TOSS 蘇媽.蘇媽

Open Now

Now Closed

招牌砂煲老鼠粉唔算好乾，但好咸好重味馬拉沙嗲串燒肉骨茶大雜錦好大煲好多料，4個人食真係夠哂椰香咖央多士最好食，椰香味濃椰汁班蘭冰少少淡檳城炒棵條我真係唔推介，好咸同埋似乾炒牛河

週末逛沙田新城市廣場，行過一期地下都開咗一些新嘅食店，但大多數都要排隊，今日平日，食店終於唔使排長龍，仲可以試到《蘇媽·蘇媽》下午茶。下午茶精選 A+B $95這個堅抵食，一個set食曬兩款下午茶，A) 椰香咖央多士~馬來西亞咖央多士點都要試啦，甜甜椰香配脆脆多士；B) 檳城白咖哩油麵(滲滲)~有幾款湯麵底可以選擇，滲滲即是一碗內有齊油麵及米粉兩款，材料亦非常豐富，包括蝦仁、豬皮、墨丸、魷魚、蛋、芽菜及豆角，最欣賞個白咖哩湯底，加入椰汁，入口味道香濃。特製辣椒板麵賣相相當吸引，多款材料大合一，包括流心溫泉蛋，煙韌小魚乾、香口肉碎、惹味蝦米仔、脆脆乾蒜等，特製辣椒醬係另上，要幾辣有幾辣，也可以微辣，混合各款材料，板麵一啖接一啖。美祿恐龍(凍)~冰凍大杯朱古力，加入美碌脆球；拉茶(熱)~味道幾特別，甜甜地，有茶味，唔似一般港式或泰式奶茶。

今日去咗沙田TOSS蘇媽.蘇媽嘆番個下午茶！睇吓有咩精選下午茶好食先。下午茶分咗A同B 兩類A類以麵飽為主B類就以粉麵為主而佢仲有個combo 有哂A同B岩哂大胃王我咁大食梗係叫個 combo 啦A03 椰香咖央多士B03 檳城白咖哩油麵改咗滲滲飲凍桔仔話梅水檳城白咖哩滲滲白咖哩好香滑又多餸好食呀😋椰香咖央多士外脆內軟椰香咖央醬好正👍蜜糖燒雞翼見到隔離枱叫咗燒雞翼啲香噴噴燒雞翼味傳咗過嚟忍唔住又叫咗碟食吓😆凍桔仔話梅水大大粒話梅叫咗少甜岩岩好👍

今日和爸爸,媽媽和弟弟往新城市廣場Toss蘇媽蘇媽食晚餐,我們點了馬來西亞凍和熱拉茶,怡保雞絲米粉和油面,椰漿飯,海南炸雞球,馬來沙爹串燒,肉骨茶大雜錦和椰糖燉蛋,馬來西亞凍拉茶茶味香濃,奶味香滑,怡保雞絲米粉份量足料,有蝦,豆卜,魚蛋和雞絲,蝦和魚蛋彈牙,豆卜吸收湯底食落美味,雞絲肉質爽滑,米粉爽,整碗怡保雞絲米粉食落美味,份量十足,海南炸雞球炸得金黃,雞球炸得惹味,佐酒一流,馬來沙爹串燒共6串,我們選了3串朱,3串雞,串燒肉質美味,配上沙爹汁提升串燒味道,肉骨茶大雜錦材料豐富,足四人用,有一串骨,朱手,鳳爪,朱肚,冬菇和腐皮等,肉骨茶有香濃當歸和杞子味,湯底香濃有回甘,一串骨肉質香濃,配上湯底口感高層次,冬菇和腐友食落爽口,油條炸得金黃香脆,配肉骨茶口感倩新,最後椰糖燉蛋食落香滑,椰糖甜度適中,餐廳座位舒適,食物好味,份量十足,我和家人食了一頓好味馬來西亞晚餐

