6月份好评餐厅十强
2020-07-06

话咁快,2020就过咗一半。由年头大家都唔敢出街食,到最近,好多间餐厅都人头涌涌,昔日要排队等食饭嘅情况又出现返。观乎6月嘅十强名单,睇嚟大家都愈嚟愈注重健康,食多咗啲主打健康食物嘅餐厅,不过,牛肉同芝士依然都系冇得输。

第10位  Mango Mania(*新上榜)

 图:YanezChristyyeungcc

夏天就系想食芒果呀,呢间由泰国清迈开过嚟嘅芒果店,选用自家生产嘅泰国水仙芒制作多款芒果甜品,难怪咁受欢迎,打入十强!最丰富就梗系超级芒果狂热啦,咩都有啲,好似芒果糯米饭、芒果雪糕、芒果布甸等等,全部都又甜又juicy。

第9位  Amitie Kitchen    

 图:sumyee laiMoon eater

主打fusion菜嘅西餐厅,款款菜式都系卖相、材料吸引。好似松叶蟹膏配白酒忌廉汁咁,成只爆膏嘅蟹盖放面,见到都流晒口水,意粉挂汁,味道香浓;厨师推介嘅脆炸软壳蟹牛油果汉堡配蕃薯条又系大大个,炸得香脆可口。

订座优惠:正价7折: 主菜餐牌

第8位  EverShine(*新上榜)  

 图:eataroundwithmeJulianeating

香港人愈嚟愈注重健康,呢间餐厅唔止卖健康食品,餐牌上仲写明每样食品嘅卡路里,抵佢入十强嘅。佢哋有多款唔同颜色嘅乳酪碗,桃红色嘅系火龙果乳酪碗,入面有士多啤梨、蓝莓等多款生果,仲有椰子片、superfood亚麻籽同黄金藜麦,边个话健康嘅嘢就唔好食架?

第7位 玄鮨

 图:allison fscfood_enthusiasthk

忍咗咁多个月,愈嚟愈多人出返街食饭,仲要食高质嘅厨师发办补返数,造就咗呢间日本料理再次上榜。佢哋嘅食材每日由日本空运到港,无论系刺身定寿司都好新鲜,带子爽甜、拖罗满满油脂香,荧光鱿鱼仲要爆膏!甜品都好有诚意,除咗生果,仲有雪糕夹饼。

第6位  HAND3AG(*新上榜)

图:Melofoodopiayoyobb

要喺芸芸食店中突围而出,少啲创意都唔得。呢间餐厅靠嘅系全港首创嘅铁板三文治,内馅同样充满惊喜,有夹住拉面、自家制日式叉烧片同溏心蛋、牛油粟米等嘅拉面叉烧铁板三文治,好似真系食紧碗拉面咁,几过瘾。

第5位 泰潮(*新上榜)  

 图:RheaChimiristsang

位於中环嘅泰菜餐厅,价钱亲民,一个二人餐就有晒汤、小食、例牌海南鸡同甜品等等,好抵食,仲要味道有水准喎。海南鸡系餐厅嘅招牌菜,鸡肉嫩滑,识拣一定拣埋鸡油饭一齐食。而锺意咖喱香嘅朋友,都会得到满足,因为呢度嘅咖喱都好香口,又唔会劲辣,送饭一流。

第4位  DAMA(*新上榜)    

 图:mini454bellofood

呢间轻食饮品店,有多款低糖蛋糕,同埋冇牛奶成分嘅纯素软雪糕,仲要颜色鲜艳,啱晒打卡。其中,红肉火龙果味有成80%果肉,啖啖天然甜味。心太软嘅口味亦好独特,一款系咸蛋,一款系班兰,都系坊间少见。一切即见流浆,好治癒。

第3位  Outdark  

 图:gchi.hkmandymanlovefoodie

由韩国开到香港嘅炸鸡店,有5款口味嘅炸鸡,辣同唔辣嘅都有,但最受欢迎嘅,反而系芝士肋骨锅。店员以芝士卷住猪肋骨,做到拉丝效果,芝士控实忍唔到口,影完张呃like相要快快手食啦~

订座优惠:指定时段订座可享全单9折优惠 或 学生可享85折优惠

第2位 面面  

 图:phonebusHappybb

主力提供自创嘅手工鱼面,咁独有,当然有力问鼎三甲位置啦。雪白鱼面幼身啲,含鱼肉多啲,口感脆身啲;至於手工鱼面则约有50%鱼肉,口感烟韧啲;另外仲有鱼乌冬,全部嘅鱼味都好突出,清甜嘅汤底同样渗透住阵阵鱼鲜香。

第1位  Moo Moo's(*新上榜)  

 图:wingshuen1123

榜首嘅系一间新开冇耐嘅美式扒房,凭住一个$298嘅牛扒套餐,成功俘虏一众牛魔王嘅心。块牛扒系选用美国1855黑安格斯肉眼牛扒,由美国空运到港。牛脂香而肉质软,仲好juicy添。重点系,个餐可以任食薯条添呀,劲抵。

餐饮券:$100现金券


文:Kar



关键字
十强
十强名单
报榜
尖沙咀
北角
旺角
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
5天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11