318
16
3
港鐵尖沙咀/尖東站 J 出口, 步行約2分鐘 繼續閱讀
所有分店 (1)
電話號碼
95272033
開飯介紹
作為一間主打健康飲食的輕食飲品店,餐廳提供各種口味的素食沙律、低糖蛋糕等,當中最受歡迎是無牛奶成分的純素軟雪糕,無牛奶及雞蛋成分。每日有兩種口味選擇。 繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
當面支付
食評 (389)
悠閒的日期,最好相約姊妹聚會,姊妹的話題總是離不開對食物的美味程度,「DAMA」味受精緻富有特色純素的午餐,享受慢活寫意的生活,當然感覺開心快活。餐廳門前擺放食物的介紹,十分吸引,令人期待,地理位置方便,很有家的感覺,一個人來或幾個朋友一齊來都很適合。餐廳的設計色彩繽紛,品舖裝修簡約,店內空間感很好,環境整齊優美,乾淨整潔,氣氛輕鬆。坐下後立刻點食物,餐牌選擇很多,分門別類,十分有心思的設計,食物質素良好,上菜速度頗快,享受美食的滿足滋味。餐廳備有不同的飲品可供選擇,總有一款適合你。我們選擇了和風紫菜百頁豆腐淮生拌麵及招牌水果烏龍茶。 和風紫菜百頁豆腐淮生拌麵我選了和風紫菜百頁豆腐淮生拌麵,冷麵爽口彈牙,軟硬適中,加上車厘茄、豆卜及紫菜,十分開胃,豆卜及紫菜煙韌度很好,醬汁配合得宜,十分惹味,芳香的味道仍在口中留戀許久,別有一番風味。招牌鮮果烏龍茶我最愛招牌鮮果烏龍茶,很多不同的生果,新鮮美味,西柚、蘋果、藍莓、蘋果、奇異果及橙等,增加口感,清涼的快感,令人心曠神怡,喝後在喉嚨徘徊片刻,充滿優雅不膩的滋味,口感細膩的飲品。扭紋軟雪糕 (紅豆及芒果) 及 港式雞蛋仔軟雪糕雪糕賣相吸引,十分天然,我選擇紅豆及芒果,雪糕由歐洲進口,雪糕製造時沒有用奶,唔會太甜,感覺無負擔,原始的味道,口感香甜軟滑,雪糕質地creamy,紅豆味道清甜,芒果味道香,二者很夾,質感夠細密,充滿優雅不膩的滋味。雞蛋仔外脆內軟,多食都不會膩,瞬息之間便食了,食後非常滿足。DAMA(尖沙咀)地址:尖沙咀梳士巴利道18號Victoria Dockside K11 Musea 4樓411號舖   繼續閱讀
(以上食評乃用戶個人意見 , 並不代表OpenRice之觀點。)
餐廳裝潢充滿特色,活像熱帶雨林的花牆,打卡一流。另外,寶藍色牆上的烈焰紅唇,維妙維肖,女生來到必定瘋狂打卡! 紅肉火龍果+竹炭可可椰子雙味軟雪糕 $48雪糕絕對是純素者的福音,火龍果入口冰爽,質感像雪葩,相機食先後,快快吸啜一口,火龍果香充滿口腔,非常清新。清香中帶椰子香氣,還有可可的甜香,啖啖吃到火龍果籽,感覺健康。雪糕雞蛋仔 ($79)雞蛋仔賣相吸引,熱辣辣,香脆可口,中間填滿楊枝甘露雪糕及雜果,滋味香甜。芒果的蜜甜碰上柚子的酸,酸甜交雜,配上草莓、奇異果果肉,每口鮮甜窩心。熱燙的雞蛋仔,與冰涼的雪糕混合在一起,口感冷熱交融,楊枝甘露奶香吸引,無比誘惑。斑蘭心太軟+火龍果軟雪糕 $72厚身的心太軟微熱,切開時斑蘭流心緩緩流出,入口是清幽的斑蘭香味,令人迷醉。