はま寿司

营业中

休息中

連續兩次去，十碟有8碟隻碟係有污跡，好明顯係無洗過就咁抺完就上碟比客，仲要係抺5干淨，求其抺，開張頭一個月都5係咁，3個月未夠就己經咁拿西有無離譜左D？有無衛生常識？咁同蝗國有咩分別？

9月7 同同事去咗食lunch所有壽司啲飯一夾就散唯一正常嘅係三文魚同拖羅其他食材都唔新鮮差評👎🏾雲呢拿雪糕用雪糕球，但又加啲粟米片落去完全唔知做乜！！！呢啲質素想同壽x郎冚⋯⋯唔係掛！！！雞軟骨全部都係炸粉，成盤雞軟骨都唔知有無10粒骨，章魚燒又係，全部都係粉海膽都係極唔新鮮叫火灸嘅嘢燒完出嚟都係好似無燒過咗，完全圖文不符價錢整體都比競爭對手貴👎🏾質素又唔夠人哋好極差體驗絕對唔會再試差差差差評！

北海道大生帆立貝 3/5油甘魚   3/5油份偏少天婦羅拼盤   3.5/5剛剛炸好，好吃，有兩隻蝦、兩片南瓜、兩件冬菇及秋葵。原隻長槍魷魚  2.5/5很細小的魷魚及壽司飯，亦沒有甚麼味日本鯛魚  2.5/5魚肉很薄，有一粒壽司有兩片魚肉，但也是很薄的，魚味偏淡。北海道三文魚籽軍艦   2.5/5只有一件，壽司細小，而且三文魚籽也細粒特選藍鰭吞拿魚大拖羅   3/5油份不足，Donki那些外賣大拖羅好吃很多。炙燒原條穴子   3/5質地比鰻魚滑，醬汁的味道也和一般的沒差多遠，也是偏甜和風芭菲   3/5可以的，但內裏有些早餐玉米片，這個我不太喜歡。朱古力芭菲   3.5/5雪糕比和風芭菲的滑松葉蟹肉蟹膏軍艦  2.5/5也是比較細粒的白身魚富士山軍艦   3/5魚肉份量多，這個不錯第一次吃HAMA壽司，上菜很快，但感覺仍有改進空間，魚大致上比較薄或細小一點，性價比及質素不及壽司郎，希望陸續開更多分店後會有所提升。

簡單一句：都係食返壽司郎d魚全部都切得比較薄身 無乜口感大拖睇紋路好似OK 食落去雖然無筋 但係都無個種魚油味 反而似係一塊普通的白身魚 絕對係切得太薄的緣故 蝦都係無乜口感 雖然都大塊 但係無彈牙的新鮮感覺 帆立貝食左兩塊 第一塊好厚肉係好食的 第二塊反而有腥味 所以d質素唔夠壽司郎打 同埋都唔係好多人排隊 如果路過一試都得 專登要排隊拎飛都係會揀返壽司郎 連左口魚都無個種魚香味 食材來貨應該麻麻地 不過勝在款式多d 醬油多d 不過價錢其實都同壽司郎差不多

今次去左食呢間新開既日本過江龍壽司店，開業既勢頭認真犀利，第一間店選址係本身已經開左間人氣壽司店既對面，可以話係面對面直接對戰🫢我一個人食所以係座bar枱既，餐具就放曬櫃桶自取，佢呢度有各種唔同風味既豉油，可以按自己喜好選擇，不過我覺得分別不大🤔我總共叫左12碟野食，太多我都唔逐一介紹，整體黎講價錢係算經濟既，算係性價比高，重點既推介有吞拿魚三味，佢可以一次過試曬3款，而且又平，絕對係抵食之選吞拿魚富士山軍艦，我感覺呢碟係佢既主打壽司，一堆滿滿既吞拿魚粒，再面頭加上三文魚籽，睇樣都覺得佢勁😮炙燒原條穴子都係幾正既一款，佢件鰻魚真係大條，有好滿足既感覺😁呢3樣我覺得係比較突出，所有我食既就列係下面作參考，我覺得佢又冇話好突出，我覺得係做到價錢平得黎又好食既壽司，排隊時間我就非繁忙時間去，不能作準，我覺得佢同行係有力競爭，係勢均力敵既感覺，對我地就係好事我，又多個食壽司既選擇，有競爭先有進步😆炸雞胸軟骨（$12）多春魚子軍艦（$12）炙燒鰈魚裙邊（$12）魷魚（$12）赤貝（$17）大切生三文魚（$17）吞拿魚三味（$17）特盛松葉蟹肉軍艦（$17）炙燒原條穴子（$17）醬漬油甘魚（$17

