一本食堂

营业中

休息中

週末放低小朋友比公公婆婆湊，之後就同老公過咗海去APM行街，行到腳攰攰，正想食飯之際，APM嘅餐廳已經滿是人龍。所以我哋就決定離開APM，到附近嘅餐廳覓食。上網見到呢間一本食堂人氣頗高，所以最後我哋就揀咗佢來做晚餐，餐廳裝修以櫻花🌸為主題。環境幾浪漫，而且場地幾大，幾舒服。我地首先叫咗佢嘅超人氣大割引系列裡面嘅刺身set，難得今日小朋友唔喺度梗係要食啲刺身慶祝下（平時佢哋喺度冇得食😂）。第一set刺身係：珍寶帶子、大甜蝦 同北寄貝刺身拼盤。食完之後覺得佢哋嘅刺身好新鮮，帶子超級肥美、極厚切，好似食扒咁，好有驚喜，所以之後又叫咗第二set刺身：三文魚、海膽、魷魚、海虎蝦同希靈魚，基本上全部都冇令我哋失望，呢個價錢來講，本身期望冇特別高，但係結果個質素真係被佢surprise到。食完刺身之後，我哋又叫咗佢嘅冷蕎麥麵，一份只係$30幾蚊，估唔到份量大到咁，麵條非常彈牙，加埋生嘅鵪鶉蛋、蘿蔔、蔥粒同埋Wasabi，凍冰冰又好滑溜，抵食得黎味道又好，值得一讚。食慣低性價比餐廳嘅港島人表示很滿意。另外，叫完野食之後，佢哋送咗兩罐汽水俾我哋飲，食完飯之後，佢哋又送咗糖水俾我哋食，非常之貼心，又係加分

中秋節🥮睇左成個下午食評，到最後決定左食呢間，雖然一早知道外面環境一般，6點鐘去到時候見入面無人都嚇左一嚇，不過竟然黎到就照入去食，坐低有個負責收銀職員就介紹得最好，佢話加拿大海膽新鮮運到，叫左黎食真係正價錢仲平過自己去一田買，赤海蝦鮮甜好味生蠔🦪$13一隻雖然唔太肥美，但至少新鮮唔腥先最後叫埋個$398兩人套餐，4個人$700埋單捧住個肚走真係好抵食唯一最搞笑地方係點野食時候，個職員叫我搵個空白地方自己手寫完想食咩俾佢再落單

今日海膽每板$148，特價呀，即刻叫兩板🤣(四人食).瘋狂叫左刺身黎食，好正，好新鮮呀。.食生蠔，又新鮮，鮮甜，美味。.壽司勁大舊呀，刺身同舊飯都大舊，怕飽可以叫少飯。大家冷靜啲點野食呀🤣，真係好大舊，我放左罐可樂係隔離，自己睇下🤣，一口好難食得落呀🤤。.除左好食，大家最關心幾錢，影左單比大家睇.Bonus請我地飲一人罐飲品，仲送紅豆湯丸糖水，仲私人送左隻小女孩公仔比我😍。.再三提醒，咪叫太多壽司，真係好飽🤣

黑色暴雨都阻擋唔到👦🏻👧🏻追求美食既心，今日就要介紹一間用心既日本餐廳。餐廳供應好多款日式食物：壽司、刺身、鍋物、天婦羅等等，呢度好特別既係叫「相撲壽司」，即係份量比一般出面既大件，不過如果怕食唔晒既朋友仔都可以叫番少飯，仲有仲有三至四人份量嘅重量級沙律同大鍋，聽講串燒仲會有期間限定產品，問下話唔定會有想像唔到嘅隱藏版料理😳而且餐廳都好細心咁供應啲素食食物，茹素既朋友仔可以唔好怕醜同餐廳講，好好享受無論蛋奶素、全素定係五辛素😋講番今次食左既野先，鰻魚炒飯好香鑊氣，份量亦都好大份，而且入面有唔少鰻魚架，👦🏻👧🏻都encore左幾碗；炸芝士既份量啱啱好一啖一粒，入面啲芝士好軟滑；燒牛脷一串有兩大嚿，呢度既牛脷偏向淋身少少，啱晒平時中意食炆牛脷既朋友仔；油甘魚魚鮫好有驚喜，平時👦🏻👧🏻食開既油甘魚都係刺身，今次係燒既魚鮫部分，魚肉夠滑同油香味，調味亦夠晒惹味呀；土佐豆腐係👦🏻👧🏻都未食過但原來好出名嘅食物，用木魚絲包住豆腐然後去油炸好好味；蟹柳沙律中華冷麵味道調配得幾好，唔好過重，食落好清爽；吉列蠔反卷賣相夠靚之餘，亦都好大件，名符其實嘅相撲壽司；雞泡魚乾又係👦🏻👧🏻未接觸過嘅世界，甜甜地少