配一球火龍果雪糕,配搭香滑細膩。一口冰爽雪糕,一口軟滑心太軟,冷熱交替,十分甜思思。越式檬粉素菜捲 $58素菜捲餅皮煙煙韌韌,卷內包裹雜菜絲及檬粉,雜菜入口清新,加上彈牙檬粉,充滿咬感,沁出白醋味道帶微酸,很滋味呀!地瓜薯條 $38薯條新鮮炸起,熱呼呼,質地粗身綿密,充滿地瓜純樸的甜香,十分滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-27
1742 瀏覽
/DAMA🇭🇰/➖➖➖之前食過一次佢哋嘅紅火龍果雪糕覺得幾好味早排見有幾隻新口味事隔半年多再番encore😝仲發現多左好多新產品 有甜有咸 仲有抗疫湯水太多野想食 唔知嗌咩好🙉今次食左呢幾樣當tea食剛好👍🏻下次再試下affogato先➖➖➖1️⃣榴連開心果雙味雪糕 $72 每日嘅款式都有唔同 食之前可以睇下當日有咩兩款口味都幾濃郁 個人覺得兩隻味一齊食榴連味會更重~ 好似食梗真榴連咁分開食嘅話都食到開心果嘅味 如果鍾意食開心果唔食榴連就建議要單一口味唔知係口味問題 呢兩隻味較易溶 水果味就慢啲➖➖➖2️⃣雙味雪糕雞蛋仔 $74 今次一於食埋雞蛋仔 同人share 剛好雙味雪糕揀左經典嘅紅火龍果同芒果更鍾意紅火龍果 有果核 而且火龍果幾出自己食會好飽😂雞蛋仔係幾香脆、重蛋香但唔會俾雪糕浸腍左 而且連埋一齊食係幾夾仲有幾多種類嘅生果解膩!底部仲有我幾鍾意嘅granola 幾有口感不過有少少硬➖➖➖3️⃣越式檬粉素菜捲 $58唔想淨係食甜野 想食番啲咸野就叫左份wrap 而且本身都幾鍾意食🥰第一啖食到有微酸微辣味道 有沙律菜同米粉 鍾意米粉嘅口感 幾彈牙Wrap 嘅餅皮厚薄均勻 唔會好乾好易鬆散如果可以多少少越式醬汁同其他配料就好會更加似食梗檬粉😜➖➖➖4️⃣雜莓乳酪沙冰 $48 另外都要左款芒果熱情果沙冰 但個人更鍾意呢款口味~因為佢較為酸 更開胃、清新 而且夏天飲最適合不過 但有啲人可能會覺得酸得濟🙉➖➖➖5️⃣芒果熱情果沙冰 $48 飲落冰感會重少少 無咁易沉澱芒果味會更突出 可能熱情果會好酸所以呢個應該會加多啲啲糖 較雜莓甜唔鍾意飲太酸 呢個combo 會更合適🥰➖➖➖📍DAMA 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-24
1297 瀏覽
之前ig有一排經常俾呢度既紅色雪糕洗牌 今次終於輪到我嚟呢度食吓佢既純素雪糕有幾正😆 真係幾意外 原來Vegan軟雪糕 無牛奶既軟雪糕原來都可以咁正 邊食邊睇吓鋪頭既介紹 原來呢個紅肉火龍果雪糕當中80%成份都係用咗菲律賓紅肉火龍果不過起講雪糕有幾正之前 先講吓原來呢度除咗純素雪糕之外仲有一啲小食 好似捲餅啦甜品蛋糕曲奇咁 飲品方面選擇都唔少 有冷榨果汁同沙冰咖啡茶 任君選擇 素都可以好多選擇🤩我地叫咗份小食捲餅share 呢份係日式芥末豆腐卷 裡面有好豐富既蔬菜 食落口感好豐富 好脆口 