68
0
0
港鐵灣仔站 A1 出口, 步行約5分鐘 繼續閱讀
電話號碼
23877168
開飯介紹
位於灣仔的美式扒房,餐廳提供單一牛扒套餐,選用美國1855黑安格斯肉眼牛扒,達至U.S. Prime等級。牛扒由美國空運到港,無經過任何雪藏。套餐包括沙律及秘製肉桂牛油餐包,並可任食薯條。 繼續閱讀
營業時間
今日營業
12:00 - 14:30
17:00 - 21:30
星期一至日
12:00 - 14:30
17:00 - 21:30
付款方式
Visa Master AlipayHK 支付寶 現金 八達通 AE 銀聯
其他資料
Wi-Fi
酒精飲品
加一服務費
食評 (70)
等級4 2020-06-17
1814 瀏覽
今日相約朋友到灣仔据扒,因朋友先到,叫佢whatsApp餐牌給我,佢影完,我覺得好奇怪,唔係影餐紙喎,再問,完來呢張就係餐牌,而且只有獨孤一味,牛扒Dinner set $298 加一。但個餐望真啲都好抵食,有4個course喎,所以叫朋友照幫我叫。到達後,見餐廳燈光柔和,非常有情調,背牆有一個好像真的火爐,細看後,見到是用電視播放著火爐的畫面,好像置身外國餐廳的氣氛;而且今日是平日晚上,但餐廳好快就滿座,是信心保證。先來一份Home-made Bread Roll ,店員問要Cinnamon butter 還是普通牛油,當然要試新穎的Cinnamon butter,好似焦糖香甜,飽又非常軟熟,頭盤沙律是Garden Fresh Romaine Salad ,生菜好清甜,超爽口,有芝士和煙肉片,好大碟。另外有個Free Flow Crispy Golden Fries,新鮮炸起的薯條,香趣,薯仔味出,簡直食到停唔到口,到主角,係8oz Premium USDA Ribeye Steak,牛扒叫了5成熟,選了最佳拍檔黑椒汁,好夾,切開,中間5成熟,而又冇血水,剛好,肉質夠淋,最緊要係肉味好濃,牛肉多汁。店員多是外國人,真係好似去左外國咁。 繼續閱讀
(以上食評乃用戶個人意見 , 並不代表OpenRice之觀點。)
從雜誌上見到這間新開不久的扒房,位處灣仔某銀座式大廈高層,室內裝修典雅,氣氛不俗,當然要同為食好友前來朝聖。 這間餐廳特別之處在於沒有餐牌,只有Drink List ,因為餐廳只供應一款套餐 : 套餐包括一客餐包,沙律,主菜 ( 牛扒 )以及任食薯條,連埋加一合共 $298。甜品另計,看看桌上那一張墊餐紙便一目了然。自家製麵包 肉桂牛油侍應先送上自家製開邊餐包,微微烘暖,散發著麵包香味,質感軟熟, 伴以帶有肉桂味的牛油,香滑好味。若然還是覺得淡味,可另外灑上附設的海鹽,不過個人覺得淡淡的肉桂味其實已經足夠。鋸扒前當然要食沙律菜清新一下味蕾先,新鮮沙律菜配上芝士粒、煙肉碎、脆麵包粒以及一小片軟滑半熟蛋,材料豐富,新鮮爽脆,顏色也很吸引。Moo moo’s 暫時其實只供應牛扒,但如果不太喜歡食牛,其實可預早在訂位時通知餐廳預備豬或雞扒,我則預告了一份豬扒,亦是用燒的造法。豬扒厚度適中,肉質鬆嫩,所以很容易切開,表層有微微焦香,火侯拿揑得宜,富肉汁有彈性,口感不俗。餐廳有自家製的洋蔥汁、秘製黑辣牛油汁,我則選了洋蔥汁,不過若然主菜味道好,其實配甚麼汁都同樣美味 !另外不得不題豬扒下面那一大堆貎似薯蓉的醬汁,非常好味,質感有少少杰身,奶白色,入面有很香的椰菜花及香草味,配白肉真的不錯。只要放低 $200 ,這把既鋒利又有型的餐刀,便可以帶回家。  其實我真的有少少心動呢  。。。。任食薯條薯條香脆,偏幼身,少少咸,油份不多,入口温度剛剛好 ,可配黑胡椒粉或茄汁,仲可以任食到夠為止。西柚汁 $29餐廳除了多款酒精類飲品外, 亦有汔水、咖啡、香草茶、果汁可供選擇,我選了西柚汁,味道甜中帶酸, 有助消化。餐廳還有幾款蛋糕甜品,可惜我們實在太飽,惟有留待下一次吧。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-14
1369 瀏覽
