9月份好评餐厅十强
2018-10-08

9月份开学月,除咗收拾心情开学之外,有冇周围去开饭呀?今个月继续都有唔少新餐厅上榜,踏入第四季相信竞争会更加激烈!即刻睇睇今个月十强先!


第10位    六両三

虽然上月跌出榜外,不过今个月再度回归,始终台式食物都系长期受欢迎嘅!餐牌冇乜花巧,都系地道牛肉面、鲁肉饭等,但水准稳定,由台湾人主理更加有亲切感。开饭仔食法系一碗鲁肉饭再加牛肉汤,就可以试晒两大拿手菜式喇。

图:kanadskiyoting


第9位    团日式拉面 (*新上榜)

呢间由香港人开设兼主理嘅拉面店,其中一个卖点一定系门口部点菜机,真系似去咗日本咁呀!食物方面都好用心,有樱花虾、黑蒜油、辛辣及鱼介四款口味,虾油来自日本、黑蒜油系自家提炼而成,足料而且味道唔错,难怪成日都有人龙!

图:Aki Jaiyimlois


第8位    Chotto Maki (*新上榜)

日式卷物净系得加州卷?非也!呢间卷物专门店带美国风格,创意卷物有多种配搭,好似三文鱼露笋配樱花虾、蟹柳配天妇罗虾、鳗鱼配带子等五六款食材,仲可以自由创作,一啖咬落去劲丰富!而且即叫即制,系唔少附近OL lunch胜地

图:Travel_bears啊蛋



第7位    慢理墙城 (*新上榜)

油麻地呢间楼上café位於酒店内,餐厅以环保木同植物装饰,座位唔多,感觉都好悠闲舒适。食物如意粉、意大利饭等大份精致,而且甜品同饮品都几特别,好似一斟就会自动升高嘅特饮、可以自己 DIY嘅椰子雪葩等,打卡一流呀。

图:蝴蝶结姐姐心太软*~


第6位    Teru Teru Bōzu

上月嘅亚军今个月微跌几级,招牌木盒蒸笼饭材料丰富,可以拣松叶蟹肉、鳗鱼等,仲有蒸白金猪肉、蔬菜等,蒸煮健康得来又够原汁原味。仲有刺身、居酒屋小食等多款选择。中价但有日本师傅坐镇,质素有保证。

图:GG1314minieater


第5位    花甜果室 (*新上榜)

呢几个月不停被台湾过江黑糖珍奶攻陷,可能大家都饮到腻,所以今个月跑出嘅系渐层果汁!色彩缤纷但唔系色素,而系以天然果汁打成,招牌饮品她,与他的香水味系红肉火龙果加苹果、乳酪调成,好清新。

图:小诗...熊游世界


第4位 响 - Hibiki 日本烧肉

再次冧庄嘅仲有呢间烧肉放题店,刺身有海胆食、连喜之次、生蚝都有,但就冇得无限追加!其他肉类就有美国同澳洲和牛、日本米泽三元豚,雪糕有movenpick任食。难得放题都有靓料,未必一定只系劣食嘅。

图:阿啦buddy123


第3位    Appendix Coffee & Bar (*新上榜)

唔少咖啡友锺意去café hopping,呢间铜锣湾新开嘅咖啡室好快就打入咗三强位置!吧位设计型格,日间卖咖啡,夜晚就变成酒吧。食物方面有一口一件嘅西班牙pinchos,亦有意粉、主菜等选择,好适合嚟happy hour呀。

图:So Mei Fishlamlamyuk


第2位    六十六十火锅 (*新上榜)

火锅店升行升市,呢间位於长沙湾嘅火锅店有咩板斧一开就升上第2位?就系够鲜!粥底火锅有8款海鲜,包括肉蟹、鲍鱼、扇贝、贵妃蚌、生蚝等,而精华所有煲到最後嘅脆米泡饭,劲香甜入味,绝对食留肚食呀。

图:yobi109大食懒 W


第1位    一盛极牛 (*新上榜)

今个月榜首又系新店,并唔系普通嘅拉面,而系好少见嘅和牛拉面!而且选用熊本靓和王牛肉制成,半熟和牛质感软滑,牛骨汤都好有牛味,加上粗曲面条,比起一般浓厚猪骨、鱼介汤系特别嘅!自问系拉面控就要试试佢。

图:fafa418kkmhung



文:Perrins

关键字
十强
排行榜
拉面
台菜
卷物
日本菜
台式饮品
烧肉
火锅
放题
cafe
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
食肉兽必收藏!牛年到 五间品牛餐厅介绍返
2021-02-11
1月份好评餐厅十强
2021-02-09