今日到沙田新城市廣場shopping，依度連接幾個商場，又大又多嘢睇，所以都消磨咗一個下午，行經食馬來西亞菜嘅 "TOSS 蘇媽.蘇媽"，見到餐廳入面咁多人食，相信會好好味，就去吃個Tea啦！餐廳裝修雅致，地面、牆壁同枱面鋪上懷舊瓷磚，色彩繽紛，而地方都好闊落，很不錯。下午茶同午餐餐牌各有十幾款選擇，有椰香咖央多士、檳城亞参叻沙、咖喱酥、薄餅配素咖喱等等，款式特別既馬來美食。下午茶精選 : A+B = $95，依set係 A.咖喱酥同咖喱角 + B.檳城亞參叻沙。檳城叻沙與新加坡濃郁嘅叻沙唔同，檳城湯底睇起嚟清淡，但辣味越食越出，好有味道，湯面既菠蘿、青瓜、紫洋蔥，非常清爽，幾好咁平衡咗叻沙嘅咸同辣，而麵條口感有啲似米線，好爽滑，點埋蝦醬就更滋味啦！咖喱角和咖喱酥同樣鬆脆，餡料有啲似印度咖喱，唔會好辣，微辣可口。辣死你嗎配炸雞球    $72辣死你嗎即係椰漿飯，口感清香，散發淡淡椰香味，椰漿飯這樣配搭比較少食，都好特別，喜歡。雞球炸得好脆，肉質嫩滑，仍保留肉汁，外脆內嫩，可口美味。配埋魚仔乾、炸花生、蝦片、青瓜同雞蛋一齊食又真係幾滋味！餐飲配馬來西亞拉茶凍飲及熱飲各一杯，馬來西亞出名嘅

蘇媽蘇媽南洋菜色出品高質總係會讓人會經常encore 又encore沙田餐廳裝修帶南洋風，加上木系檯凳,滿滿的東南亞味道, 我愛。-最喜歡係餐廳平日有午市套餐及下午茶，七十多元起已有交易，叫肉骨茶也和散叫一樣價錢，梗係叫套餐，性價比高，招牌肉骨茶（一字骨）配白飯，油炸鬼，油菜肉骨茶連鍋上，馬拉配方有濃郁藥材香。一字骨骨豬肉每日街市新鮮買，肉份量很多，仲有豆卜、金菇及同油炸鬼，湯汁香醇帶肉香。-下午茶也有飽肚選擇，特製辣椒板麵配料多，--江魚仔、花生，流心蛋、蝦米、豬油渣、葱花，加埋特調醬油炒過的板麵，食落超惹味。-最後用濃厚的拉茶作結，就好似係馬拉茶檔飲拉茶咁啊～。

蘇媽.蘇媽主打食馬來西亞🇲🇾菜，係其他地區都有分店，沙田係我去過最多人排隊既分店，食物味道大多數保留馬拉風味，肉骨茶藥材味冇咁濃郁，迎合香港人既味道。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 椰香咖央多士🍞 Kaya Toast $48要製作一份好味既咖央多士都唔簡單架，蘇媽蘇媽就做到馬來西亞🇲🇾既味道，多士外脆內軟，椰香咖央醬搽到滿滿，牛油同咖央醬既比例恰到好處，唔會太甜，一咬落去有陣陣既椰奶香，味道層次豐富，兩個人Share一份岩岩好☺️。♥️ 馬來黑叉燒 Black Barbecue Pork $98港式叉燒就食得多，馬來西亞既叉燒第一次食，估唔到又係另一番風味，呢個做法有啲似炭燒豬頸肉，食落比較有咬口，外皮燒得脆身，但肥肉比較多，食多幾塊有啲膩。♥️ 甲必丹咖哩炸豬扒 可選配2薄餅/白飯 $79Kapitan Fried Pork Chop Curry厚厚炸豬扒偏乾，炸皮同肉一切就分離🙅🏻‍♀️，咖喱味香濃，幾辣🌶🌶🌶，薄

Toss Semua Semua giving me the feeling of middle east,  like sitting in an Islamic temple in Kuala Lumpur, even the feeling is a bit artificial haaPenang White Curry Mee, ordering less spicy, having strong coconut curry flavor though the seafood ingredients are just soso, shrimps tastes a bit light with good outlook, guess not too fresh, fish balls are just normal with no strong fish flavor, but the thing i like the most is yummy coconut white curry soup, we finished the whole soup haa, yumm yum

