全城抗炎!屋企都叹到三层架下午茶 Tea Set外送/外卖自取推介
2020-09-18

因应新型肺炎,唔少酒店同餐厅都开拓外卖服务,而家连Afternoon Tea Set都可以外卖自取,或安排外送服务!将自己屋企变成Home Cafe,咁就食得放心又可以继续打卡呃Like啦。
 

30周年艺术外卖下午茶   乐聚廊

金钟呢间酒店开业30年,最近搵嚟俄罗斯籍艺术家Anna Salenko合作,推出艺术外卖下午茶。无论系4层架定系小熊纸盒设计都好精美。4层架上总共有24件咸甜点,包括法式迷你周年纪念蛋糕 (法国柑桔果酱和黑朱古力慕斯)、意宁谷Tiramisu芝士蛋糕等。另外仲会送限量港丽小熊公仔同TeaWG 香茗茶包。

订购方法:於官方网站订购後,指定日期时间到店提取

Butterfly Patisserie 外卖自取精致下午茶


尖东呢间酒店都推出全新外卖自取下午茶,分量可供2-3人享用,有齐多款咸甜点,包括特色三文治、时令甜点、招牌大溪地云呢拿千层酥,同下午茶唔少得嘅新鲜焗制英式松饼!配搭士多啤梨果酱、香橙果酱、奶油忌廉同两个自选茶包(英式早餐红茶或伯爵茶)。

订购方法:於官方网站订购後,指定日期时间到店提取
 

茶园 经典下午茶

君悦酒店最近推出经典下午茶嘅外卖版本,招牌伯爵茶英式松饼、鲜虾及龙虾泡芙、芒果乌龙茶挞等等都有齐。可惜嘅系外卖就无咗即点即制甜品吧和雪糕柜,无得疯狂食雪糕啦。不过法式酒桶蛋糕、马卡龙同松露朱古力都有喺外卖盒当中,而且外卖自取有85折!

订购方法:於官方网站订购後,到店提取或安排外送服务
 

GREEN 飘香榴槤下午茶

榴槤控注意!尖东呢间酒店推出「飘香榴槤下午茶」外卖套餐,由有「榴槤王子」之称嘅糕饼行政总厨何伟诚师傅用马来西亚直送猫山王榴槤果肉入馔,创作出D24迷你芝士蛋糕、抹茶荔枝D24榴槤卷、猫山王榴槤布甸、榴槤斑兰糯米糍等一系列榴槤甜品。

订购方法:於官方网站订购後,指定日期时间到店提取
 

DK Cuppa Tea 梦幻飘雪乐园下午茶

上环呢间由香薰品牌开设嘅茶室亦有Tea Set外卖自取/外送服务,而且仲包埋三层下午茶纸架!佢哋Tea Set不时更换主题,最近就系蓝色嘅「飘雪乐园」,浅蓝色嘅伯爵茶马卡龙、木马伯爵茶曲奇带佛手柑独特香气,配松饼玫嘅瑰果酱花香浓郁。

另外最新仲即将会喺8月17号推出两款下午茶,分别系「宠幸游踪下午茶」同「森林摇篮曲」下午茶,前者仲可以加购狗狗专享下午茶零食盒,同狗仔一齐叹tea~ 至於後者则系以猫猫做主题嘅野餐篮,猫仔头+patpat+脚掌造型嘅棉花糖超kawaii呢~ 不过食完个篮系要交还返嘅留意返。

订购方法:於官方网站订购後,到店提取或安排外送服务
 

更多【全城抗炎】专题:
1. 送上门懒人煮食包及套餐大合集2.0 花胶炖汤/火锅/铁板烧
2. 将屋企变Cafe 网购咖啡包/冷泡茶/甜点推介
3. 新手在家 也能轻松自制Cocktails 鸡尾酒礼盒+教学

 
四季酒店The Lounge 经典双人下午茶


香港四季酒店日前新增网店,由行政饼房主厨Ringo Chan 主理,唔单止有齐各款面包、蛋糕,连经典下午茶都可以外卖自取返屋企慢慢叹!纸盒特别设计成四层,摆满英式松饼,精致咸点、甜品。松饼系手工制作,每日新鲜烘焙。

订购方法:於官方网站订购後,指定日期时间到店提取
 

Fortnum & Mason 经典英式下午茶

呢个嚟自英国嘅零售及餐饮品牌推出全新外送菜单,当中就包括享负盛名嘅经典英式下午茶。有齐手指三文治,原味、提子乾松饼配果酱三重奏及凝脂忌廉,同精选下午茶蛋糕。最後配返两杯Royal Blend红茶,即系1902年为英王爱德华七世调配嘅皇家红茶!
 

呢间得到英国皇家认证嘅过江龙人气店亦新出外带松饼,每日12:00、14:00,同16:00分三转新鲜出炉,有原味同提子乾两款口味,数量有限售完即止。去到仲可以拣埋心水茶叶同果酱呀。

购买方法:亲临分店外卖自取或用指定手机程式
 

半岛酒店饼房 英式松饼连茶包


虽然唔系三层架,不过如果钟情英式松饼嘅话,亦可以考虑半岛酒店嘅经典下午茶及松饼Set,包括半岛特色松饼(原味及提子乾口味)、士多啤梨果酱、酒店自家制奶油同茶包。始终系日卖超过600个嘅名店,质素自然有保证。

订购方法:於官方网站订购後,到店提取或安排外送服务




文:Cathy、Kar
图:官方网站截图,餐厅提供

关键字
全城抗炎
下午茶
Afternoon Tea
松饼
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
4天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12