車品品小食 (已結業)

呢間食店又係口碑一流, 師傅成日心思思都想去試, 終於上星期試過, 而且仲要連續兩日都有幫襯, 都咪話唔厲害!入到去地方唔算太大, 但環境都尚算舒服, 不過張凳就唔算好坐, 太細張同埋太硬! 坐底睇下食咩好, 發覺樣樣食物都好吸引, 最後決定叫個招牌大雜麵, 碗仔翅, 淨魯肉餃同埋一個三車仔麵!等左一陣先黎碗仔翅, 碗仔翅個湯底好清, 一d味精都冇, 不過翅就比較少, 反而肉絲比較多, 師傅冇咁鍾意, 冬菇就幾爽口, 正; 招牌大雜麵就樣樣有d, 芝士腸, 紅腸, 牛腩, 牛柏葉, 豬皮, 魚蛋, 豬腸, 魷魚等等...... 真係樣樣都有d, 最重要係湯底冇味精, 可以呀; 淨魯肉餃果然係招牌菜, 魯肉餃魯肉一d肥膏都冇, 但味道甜美, 仲有d蝦子淨魯肉餃面, 蝦子好香好味, 好鬼正, 皮溥餡靚, 好正, 而家諗起又想再食喇!總括黎講呢度d食物非常好味, 全部食物冇味精, 無添加, 加上老闆娘都好有heart, 誠意可加, 師傅下次一定會再去幫襯!