Hama 壽司的菜單包含了傳統的壽司選項，同時還有一些創意菜式和特色壽司。他們嘗試將傳統和現代元素結合在一起，給客人帶來新鮮而獨特的口味體驗。壽司廚師在 Hama 壽司展現出細緻的手藝和專業技巧。他們擅長切割、裝飾和擺盤，以確保每一道壽司都呈現出美麗的外觀和均衡的口感。Hama 壽司的用餐環境簡潔而舒適。這家餐廳的氛圍較為輕鬆，適合與家人朋友一同享用壽司。

係咩令我食完一次hama就唔想再去壽司郎？係千萬種炙燒款壽司！日本過江龍壽司除左壽司郎大家又多左個選擇啦！呢間hama sushi就開正係佐敦壽司郎正對面商場 下午茶時間去到唔使排隊有得即刻入 可以選擇卡位或者bar台 但係留意呢度就冇隔板 所以張台用嘅範圍會細好多😩呢度menu選擇都多過壽司郎 可以話係三文魚同吞拿魚上面不斷炙燒出好多種 仲有D生蠔同漢堡扒等等😗💰12🍣炙燒焦糖三文魚腩鍾意壽司郎炙燒芝士三文魚要試下呢度嘅版本 焦糖燒完係一層硬「玻璃」咁係魚腩上面 增加甜味都幾唔錯 不過呢個魚腩有D炙燒得過龍 所以面頭都差唔多熟曬🥹🍣炙燒鹽味柚子鰈魚裙邊講真嗌呢個應該係伏 魚片薄得來都夾唔起 柚子味就幾突出 但係食唔出有炙燒嘅感覺🥲🍣香辣京蔥絲吞拿魚蓉吞拿魚蓉軍艦食得多 齋吞拿魚蓉壽司都係第一次 份量比起壽司郎都唔輸蝕 但係京蔥真係不敵炸過嘅蔥絲 京蔥口感太辣好嗆 加埋辣油居多嘅香辣醬整體有D為辣而辣😅🍔炙燒芝士沙律醬漢堡扒呢款可以係超多款炙燒壽司中排名前三！牛肉漢堡扒同平時食開嘅口感差唔多 細舊D肥肉多小小 但係炙燒完嘅美拉德反應真係超香 加埋芝士沙律醬更惹味 送飯一流！🤣🍳炙燒芝士

這家餐廳以價值便宜和新鮮美味的壽司聞名，其中包括三文魚壽司、吞拿魚壽司、海膽軍艦以及其他特色壽司。首先，讓我們來談談三文魚壽司。熱門選擇之一。三文魚新鮮且鮮美，肉質鮮嫩，入口即化。每一塊壽司都蓋著薄薄的三文魚片，搭配上酥脆的海苔和香滑的壽司飯，給人一種美妙的口感。這家餐廳的三文魚壽司價格實惠，讓人可以輕鬆品嚐到高品質的壽司。接下來是吞拿魚壽司，吞拿魚帶有濃郁的海洋風味，口感豐富多樣，給人一種令人愉悅的感覺。吞拿魚壽司的壽司飯經過細心調味，使得整體口味更加均衡。這道壽司的價格相當合理，是品味美味壽司的絕佳選擇。如果你喜歡冒險嘗試不同口味，那麼海膽軍艦壽司絕對會讓你驚艷。上面放置著新鮮的海膽。這種壽司給人一種豪華且奢華的感覺，同時提供了豐富的口感和濃郁的海洋風味。雖然海膽軍艦壽司通常價格較高，但在這家迴轉壽司店，你可以以相對便宜的價格品嚐到這種美味。此外，這家餐廳還提供其他特色壽司，這些壽司根據季節和供應情況不斷變化。你可能會發現各種不同的創新組合，像是炙燒鮭魚壽司、鰻魚壽司或者是蝦卷壽司等。這些特色壽司充滿驚喜和創意，每一口都是一種新的體驗。價格方面，這些特色壽司依然保持著相對的便宜，讓

