TOSS 蘇媽.蘇媽

Open Now

Now Closed

成日聽同事講蘇媽唔錯，蘇媽好食，所以搞到我一直都好想試，今日放飯果時即刻捉埋個同事一齊過嚟陪我食 🤣 好彩放飯時間可以自己揀，唔使同人逼就即刻有得食。辣死你嗎配仁當牛助條 ($88) : 賣相色彩斑斕，材料都幾豐富，有切成心型嘅青瓜、印尼蝦片、花生、雞蛋、小魚干、牛助條。牛助條肉厚多汁，口感軟腍，而啲飯用咗椰醬去煮所以香到⼀點。另外叫咗個馬拉沙嗲串燒同同事開心 Share 😋 豬、牛、雞各兩串，沙嗲汁味道非常出色。

之前一路聽好多人推介蘇媽，冇諗到佢依家做到咁大，仲愈開愈靚。不過我今次其實都係同朋友第一次食，會話啲馬拉嘢嘅口味比較香港人friendly🤣🤣我哋嗌咗肉骨茶、豬頸肉同埋喇沙，肉骨茶本身應該係中藥味好重，不過佢個湯底相對冇咁濃味。喇沙同點豬頸肉嗰個醬都唔係話好辣，因為一般東南亞菜嘅醬都係辣之餘仲有後勁，呢兩個都冇，相對易入口好多，所以會話係比較啱香港人口味嘅馬拉菜😆最令我同朋友開心係個美祿巨龍，佢上面有粉之餘仲有雪糕，真心好正🥰🥰

估唔到星期一嘅新城市都咁多人，我地12點去到已經要排隊，都排咗25分鐘先入得。依度係用QRCODE 落單，以餐廳full晒嚟計，上菜都算快，order左6樣菜，15分鐘內上齊晒。我自己嗌咗個特製辣椒板麵，嚟到一睇以為好細份，食食吓發現都幾多麵同料，炸銀魚仔同肉燥都好香，撇除咗其實一啲都唔辣之外，整體係幾好味嘅。媽咪同妹妹叫咗雞絲湯河同白咖哩油麵，正常。另外再叫咗素咖哩薄餅，炸饅頭同必食咖央多士。饅頭有跟煉奶同辣醬，個人覺得都係點返煉奶好食啲，辣醬同鰻頭好似唔係幾夾。埋單四百幾，算抵食，下次想再試埋肉骨茶。

今日喺沙田放工，放工之後就喺新城市廣場食埋晚餐先返屋企，最近行開街見到呢間餐廳係好多地方都有分店，所以抱住一個好奇嘅心態去試一試。自己本身好鍾意肉骨茶呢個菜式，見到餐廳有咁就叫咗個嚟試吓，招牌肉骨茶都有五款選擇，自己係餐廳門口個 Menu 見到肉骨茶大雜錦個圖好吸引。肉骨茶細雜錦 ($168) : 呢個肉骨茶雜錦有分大同細 Size，估唔到個細Size都咁大個，我都有啲愕然 😮 而且真係同張相一模一樣勁多材料，有腐竹、冬菇、豆卜、腩肉、鳳爪等等，而且跟餐仲有油炸鬼。肉骨茶味道濃郁，鍾意肉骨茶嘅朋友仔可以試試。

尋日去食tea, 一坐低已經有嘢咬。同朋友一人一碗叻沙，餐牌話有兩隻辣椒，應該都會辣，碗叻沙黎到，生菜絲同青瓜絲仲有兩粒菠蘿肉就係餸，飲啖湯，辣！即刻挑走D辣椒！食咗幾啖，成碗放返係枱，走果時條脷講嘢都痛，個胃有火燒既感覺，要返屋企食藥。餐牌上面果兩隻辣椒應該x2朋友一直都係無辣不歡既人，食完都話頂唔順。個蔬菜春卷仲搞笑，上枱，白色嘅？原來焗既，唔係炸，仲要un既。雪藏果隻x仔都好食過佢。拉茶同白咖啡，甜到唔識形容。一直好喜歡食馬來西亞嘢，但今次真係貼錢買難受。

