TOSS 蘇媽.蘇媽

Open Now

Now Closed

蘇媽蘇媽喺深水埗起家，越做越大，有好多分店，而家有埋分線TOSS。一開始有唔少差評，而家好似做得越嚟越好。雖然我未去過深水埗嗰間，但感覺都有七八成似。*辣死你嗎配烤雞脾 $83雞脾外皮炸到卜卜脆，雞脾肉依然有肉汁！椰漿飯雖然係奇怪綠色，但有椰香味，但又唔會太油膩，夾埋雞肉食好正。參巴醬都幾辣，非常重口味，夾花生、乾魚仔、蝦片配料，口感鹹香樣樣齊。招牌砂煲老鼠粉 $108砂煲有火座熱，趁熱撈埋雞蛋，同其他配料，魚仔、蝦米、肉碎、蔥、炸蒜炸乾蔥。老鼠粉好似銀針粉，滑捋捋，有咬口，最得意係啖啖都食到脆魚仔、蝦米，味道似偏甜嘅乾炒牛河，唔係好特別。