今次食嘅呢間餐廳可以形容為放題價錢🏅，酒店自助餐質素嘅高質素日本餐廳。 人均唔使二百蚊😲， 自由單點唔同食物， 食物種類超過200款， 淨係睇menu都睇咗15分鐘( 其實係小編為食, 樣樣都想食😈) ✨重點推介✨火焰親子卷🍣: 厚薄適中嘅三文魚, 裏面包入壽司材料，再加上千島醬，yummy! 😆鹽燒雞軟骨🐔: 小編最鍾意食雞軟骨, 輕輕鹽燒, 雞軟骨嘅油脂, 輕微外溢🤤， 食十寸都未夠喉。鹽燒大蝦串: 手掌長度嘅虎蝦🦐, 啖啖肉， 而且仲有長長嘅黃金橙色蝦膏， 重點係價錢平($22)， 食多幾隻都唔心痛😋~~~~~~~~😋味道: 8/10📸賣相: 8/10🛋️環境：8/10💁‍♂️服務: 9/10💎性價比: 9/10💲人均：$200⏪回頭率：90%~~~~~📍一本食堂觀塘鴻圖道30號3樓~~~~~

我都算係呢間餐廳嘅常客，貪佢抵食之餘味道都唔錯。而且食物款式多，啱晒家庭聚會👨‍👩‍👧‍👧。.🦪日本磯煮飽魚 $35口感爽口彈牙。煮得入味，食落甜甜地😋。.🦀炸軟殼天婦羅 $42份量多，性價比高。香脆唔油膩。仲有蔬菜天婦羅，同樣香脆美味。.🍢活鰻串燒 $38肉質嫩滑，食落燒得好香。厚切鰻魚食落特別滿足。.🍄鹽燒冬菇 $12新鮮冬菇燒完勁香，加少少鹽做調味，意想不到咁好食。.🍣芥辣八爪魚壽司$15八爪魚🐙彈牙有咬口🤪，芥辣好刺激。食完好想encore😝。.🍣加拿大海膽壽司$28超大件海膽！鮮甜而且海水味重😉。.🥢一本食堂 觀塘鴻圖道30號3樓

收工同朋友去搵野食行到鴻圖道見到樓上有間叫「一本食堂」 感覺深夜食堂同出一切食日本野 解思緒Openrice睇過 平靚正之選餐廳裝修彷日本 入門口 已經見咗一個好大型嘅櫻花樹係圍住柱頭裝修成既櫻花樹門面就有一排清酒櫃擺放着非常多嘅清酒真係好似置身於日本天花既燈籠同日本傘 朋友都大讚 靚餐廳大又闊落 即使無疫情影響 餐廳爆滿之下都唔會感受到壓迫餐牌食物種類都算幾多除咗壽司刺身仲有拉麵定食天婦羅炒飯等等真係諗到嘅日本菜呢度都可以食到重點係有個優惠餐牌擺上台 另外疫情因為有免費嘢飲（$9樓下）當中一定要叫超人氣大割引太過抵食了我地分別叫左日本磯煮鮑魚、玻璃蝦、油甘魚刺身吞拿魚、立魚、甜蝦、海膽、北極翡翠螺刺身火焰宮崎和牛壽司呢間店既壽司叫相撲壽司即飯嘅量比較多 如果唔想食咁多飯可以叫少飯鹿兒島豚肉蜆肉鍋份量比我想像中多好多娃娃菜 白菜仔非常入味 食落索晒湯汁底重有麵可以食 真係好飽網燒雞泡魚乾雞泡魚夠脆口 而且唔會好難咬開糖水 重有糖水送上 聽店員話每一日嘅糖水都唔同同即日煮雖然疫情之下但都見到唔少叔叔上嚟自己一個食飯感覺都好似日本嘅深夜食堂一樣第一個可以解愁既餐廳

