はま寿司

营业中

休息中

新鮮美味，座位舒服， 服務很好，而且以現在價錢計，絕對物超所值！唯一美中不足係只收現金或八達通，但附近又無提款機，所以要行好遠先襟倒錢，呢點希望店家可以盡快改善，申請返信用咭比錢！

又有一間日本的平價迴轉壽司在香港開店囉。はま寿司 第一間香港店在佐敦，斜對面其實就是壽司郎。網上預約很多時都full，所以試試晚餐時間前walk-in，沒想到不用等位就可以安排到入座，用餐完就見門口很多人排隊。裝潢走簡潔明亮風，連壽司帶宦非常開揚。而且壽司飛出來的速度都幾快?! 有好幾次飯上面的魚生都掉了QAQ🍣廣島縣大蠔 (HKD 17)蠔味濃，不過如果是炙燒的應該比較好吃。 🍣火炙半熟北海道生帆立貝 (HKD 22)帆立貝都幾大粒，火炙過表面有點焦香，內裡很滑嫩。🍣吞拿魚三味 (HKD 17/3件) 分別有吞拿魚、長鰭吞拿魚、吞拿魚腩。這個價錢是幾抵吃的。🦀松葉蟹肉蟹膏軍艦 (HKD 17/2件)雙重口感，蟹膏都幾濃郁。🦀大松葉蟹柳 (HKD 22)不算太大條，但肉質都算鮮美。🥣W扇貝茶殼蒸 (HKD 22)配料很豐富亦很大份，但倒汗水讓味道變淡了。 🐔炸雞胸軟骨 (HKD 12)口感爽脆。🥚厚燒玉子 (HKD 12)可以只吃甜甜的玉子，不用吃飯 (開心) 🍋抹茶檸檬梳打 (HKD 12)沒怎喝到抹茶味，就只有顏色卜的部分。🍰北海道千層蛋糕 (HKD 22)不過不失。吃落不會像剛在

香港有多間日本平民迴轉壽司係香港開啦 ～知道消息之後，即刻預約訂枱，試試味道如何，同友店既菜式又有咩分別呢。我哋訂左平日夜晚9點鐘，8點半去到唔太多人等位。大家book唔倒枱可以walk-in 碰下運氣，9點後開始有空枱。店入面裝修簡潔，以木色系裝飾配以深藍，有卡位同吧枱。吧枱每個位都有部平板俾大家點餐。枱面有5款醬油，係店鋪特色之一。亦提供抹茶粉🍵俾大家沖。點餐後，好快就送到，但就無公眾迴轉帶俾大家睇啱就拎黎食。最引人注目的係富士山軍艦🗻，餡料好多，有三文魚、吞拿魚同白身魚選擇。壽司的三文魚同帶子都鮮味吸引🤩。壽司種類同烹調方法好多元化，有友店無的手卷，亦有熱食、茶碗蒸、炸物、甜品令供應～埋單㩒結帳就直接到收銀台，如果2個人黎食坐吧枱，又用左2部機落單點餐，食完記得2部都㩒埋單啊～唔係就要店員入番去幫你㩒～我哋食完評價係點都要黎試一次，唔洗等位就可以食多次乏大家快啲試下啦～特色醬油：九州風|四國風| 關東風 |北海道|特製

夜晚8點左右去食, 唔算多人, 等大約15mins入得, 環境光猛, 座位闊落, 坐得幾舒服👍送餐速度都幾快, 整體黎講相比起對家我覺得份量少左d, 價錢亦稍貴, 不過款式相對地多選擇, 未試過可以一試😇

Hama壽司店，真係令我非常之失望。首先，佢同佢嘅競爭對手（同級果間，而且個名有三個字）真係冇得比。壽司上面嗰舊刺身嘅新鮮程度完全唔得，仲有舊壽司飯一夾就散，完全冇黏性。魚肉嘅份量亦都非常之少。另外，我叫咗個三文魚手卷，我原本預期佢入邊係壽司飯，但係佢入邊竟然係比沙律菜我，而且舊三文魚亦都非常之細，沙律菜就一大堆舊魚就好鬼細，而且手卷入邊係沙律菜非常之唔夾。仲有個甜品，係巨峰提子芭菲，但係上面提子完全唔係巨峰提子嘅級數，一食入口就知道係街市買嗰啲平價提子，完全違反商品說明條例。

本身都唔諗住寫差評，不過真係越食越差，第一次食覺得比sushiro多好多選擇，同埋感覺平少少，但質素上真心差，琴晚食完簡直係失望到之後都唔會再去食👎🏻😕😕😕等我講下有咩係令我失望: 1️⃣佢個玉子燒，你就咁睇佢表面顏色都知佢係係廚房放左勁耐先翻叮攞出嚟，口感勁乾爭爭😐好似食緊舊暖嘅膠咁。。。2️⃣貨不對辦-佢呢個牛肉壽司係推薦嘅，點知出到黎係一大堆肥膏，啲肉少到不知得了，仲要放到一Pat野咁😐勁求其3️⃣呢個茶碗蒸睇相好似都唔錯幾足料，但食落就成啖鹽嘅感覺，咸到飛起，仲要啲帆立貝好似浸過鹽水咁😮‍💨😮‍💨4️⃣壽司裏面居然有冷飯，我都係第一次食壽司有飯焦😀😀仲要舊飯勁散，雖然每件有2舊刺身，但真係好唔得囉，連啲飯都整到咁😐👎🏻

