9月份好評餐廳十強 | OpenRice 香港开饭喇

想約人食飯，但對吃甚麼菜茫無頭緒？不如參考剛出爐的「9月份好評餐廳十強」，列出上個月最多食家予以笑臉的餐廳，掌握最近飲食潮流。\r\n（Cover photo：tkocell）\r\n\r\n

排名	餐廳	好評數目
1	日本吉列專門店餐廳	12
2	Simplylife Bakery Café	11
3	金華冰廳	9
4	時新快餐店	9
5	勝香園	9
6	車品品小食	9
7	嘉麟樓	8
8	蓮香樓	8
9	宜家傢俬餐廳咖啡室	8
10	雲南風味餐廳	8

\r\n\r\n\r\n\r\n第一位日本吉列專門店餐廳\r\n\r\n

（Photo by Monchhichi~*）

\r\n本地數一數二的吉列專門店，吉列豬扒用上鹿兒島黑豚，肉質特別嫩滑，品嚐前侍應會奉上一小碗炒香的白芝麻和木棒，客人親手磨碎然後混和豬扒醬享用。吉列蝦選用北海道十吋長的巨型老虎蝦，吉列帶子則用北海道刺身帶子，兩者均肉質鮮甜。\r\n\r\n\r\n網上食家評語節錄：\r\n

信天翁：食過一次就令我對吉列食物完全愛上……檯上的美食、優雅的氣氛、窗外的醉人景致，人生於此重要投訴甚麼？\r\n

甜心粉絲：試埋生蠔，嘩，呢個真係好正，連平時唔食生蠔既我都食得津津有味。\r\n

PP：先吃豬柳，嘩！真係好味到爆，一D都唔油，十分十分諗！再吃蠔，十分新鮮！勁多汁！\r\n

Culinary_Mei：一向都很怕吃炸物的我~真的愛上了這裡…忘記卡路里也忘記皮膚的死活……脆卜卜…但不油膩…用料亦新鮮。\r\n

Monchhichi~*：often back to this restaurant is because of its good and stable quality of food and the coupon they gave us everytime after the meal.\r\n\r\n必食菜式：吉列豬扒、吉列蝦、吉列蠔 \r\n\r\n瀏覽日本吉列專門店餐廳其它食評\r\n\r\n\r\n

\r\n\r\n\r\n第二位Simplylife Bakery Café（九龍塘店） \r\n\r\n

（Photo by herbert）

\r\n設有Open Kitchen的Bakery Café，主打新鮮且少油少糖的歐陸麵包，做法盡量跟足歐洲製法，採用不經漂白的日本麵粉，著重麵包質感和發酵後的香味，質地較港式麵包更有質感。另外沙律和意粉等菜式質素好且穩定，很受《開飯喇！》食家讚賞。\r\n\r\n\r\n網上食家評語節錄：\r\n

popa：這裡的麥包的特點是皮極為煙韌……麵包的麥味極為充足，密度也高，而亦毫不小家地放進極多大大粒的合桃，又香又要咬口。\r\n

PX ：烤雞沙律：次次來都叫，D烤雞好滑，我次次去都會叫佢比個凱撒salad sauce我+埋一齊食，正！\r\n

J-Eater：salad中我就覺得Cesar(有加銀魚仔)、Tuna(微煎過有香料奄過的表面)或crab meat(配少少日式麻醬dressing)呢幾款喺最好食，就算是其他款式，用的菜都很新鮮。\r\n

打令媽媽：個ceasar salad最好食，個汁夠濃，我諗因為佢哋加咗d咸魚仔落去，所以有d腥腥地，但反而令個salad更好味:p。\r\n

herbert：松露汁野菌幼麥麵$78:8分，全麥的幼麵，麵質都幾特別，有點點麥香，麵條都吸收了松露汁的味道……英式洋蔥湯$44:8分，洋蔥味道係相當濃烈，跟包一齊吃，都幾搶味。\r\n\r\n必食菜式：各類麵包、烤雞沙律、十穀飯、糙米飯、有機意粉\r\n\r\n瀏覽Simplylife Bakery Café 其它食評\r\n\r\n\r\n