收工時間～40個籌都只需要排半個鐘，正😄餐廳設有卡位&吧檯，於門口禁飛時可選。單係空桌上已有五支醬油（四國風、北海道昆布、九州風、關東濃厚、特製），加上快讀一次餐牌，呢到有好多醬汁魚生配搭（芝士沙律醬、炙燒焦糖、明太子沙律醬、香辣京蔥絲、鹽味檸檬...etc），亦有好多唔同食材，岩哂八卦嘅我😂總括黎講，食材新鮮👍尤其魚生sss，大片‼️厚切‼️鮮甜‼️但魚生以外嘅食材都細得可憐🥹說好的大蠔呢？！怎麼比舊飯還細🫠醬汁雖然多選擇，但略略試過都覺得有d喧賓奪主，始終原味最好食😝另外，有一點我個人比較介意嘅係：呢度嘅wasabi唔香唔攻鼻😕令成件事失色不少..不過，對於唔奶得嘅我黎講，甜品唔係壽司郎嘅濃厚牛奶底係一大喜訊🤗點選嘅日式芭菲不負眾望，好食到爆😆頂層小丸子QQ，紅豆甜滑，抺茶雪糕球清新，黃豆粉使味道變化更上一層樓👍中層有雪糕同cream，入口即溶，細滑甜膩😋底層有粟米加？糖漿，脆口感覺消除膩感，都只係$29🐒

新開はま寿司HAMA-SUSHI早上10:45我們早到好快入座，不太多人，可以不用網上預約。我們坐卡位，環境舒適又大，食物到達算快，壽司飯味道不錯，好食勁過兩間G + S敵店，還有提供5款不同醬油，風味不錯。電子板落單最多選4款就點單，限多8款，直到取食物碟，可以繼續落單，價格$12 起，價格好便宜。新開業只接受現金和八達通付款，未有使用信用卡。希望開更多新間分店。值得推薦：富士山軍艦，香脆薯條，抹茶檸檬梳打，大切藍鰭吞拿魚大拖羅突出創作：漢堡壽司，Wagyu烤牛肉

有日未到食晚飯時間，見唔係好多人排隊，諗住去試吓，去到唔係等左好耐就有位，我哋幾個家庭一行11人，有大有細，職員只比了兩張4人卡位枱我哋，仲要係分開一頭一尾，呢個唔係問題，佢話張枱可以坐6人，我同另一個家庭共4個人坐低覺得張枱好窄，坐唔到6人，見到仲有幾張吉枱，我朋友要求要多一張枱，職員話只可以安排兩張枱，喺我朋友強烈要求下，職員用呼喝嘅語氣同態度叫我朋友等等，我朋友真係火都嚟，唔係因為其他家庭已經坐低左，我個朋友話真係想即走，嚟幫襯仲要受氣😤食物方面又唔係特別好食，又細件，啲飯又散，又唔係特別平，最後埋單平均1大1小差唔多要$300，食物唔係特別吸引，加上咁嘅服務態度，真係唔會有下次❌❌❌

