474
24
3
港鐵尖沙咀/尖東站 J 出口, 步行約2分鐘 繼續閱讀
所有分店 (1)
電話號碼
95272033
開飯介紹
作為一間主打健康飲食的輕食飲品店,餐廳提供各種口味的素食沙律、低糖蛋糕等,當中最受歡迎是無牛奶成分的純素軟雪糕,無牛奶及雞蛋成分。每日有兩種口味選擇。 繼續閱讀
營業時間
今日營業
12:00 - 20:30
星期一至日
12:00 - 20:30
公眾假期
12:00 - 22:00
公眾假期前夕
12:00 - 22:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
當面支付
食評 (566)
等級4 2021-08-11
817 瀏覽
純素雪糕杯 - 貓山王榴槤 $48呢個係新產品,有紅肉火龍果、貓山王榴槤、竹炭椰子可可、日本京都抹茶、楊枝甘露和燕麥奶六種口味。我哋就揀左貓山王榴槤味,估唔到榴槤味甘香濃,食落口感軟滑,好似食緊榴槤咁,榴槤控必叫!.純素雪糕 - 開心果 $68每日都有幾款唔同味道揀,我地就揀左開心果味,感覺上特別啲!開心果味超濃,入面重有好多開心果碎粒,質感軟滑得來,又有豐富口感,真係好好味!.牛油果燒烤醬素菜卷 (跟餐連飲品 $88)素菜卷健康又飽肚,入面嘅餡料超滿,有好多牛油果、香菇和雜菜,而且材料都好新鮮,加上燒烤醬,令個素菜卷變得更惹味。.麻辣百頁豆腐淮山拌麵 (跟餐連飲品 $88)淮山麵口感彈牙,用上自家製嘅麻辣醬汁,食落幾香又唔會好辣,撈埋d麵一齊食,幾惹味又開胃。加上配料都好健康,有百頁豆腐、沙律菜、車厘茄、香菇和豆。.招牌鮮果烏龍茶果味幾清新,飲落味道唔會好甜,而且入邊仲有好多新鮮雜果可以食。.火龍果海鹽杏仁奶蓋烏龍茶用上杏仁奶和豆腐製作奶蓋,感覺更加輕盈,而且仲健康啲。茶底係火龍果烏龍茶,飲落味道好清新,仲有粒粒果肉係入面,茶味同火龍果味互相平衡,呢杯真係好推薦! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-07
600 瀏覽
每次過嚟K11都會行經哩間輕食cafe,次次都見到好多人係到食雪糕,今次終於到我入去試下😆餐廳環境好靚,有一面綠色既植物牆啱晒打卡,而且入面有啲梳化位。餐牌上面有唔同既輕食可以選擇,而哩到既雪糕不含蛋奶成份,啱晒素食者。收銀位有塊板介紹cafe新推出既純素雪糕杯,有多款口味,包括紅肉火龍果、貓山王榴槤、竹炭椰子可可、日本京都抹茶、楊枝甘露同燕麥奶,買八杯或以上仲會送冰袋。今次我同朋友就揀左以下食物share👇🏻🍦楊枝甘露純素雪糕杯 $38今次專登揀左一款新出既純素雪糕杯試下,點知好有驚喜!雪糕入口質感軟滑,味道真係好似食緊楊枝甘露咁,芒果同西柚味好出,好食推介👍🏻🍦純素雪糕 $68 & $48純素雪糕每日都有四款唔同口味可以選擇😆今次我地就揀左開心果同竹炭椰子味,開心果雪糕面有啲開心果粒粒,而且入口開心果味道超濃郁,而竹炭椰子味入口微咸,竹炭味道好出,非常特別,兩款雪糕同樣質感柔滑,口感有少少似食雪葩。✨卷物加飲品 $88🫔牛油果燒烤醬素菜卷素菜卷好大卷,一隻手都揸唔晒,而且皮軟薄餡料豐富,入面有好多新鮮蔬菜同香菇,燒烤醬都幾香,牛油果好creamy,食完其實已經食左好多菜,非常健康!🍹雪梨蘋果四季春味道天然,有淡淡的雪梨同蘋果香味,入口係新鮮水果既清甜。🥣清熱除濕湯 $38個湯非常足料,杯入面既湯料亦唔少,包括粉葛、腰果、赤小豆、粉葛同扁豆,因為加左腰果既關係,所以即使個湯無落肉,都已經好夠味,個湯可以清熱除濕,好啱香港既夏天飲!整體黎講,餐廳環境又靚又舒適,而且即使係素食,都整得好好味,如果你鍾意食素食或者未試過純素雪糕既話,都可以黎試下。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-16
1251 瀏覽
