TOSS 蘇媽.蘇媽

Open Now

Now Closed

蘇媽•蘇媽新界沙田新城市廣場第1期第1層107號鋪Shop No. 107, Level 1, New Town Plaza Phase1. Sha Tin, New Territories喺香港食東南亞 馬拉菜式大家一定會諗起蘇媽•蘇媽最開始未認識呢間餐廳嘅時候 都係俾佢個名吸引咗沙田呢間裝修充滿馬拉風情 燈光都係黃黃地🤣😂蜜糖燒雞翼(2隻）——雞翼皮薄多肉 甜甜嘅蜜糖 ——燒得香脆大雞翼打孖上重量下午茶 A+BCombo怡保雞絲滲滲椰香咖央多士——一路食雞絲滲滲 左手拎起椰香咖央多士😳三色拉茶拉茶好多人以為係奶茶 覺得兩者其實一樣其實茶味係路唔同架 拉茶是用兩個杯子遠距離倒來倒去，看似拉來拉去，故名「拉茶」虎咬獅虎咬獅Neslo 是一款在馬來西亞相當受歡迎的飲料，由MILO + 咖啡調配出黃金比例的濃厚口味，入口就能感受到的香濃滑順～除了大馬美祿濃郁的麥芽可可香半熟溫泉蛋

♡‎ ♡‎‎ ♡‎ ♡ 沙田 - 蘇媽 ♡‎ ♡‎‎ ♡‎ ♡‎ 沙田終於開咗蘇媽啦 一直期待已久之前係荃灣食過覺得好好食沙田分店裝修保留馬來風而且更新淨枱面仲有唔同瓷磚pattern🔹午餐B3.辣死你嗎配烤雞髀 $89點呢個餐因為綠色飯好靚嚟到試下 真係有啲椰汁味另外烤雞脾好巨形外脆內軟🔹跟餐追加：椰香咖央多士 $38兩隻味混埋一齊好好食而且多士細細件易入口🔹D108 美祿恐龍 $9勁多美祿粉喺杯面撈埋一齊食 有另一番風味係有少少甜 不過正常都係咁🔹跟餐追加：海南炸雞球 $38大大件雞球一上枱咬開仲出煙◆*．◆*．◆*．餐廳資訊◆*．◆*．◆*．📍TOSS 蘇媽.蘇媽 (沙田)沙田沙田正街18號新城市廣場1期1樓107號舖

☘️上個月同朋友去咗旺角間蘇媽蘇媽試，因為一次試唔哂啲嘢，就冇食到肉骨茶。前兩日就專程去新城市廣場試吓佢另一間叫TOSS蘇媽蘇媽嘅分店！去到門口，外面仲有好多等緊位，我哋響電子版拎咗飛之後，等咗十五分鐘左右就有枱了（因為已經係兩點幾啲人食完午餐）☘️幸運地被安排咗個卡位，坐得幾舒服。呢間同旺角個餐牌內容有啲唔一樣，可能因為新城市流量高，午市有三個唔同嘅套餐- 79，89 同129。 小食同甜品都可以追加，真係好方便，啱哂我呢啲有選擇困難症嘅人😜☘️我哋叫咗一個89 嘅套餐，揀咗辣死你媽配炸雞肶，另一個129嘅就當然係不可不試嘅一字骨肉骨茶啦😜 個肉骨茶真係好濃藥材香味，一字骨入味又淋，配白飯一流！至於個辣死你媽個飯用班蘭葉煮，顏色吸引味道又香。小食我哋點咗蜜汁燒雞翼，同埋椰汁咖央多士做甜品，呢度啲份量都幾大，我哋最後全部KO哂，好鬼飽！ ☘️最後不得不讚佢個貓山王榴連沙冰，用料充足，滿滿嘅榴連香味，榴連控真係不能錯過😋😋😋👍

