はま寿司

营业中

休息中

終於都book到，星期日上午，店外已圍滿人。入到店發現好多款式都賣晒，帶子類全部都無貨了。呢度有5款醬油選擇，我揀左北海道昆布同四國風，2款都是偏淡口味，四國風會帶少少酸，用嚟點唔同的魚生真係幾出色。先點一個玉子，唔駛跟飯食幾好。之後點了大拖羅，質素都唔錯，入口即溶三文魚壽司，就好似圖中咁，一件靚一件麻麻，質素參差芝士燒三文魚，味道正常，燒得幾香口油甘魚腩，呢件幾出色肥美，encore左幾碟炙燒原條穴子，口感較淋，味道普通炙燒芝士沙律醬漢堡扒壽司，如果可以走飯當小食更好炙燒芝士沙律醬廣島蠔，算是幾好味，但得一隻性價比較低 吞拿魚富士山，都係味道唔錯要了一碟小食章魚小丸子$12，性價比高，過下口癮唔錯總括來說同壽司郎平分秋色，魚生種類，味道及性價比壽司郎比較優勝。以小食同炙燒類壽司呢邊比較好食多款。但壽司郎有迴轉壽司嘅選擇，會揀得開心啲😆同壽司郎一樣，呢度用獨立包裝即棄 wasabi , 唯有將包裝帶回家洗乾淨拎去回收。

又有 #日本 🇯🇵連鎖 #壽司 店嚟 #香港 🇭🇰開分店啦！以後想食其他品牌嘅連鎖壽司店🍣，唔使再去日本🇯🇵或者台灣🇹🇼，喺 #佐敦 #彌敦道 已經有。星期六朝早☀️開舖前唔算多人排隊👯，只要係開舖時間10分鐘⏱️之內到，都可以即刻有位💺。話晒係新店開張，質素保持得幾好😍。用料唔錯，唔少刺身🐟都大大嚿，而且肉質幾新鮮😋。熟食🍜普遍都高質，味道好濃郁🤤，加埋油膩嘅口感，邪惡得嚟好正😆！如果食天婦羅🍤，就一定要嗌埋天婦羅汁，將蘿蔔蓉🥕到晒落去天婦羅汁裏面，整成一個超濃郁嘅天婦羅醬😛。甜品就推薦雲呢拿雪糕🍨，雲呢拿🍦同奶香味🍼都超級濃郁，仲有硬脆粟米片🌽鋪底，鍾意呢個配搭😋。呢間舖頭仲特別地有好多款唔同嘅醬油🫘，質地同味道都有少少分別，個人就鍾意全部撈埋一齊🥳。五星之選🌟🌟🌟🌟🌟雲呢拿雪糕🍨($17/碗)長鰭吞拿魚🐟($12/兩件)W扇貝茶碗蒸🥚($22/碗)四星之選🌟🌟🌟🌟香辣京蔥絲特大天然赤蝦🦐($17/一件)吞拿魚富士山軍艦🗻($22/一大嚿)炙燒芝士沙律醬漢堡扒🍔($12/兩件)鴨肉烏冬🦆($27/碗)炙燒鰈魚裙邊🔥($12/兩件)三星之選🌟🌟🌟北海道大生帆立貝🐚($12/一件)大切生三

