食朋友嚟食啦！

同事介紹下去了一本食堂，係觀塘鴻圖道30號3樓，在觀塘地鐵站落車都行得幾遠下😝，走嘅時候在牛頭角地鐵站上車，感覺近d🤭。講番食物先，生蠔-$13/隻，珍寶赤蝦刺身-$9/隻，海膽- $68/板，唸住平平地試吓，估佢唔到都新鮮好味啊😘芥末醬焗帆立貝- 叫一隻試下，芥末醬唔攻鼻，帶小小甜，相信小朋友都食得🤭野菌雜菜豆腐鍋我選擇番茄湯底，清清甜甜👍**呢間店嘅特色相撲壽司，叫左鮮帶子跟炸天婦羅🍤，都大件夾抵食😘食咁多餸叫番碗淨拉麵🍜，飽晒😋同事冇介紹錯啊，行遠啲都值番晒🥳

餐廳面積好大，而且裝修好日式，比人有種去左日本既感覺。先唔講食物，呢到有好多優惠比客人，大大隻赤蝦好甜好彈牙只係9$，海膽同生蠔都做緊優惠價。另外打卡可以送甜品三文魚等等。滑蛋吉列豬扒鍋飯味道唔錯，但我覺得唔夠汁，如果可以比多Ｄ汁送飯就一流，由於滑蛋係蓋係豬扒上面，所以豬扒就會係淋身，我就覺得可以接受的。 7/10香芋丸呢個炸物我一向都好中意食，外面脆卜卜內面QQ 彈彈咁，好香紫芋味。9/10天婦羅蝦反卷呢個反卷真係好過份，完全比佢嚇親。佢同平時出面食價錢差唔多，但點知一上菜時見到有6舊非常大舊既反卷，每舊入面係有兩隻天婦羅蝦，其中兩舊仲有成半條蝦，雖然咁大舊但味道並沒有失準。好誇張。9/10