\r\n\r\n\r\n第三位金華冰廳\r\n\r\n

（Photo by SMASHING PUMPKINS）

金華冰廳以菠蘿包最著名，專程到這裡食菠蘿包的人絡繹不絕，所以任何時候都吃到新鮮出爐的菠蘿包。這裡的麵包用香港麵粉廠的頂級麵粉，雞蛋份量多，令麵包尤其軟熟，咬一口後麵包會彈回原來高度，店內貼滿明星如李克勤、Twins手持菠蘿包的照片，名不虛傳。\r\n\r\n\r\n網上食家評語節錄：\r\n

vivian：本來都唔信個菠蘿包有咁神來之筆，襯住今日放假一於試下，食落真係不得了>_<，唔單止新鮮出爐，仲要皮脆包軟。\r\n

BB Maximus：菠蘿飽開邊上，一大片牛油躺臥在其中一邊，看着那熱到冒煙的飽(完全有誇張!)……大口咬下去，酥皮香脆，但並沒有碎碎的散掉，麵飽軟熟有彈力。\r\n

P.J.：菠蘿油果然名不虛傳，包身軟熟，酥皮面十級脆……腿蛋包用了少甜的熱狗包，有牛油香及異常軟熟。\r\n

Pen：新鮮熱辣，熱到辣咀o既包都係第一次食，正呀，個包脆得嚟又唔會散，唔會嘥嘢！\r\n

SMASHING PUMPKINS：奶茶奶味過剩，有點不足，當有些人非”掛杯”奶茶不暍之同時，相對我要求並不高，起碼有個菠蘿油拉上補下。這杯奶茶已經是這個菠蘿油的最佳拍檔。\r\n\r\n必食菜式：菠蘿油、菠蘿蛋包、奶茶\r\n\r\n瀏覽金華冰廳其它食評\r\n\r\n第四位時新快餐店\r\n\r\n

（Photo by funny_cher）

\r\n時新出品的港式漢堡包，單看賣相未必吸引，但很多品嚐過的人都會再捧場，因為漢堡扒每日由新鮮牛肉剁成，由於即叫即製，兩片烘過的麵包令沙律醬和芝士呈半溶狀態，一口咬下混合鬆軟麵包和多汁牛肉的享受，難怪好評如潮。\r\n\r\n\r\n網上食家評語節錄：\r\n

艾文妮：麵包用左嘉頓o個種漢堡包，但輕輕烘過，暖暖地又脆身，漢堡扒更加係無介紹錯，不單厚身，餡肉混左洋蔥粒同麵飽糠，只係好輕手咁調過味，肉質鬆化一口就咬開，又煎得香噴噴，加埋混左蔬菜粒既沙律汁同半溶既芝士，超級好味。\r\n

藤原小妹：D芝士半溶形態，有兩塊漢堡扒，我覺得好味，但只係咬得兩啖…攪到到喉唔到肺…真係想食晒成個。\r\n

健明：雙層芝士漢堡啦，未拎起個包d醬汁已經流緊落黎，拎起個包都有點狼狽，個包仍然好熱，芝士已經微微溶化了，與肉混在一起，感覺實在一流。\r\n

Toby Boy：食到係自己整既beef patty，唔係老MAK個d硬到死既牛肉餅，又可以自己選汁(我選黑椒汁)，食完真係好滿足。\r\n

funny_cher：漢堡扒與扒之間塗滿沙律醬…每口咬下去都有很多肉汁…而且沙律醬摘到滿手也是…不過每口都很滿足。\r\n\r\n必食菜式：雙層芝士漢堡、魚柳包\r\n\r\n瀏覽時新快餐店其它食評\r\n\r\n\r\n

\r\n\r\n\r\n第五位勝香園\r\n\r\n

（Photo by 史利夫）

\r\n繼成為中環平靚正美食之首後，勝香園於9月份最多好評排名中亦進佔第五位，此大排檔最出名的首選番茄味濃郁的番茄湯通粉，另外多士類食物也甚出色，例如味道酸酸甜甜的檸蜜脆脆、可自選麥包、甜餐包等麵包款式的咖央油多等。\r\n\r\n\r\n網上食家評語節錄：\r\n

carley：食左蕃茄牛肉炒旦公仔麵，個湯底真係好正，好濃蕃茄味，牛肉炒旦好正呀都。\r\n

crazyhalokit：每人1碗茄牛麵，真係好好味，牛肉夠”林”，又入味，湯底又夠濃，真係值得試！\r\n

咀刁大夫：豬扒飽Very Good!!包脆扒薄有扒味茄鮮醬剛好，最欣賞麵包底，未食過這種不太膨脹但局了又極脆的包。\r\n

La Bon Vivant：豬扒包我覺得係是日最好味的一樣，豬扒+蕃茄+沙律醬，一個好簡單既組合，唔係間間都整得咁好食架！！\r\n

史利夫：呢度o既茄通，湯底比較濃，真係似蕃茄湯…唔似集團快餐店o既蕃茄水！牛肉幾嫩滑亦有肉味，蛋好油好大排檔，通粉普通勝在唔太淋。美味！\r\n\r\n必食菜式：番茄牛肉通粉、牛油檸汁蜜糖脆脆、豬扒包\r\n\r\n瀏覽勝香園其它食評 \r\n\r\n\r\n