🍣🍣🍣日本連鎖壽司店黎左香港開店，都同過往壽司店一樣，都係大排長龍，又或者要預先book定位星期六早上10:45去到排walkin ，11:25就有位入去，如果早少少等佢10:30開門應該唔洗點排吞拿魚/三文魚富士山軍艦 ($22)兩款軍艦份量都好多，吞拿魚用赤身黎製作，所以比較少油脂，同樣價錢，就會選擇三文魚富士山，肉質比較肥美蘿蔔蓉油甘魚壽司 ($17)係香港好少見壽司上面有大舊蘿蔔蓉，似一球雪糕加上刺身上，加埋油甘魚食都非常夾，感覺有助令魚更有鮮味灸燒鹽味檸檬三文魚大切 ($17)普通既火灸三文魚，鹽味唔算多但加左檸檬既香，而且非常厚切，個人好喜歡所以都想推介俾大家👍🏻👍🏻W扇貝茶碗蒸 ($22)一打開見到茶碗蒸，覺得佢非常有誠意同用心，見到有兩個扇貝，有一件蝦同少少蟹肉，加埋三文魚子，望落好吸引，多樣配料加埋令蒸蛋相當有鮮味，好值得推介👍🏻👍🏻👍🏻抹茶檸茶梳打($12)好夠抹茶味，加埋少少檸檬好清新，好夠凍，因為無咩汽，所以唔似梳打，但勝在味道唔甜，$12都好抵飲👍🏻👍🏻👍🏻除左壽司款式外，醬油都有好多選擇，一共五種，店內都有海報介紹，以配合唔同既壽司去食，醬油樽設計都可以將醬

新開張實在太多人， 排隊最好時間，一朝早10:30前到達排隊。 新開張，有新鮮感，佢哋嘅新店開張紀念，有( 特選藍鯨吞拿魚大拖羅22蚊) 非常抵食👍🏻 雖然價錢比壽司郎多幾蚊，質素絕對唔差。 佢嘅特大天然赤蝦$17, 比較起壽司郎差5蚊，但入口味道鮮美爽脆，係必食，食咗五碟。 Hama醬燒牛肉比起壽司郎 , 牛肉冇咁多肥膏又有牛味好食好多Hama。 鹽味豬五花， 好似食五花腩咁又有肥肉，我鍾意。 蠔真係太過細粒， 味道真係一般。 仿皇帝蟹柳，薄身，另一番味道。 人人感受唔同真係要自己試過。

Lucky to have booked before get known, and so we didn’t need to queue to get in. However, the sushi is quite disappointing, the oyster is very dry and small (smaller than the rice), the picture looks way more attractive. All the fish are quite thin and small, the scallop is bad too, 三文魚腩亦一啲都唔厚身。 I would prefer sushiro if thats the case. Can check out my photos on the comparison. but have to say the 炸物 is really tasty tho

新開壽司店位置佐敦，星期六下午四點半，唔算多人，取票等30分鐘就可以入座，都唔算耐，可接受。環境幾寬敞，乾淨坐得舒服。雖然壽司款多，但大部分缺貨。芥末放係枱面，幾方便。餐具都乾淨整齊。醬油有幾款，可以選擇唔同口味，幾貼心又選擇多。最讚係有三文魚三味，同吞拿魚三味，而且好正好好食。吞拿魚三味，赤身都好甜好食，吞拿魚蓉油潤有脂香，滿口肥美拖蘿魚味。大拖羅好靚好肥美，入口魚脂溶化，魚味留係口內，正。檸檬鹽蠔，有檸檬令蠔去左腥味，味道唔錯。三文魚肥美厚身，好味。肉壽司系列，有牛、豬，味道係好，但係肉壽司怪怪地，都係食返剌身魚生嘅壽司好味d油甘魚都好靚好食。 牛油果沙律熟蝦都好味，但上面太多蘿蔔絲，亦整淡左壽司個味。芝士章魚燒，貪得意點，但後悔，好難食，內面好似薯蓉質感，但麵團味道黎嘅，個皮脆脆地，個醬都唔太芝士味。整體感覺，服務環境都好，因為新開。食物基本款式好味，但特別款就麻麻地。最想食嘅 扇貝茶碗蒸售罄，真失望。