Hama Sushi 是日本三大連鎖平價壽司店之一，於今年6月於Hama Sushi 正式進軍香港，在佐敦開設首家分店，與壽司郎打對台！整體來說Hama Sushi的壽司款式多、味道特別，但相比壽司郎魚味較淡，壽司郎的味道更勝一籌，不過有競爭才有進步。菜單上壽司的選擇好多，我們兩個人食咗40幾碟😅，以下比較特別的款式，推薦大家可以嘗試：🦪 照燒廣島縣炸蠔🍣白身魚富士山軍艦🎏三文魚富士山軍艦🍥吞拿魚富士山軍艦🍣特選藍鰭吞拿魚大拖羅🌶️香辣京蔥絲三文魚腩🥕炙燒蘿蔔蓉長鰭吞拿魚🍯炙燒焦糖芝士沙律醬扇貝🥗三文魚芝士沙律手卷🍡日式甜點拼盤

由Hama Sushi進軍香港以嚟，好多人都會將佢同壽司郎比較，呢篇都會咁做，所以以下評價都係比較兩間而得出😌 唔知食過兩間嘅大家又會覺得邊間好啲呢？🤣首先，分別講下整體有咩好👍🏻同唔好👎🏻～ 之後就會分食物/壽司種類嚟再比較～👍🏻 款式：Hama sushi 嘅壽司、魚生、熟食都比較多，就算同一種食材都有多幾款口味👍🏻 炸物：幾出色，唔會好油，同有啲特別款，例如：炸雞胸軟骨、芝士薯餅👍🏻 環境/座位：吧台位係一人一部tablet，中間無任何隔板，所以入座彈性大啲，而餐具用品都收晒落櫃桶，枱面就有多啲空間擺食物！👎🏻 壽司飯：Hama sushi嘅壽司飯好鬆散，要完整地夾起都有難度👎🏻 份量：壽司相對細件少少👎🏻 環境/座位：4人卡位比較窄，餐具/豉油全部放枱面中間，都幾佔位•🍽️ 帆立貝🥢 北海道大生帆立貝 $22/件 🌟🥢 炙燒鹽味檸檬北海道生帆立貝 $22/件 🌟帆立貝係mvp🏆 件件都勁厚肉，比壽司郎嘅更加厚肉，食落大滿足😍 火炙嗰件有啲檸檬汁同鹽調味，帶出帆立貝嘅鮮甜，比生帆立貝更有驚喜！仲要兩款都同價！•🍽️ 吞拿魚🥢 特選藍鰭吞拿魚大拖羅 $22/件 🌟🥢 三文魚籽特選藍鰭吞

7點到達餐廳門口，拎飛，大概排了半個鐘就有位，比想像中快餐廳座位闊落，壽司選擇都算多，有多款鼓油擇今日主打拖羅，蝦，帶子. 刺生好新鮮，特別推介佢的大蝦壽司😋真係好鮮甜性價比都高，人均消費約100左右

今次專登去佐敦試下新開嘅壽司🤗好彩唔使等位，可以直接入去食😋壽司甜品飲品種類都多，略嫌壽司飯較大件，而且較冰凍，不太岩我口味😂仲試咗章魚燒好抵食，$12有6粒😆整體來說都坐得舒服，由於我唔鍾意食這壽司飯，希望下次有改進啦 😄

今次有好友特意幫忙預約🤪 試一試午市既𝐨𝐟𝐟𝐞𝐫先～ 由於試左好多款壽司，但呢次會集中講講「必試」✅同「中伏」既食物☠️✅特選大切藍鰭吞拿魚大拖羅✅三文魚✅灸燒廣島大蠔✅北海道大生帆立貝✅芝士薯條：脆口 大大份 抵食✅炸雞4件：味道唔錯 外皮薄脆 價錢相宜✅朱古力芭菲、和風芭菲、千層蛋糕🆗𝐖𝐚𝐠𝐲𝐮烤牛肉🆗饅魚壽司🆗灸燒鹽味柚子鰈魚裙邊☠️松葉蟹肉蟹膏軍艦：有點臭臭的☠️海膽軍艦：堅失望～後感 唔應該叫☠️油甘魚壽司：食食下有舊細骨☠️明太子沙律醬仿皇帝蟹柳：太少醬🥲❌.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌑🌑自私評論：壽司、飲品、甜品款式都算幾多，飲品方面仲有啲果味梳打🤤 多樣式配搭適合小朋友、一家大細👨‍👩‍👧‍👦 但無奈地餐廳啲配件唔掂𝐞.𝐠 張枱教窄、逼（仲要放埋醬油、碟、杯等用具）變相食野既位就會相對地減少好多空間，食得唔太愉快。。壽司方面種類都算好多款揀，大路野都正常味道，但不建議食啲膏類🥲 值得一提既係甜品有啲驚喜🙌 有啲食完都唔記得影相😂😂太餓了！！➖➖ ➖➖ ➖➖ ➖➖ ➖➖ ➖➖ ➖➖ ➖