\r\n\r\n\r\n第六位車品品小食\r\n

（Photo by 蝗蟲同學）

\r\n向來少有小食店可以累積百多個笑臉，車品品小食是當中的異數，此店雖主打小食，但用料講究，例如碗仔翅用原木花菇、紅豆沙用遠年陳皮等，碗仔翅、真油渣和魯肉餃可謂鎮店三寶，而用自家煮辣椒油炒製的菜甫和阿婆甜蛋湯亦是用心之作。\r\n\r\n\r\n網上食家評語節錄：\r\n

代筆乖孫：辣菜甫：夠乾身無花巧，必試！車仔麵：炆o既野好入味，蘿蔔甜牛腩肉靚，全部用靚料湯底用羅漢果釣夠鮮味不搶口啱啱好。炸大地魚皮、魚粥：阿公話佢呢世人在外頭從未食過平又咁細心o既嘢，好鮮味唔苦。\r\n

姚東師傅：碗仔翅個湯底好清，一d 味精都無，正；招牌大雜麵就樣樣有d……最重要係湯底無味精，可以呀；淨魯肉餃果然係招牌菜，魯肉餃o既魯肉一d肥膏都有，但味道甜美……皮薄餡靚，好正。\r\n

lazyqueen：八喜撈：慕名而點的，如之前食家所言，一碟已拌豬油的粗麵，另附上黑白芝麻……魚鬆很香，拌以香蔥蔭油已可清碟，豬油則有點晴之效，小二讚不絕口！\r\n

蝗蟲同學：魯肉餃依然好食，皮薄餡靚，蝦籽亦好香，推介！每一次嚟都會試到唔同o既嘢，亦每一次都令人滿意，真係厲害！\r\n

Gourmet KC：白粥是一貫的又綿又滑，魚鬆夠香，灑在熱熱的白粥上，也滲透了淡淡的魚味，加上蔥花去提香，健康、清淡得來又不失味道，滿意。\r\n\r\n必食菜式：碗仔翅、魯肉餃、車仔麵\r\n\r\n瀏覽車品品小食其它食評\r\n\r\n第七位嘉麟樓\r\n\r\n

（Photo by JJcaptain）

\r\n半島酒店嘉麟樓能打入9月最多好評餐廳的十強，主要來自對其出品月餅的讚賞，據知今年中秋該酒家的迷你奶黃月餅銷量達30多萬個。內餡是鮮橙色的奶皇餡，一點也不油膩，一盒八個$160，質優而價錢合理，難怪得人心。\r\n\r\n\r\n\r\n網上食家評語節錄：\r\n

Wink：真係好有水準o既中菜，頂級服務，即叫即蒸，最欣賞係佢o既茶，頂級鐵觀音有青澀味，甘香帶甜。\r\n

jo712：真係好鬼死好味…唔怪之得咁多人都會訂半島既月餅啦…\r\n

JJcaptain：一口咬下，外皮鬆軟，極之”奶黃”；蛋黃佔月餅餡差唔多四份三，紅紅的，煞是可愛……o個個奶黃香的確令人愛不釋手…\r\n

苗苗7854：本人及屋企人都認為呢度既月餅皮夠薄，奶黃餡料又唔甜，一個人食晒成個都唔覺”漏”。\r\n

Kaz Kaz：放個餅落去然後熄火(嘉麟樓哥哥教的)，佢話用微波叮熱無甘好食架！焗熱真係好正架……我會當奶黃酥食=D\r\n\r\n必食菜式：奶黃月餅（中秋期間供應）\r\n\r\n瀏覽嘉麟樓其它食評 \r\n\r\n\r\n

\r\n\r\n\r\n第八位蓮香樓\r\n\r\n

（Photo by keon）

\r\n蓮香樓是傳統粵式酒樓，部份已少有酒樓供應的舊式點心，例如豬膶燒賣、雞球大包、鴨腳扎等，仍可在這裡品嚐到。酒樓仍保存著五、六十年代的裝潢，茶盅、鐵皮水煲、古老大鐘等，現在流行集體回憶，所以除了老一輩，不少年輕人也會捧場。\r\n\r\n\r\n網上食家評語節錄：\r\n