依家間日式餐廳行嘅係相撲壽司嘅特色 分量大又多 餐廳嘅Menu上有超級無敵多選擇🤣 如果多人過嚟食 真係啱晒😍 對於有選擇困難症嘅我就揀左二人前 $398前菜有蟹子沙律/蔬菜沙律 仲包括我最近好想食嘅鰻魚炒飯 肥牛鍋 刺身盛 雜錦天婦羅 小卷壽司 燒秋刀魚 包兩杯嘢飲 ($398有咁多嘢食 真係有錢賺咩🤣 希望呢間餐廳嘅老闆長做長有😂 ) 蟹子沙律🥗青瓜好新鮮爽口清甜 上面鋪滿蟹子 撈勻泥食 啖啖都有蟹子味🥰😍正呀！雜錦天婦羅炸蝦兩件 番薯一件 青椒一件 茄子一件 最鍾意炸蝦同番薯🍠🥰刺身盛虎蝦兩隻 真係鮮甜 又creamy 出面食咁樣兩隻都要$68左右 三文魚腩肥油香啊😆 好大舊 擺落口到覺得真係太滿足 職員同我講 其實我哋食緊呢個都未算真係好大舊 如果散嗌壽司嘅話 份量會更加大 所以叫少飯都應該夠飽 (而事實係真係俾足勁多 食唔晒) 燒秋刀魚成條上 表面煎到焦脆 廚師可能係表面搽咗鹽 加少少檸檬汁 口感清新 鹹酸鹹酸嘅感覺 又開胃 忍唔住食吾停 肉質食落係三分香 三分鮮 三分甜

觀塘工廠區出名多野食，今次去左間朋友介紹既日本野，上網睇過間野出名食相撲壽司，相比起坊間既壽司好似都幾特別。生蠔 $13 刺身蝦 $9頭先第一盤已經係今日嘅重頭戲。生蠔非常有驚喜，食落好新鮮而且好大舊肉好飽滿，而刺身蝦都好鮮甜，咁嘅價錢來講絕對係抵食。軟殼蟹飯卷非常大嚿，要兩啖先食得晒，裏面包着青瓜絲同軟殼蟹，再加埋免頭厚厚既三文魚刺身，食落好滿足。三文魚壽司$15/件 左口魚邊壽司$11/件鮮帶子壽司 $15/件叫壽司前店員都有好貼心甘問壽司飯需唔需要轉正常份量。壽司嚟到嘅時候我哋都嚇咗一條，相撲壽司果然唔野少，一舊壽司等於坊間兩舊壽司嘅份量，細食嘅人要注意啦。而左口魚邊同帶子食得出都新鮮，三文魚又厚又長，壽司水準都唔錯。炒飯炒得粒粒分明，啖啖飯都係肥牛，好足料，加埋面頭嘅鵝肝，食落簡直係一絕。芝麻雞翼炸到啱啱好，咬嘅時候表皮好脆，入邊好Juicy，非常入味。鹽燒牛舌燒得好林身，唔會好硬好難咬。最後埋單嘅時候店員送左兩碗糖水俾我哋，飲埋個糖水真係飲飽食醉，大滿足。

收工想搵間坐得舒服餐廳抖下同朋友chill下聽朋友講有間係鴻圖道一齊去食下野去到環境乾淨企理坐位闊落冇壓迫感幾適合坐低傾計餐牌有很多選擇有刺身，壽司，卷物鍋物，定食，小炒皇天婦羅，串燒，一品料理等等先黎個超人氣大割引三文魚，油甘魚，鮮帶子北寄貝，翡翠螺，刺身抵食㗎，先四十幾蚊新鮮份量足火焰壽司拼盤大大舊，好抵食種類多有三文魚，帶子，吞拿魚，仿蟹棒芝士甜蝦，海膽玻璃蝦肥牛野菜葛絲鍋賣相都不錯湯底有多款選擇我們選了豬骨肥牛份量多烏冬也不錯鹽燒牛舌大大塊大大滿足味道剛剛好仍保留肉汁鹽燒三文魚頭半邊份量來說十分多熱辣辣新鮮鹽燒魚皮香脆外脆內嫩是個傾計舒服既日式餐廳

最近好少食日本野，所以今日搵左呢間朋友話CP值高又有質素既餐廳試下同埋出名既係佢地既相樸壽司，比正常SIZE大1倍到岩哂大食既我一去到就有位，地方幾大，好寬落，坐得好舒服，唔會聽到隔離左右講緊咩佢既人氣大割引好吸引我，因為價錢真係好平，就叫左生蠔同赤蝦試下結果係好對板，好鮮甜，非常推薦中意食既朋友叫多幾隻壽司叫左三文魚，帶子同左口魚邊，火灸既話只係加$2相樸壽司真係唔係講笑，一見到真係哇左聲因為未見過咁大既SIZE一舊等於平時2舊但價錢仲平過出面餐廳真係好抵食仲要好食三文魚軟殼蟹卷個SIZE有一個豉油碟咁大軟殼蟹即叫即炸，炸粉唔會過厚非常有水準另外亦試左佢地既串燒，亦係即叫即燒，好有誠意味道遠高於其價錢朋友果然冇介紹錯，呢間餐廳大件夾抵食唔去試就走寶!