一舊燒牛肉有幾多玩法？Hama 嘅壽司，開正壽司郎對面。作為店家同食家，自然將兩家作比較Hama淨係燒牛肉壽司已有好多唔同combination, 淨睇menu未食都已好興奮🥰⋯⋯今日單人匹馬去到，未夠十一點人煙稀少，店員讓我獨坐卡位。始終係新開業無耐，裝修企理，地邊乾淨，梳化好坐淨係豉油都有五款任選、想讚佢哋好細心🥰。但奇怪地係未無餐巾、牙簽供應。壽司質量其實各有各好，Hama好似選擇較多，但海鮮新鮮度似乎壽司郎較優勝。Conclusion, 兩間各有各好，所以就會睇吓邊間無等咁耐而決定食邊間。

本來對Hama sushi不抱任何期望，因為見網上唔少人評論魚生唔新鮮，甚至話薯條係最好食嗰樣嘢，但最近幾次去壽司朗都麻麻地，所以決定試吓新餐廳😝我哋6:30左右去到仲未洗排隊，可以揀卡位或者吧枱，一坐低緊係叫返碟三文魚同吞拿魚，因為壽司三味都只係$17、幾抵就order埋🤣見到個賣相就知今餐應該唔錯，因為魚生睇落幾新鮮，每一塊嘅厚度都好平均，長度足夠包住成舊壽司飯，吞拿魚蓉嘅份量亦都唔孤寒👍🏻食落冇太大嘅落差、微微爽彈，係吞拿魚比較淡同埋有少少雪味😗最出色嘅莫過於期間限定吉列蠔壽司($17)同埋雜錦天婦羅($27)，兩者都整得好脆，吉列蠔嘅粉漿厚度好適中，炸粉同蠔嘅口感都食到，紫菜亦夠脆😋天婦羅有2隻蝦、2舊冬菇、2塊南瓜同1條秋葵，2個人食就啱啱好，冬菇厚肉彈牙，係我最鍾意嘅一款，不過可能炸完”浪油”浪得唔夠耐，較底嘅天婦羅同蘿蔔溶會浸到好油🙈之後再叫嘅嘢食都唔錯，魚生唔會斷開咗或者發黑，甚至因為有新一批壽司飯，所以食落暖暖地好正🤣睇嚟下次早放飯會再去食!!!

鋪面新裝修，企理乾淨，座位都夠闊落，坐得舒服。自助用平板電腦落單，介面清晰好用，又唔會不斷發出指示聲音，用戶體驗唔錯。可惜，可能價錢太平，壽司細舊，味道一般。章魚燒正常。茶碗蒸$22一碗，出到來好多水係面頭。炸雞太硬太乾。薯條係幼幼既，炸得香脆。最出色既係$22既千層蛋糕，香滑美味。

🌸Hama Sushi🌸係日本嘅連鎖店，依家就進駐香港🇭🇰，第一間就喺佐敦呢度插旗，格局同壽司郎一樣，不過少咗迴轉壽司，全部都係點餐😌，另外多咗兩條輸送帶，方便野食可以特快送到🚝，好多人一定會同壽司郎作比較，今次就你試吓睇吓佢哋嘅食物質素如何先，最平嘅係$12起，價錢方面都比起壽司郎平😍😍壽司方便試咗佢嘅限定🍣Wagyu烤牛肉 $17，色澤睇落去唔錯，但原來都幾靭，牛味又唔重❌，🍣特大天然赤蝦 $17 :赤蝦大過舊飯，好鮮蝦肉好爽✅，🍣大切生三文魚 $17: 不過三文魚方面，質量一般，睇落幾大塊，但唔係厚切，但兩件都抵食嘅😌，🍣特選藍鯨吞拿魚大拖羅 $22 :口感豐富，油脂分佈高，入口即溶，唔錯唔錯✅，🍣北海道大生帆立貝 $22 :帆立貝超厚身，食落都好爽，好有鮮味✅，🍣炙燒鰻魚 $17 :鰻魚方面同出邊嘅差唔多，冇咩特別🤔，另外仲試咗原條嘅鰻魚🍣炙燒原條穴子 $17 :反而呢款鰻魚味唔太重，偏淡唔算太厚肉🤔除咗壽司方面，佢哋都有熟食，麵類比較多，其中呢一款🐙章魚燒 $12 :雖然都係粉多肉少，不過佢個味道同出邊嘅有啲分別，幾特別，可以一試，之後叫咗碗🍜博多豚骨拉麵 $29 :份量係平