🇲🇾🇸🇬【 TOSS 蘇媽 • 蘇媽 】🇸🇬🇲🇾⋄—————⧫♟⧫—————⋄蘇媽的「午市精選」由11:30-17:30供應，加$38就食到我最愛的椰香咖央多士☺️🧡⋄┄ ┄ ┄ ┄ ❖ ┄ ┄ ┄ ┄ ⋄午市精選B.🥘椰香咖喱叻沙🍜(轉米粉，走芽菜）喇沙味非常香濃，少少微辣，轉左米粉，掛湯力高，非常好食。🍞椰香咖央多士（跟餐+$38）散發陣陣咖央香氣，香脆好味，係我最鍾意嘅小食。🍮椰糖燉蛋（跟餐+$38）薄薄嘅燉蛋，椰糖甜絲絲，為一餐作結。🦖美祿恐龍（特飲+$9）- 美祿 + 美祿波波⋄┄ ┄ ┄ ┄ ❖ ┄ ┄ ┄ ┄ ⋄📍地址：沙田沙田正街18號新城市廣場1期1樓107號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discove

之前喺街成日見到蘇媽呢間餐廳都好多人排隊，已經好想試。終於等到喺沙田新城市屋企附近開咗一間，不過都好似好多人幫襯。今日趁收早就去食下午茶，睇吓有咩咁吸引，咁多人去食。一試果然唔錯，正宗得黎又啱香港人口味。我同朋友叫咗兩個下午茶再加小食連埋飲品都係$100鬆啲，份量同午餐差不多，性價比非常高。我叫咗一個高佬麵配豬扒，我覺得Polo面就好似炒公仔麵，非常好味，而且炸豬扒口感好好，醃得又入味。加配買海南鴛鴦燒麵包，都是夾着厚厚嘅牛油再加咖央醬，濃濃既椰香味，真係忍唔住放晒入口。甜甜既拉茶好有茶味，真係必試。Menu仲有好多食物都好吸引，而且下午茶至到5:30，當early dinner,非常抵，一定有下次。

今日去新城市買完電話，竟然見到蘇媽係新城市都開咗間。五點幾經過竟然見到仲有下午茶， lunch set都知道5:30。結果同埋個friend入去試一試，因為朋友之前已經講過話呢間好好味。我叫咗一個辣死你嗎配炸雞球，勒死你嗎即是椰漿飯，第一次食感覺好新鮮，入口有濃濃嘅椰香味。而且佢哋嘅炸雞球非常滑，好Juice。我哋加蜜糖雞翼，非常香口好味。再加咗$11有杯美祿恐龍，一定要試，因為如果你鍾意美祿一定好鍾意上面有濃濃嘅美祿粉加埋美祿波波。朋友叫咗個午餐招牌砂煲老鼠粉，嚟到嚇咗一跳因為好大煲，真係兩個人都未必食得晒。而且仲有個火興住，唔怕凍哂唔好食。朋友叫咗杯奶茶，佢話非常有茶味。午餐仲可以加$38就可以加個椰糖燉蛋，好似食緊椰子糖咁，而且燉蛋非常滑，值得一試。睇相見佢嘅肉骨茶都好好味，下次好想再試埋佢。

嚟開沙田先知原來蘇媽蘇媽已經開到入新城市，但驟眼睇個menu好似同其他有啲唔同，本身想食佢個米通粉，但竟然無，傷心🥲 最後兩個人叫左一個檳城福建蝦麵($79)、辣死你媽配烤雞脾($83)、馬拉沙嗲串燒($96)。檳城福建蝦麵幾足料，蝦都已經有三隻了，再加埋其他配料，豬腩肉、魚片，食晒成碗麵其實都已經飽晒🤤 麵底轉左做滲滲，即係油麵加米粉，食落去又有多層口感。湯底我覺得濃少少就好了，伴住麵食會更有風味。辣死你媽聽落好好笑，但其實係馬來西亞椰漿飯嘅譯音，望落好似好恐怖，螢光綠色咁，但食落去椰汁味好重，好食👍🏻  雞脾唔算特別大隻，但肉質唔柴🍗馬拉沙嗲串燒可以從雞、牛、豬平均揀6串，沙嗲醬好食，醬入面有啲花生粒粒，好香口。