平日放假，最鍾意可以晏少少食個舒服午餐，唔使同人迫，但估唔到平日下午2:30嚟到沙田新城市廣場嘅”蘇媽”都要等位門口有自助取要等位，大約5分鐘可以入座。平日2點幾3點都坐滿晒客，真係好誇張餐廳內環境舒適，座位同通道都寬躺，令人食得舒服。午市精選逢上午11:30至下午5:30供應。下午茶就下午3:00至5:30供應。今次點左兩個午餐1. 椰香咖喱叻沙，內有豆角、豆卜、魷魚、蝦、螄蚶、魚肉圏，餸菜超多。湯底超級濃郁，配粉分掛晒湯底十分美味，誠意推介2. 檳城亞參叻沙，內有魚蓉、菠蘿、青瓜絲、紅洋菜、薄荷葉，另有亞參醬另上，夠晒細心3. 檳城白咖啡、美綠恐龍。兩杯都好好飲，特別係美綠恐龍。咖啡夠香濃，美綠份量超多，飲一杯已經好飽4. 椰香咖央多士(追加小食+$38)，多士烘得夠脆，咖央醬塗得好平均，必試整體來講，餐廳環境舒適，食物性價比高，可以一試再試

沙田新城市廣場呢間蘇媽·蘇媽，排隊等嘅人多過其他分店好多，之前食過大角嘴果間，質素係點，自己都好清楚；大體我會形容係，飲品就盡量保持左馬拉風味，但食物就係經過本地化，藥材味沒有太濃而迎合香港人口味。馬來西亞拉茶，其實原理同意大利泡沫咖啡相似，都係透過打入空氣令到杯飲品更加滑身，呢杯拉茶味道係偏甜，茶底香，畢竟南洋嘅人都係鐘意甜野。之後我叫左一個大嘅肉骨茶，做法如果同馬來西亞巴生相比，自然不盡相同。馬來西亞肉骨茶混合左中藥（枸杞、黨參、當歸、玉竹、川芎）和香料（包括八角茴香、桂皮、丁香、大蒜、甘草、花椒、甘蔗、羅漢果、胡椒）及肉排，熬製多個小時而成濃湯，但明顯呢種做法對於香港人而言並不容易接受，所以餐廳做行左本地化，將味道調教偏淡，加重左鹹味，令到成件事更容易入口。佢嘅肉排有晒本身湯嘅味道，肉質亦爽，加少少醬汁落去一齊食會更香濃。豆卜食嘅時候要比較小心，因為本身湯底係非常熱，豆卜吸晒湯汁之後即刻入口會容易辣親。豬肚係一個本地化左嘅特色，始終迎合左香港人口味，爽口。總括而言，我覺得呢間餐廳嘅定位十分聰明，熟悉香港人嘅口味，再加以調適，令到佢十分成功。

約了朋友到沙田逛已經唔算新嘅日本藥妝店。順便吃個late lunch, 假期後遺症， 真的很難早起呢！今揀左蘇媽， 因為想食肉骨茶。同系嘅餐廳我久不久都會去，這沙田店感覺更舒適，因為我們咁啱有卡位坐，就更寬敞了。跟我吃過的其他店不同， 這間有Lunch Set, 款式都幾多。我地點了一份辣死你媽配烤雞脾 ， 一份肉骨茶一字排 ， 飲品是虎咬獅和貓山王沙冰， 另外加了咖央多士和蜜糖燒雞翼。辣死你嗎嘅斑蘭椰漿飯很香甜， 配辣醬同小魚干，冇餸都可以KO整份，雞腿炸得很乾身，很脆卜卜的，不過 雞肉尚算嫩滑。肉骨茶我喜歡重口味的，濃郁的藥材味加胡椒的辛辣，這家的店雖然胡椒味不夠重不夠辛辣，但湯味很濃郁，配上燉得腍軟的一字排，配埋碗白飯，好味！飲品是虎咬獅大戰貓山王！慚愧我還說是馬來食物的愛好者，但虎咬獅竟然是第一次飲。這款飲品還不是新野而是已經有30年歷史！源自霹靂州太平這地方，據說飲了好架勢，會精力充沛。到底是什麼這麼勁，查實就是古法咖啡加美祿(可可粉),熱量加咖啡因,就係咁簡單。我是完全不吃榴槤的人，但朋友很愛， 貓山王沙冰雖然價錢貴， 但真的真材實料，食出啖啖榴槤肉，很濃味。我冇留意餐牌，

