一本食堂

营业中

休息中

朋友介紹下今次去咗觀塘一本食堂食晚飯，其實呢度地方好寬敞環境開揚，內在裝修都充滿日本風，再睇埋餐牌，發現呢度有超多種類嘅日本食物，有刺身、壽司、沙律、珍味、卷物、定食、鍋物、小炒皇、拉麵烏冬、炸物天婦羅、串燒、冷食、小食、一品料理等等…… 最後我點咗日式海鮮烏冬豬骨鍋同埋雜錦天婦羅，日式海鮮烏冬真係好正，入面又有蝦、又有蜆、又有蠔、又有日式魚蛋等，而且烏冬又住得啱啱好，襯埋豬骨湯底食到舐舐脷。雜錦天婦羅有兩隻天婦羅蝦、南瓜、茄子、金菇，再點買特製嘅天婦羅醬油食真係好回味。