椰香咖喱叻沙（$86）🧡湯底比起一般叻沙香辣少少，但由於椰香味濃，食落唔會好刺激，係會讓人上癮想飲哂個湯。粉類選左滲滲（油麵＋米粉），麵質爽口，唔會過黏或碎濕濕。👍🏻配料豐富，除了一般叻沙會出現的蝦仁🦐、魷魚圈🦑、豆卜，仲有魚肉卷🐟，更意想不到的係螄蚶🐚（一開始睇樣以為係花椒八角的朋友 XD， 原來是一種貝類海產），有提鮮的效果，配料新鮮😋椰香咖央多士💚（$48）外脆內軟的多士，夾着牛油和咖央醬，咖央醬甜味偏多，配合牛油，正好中和，令件多士唔會太膩，最重要真係香脆的多士外層，令口感十分有層次。🤤桔仔薄荷梳打（$48）💛飲落以酸味為主，眼見到有d桔仔肉在入面，再配合淡淡的薄荷味，十分解渴。🍊PS：平日6點半左右來到已經人頭湧湧了！等左大約半個鐘左右，到食完七點幾都仲keep住好多人等位要食記住盡早去攞位啦~

一早已經好想試，次次黎親都大排長龍。今次好彩，等左15分鐘左右就入到了。 蝦米醬炒鮮魷通菜蒜蓉辣椒絲味濃配無味的鮮魷，相當之夾，鮮魷切細配新鮮通菜炒得非常爽口，加上微辣非常的開胃菜！ 椰香咖哩叻沙米粉加油麵好特別，椰香味叻沙好香濃，大大隻蝦吸收哂味濃的湯底，配料還有豆卜、豆角、芽菜、魷魚圈，非常豐富！ 肉骨茶一字骨肉湯及藥材味道很平衡，飲落有回甘的味道，一字骨炆得軟冧，加少許蒜蓉和醬油便已非常可口，越食越想食！ 貓山王榴槤沙冰不同凡響的頂級貓山王榴槤蓉和冰打碎成沙冰，味道濃郁帶甘甜，一掃悶氣。 馬來西亞拉茶滑身的奶泡加上拉茶茶香和甜道，剛好中和一字骨的香濃味道！果然係傳統風味！

疫情持左續咁耐，幾年無得旅行真係好苦悶，唯有平時周圍食野以解相思之苦。平時都係食西、日、韓、泰多，今次老公話想食馬來西亞野。喺香港，馬拉菜唔算多，仲要好食嘅真係要好有心機揾，朋友介紹蘇媽，即刻叮一聲，呢間想食好耐，礙於店鋪位置都幾遠所以一直無去，咁啱前排沙田開左分店就啱晒啦我未去過其他分店，唔知係咪裝修都咁有特式，牆上掛左4款招牌肉骨茶字畫，咁啱我地頭上果幅係肉骨茶一字骨，我地就叫左呢款肉骨茶好足料，4大舊一字骨，肉好入味又唔鞋，配料都好足，成個湯好重藥膳味，足夠2-3人飲我好鍾意食叻沙，呢個椰香咖喱叻沙麵就啱晒我，麵底揀左掛汁嘅滲滲，而我最鍾意食嘅係豆腐卜，咬落去滿口湯汁，好刺激胃口另外，仲叫左蝦米醬炒鮮魷通菜，嗜辣嘅我地覺得呢碟餸超香辣惹味，淡淡蝦米醬唔會太咸，鮮魷炒得唔老，好嫩口最後飲品我梗係揀榴連沙冰，仲要係貓山王黎架，全杯都係果肉打冰，好似食左成個貓山王咁老公就飲馬拉熱奶茶，老公話唔錯，夠茶味又滑，不過都係爭d，我話爭左個地點同心情啫😂咁耐無坐飛機，唯由靠蘇媽帶我地返去沙巴同浮羅交怡