影片
以上资料只供参考，请与餐厅确认详情
有关奖赏计划
去开佐敦，天气热热就心思思想食寿司啦🍣你知我知单眼佬都知，就算寿司郎开到十八区都有分店，依然系间间都咁多人，医肚心切，咁我就决定去近近地，而冇咁多人排队嘅Hama Sushi啦🍣当晚系星期六夜晚六点半，等咗大概半个钟左右就已经有得入咗，店员提醒用餐时间一小时⏰一个钟就梗系速战速决啦，一坐低就即刻㩒pad落order，谂住等佢上枱时先慢慢斟茶倒豉油，结果我揿完第一碟帆立贝寿司，准备揿第二碟时，碟帆立贝已经送到我面前啦！Hama出餐速度真系非常之惊人🚀寿司种类非常之多，而且会定期转menu，所以我就拣自己特别钟意嘅嚟讲下啦🪿炙烧香滑鹅肝寿司（$17）试完hama之后，对于鹅肝寿司我已经由郎哥转会嚟呢度喇！虽然鹅肝比较细块同薄身，但鹅肝味浓得多！17蚊呢个价钱真系冇嘢好投诉，仲唔会成日断货😆🗻吞拿鱼富士山军舰（$22）富士山军舰系列从来都系冇得输🗻之前试咗三文鱼cp值高，试埋吞拿鱼一样咁掂！叠到成座富士山咁高嘅吞拿鱼碎，加几粒三文鱼子，都系22蚊咋！呢个影相效果ichiban，记得叫你打卡，好食又好睇🗻🗻🗻寿司方面主要都系走cp值路线，最主要都系睇𠮶期嘅menu啱唔啱口味啦，接下来分享一下炸物🍤🐥炸鸡胸软骨（$12）即叫即炸所以等咗啲时间，送到面前时系热辣辣㗎！仲有大大旧柠檬🍋12蚊有四件嚟讲都几大件，最好唔好太心急食佢，因为真系会辣亲条脷㗎（过来人的经验👅）佢哋啲炸物好日式，鸡软骨连咗少少鸡肉，有软骨嘅口感之余又有肉食，所以好好味！呢个绝对系必叫之选！🐟炸竹䇲鱼配置同上面嘅鸡软骨一样，不过呢个食落好似快餐店早餐嘅炸鱼柳咁，但小心有骨。食咗咁多嘢系时候要嚟个甜品埋尾啦🍨🍰🍮🍰北海道千层蛋糕（$22）啲cream有北海道牛乳嘅独特味道！浓郁而美味，整个蛋糕质地都柔软，比想像中出色🍫朱古力芭菲（$29）虽然个芭菲主题系朱古力，但我觉得个重点系雪糕！奶味好浓好好食，同其他粟米片、朱古力蛋糕等等嘅配料都好夹
继续阅读
听说有一间闻为寿司郎对手, 见交通咁方便就去试下。门面外观都算整洁, 座位亦都是回转位, 人流不算太多, 所以坐低食都舒服。基本点了标准三文鱼寿司, 同样都市$12蚊, 但相比起寿司郎就略逊信一筹, 反而佢地有个大切三文鱼寿司$17蚊, 呢个口感反而好新鲜, 之后我都净系只点大切款式, 大切当中仲包括有吞拿鱼腩, 同样亦都相对新鲜, 之后亦点了赤贝、原粒帆立贝寿司及海胆寿司, 味道同寿司郎不相伯仲。反而呢度拉面颇为多款, 我都点了一碗豚肉拉面$29蚊, 汤底都唔错, 面条又够烟韧。餐牌与寿司郎相比, 大家都不相伯仲, 款式大家都多, 不是每款味道相同, 大家都可以一试嘅。
继续阅读
はま寿司 Hama Sushi 佐敦 🍣 又一间寿司店挑战寿司郎！食完后仍有进步空间，好多地方做得几好👍，都算新鲜饭偏细件 ✅本人较推荐： 鳕鱼白子 炸虾天妇罗 海胆军舰🤝下次会试：手卷类 帆立贝 章鱼烧 📍轮侯时间短🕣: 20分钟入座 📍食物款式多元化🔠: 有手卷 丸子 茶饮 拉面，🫙 佢有更多选择(酱油有5款 以日本唔同城市命名 分别系偏甜/偏咸/昆布味/柚子味/特制） 📍座位宽阔舒服💺: 有卡位同bar枱够阔落↔️ cusion櫈好好坐 #hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #hamasushi #jordan
继续阅读
📍环境 & 地理位置：又一间日本过江龙回转寿司店，呢间坐落佐敦，搭港铁一出站行3分钟就到，超方便！不过午市同晚市例牌要排长龙，试过平日下昼2点几都要等20张飞，建议用app book定先。舖头装修走简约和风路线，卡位算阔落，但输送带位略嫌窄左啲。另外仲有个小贴士：店内冷气超劲，怕冻嘅记得带多件外套！ 1. 带子寿司：北海道直送嘅带子行厚切风格，都可以遮住成旧饭，咬落算鲜甜喇！点少少九州风刺身酱油，都带到带子嘅甜味嘅，连锁野嚟讲合格。2. 吞拿鱼寿司：上到枱仲有少少冰渣，明显系未解好冻就出货，睇返都唔少人有同样情况。其实你太多客解唔切，一开铺预唔啱数都合理，但都开左咁耐点解唔可以预返人流解冻解返好先serve？😂3. 蚝寿司：期间限定嘅广岛蚝寿司反而有惊喜！本身预左连锁寿司食蚝一定腥硬，纯粹抱住试伏心态，结果又无乜野，鲜味就预左无乜，但叫做过得去👌🏻 ⚠️注意位：- 繁忙时段限时60分钟，想慢慢食建议避开peak hour - 部分寿司碟边有水定唔知油渍，拎碟前记得检查下先用其他野食不过不失啦，比大家自行睇图决定，成日encore我就唔会拣啦老实讲😂
继续阅读
之前食过将军澳店，今日想encore就拣左黎佐敦分店，7点几去到已经企满左好多人等位，好在同伴一早拎左飞寿司既款式选择都几多，但唔知点解白身鱼好多都sold out了Hama suchi既茶碗蒸质量真系几好，呢个满满蚬肉茶碗蒸真系食落啖啖都有蚬肉，起码有20只以上，推荐！呢个栗子brownie都好香浓但佐敦分店既卫生情况认真麻麻地，有几碟寿司上到黎只碟系有d食物既污渍同油油地，嗌左个寿喜烧牛寿司，块牛系突左出黎hi到条输送带，另外嗌左个toro寿司，两旧toro系冰的，完全未解冻呢间分店真系要重视一下呢个问题，因为上次系将军澳分店体验好好多😅
继续阅读
您可能会有兴趣的...