又來一間過江龍日本連鎖壽司店網上預約就full晒㗎喇，但係晚上八點幾walk-in來排隊，唔指定卡位的話，大概十分鐘就入到座了。新開就咁容易食到，點解嘅睇睇啲食物就知答案了。多春魚籽軍艦 ($12)平時食開飛魚籽軍艦，唔知多春魚籽係咪同一樣嘢。但賣相真係十分之差，中間好似俾人刮咗個窿咁，而且口感也很奇怪，似乎唔係咁新鮮。(直接從運輸帶拎落嚟嘅樣)炙燒芝士沙律醬玉子壽司 ($12)同一碟內，兩塊玉子嘅厚度竟然可以爭咁遠，點切㗎好馬虎。玉子普通，但面頭啲醬最好味。章魚燒 ($12)呢樣壽司郎冇，所以要叫嚟試吓。呢個性價比較高，新鮮炸好，又夠飽肚，面頭啲醬同樣好味。咁嘅價錢都知唔係新鮮做而係用現成嘅拎去炸。炸物嚟講都算做得OK，表面脆口，裏面軟熟，熱辣辣，可以一試。總括嚟講，我覺得呢間點都贏唔過壽司郎(香港分店)㗎喇，無論氣氛、食物、服務、衞生都有待改善。我覺得比較有好感嘅係佢嘅壽司飯，壽司郎有時啲飯係熱嘅，但呢間嘅壽司飯係做得比較好食，店內寫係100%日本越光米，唔知有冇關係。另外，唔想中伏嘅話，就嗌啲多醬嘅壽司就應該入得口。佢啲醬係幾好食

新開張俾我上網預約到，放假去試下！不過。。。。失望呀～～講真，我叫的食物好大路，因為食左前段，我一家三口已不停有彈無讚，sorry, 唔係踩場，而真係有好多改善空間。。。。🍨甜品叫朱古力parfait：Vanilla 冰雪糕加幾粒朱古力味蛋糕加底部粟米片🍨抹茶紅豆parfait: 淡淡抹茶味加紅豆有小元子一粒加底部粟米片形容完之後應該大家都知道係咩味道 ，所以。。無。特。別 。$22/件-😔腥😑 多少少柚子都唔得？炙燒穴子-你真係有炙燒？芝士 章魚燒-無章魚架 wow.... Sorry, 依期蟹柳好貴。。。得一半芝士蝦手卷，🤔芝士？蝦薄片。。你見到真係好眼厲！炙燒三文魚腩-no comment... 又薄又唔油。 師傅果然刀功厲害！各位！！蝦是唯一可以食的！缺貨呀！！！！特別係佢有好多豉油俾你配不同壽司和刺身，你鍾意玩味蕾嘅，試下啦～坐位方面，我地坐卡座，比較狹窄， 枱比較細， 但又要放好多醬油、匙羹、 筷子 、杯、碟、子薑， 基本上四個人去， 食壽司時一定要玩搭高高～3人去食左$479。。。

知道再有一間平價迴轉壽司過江龍開黎香港，作為🍣Fans既小護就當然急不及待去試！佢正正開喺佐敦壽司郎嘅對面街，正面硬撼壽司郎！新開過江龍餐廳就梗係預咗排隊，我哋當日閑日5點去到攞飛，都等咗接近兩個鐘，甚至到7點已經停止Walk in！想食嘅話就記住早啲去/預約定先啦！餐廳有分卡位同吧枱位，我哋當日坐嘅吧枱位空間感都夠，每個吧枱位都有一個點餐Pad。搞笑嘅係佢除咗好似壽司郎咁每次落單限點4碟之外，點完佢仲會lock你幾分鐘，於是我哋就用哂兩個位2部Pad，有需要可以參考！因為我哋都試咗好多款唔同嘅壽司，所以揀重點嘅分享。首先係$22既大拖羅壽司，之前仲聽過人講有血水，好彩我哋叫咗3件都冇呢個情況，大拖羅非常肥美甘香，完全冇筋，雖然未到入口即溶嘅程度，但個人覺得係香港平價迴轉壽司入面最好食嘅！推介嘅仲有醬燒帶子壽司同三文魚籽壽司。帶子大件、厚肉、新鮮。三文魚子壽司亦都冇嗰件牙埞嘅青瓜，新鮮好味，$17黎講幾抵！至於poster上面主打嘅大切三文魚壽司就有啲失望，塊三文魚刺身係大塊嘅，但味道好一般，唔需要嗌。反而係其貌不揚嘅油甘魚壽司有驚喜，好甘香。金目鯛壽司亦唔錯，肉質同味道都幾好，冇伏。