馬拉菜首選每次都要拎飛排隊晚餐時間大約等30-60分鐘必食椰香咖央多士椰香濃烈，多士焗得好脆可口咖央配上牛油一試難忘！鮮魷炒通菜微辣的很開胃鮮魷十分爽口通菜很新鮮砂煲老鼠粉香噴噴熱辣辣銀針粉配上十分多的魚仔，蝦米，炸蒜等口感層次更提升份量亦算大呢！檳城福建蝦麵材料超豐富有豆卜，半個蛋，腩肉，魚片等腩肉肉質適中魚片彈牙配上油麵十分夾！馬來西亞拉茶奶味更出，飲落層次更高！馬拉傳統風味濃！

餐廳佈置比其他分店更具特色,更有地道馬來西亞風,看得出裝飾很講究,雖然客似雲來,但是店員仍很有耐性地,侍客絕不馬虎,效率甚高,說到食物首選的檳城福建蝦麵,絕對值得一試,除了爽脆的大蝦,肥美的豬腩肉,索透湯底的豆卜和芽菜,彈牙魚蛋,差不多清晒個湯底,然後再來一個辣死你嗎配仁當牛肋條椰漿飯,乾魚仔、脆花生、蝦片、青瓜片,畧嫌椰漿飯不夠椰味,不過飯後甜品要了一個貓山王榴槤沙冰,就榴槤香味濃郁,而且大大杯值回票價,總結這頓飯和餐廳的佈置充分令人感覺在馬來用餐的感覺,滿足了冇得去旅行的香港人。

蘇媽蘇媽喺深水埗起家，越做越大，有好多分店，而家有埋分線TOSS。一開始有唔少差評，而家好似做得越嚟越好。雖然我未去過深水埗嗰間，但感覺都有七八成似。*辣死你嗎配烤雞脾 $83雞脾外皮炸到卜卜脆，雞脾肉依然有肉汁！椰漿飯雖然係奇怪綠色，但有椰香味，但又唔會太油膩，夾埋雞肉食好正。參巴醬都幾辣，非常重口味，夾花生、乾魚仔、蝦片配料，口感鹹香樣樣齊。招牌砂煲老鼠粉 $108砂煲有火座熱，趁熱撈埋雞蛋，同其他配料，魚仔、蝦米、肉碎、蔥、炸蒜炸乾蔥。老鼠粉好似銀針粉，滑捋捋，有咬口，最得意係啖啖都食到脆魚仔、蝦米，味道似偏甜嘅乾炒牛河，唔係好特別。

今日得閒同友人一起去新城市廣場行街，見到1期1樓好像新開一間蘇媽，之前旺角果間人山人海排隊，今日tea time人流都ok，於是一起去打卡！餐廳裝修幾具異域風情，別緻吸睛。其實看到memu見到選擇都好多，淨係午市套餐都有三款，而且tea time都可以繼續叫。點餐就是自助掃code，都幾方便。我們拣咗一款C餐因爲見到肉骨茶都幾有名又健康，肉骨茶內含有當歸、川弓、冬菇等多種材料，非常健康，口味相當balance又不會太咸口，排骨同豬蹄都幾大分量，兩人share正好！配上油炸鬼，非常正宗！我們追加了兩款小食，必點之一就是椰香咖央多士，熱烘烘的三文治配埋咖央醬仿佛覺得自己係馬來西亞旅行！海南炸雞球都是第一次見到，食落來都幾好食，有小小辣好惹味！最後飲一杯正宗的馬來西亞熱拉茶，完美結束今日的美食之旅！

未到晚市已經人頭湧湧,立即揀個好位,店舖佈置充滿南亞風味,連枱面也舖花很吸睛,先嚟一個朱牛雞沙嗲串燒,也絕不馬虎,沙嗲醬很正。當然他的蝦麵要必試,實在湯底濃濃的蝦香,配料又十分多,大蝦、朱腩肉、蛋、豆卜、芽菜等等,另一個飽肚的辣死你媽配仁當牛肋條椰漿飯,有齊所有地道馬來小吃配料,蝦片乾魚仔、花生…大滿足,見到menu有個當歸燒雞,不妨一試,即燒的雞皮香脆,也有當歸味,甜品要了一個貓山王榴槤沙冰,似乎是我最喜歡的一個飲品,完全啖出貓山榴槤香味,這頓飯大滿足。

