影片
更多
2007-09-26
15 瀏覽
我返工的地方位置很僻很"吊腳",方圓十里幾乎所有生活所需都欠奉,銀行/報紙檔/便利店/投注站通通都要行老遠去乘車或自己駕車出市中心,連大廈設有的canteen都要中午才開檔;而屋企樓下的商場亦只有連鎖快餐店和餅店. 心中常常有個卑微的渴望,希望早餐可以吃到由細食到大,簡單的出爐菠蘿飽呀,雞尾飽呀,同奶茶......最近某飲食雜誌介紹金華. 趁今日假期,便特意去食"心願早餐".一般茶記的早餐客都係叫A B C餐,但現場所見幾乎8成人都係飲啖茶食個飽. 我毫不猶豫叫了菠蘿油+奶茶,菠蘿飽開邊上,一大片牛油躺臥在其中一邊,看着那熱到冒煙的飽(完全冇誇張!),即刻明白點解個飽要開邊上,因為一夾起來,牛油便立即溶化了! 大口咬下去,酥皮香脆但並沒有碎碎的散掉,麵飽軟熟有彈力,雖然奶茶不過已已,但也盡了"綠葉"的本份...emmmm...好感動好滿足呀!好想好想試埋雞尾飽和墨西哥飽(隔離同對面兩位仁兄仁姐食緊),無奈真的力不從心,下次一定游埋早水,儲足quota,再戰飽飽!
最近某飲食雜誌介紹金華. 趁今日假期,便特意去食"心願早餐".
一般茶記的早餐客都係叫A B C餐,但現場所見幾乎8成人都係飲啖茶食個飽. 我毫不猶豫叫了菠蘿油+奶茶,菠蘿飽開邊上,一大片牛油躺臥在其中一邊,看着那熱到冒煙的飽(完全冇誇張!),即刻明白點解個飽要開邊上,因為一夾起來,牛油便立即溶化了! 大口咬下去,酥皮香脆但並沒有碎碎的散掉,麵飽軟熟有彈力,雖然奶茶不過已已,但也盡了"綠葉"的本份...emmmm...好感動好滿足呀!
好想好想試埋雞尾飽和墨西哥飽(隔離同對面兩位仁兄仁姐食緊),無奈真的力不從心,下次一定游埋早水,儲足quota,再戰飽飽!
張貼