講真，而家喺香港睇到迴轉壽司，大眾化嚟講呢幾年都一定會睇到壽司郎。而係六月尾終於有第二間來自日本嘅迴轉壽司嚟到香港。由於一早喺網上訂咗位，所以跟返時間呢就好快安排到入座，我哋揀咗四點幾，但係新嘅嘢一定大把人試，門口都排滿晒人。佢今次個舖位正正喺佐敦壽司郎對面，令人感覺佢想單挑壽司郎😆😆好啦，唔講咁多拎起個Menu機睇吓，款式種類都比壽司郎多，但係細心啲睇返，佢只係每種魚嘅整出嚟嘅壽司款式多，而佢嘅魚類總數應該比壽司郎少。講真壽司大家都食唔少，質素合格以上，但又唔係話有咩好突出嘅表現，都係嗰啲嘢咁囉。反而我覺得大家可以留意吓甜品，都有唔少選擇，試咗幾種反而有驚喜訂到位嘅當然要去試吓啦，但係如果要喺門口排隊等幾個鐘就唔建議囉～

11:15拎飛，11:40可以入座了五枝醬油可以選擇壽司，小食，甜品，款式都幾多好似仲多過壽司郎同元氣價錢都平民兩個人埋單都係226不過我覺得個碟真係好汙糟每一碟壽司個碟都充滿油漬同唔知咩漬明明叫個三文魚應該冇乜油的確有啲嘔心覺得衛生有啲差壽司質素都幾好新鮮度不錯叫咗杯黑咖啡店員沖得太淡，太多冰同佢講一講，佢即刻換個杯仲話唔啱嘅話可以退值得一讚炸烏賊壽司…辣味蔥吞拿魚蓉壽司…焦糖沙律醬燒三文魚壽司…蠔壽司…帆立貝壽司…蒜辣牛肉壽司…hama醬汁牛肉壽司…三文魚三寶…藍鰭吞拿魚壽司…大切三文魚壽司…三文魚腩壽司

聽聞佐敦開了間壽司店，風格很像壽司廊的，於是我決定去感受感受。下午4點零排隊，等左大概30分鐘，終於入得餐廳。進入餐廳，首先映入眼簾的是一個充滿日式風味的環境，簡約卻不失華麗。燈光明亮，座位安排是卡位，格局很像壽司廊，但他不是迴轉壽司，而是類似壽司廊的輸送帶送上壽司或食物。我點左D小食，壽司同甜品，首先是小食。w扇貝茶碗蒸，材料很足，有扇貝有蝦等，蛋入口即溶，個人甚喜歡。而章魚燒也不錯，數量6粒，大小適中，熱騰騰的，但個人認為章魚與粉比例上面，若章魚的份量多一點的話，口感會更佳。而我地點了一碗鴨胸烏冬，個湯汁有驚喜，濃湯中他有柚子碎，令烏冬唔會太漏，鴨胸都好食。壽司方面，本人對d飯有失望，飯有點鬆散，當我們點醬油時，壽司嘅飯散曬，浸左落醬油到非常不便。而我們點了各種壽司， 大切油甘魚腩和大切生文魚都是非常新鮮的刺身，油甘魚的油脂豐富，口感鮮美，生文魚則是口感更加肥美，有下次！魷魚和香辣京蔥絲熟蝦，魷魚口感彈牙有嚼勁，而香辣京蔥絲熟蝦則是加入了一些辣椒和青蔥，讓味道更加豐富。吞拿魚三味是三種不同的吞拿魚刺身，口感鮮美，又經濟，係吞拿魚愛好者不可錯過的菜式。北海道大生帆立貝，口感柔軟而豐富