素食可以係近年大熱!今晚就去咗K11 Musea嘅DAMA,食咗個輕量級又滿足嘅純素晚餐🥰◭ 和風紫菜百頁豆腐淮山麵拌(配風紫菜汁+和風沙律汁)醬汁絕對係呢個主菜嘅靈魂,加了醬汁後的百葉豆腐和淮山麵,十分開胃,拌以沙律菜,蘑菇和青豆,令成個主食更豐富和健康。◭ 牛油果燒烤醬素菜卷清新的香草味道,卷物內的牛油果和生菜都好新鮮,食完成個人都fresh哂。◭ 四式迷你雪糕筒 呢款迷你雪糕筒可以試到四款味道😍今晚有三款雪糕味道,分別係開心果,橘子乳酪和榴蓮。👍🏻開心果味道好出色,雪糕香滑又帶香濃開心果👍🏻榴槤味道未食,已經聞到好濃烈榴蓮味,呢款雪糕非常啱榴蓮控,每一啖雪糕好似食緊榴蓮◭ 火龍果雪糕 (杯裝)口感似雪葩,微酸微甜,是不錯的消暑甜品。◭ 雪梨蘋果四季春 ◭ 柚橙凍粒粒 全晚最驚喜嘅係DAMA的水果茶系列,味道天然,不太甜但又能保留生果嘅味道。值得推介!👍🏻👍🏻👍🏻DAMA主食、雪糕及飲品味道達四星水準,推介純素朋友試試👍🏻👍🏻👍🏻加上雪糕味道不定期更新,一定有驚喜帶埋大家🥳 繼續閱讀
(以上食評乃用戶個人意見 , 並不代表OpenRice之觀點。)
素食不等於Dry!好似K11 Musea嘅DAMA,主打一系列純素雪糕及輕食,唔止健康又美味,食品亦有極高顏值!啱晒我呢啲怕肥又鍾意打卡嘅女生!🤣​✦ 火龍果‧楊枝甘露純素扭紋雪糕​嚟得DAMA,食純素雪糕是常識吧!​DAMA係做冷榨果汁起家,用呢啲果汁製造嘅雪糕,生果成分比例多達85%,加上歐洲入口嘅雪糕粉,雪糕基本上都不含糖、水及牛奶,百分百呈現水果原味,患乳糖不耐症嘅朋友亦唔驚食用。​店家每日都有4款雪糕比人揀,今次我就試火龍果及楊枝甘露兩款扭紋口味!味道上,我覺得自己食緊一個超濃郁嘅火龍果,再夾雜香甜嘅楊枝甘露,口感好清爽,與其話似雪糕,我覺得更似雪葩!食晒成杯都無罪惡感!​值得一讚係,呢度嘅雪糕亦無平時食開嘅咁易溶,我影咗2-3分鐘都無樣,真係打卡恩物!😝​​✦ 自家製麻辣百頁豆腐洞庭烏冬(套餐連飲品一杯)​烏冬加醬汁,好煙韌彈牙!百頁豆腐中間軟熟得嚟彈牙,口感幾好。另外,烏冬下有大量沙律菜、豆及香菇,食落都唔覺Dry。​​✦ 牛油果燒烤醬素菜卷(套餐連飲品一杯)​BBQ醬加牛油果,好有口感及惹味呢!我好鍾意個烤餅,送上枱時仲熱辣辣,食上口又鬆脆,好正!​​✦ 純素奇亞籽芒果燕麥奶芭菲奇亞籽被譽為「超級食物」,加上天然抗氧化劑「燕麥奶」、芒果果泥及一系列堅果,既健康,又可口。​​✦ 火龍果海鹽杏仁奶蓋烏龍茶呢款特飲個火龍果茶底好濃郁!無額外加糖都好夠甜!另外,海鹽杏仁奶蓋口感幼滑,甜甜咸咸,不錯!​​✦ 招牌水果烏龍茶呢款水果茶就勁足料!一杯有齊蘋果、橙、藍莓、百香果、士多啤梨等新鮮水果,​配上台灣烏龍,口感甘醇又果香濃郁,解暑一流。​ 繼續閱讀
(以上食評乃用戶個人意見 , 並不代表OpenRice之觀點。)
前幾天相約姊妹共聚,最近食泰國食店比較多,姊妹想轉下口味食素食,為了滿足姊妹的慾望,上網得知尖沙咀K11 Musea「DAMA」純素雪糕好出名,使用的食材新鮮,非常受顧客喜愛。餐廳的設計色彩繽紛,環境裝修優雅,整齊美麗,乾淨舒適,氣氛輕鬆。店中有一份雅緻休閒,入面及外面都有小量坐位提供,周圍添置很多充滿風情的藝術格調,打卡好適合。進入餐廳後,見到餐牌的素食及純素雪糕,每款價格相宜,未食巳吸睛,令我胃口大開。純素雪糕的口味每日都唔同,不定期轉換,每日大概有三至四款軟雪糕提供給客人。最新推出的期間限定雪糕杯,六款不同的口味,每款都非常吸引我的目光。港式雞蛋仔軟雪糕純素雪糕無蛋無奶,我選擇了紅肉火龍果軟雪糕,比一般雪糕低80-90%脂肪,入口溶得快,食落好滑,不會好甜。外層是朱古力雞蛋仔,入面是生果,仲有堅果。朱古力味雞蛋仔,朱古力味香濃,外脆內軟,生果是蘋果、士多啤梨及奇異果等,帶點酸味,十分新鮮,堅果健康有益,整體配搭很好,色彩鮮明,齒頰留香,值得推介。楊枝甘露及日本京都抹茶最新推出的期間限定雪糕杯是純素雪糕,六款口味,我選擇了楊枝甘露及日本京都抹茶,楊枝甘露非常香甜,日本京都抹茶帶出淡淡的抹茶香味,二款雪糕杯同樣軟滑,口感衝擊味蕾,饞嘴的我很想Encore。牛油果燒烤醬素菜捲素菜捲切開成二份,餅皮入面有牛油果、菜苗、雜菇及生菜等,好飽滿,細細咀嚼之下,口感層次豐富,充滿優雅不膩的滋味,百吃不厭的推介。鹽烤百葉豆腐豆腐去炸,之後加鹽,油膩感少,鹹香味道,鬆化有咬口,感覺非常彈牙,口感煙韌,我食不停口,不能抗拒它的誘惑。DAMA(尖沙咀)地址:尖沙咀梳士巴利道18號Victoria Dockside K11 Musea 4樓411號舖  繼續閱讀
(以上食評乃用戶個人意見 , 並不代表OpenRice之觀點。)