菜中間仲夾離住一啲豆類同豆腐粒 食落去都幾實在 裡面仲加咗啲芥末醬 令到呢件捲物清新得嚟又開胃 晏呢個靚捲餅之外仲叫咗冷榨果汁 叫咗杯神石榴雪梨檸檬汁 睇到呢個配搭唔錯喎🤯神石榴勁抗氧化 飲返杯補吓水都好😌 飲落幾清甜 價錢貴貴地但飲落好實在無添加 另外仲叫咗杯奇異果香蕉乳酪沙冰 沙冰幾幼細 入口係綿密個種 飲落奇異果香蕉乳酪三種材料既味道都好平均 比例幾好 飲落完全feel到真正個3樣材料既味道 天然好味舒服 無死甜同人工味 幾正😌嚟到戲肉 不得不提佢地嘅純素雪糕真係超正😋再行K11 一定會再去買嚟食 分別叫咗個紅火龍果雪糕同榴槤雪糕 店員仲會問客人cone想要咩顏色 打卡一流 不過食落除咗賣相奪目之外 🤩食落質素都幾驚艷 純素既雪糕無奶成份原來都可以咁好味 真係好有驚喜🤯呢兩款純素雪糕食落質地係介乎於我哋平時食開普遍既雪糕同雪葩之間 入口幾綿滑 果香都好出眾 紅火龍果個種味道好突出 仲會食到一點點幼細唔突兀既紅火龍果籽 好原汁原味咁帶到呢款水果既特色出嚟鐘意食榴槤既人一定唔可以錯過佢既榴榴純素雪糕 一食落去好似食緊原件榴槤咁 不過入口係幼滑既冰同雪之間既質感 味道激香濃 入口之後好回味 口腔完完全全係充斥住榴槤既果香 可以品味到好味榴槤同樣既味道但體驗到唔一樣既滋味 勁推介大家行K11 musea既話嚟食吓佢既榴槤純素雪糕😋 繼續閱讀
(以上食評乃用戶個人意見 , 並不代表OpenRice之觀點。)
之前已經聽過朋友介紹依間既雪糕,今日係K11 musea行街經過見裝修幾靚就入左去試❤️餐廳選用純素雪糕,無任何雞蛋同牛奶既成份,岩哂對雞蛋同牛奶有敏感既人士,而且感覺上比較健康紅肉火龍果mix菠蘿+薑($42)特別既係佢質感上好紥實,吾會好似平時食雪糕咁咁易溶,而且食完無平時食完雪糕咁口渴,我叫左mix因為想試多d吾同既味😝火龍果有80%用菲律賓紅肉火龍果,所以味道濃郁,有d似食雪芭咁,而且平時出面好少食到有火龍果味既雪糕,而薑味都好濃,不過食完覺得火龍果mix薑味有d吾係好夾,所以下次都係就咁食火龍果味算😛楊枝甘露mix榴連($68)榴連雪糕係選用貓山王榴連,味道超濃郁!!平時食好多都係貓山王加牛奶,但佢有80%都係果肉,榴連味好香,所以雖然係mix左楊枝甘露,但食落去已經蓋過左佢既味道,對鍾意食榴連既人黎講真係好滿足☺️芒果希臘乳酪杯($38)乳酪上鋪滿granola,配埋芒果醬食口感軟滑,味道吾會太甜香蕉士多啤梨乳酪沙冰($48)雖然飲落去無咩沙冰既口感,反而係有d似飲奶昔,但香蕉士多啤梨味好濃郁清新,而且依個配搭好夾🥰地瓜薯條($38)一拎起手仲係熱辣辣,薯條外脆內軟,味道香甜,而且咬落去啖啖都係地瓜蓉好足料日式麻醬豆腐卷($58)本身應該係配芥末但因為無哂所以轉左配麻醬,捲餅既材料好豐富,有蕃茄仔,青豆,蘿蔔條同豆腐,第一次食豆腐既捲餅,配豆腐食口感更加軟綿,餅皮軟潤好有咬口,係健康人士之選❤️ 繼續閱讀
(以上食評乃用戶個人意見 , 並不代表OpenRice之觀點。)