HAMA-SUSHI1. 等候時間：預約咗，加上下午茶時間，再加上落雨，基本上去到即入。好過對面個間。2. 座位：卡位正常大小，吧枱非常逼，熱水出水位同醬油要同隔離共用，冇隔板。差過對面個間。3. 食物：最好食係W扇貝茶碗蒸、赤蝦、中拖、油甘魚腩、鮮蝦天婦羅。酸薑甜甜地都幾好食。朱古力雪糕、雞軟骨、三色丸子串、芝士薯餅、豚骨拉麵可以一試。帆立貝、大拖好細件。香辣赤蝦係伏。中間試過野食出錯，所以要睇清楚先好食。選擇實在太多，餐牌共52頁。試唔到芭菲，有啲可惜。食物和對面個間相若。4. 綠茶粉：超淡，倒好多都冇味，差過對面個間。5. 性價比：全部都係12，17，22。睇落性價比高過對面個間。總結：見對面個間每月新品愈來愈冇新意，有新競爭者，絕對係好事。希望快啲開更多分店。見冇人上載餐牌，我已經上載咗，希望幫到大家。HAMA壽司 佐敦店 はま寿司

午餐時段網上book左位，不過都要等十五分鐘左右，餐廳大概有60張枱到，暫時未有迴轉壽司，全部ipad點餐運輸帶取餐，坐吧枱的話無間隔比較無咁舒服。對比壽司郎，佢嘅款式同口味都比較多，但壽司嘅賣相就真係有待進步，同埋壽司飯好散，一拎起就散左。同埋另一較差嘅位係佢無紙巾供應。壽司味道唔錯，牛肉壽司就不了，拉麵有驚喜，抹茶檸檬梳打都幾特別，overall 唔差的，排唔到/食厭左壽司郎可以一試，希望可以改善下，帶來良性競爭。

平時排隊壽司郎等到人都癲，今次有日本勁敵到港 到底可唔可以代替壽司郎呢🔥Hama壽司係6月29號正式登陸香港 Bee仔琴日就搶先試食😎壽司🍣- 可能因為剛剛開業 種類未算很多 不過每種壽司都有好多製法- 吞拿魚藍鰭拖羅、三文魚、油甘魚都推介喎- 不過手卷就麻麻哋炸物同熟食🍤🍜- 等候時間比較耐 等咗差唔多30分鐘- 價錢真係冇得輸 $12-$17一碟，嗌左章魚小丸子中規中矩，不過嗌埋薯條就有少少伏，等咗半個鐘上嚟竟然係凍嘅😓（題外話，壽司郎薯條真係好出色）同埋勁乾，好彩最後啲Staff幫我哋cancel咗- 另外，我哋嗌咗牛肉烏冬，面質彈牙、牛肉份量唔少，驚喜有誠意，中意🤪甜品🍡- 除咗蛋糕同雪糕等 仲有日本特色甜品丸子同日式甜品拼盤 一試無妨醬油🫙- 有五種口味嘅豉油選擇，好驚喜！- 私心鍾意 關東風（濃郁重口）同四國風（清新柚子？！）𝗕𝗲𝗲’𝘀 𝗖𝗼𝗺𝗺𝗲𝗻𝘁📝- 大部份壽司只係12或者$17一碟 比起壽司郎仲要平多少少🥳- 壽司魚生嘅話 講真同壽司郎差唔多 依家可以俾大家多一個選擇未試既大家 快啲約埋班朋友仔一齊去啦🤪𝗜𝗻𝗳𝗼▍ はま寿司 Hama Sushi📍 佐敦彌敦道238