Moo Moo's係灣仔一間新開抵食情調扒房,記得鋪位上一手係做Fine Dining西餐,主打貴價食材黑松露同魚子醬,人均消費閒閒地千千聲,轉手後,Moo Moo's保留部份裝修,最大改變係將之前大大張嘅梳化換成普通餐枱以容納更多食客,所以可以想像餐廳環境都係走中高檔路線,不過Moo Moo's嘅消費就出奇地貼地,$298一個套餐包麵包、沙律、8安士美國肉眼同薯條任食,性價比非常高。因為真係幾抵食,都幾多人幫趁,建議最好book定位或者早啲到。餐廳環境暗暗地,都幾有情調。餐包 - 可以揀牛油或肉桂牛油,肉桂味幾重幾特別,麵包都好軟熟。沙律 - 雖然沙律入面只有羅馬生菜、麵包粒、芝士、煙肉碎同流心蛋,但沙律醬夠多,所以每一啖都食倒酸酸地好開胃。8安士美國優質肉眼扒 - 肉眼有成隻手掌咁大,唔算太厚身,不過有任食薯條所以8安士都夠,肉眼我揀左5成熟,切開中間肉色仲係玫紅色,熟成度準確,肉質軟嫩冇筋,汁醬有黑椒、紅椒同洋蔥汁揀,我揀左黑椒汁,好濃味惹味。薯條 - 一桶份量都唔少,薯條熱辣辣食落有啲咬口,因為係任食,食完我都再叫多一桶。菠蘿汁($29) - 套餐唔包野飲,我另外叫左杯菠蘿汁,唔會太甜好解渴。總結,人頭300蚊倒可以喺咁有情調嘅餐廳鋸個扒,仲有薯條任食,野食唔差都幾抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-04
1637 瀏覽
五月第三個星期五晚上,灣仔。朋友來電相約下班後晚飯,選在這家我們第一次見面的餐廳,原來現在已經變成吃澳洲菜了,轉變如此之大,當然要去看看。來到239的電梯大堂,管理員熟悉的招呼,頓時泛起熟悉的感覺,畢竟之前在這裡待過一段時間。電梯門一打開,金色流水幕簾,酒瓶換上鮮豔的花朵,吊燈,電視機旁邊變成酒櫃,真皮沙發搬走了,座位變多了,其他的基本沒變,卸下奢華感,卻散發一份優雅。餐廳的宗旨是專注以簡單的做法,高質的食材,為客人提供最原始的美味,所以他們只提供一個牛扒套餐,從前菜到主菜只要港幣298,非常划算。自家製麵包,外脆內軟的餐包跟鬆脆的多士,全是肉桂口味的,加上自家製的肉桂醬,喜歡肉桂獨特口味的一定不能錯過。田園沙律,爽脆多汁的生菜,金黃酥脆的麵包粒,巴馬臣芝士跟一片流心蛋,伴入煙肉碎更添鹹香,清爽健康又美味。8安士美國頂級USDA肉眼扒,牛扒經過美國農業部品質認證,是為最頂級(Prime)的,只有2%的牛肉可以納入此級別。肉眼扒油花豐富,肉質軟嫩有彈性,油脂香跟濃郁肉味一起在口中散發,喜歡醬汁的可以選擇自家製的黑椒汁或辣汁,但是個人習慣,如果牛肉質素夠高的話,調味只需適量海盬花跟黑胡椒,已經是頂級享受,餐廳本來的調味就是最佳風味。炸薯條,薯條的薯味比一般濃郁,應該是以新鮮馬鈴薯自家製的,炸得脆口最重要的是不油膩,沒有油炸味的,想不到連個薯條也炸得那麼有驚喜,越吃越停不下來,而且是可以無限點的,薯條控的福音啊!喝著白酒,看著熟悉的一桌一椅,跟朋友訴說著往事,物是人非的感嘆,一切彷彿回到三年前的春夏季。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-26
873 瀏覽
好耐冇鋸過扒咁啱終於考完哂試就搵左間扒房鋸扒慰勞自己餐廳位於灣仔軒尼詩道高層景觀開揚裝潢典雅餐廳主打套餐四道食品收費只係三百左右幾抵Homemade Bread Roll with Cinnamon Butter餐廳每日預先焗製麵包然後再喺上枱之前對半橫切烘烤所以觸感保持溫暖同時質感亦都金黃鬆軟配搭主廚特製肉桂牛油馥香微甜Garden fresh Romaine Salad雞蛋半熟嫩滑流心同時羅馬生菜翠綠爽嫩而且醬汁清新醒胃配搭麵包糠以及芝士碎同埋煙肉粒酥脆鹹香整體層次豐富8oz Premium USDA Ribeye Steak餐廳選用美國農業部門極佳等級品質認證肉眼牛扒肉質柔嫩而且油花紋理細密同時油脂豐腴甘香;牛扒逆紋斜切口感相對柔軟而且溫度以及時間掌握完美表面焦香同時肉質依然粉嫩鮮紅跟配黑椒或者辣椒兩款蘸醬都係主廚調配可以按照個人喜好選擇Free Flow Crispy Golden Fries幼切薯條香脆通透而且油膩感輕可以無限續添Sparkling Wine / House Red 汽泡細緻持久而且略帶果酸感覺清爽可以作為餐前汽酒;紅酒相對輕柔順滑適合配搭牛扒避免衝突 繼續閱讀
(以上食評乃用戶個人意見 , 並不代表OpenRice之觀點。)