西門町大惡男：霸王鴨，是蓮子、腩肉再加埋鹹蛋黃將鴨塞得滿滿的，定形後以濃醬來炆……油甘十足，也有鹹蛋黃的濃郁味道，夏秋之間的蓮子靚得緊，沒有半點苦味，也炆得鬆化。\r\n

小勁健：「麻蓉包」反而給我一點驚喜，因餡料中有沙糖，吃起來會「索索」聲響，再加上芝麻的香味，吃得我頓時心花怒放。\r\n

keon：八寶霸皇鴨-都係讚！呢個真係睇落肥味~食落好味……鬼馬炒牛肉-反炸既油炸鬼+牛肉~幾好味既送菜~\r\n

苗苗7854：冬瓜粒湯飯大大碗，冬瓜煮得腍，加埋大大隻既蝦、冬菇及瘦肉等，好好味。\r\n

SMASHING PUMPKINS：棉花雞混合著蝦仁，多份彈牙之口感，當然底下的魚肚，不可能會錯過。\r\n\r\n必食菜式：雞球大包、豬膶燒賣、八寶霸皇鴨、麻蓉包\r\n\r\n瀏覽蓮香樓其它食評 \r\n\r\n\r\n

\r\n\r\n\r\n第九位宜家傢俬餐廳咖啡室\r\n\r\n

（Photo by man love food）

\r\n一道瑞典肉丸，就吸引不少人到傢俬店度周末，沙田宜家傢俬café 的食物可謂質優價廉，尤其由豬肉及牛肉等材料製成的瑞典肉丸，配合忌廉汁和果醬伴食，效果出奇地好。據知餐廳每星期會換三次餐牌，款式選擇多，所以午飯及假日都人頭湧湧。\r\n\r\n\r\n網上食家評語節錄：\r\n

C-MAN：一定要吃$9熱狗餐，另外加個爆谷，跟你的另1半分享，有咩野幸福得過這份溫馨的感覺。\r\n

ai：19蚊10粒肉丸，同d汁好match！我覺得真係好好味，有機會實再去食！\r\n

man love food：估唔到呢度有絕頂好味o既肉丸！真係好好味！估唔到肉丸可以點果醬，好得意！意粉都好正，好多料，d汁又好味！以上兩樣都好過好多所謂西餐廳多多聲！！\r\n

【ＭＹＩＮＧ】：點左10粒肉丸~配薯條~肉丸好有肉味~薯條好脆~點佢個汁食好正……海鮮焗飯~$29，LEI個真係估佢唔到咁好味~好多汁~好多海鮮~又青口又魚又魷魚呀~蝦咁~好香芝士味~\r\n

*Erin~：肉丸十粒：跟cranberry sauce和薯仔上，不沾任何醬汁已可以吃不停口，而且完全不膩……Fries：據朋友所言，八元一大碟，抵到爛，味道亦比老麥出品好。\r\n\r\n必食菜式：瑞典肉丸、熱狗\r\n\r\n瀏覽宜家傢俬餐廳咖啡室其它食評\r\n\r\n\r\n

\r\n\r\n\r\n第十位雲南風味餐廳\r\n\r\n

（Photo by 棉花糖s sweet）

\r\n很多香港人對雲南菜都不認識，但不少食家試過後都愛上這種風味菜，它售賣正宗雲南菜如米線、氣鍋雞、菇菌等，小食如炸地根、牛乾巴、煎乳餅等每星期都從雲南入貨，保持正宗味道，所以除了大家熟識的米線，雲南小食也很受歡迎。\r\n\r\n\r\n網上食家評語節錄：\r\n

辛苦搵黎志在食野：蒜泥白肉豬肉唔係太肥，岩岩好，加埋ｄ蒜，幾好食……紅油抄手稍為散左ｄ，但味道好好，唔太辣，好味！\r\n

StephenL：羊肉原來是羊腩，不是羊肉片，啖啖肉，好好味，而米線亦不太腍，幾好，有麻的感覺……尖椒煎得好香，亦夠辣了，非常正！\r\n

me：烤羊乳扇-好特別，值得一試。\r\n

MrMint：清燉羊肉$35(細盅)……呢度既清燉羊肉未飲已經聞到好香，飲落更加有好香既羊肉味，仲有好多羊肉可以食，下次一定要叫個大盅既。\r\n

棉花糖s sweet：茄醬米線—好味，蕃茄味都幾夠，米線爽滑。水煎羊乳餅—個樣好似魚片，我同男朋友都覺得味道好特別，羊奶味重，好香口。\r\n\r\n必食菜式：狀元過橋米線、清燉羊肉、煎羊乳餅\r\n\r\n瀏覽雲南風味餐廳其它食評\r\n最新排名可參考餐廳排行榜