新開嘛……怕排隊呆等😳見佢有得上網book , 咪去試吓 😝😝等差唔多一個月先有得食🫣🤦🏽‍♀️趁個女放暑假，同佢二人世界😍😍印象最深刻竟然吾係佢d食物，係佢啲餐具好污糟，😵食完嗰晚屙咗三次 😣🤢個日中午去食，我book咗1:00 ，去到見到大概有20至30人喺度等緊位因為我網上訂位去到等左吾駛5分鐘就入得佢話限時食50分鐘，不過我坐咗成個鍾🙈佢d 熱食送黎個陣會有個盤盛住…..攞落嚟個下真係好難受…..全部油笠笠總括黎講佢d野食吾差，手卷、蒸旦、拉麵同天婦羅都好食，尤其個天婦羅，冇諗過咁嘅價錢有咁嘅質素👍🏻👍🏻但係衛生方面我真心覺得可以做得好d

日本連鎖壽司店はま寿司強勢襲港，仲要開正喺壽司郎對面😂 港🐷喺夜晚6點攞飛，等咗2個鐘多啲先有位🥲到底值唔值得呢？—————Menu款式真係好多，同一款食材有好多唔同口味/火炙🤓 壽司飯味道唔錯，飯嘅份量都啱啱好～不過留意返呢啲係冇迴轉嘅😂推介三文魚/吞拿魚富士山軍艦 ，超抵食！啲刺身多到滿瀉，一啖入口超滿足🤤 蒸蛋又滑又多配料 難怪係日本人最愛嘅Top 3之一🥹炸薯條🍟 幾抵幾好食！幼身薯條即炸夠熱 似輕量幼版嘅five guys薯條👐🏻 朱古力芭菲就稍遜，雲尼拿雪糕細球味道麻麻，朱古力蛋糕而且朱古力醬聚晒喺底🥲結論：同為日本過江龍，都好難唔將佢同壽司郎比較🥹以新開張嘅質素嚟講，無論喺價錢款式味道方面，又真係好過宜家嘅壽司郎🥲 如果唔洗排隊都ok，但下下要排兩個鐘就真係搞唔掂😂 P.S. 6點幾就已經截飛，為免白行可能都係要等一個月booking🥲 號碼過咗一個鐘內可以補飛，用餐時間60分鐘🌟部分餐點價錢👇🏻🍣大切生三文魚 ( $17 )🍣炙燒焦糖三文魚腩 ( $12 )🍣宮城縣銀鮭魚 ( $12 )🍣吞拿魚蓉 ( $12 )🍣油甘魚 ( $17 )🍣醬漬日本鯛魚 ( $17 )🍣香

知道佐敦開分店，好快就網上Book 定檯等食，去到準時入座，真係好準時呀用i pad 落單，走時要記得按check out,之後到櫃檯俾錢，只收現金/八達通期待太耐，食物到就即食，有好多都唔記得影相🤭最最最驚喜係碟薯條，超級脆，而且價錢非常平，$12蚊就食到，極力推介，除了脆，仲熱的，好咪過xx,又平過佢，大家一定要試，唔好錯失機會我仲食了抺茶紅豆雪糕，好好味呀，唔知幾時有機會再食呢。今次覺得大食左，兩個人食了好多好多，埋單4xx(用八達通）

除左牛排，壽司亦都係我成日會想食既野。又有過江龍黎香港開分店wo，緊係要去試下啦！本來係同時拎左另一間壽司店既飛，不過新屎坑最後都係選左呢間！壽司未到，就睇下調味料有咩野，佢又幾多選擇架wo，仲有減鹽既醬油tim 🤓等左一陣，壽司就黎左喇，食左幾款都係冇咩魚味…海膽仲好腥下Tim…好啦，唯有轉一轉叫d特別d既！但係都係冇咩味，其中富士山軍艦，望落還好，食落有d凍🤪最後叫左芝士薯條，食落口，太油喇！食左兩條，就放棄左。甜品眼見個樣好似OK，不過我就冇信心試喇😅Overall 環境唔錯，員工都有禮，但食物真係好麻麻，有好大進步既空間！