影片
更多
2023-08-23
6986 浏览
係咩令我食完一次hama就唔想再去壽司郎？係千萬種炙燒款壽司！日本過江龍壽司除左壽司郎大家又多左個選擇啦！呢間hama sushi就開正係佐敦壽司郎正對面商場 下午茶時間去到唔使排隊有得即刻入 可以選擇卡位或者bar台 但係留意呢度就冇隔板 所以張台用嘅範圍會細好多😩呢度menu選擇都多過壽司郎 可以話係三文魚同吞拿魚上面不斷炙燒出好多種 仲有D生蠔同漢堡扒等等😗💰12🍣炙燒焦糖三文魚腩鍾意壽司郎炙燒芝士三文魚要試下呢度嘅版本 焦糖燒完係一層硬「玻璃」咁係魚腩上面 增加甜味都幾唔錯 不過呢個魚腩有D炙燒得過龍 所以面頭都差唔多熟曬🥹🍣炙燒鹽味柚子鰈魚裙邊講真嗌呢個應該係伏 魚片薄得來都夾唔起 柚子味就幾突出 但係食唔出有炙燒嘅感覺🥲🍣香辣京蔥絲吞拿魚蓉吞拿魚蓉軍艦食得多 齋吞拿魚蓉壽司都係第一次 份量比起壽司郎都唔輸蝕 但係京蔥真係不敵炸過嘅蔥絲 京蔥口感太辣好嗆 加埋辣油居多嘅香辣醬整體有D為辣而辣😅🍔炙燒芝士沙律醬漢堡扒呢款可以係超多款炙燒壽司中排名前三！牛肉漢堡扒同平時食開嘅口感差唔多 細舊D肥肉多小小 但係炙燒完嘅美拉德反應真係超香 加埋芝士沙律醬更惹味 送飯一流！🤣🍳炙燒芝士
係咩令我食完一次hama就唔想再去壽司郎？係千萬種炙燒款壽司！日本過江龍壽司除左壽司郎大家又多左個選擇啦！呢間hama sushi就開正係佐敦壽司郎正對面商場 下午茶時間去到唔使排隊有得即刻入 可以選擇卡位或者bar台 但係留意呢度就冇隔板 所以張台用嘅範圍會細好多😩呢度menu選擇都多過壽司郎 可以話係三文魚同吞拿魚上面不斷炙燒出好多種 仲有D生蠔同漢堡扒等等😗
💰12
🍣炙燒焦糖三文魚腩
鍾意壽司郎炙燒芝士三文魚要試下呢度嘅版本 焦糖燒完係一層硬「玻璃」咁係魚腩上面 增加甜味都幾唔錯 不過呢個魚腩有D炙燒得過龍 所以面頭都差唔多熟曬🥹
🍣炙燒鹽味柚子鰈魚裙邊
講真嗌呢個應該係伏 魚片薄得來都夾唔起 柚子味就幾突出 但係食唔出有炙燒嘅感覺🥲
🍣香辣京蔥絲吞拿魚蓉
吞拿魚蓉軍艦食得多 齋吞拿魚蓉壽司都係第一次 份量比起壽司郎都唔輸蝕 但係京蔥真係不敵炸過嘅蔥絲 京蔥口感太辣好嗆 加埋辣油居多嘅香辣醬整體有D為辣而辣😅
🍔炙燒芝士沙律醬漢堡扒
呢款可以係超多款炙燒壽司中排名前三！牛肉漢堡扒同平時食開嘅口感差唔多 細舊D肥肉多小小 但係炙燒完嘅美拉德反應真係超香 加埋芝士沙律醬更惹味 送飯一流！
🤣
🍳炙燒芝士沙律醬玉子
鍾意玉子燒一定必試呢隻炙燒款 淋滿沙律醬同芝士嘅玉子燒鹹甜交織 一啖咬落去口感豐富 入口係濃郁嘅芝士香味 甜味係最尾湧上舌尖😗
🍳厚燒玉子
最尾想食返舊玉子燒但係又太飽點算？呢度仲有齋玉子燒 呢款厚燒玉子真係好似一個金燦燦嘅枕頭🤣呢款係純正嘅甜味玉子燒 切開一塊塊食好有滿足感！
🍡三色丸子串
甜品之一就係經典日式三色丸子 同donki嘅質感略為不同 呢度最出嘅糯米皮較硬身同埋有層糯米粉防黏 咬開每個丸子入面都係一樣嘅豆沙餡 豆沙唔算太甜 都可以一試
💰17
🍣三文魚三味
三文魚愛好者我本人好想嚐盡咁多種三文魚 但係容量不足揀左呢個😭呢度有煙三文魚 三文魚腩同一隻我唔知係咩嘅 口感正常 但係個人會鍾意炙燒版本多D
🌯三文魚芝士沙律手卷
呢度手卷都好啱細胃人士 真係純沙律菜嘅手卷 入面冇飯！三文魚有一大厚片 芝士醬份量都多 下面沙律菜都幾新鮮 整體口感清新頗有新意！
🍣炙燒原條穴子
淋左照燒汁嘅原條穴子將成舊飯包住 真係好大條🤣 同鰻魚比穴子會比較嫩D 肉質幾唔錯
💰22
🍰法式朱古力蛋糕
雖然無卡達拉那 但係有brownie同埋其他芭菲🥹呢隻brownie前半part係流心朱古力 後面係朱古力海綿蛋糕 加埋D cream真係幾好味 朱古力味ok濃又唔會太甜！
呢度因為位冇咁闊所以可以係ipad叫店員收走D碟 不過我gum左3次先有人過來🤨同埋就係五種醬油真係可以逐個逐個試下有咩唔同！鍾意多款壽司嘅不妨試
下！📌 はま寿司 (佐敦)
佐敦彌敦道238號1樓1號舖
张贴