難得爸爸平日有一日假期，一家三口去新城市行街街，差唔多六點見人少少，去食飯先。原來已經有D舖頭有人等緊位，我哋揀咗間食馬來西亞菜，位都坐得舒服，侍應生服務態度唔錯，自助點餐快捷方便⭐️招牌肉骨茶一字骨 藥材味香濃👍🏻未埋到枱已經聞到，材料充足一字骨好淋好食😋食完個身暖笠笠⭐️招牌砂煲老鼠粉其實叫嘅時候唔知係乜嘢嚟🤣見到招牌菜一定唔會錯,果然冇令我失望👍🏻其實老鼠粉係咪同銀針粉係朋友🤭一樣樣，裏面配埋啲魚乾，肉碎，豬油渣，蝦乾，蔥⋯等等再加一隻生雞蛋，撈勻之後有幾野味喎⭐️甲必丹咖喱炸雞鎚炸雞鎚😋脆卜卜裏邊有肉汁，仲要唔細隻，咖喱夠香濃仲有少少辣送飯一流⭐️美祿恐龍淨係聽個名就知小朋友會好鍾意好濃郁嘅朱古力味濃味加埋美祿波波，好飲到停唔到口🤣🤣想食嘅朋友真係要早啲去等位

是日同HONEY去沙田新城市行街，去到經開TOSS 蘇媽.蘇媽 ，就食個EARLY DINNERFOR一陣去睇戲入面真的好開揚，坐得都舒服，同HONEY點左辣死你嗎 配烤(雞髀)，椰香咖喱叻沙(改滲滲)椰香咖喱叻沙(改滲滲)椰香咖喱叻沙(改滲滲)改左滲滲，油麵加米粉，真的好好口感，同埋湯底都好濃，如果份量可以再多少少會更好辣死你嗎 配烤(雞髀)辣死你嗎 配烤(雞髀) 有綠色的椰飯，另外都有蝦片，花生，魚仔同埋巴參醬~~仲有半隻旦，加埋雞髀真的好好食，雞髀好JUICY，食個快飯都真的好足夠~~~

帶亞女去新城市上中文班，知道蘇媽最近係lee度開左新店，即刻帶亞女食個下午茶先😍 ，見到裝修同其他分店唔係好同重量下午茶 A+B Combo $95椰香咖央多士+ 檳城亞參叻沙🌶🌶加$11 桔仔話梅水椰香咖央多士必點之選❤️多士有一層咖央同一層牛油，多士烘我幾香脆，香濃嘅咖央同陣陣牛油香味，不會過甜同膩。檳城亞參叻沙我就將叻沙粉改左滲滲，滲滲即係油麵加米粉，油麵不會煮得太淋，酸辣叻沙湯底，湯頭鮮甜濃郁，很多配料，仲特別落左菠蘿同配有蝦膏，對我黎講真係幾辣，鍾意辣嘅朋友應該好喜歡蜜糖燒雞翼最喜歡炭燒考過嘅雞翼，外層搽上蜜糖甜甜蜜蜜，雞肉入味又嫩滑，好惹味。加$5 凍馬來西亞拉茶

好奇怪行過必定有人等位 所以今晚要去食吓有咩咁好食，五點半去到都要等位，問你旨未？‘’招牌砂煲老鼠粉‘’見到招牌就點嚟食應該冇乜錯，食落果然係得，老鼠粉同銀針粉極似，配上蝦乾、魚乾、肉碎、豬油渣、蔥同乾蒜，仲有一隻生雞蛋，侍應教打落煲撈嚟食，又香又惹味，好好味！‘’招牌肉骨茶（一字骨）‘’另一個寫住招牌嘅菜式，揀咗一字骨，香濃嘅藥材味，入面好足料，一字骨唔會嚡口，係我喺香港食過最好味嘅肉骨茶！‘’甲必丹咖哩炸雞鎚‘’叫咗之後上網睇吓咩叫甲必丹，同傳統咖哩嘅分別主要係用嘅香料，更重大馬味道，食落有小小辣，幾開胃，炸雞鎚外脆內嫩，唔怪得個仔食唔停！！“美祿恐龍‘’美祿加埋美祿波波，大人小朋友一定都會鍾意飲！“三色拉茶”底層係椰糖漿，中層係奶加埋上層奶茶，混埋一齊，又香又滑！真係一間下次必定再食嘅食店！