一本食堂位於觀塘鴻圖樓的三樓，主打親民的日本料理。估唔到平民嘅日本食堂，裝修同佈置都會咁講究，仲有位可以打卡添，勁！Menu的食物款式極多，而且仲有素食者專屬選項，連純素同蛋奶素都有照顧到，抵讚！晚市每位奉送飲品一罐，Good呀！牡丹蝦、鮮帶子、三文魚刺身 $68吞拿魚、立魚、甜蝦、海膽、北極翡翠螺刺身 $48一本食堂有一個超究極優惠，係價錢由$48-$58嘅刺身Set，仲要係無限量任叫啊！呢度係兩個Set嘅份量，加埋只需$116咋，其中三文魚、帶子、牡丹蝦、翡翠螺嘅質素仲要唔錯，真係扺到爛呀！京蔥拖羅茸壽司 $18劍魚腩壽司 $20三文魚壽司 $15一本食堂嘅特色相撲壽司，無輪飯嘅份量，定係生魚片嘅Size，都係重量級，哈哈！炭燒雞腎串 $12鹽燒雞軟骨串 $12鹽燒豚肉串 $18鹽燒牛舌串 $22大和牛粒串 $22串燒的選擇也有很多，雞腎爽口，雞軟骨香脆，豚肉香口，牛舌和牛粒軟腍！鹽燒三文魚頭 $42三文魚頭超多肉，也有不少魚滑，配檸檬汁和特製酸汁，格外可口！

一本食堂是好友食完覺得抵食又大件而推介我，佢推介得當然有番咁上下。來到時已見到甚有日本氣氛，富士山、櫻花樹等，一解我相思之苦；而且環境闊絡，位與位有一定距離，坐都坐得相當舒適。(重量級)蟹籽沙律重量級果然不可小看，蟹籽沙律成幢山般，青瓜絲/蟹柳再加上大量的蟹籽，顏色吸引，口感清新，很快就被我們吃清光了。廚師發板刺身(18片) 吃得廚師發板，當然會吃到最新鮮、最肥美的刺身食材，有牡丹蝦、三文魚、油甘魚等...見到都流哂口水了。刺身款款新鮮，其中三文魚厚身肥美；牡丹蝦隻隻都有手掌咁大隻而且鮮甜；油甘魚細緻甘甜，$298非常抵食。迷你甜薯串甜薯入口香甜軟糯，越食越想食。鹽燒牛舌串牛舌厚身，咬起來肉汁豐富，口感彈牙。照燒銀鱈魚 照燒後的銀鱈魚色澤金黃，肉質嫩滑，咸中帶甜，味道一流。

(重量級)魚生碎蟹籽沙律($72)份量真的很驚人，青瓜絲堆成小山丘，比一般的沙律大幾倍，果然是重量級！爽脆的青瓜與鮮鹹蟹籽非常配合，味道清爽開胃。辛辣三文魚碎壽司($15/件)餐廳特色是相撲壽司，所以壽司相當大件，三文魚份量亦多，味道帶點辣勁，很惹味！鹽燒牛舌串($22/1串)；迷你甜薯串 ($18/1串)迷你甜薯入口幼滑軟綿，口感軟糯，香甜可口。鹽味恰到好處，牛舌口感柔軟且juicy。照燒銀鱈魚 ($95)銀鱈魚表面金黃，魚肉嫩滑，味道帶甜，配白飯一流！

再戰相撲手，唔講咁多，一來到就睇有咩正野食啦！一本食堂中有多款日式食品：刺身、壽司、沙律、卷物、串燒、天婦羅等...應有盡有。魚生碎配蟹籽沙律(重量級) - $72前菜當然要個重量級沙律，份量真的非常多，滿滿的(青瓜絲、粟米、蟹柳、蟹籽)，加上魚生角粒(Size 都好大粒)，吃起來味道更加豐富，加上沙律醬，真的越食越開胃。網燒雞包魚干 - $42味道甘甜，咬起來煙煙韌韌，內裡還保留了其肉汁，正。以相撲手而揚名，壽司份量當然大大份。辛辣三文魚碎壽司- $15/件肥美的三文魚加上辛辣，入口豐富甘香，惹味一流。蟹籽沙律腐皮船壽司 - $12/件腐皮上加入蟹籽沙律，入口青爽，味道層次豐富。肥牛野菜葛絲鍋(大鍋) - $92葛絲就像粉絲般，比較粗扁身，煙韌不易散開，而且肥牛中加上滑蛋，令肥牛入口更滑，更鬆軟。