早幾日去沙田睇戲，完場之後想食 Dinner，沙田新城市其實真係好多選擇，經過 Toss 蘇媽·蘇媽，見到個個檯都有碟咖央多士，為食嘅我都抵受唔住誘惑，決定食餐邪惡嘅 🤤椰香咖央多士多士兩邊烘到燶燶脆脆，配合中間濃厚嘅咖央同牛油，一啖咬落去，咖央同牛油賭多 d 必出黎 😍 超級香滑！其實落單可以選擇少牛油 / 咖央，但如果本身唔太抗拒牛油嘅朋友就唔好少牛油了，呢個多士真係要重口味先過癮啊 😌檳城炒粿條入口超像臘腸嘅油香，如果怕油嘅建議盡量唔好試 😂 粿條要炒得夠油先好食，所以佢真係比一般炒河更油 🙈 配料仲有蝦同埋應該係豬油渣 🙈 另外有超鮮甜嘅螄蚶 😍 呢碟係好香口的，但係真係爆邪惡 🙈燒豬頸肉配馬來沙爹醬不過不失嘅一個小食，豬頸肉都燒得夠香，沙爹醬正常發揮，對比起其他兩樣，感覺失色少少 🙈

依間蘇媽蘇媽同其他分店唔同，行高級雅致啲嘅路線，見到座位係比較闊落好坐啲，所以價錢定位同食物款式都同其他分店略有不同～辣死你嗎配烤雞髀🍗椰醬飯應該係因為有斑蘭所以帶綠，有椰香味，飯粒軟硬度合適，花生、乾魚仔、雞蛋、蝦片等配料都齊全，至於主角雞髀都成隻手掌咁大，雞皮薄薄脆脆，而雞肉肉質都唔會話烤到乾爭爭咁👌蝦米醬炒鮮魷通菜🥬差不多有成條鮮魷咁多，好似食極都有，而且鮮魷軟中帶彈牙，一啲都唔老唔韌，個汁入口嘅時候覺得有蝦米嘅鮮甜，跟住辣椒嘅勁度就開始出嚟，非常有後勁好惹味，感覺比平時嘅馬拉盞辣，如果自問唔食得辣就可能揀蒜香炒菜合適啲🧄

沙田又變返勁多人行街，冇book位，行左好多間餐廳既情況下入左蘇媽食野。2個人，叫左3樣野食，2杯野飲，埋單大概$600左右。價錢唔算平，餐廳環境內環境一般，上菜時間十分快。椰香咖央多士：柳漿、斑蘭味道十分突出，多士烘得外脆內軟好評指數：三星好評，一定要食肉骨茶一字骨：肉質同煲完老火湯既骨頭一樣，肉質十分難入口，但肉骨茶配料十分足，鐘意肉骨茶可以一試。好評指數：飲品：拉茶：一般，冇乜特別滲滲：藥材味特重既咖啡

識得搵食嘢，就一定搵間熱鬧嘅餐廳。 當行到“蘇媽蘇媽”附近已聞到一股東南亞美食的香氣。 穿過人群後就看見這特色餐廳。 我選擇了卡位，檯面上配有 馬賽克瓷磚極具風格。 來到這裏當然要試試地道美食“ 招牌肉骨茶棒棒骨”，這湯 充滿補身香氣，飲落肉味均衡適中 ，不會只偏重藥材味。 而且棒棒肉好有質感，相當滿足。另外一味“ 招牌砂鍋老鼠粉”， 此項美食裏面有 蝦米 魚仔 豬油渣等配料。 菜色用砂鍋呈上，下面有火爐 烘著， 使顧客必定 品嚐到熱辣辣的美食及其香味。 最後必點的美食就是串燒半打（ 豬，牛，雞，各二）， 此地道美食配上有花生粒嘅沙爹醬， 又是一絕👍。 總括來說，能煮出有地道風味的馬拉菜館唔多， 蘇媽蘇媽一定係首選。

位於沙田新城市廣場的蘇媽・蘇媽，裝修帶有馬來風格。服務員友善主動，網上點餐有困難可邀請服務員幫忙。今次試了桔仔薄荷梳打，味道清淡亦不會太甜。蝦米醬炒鮮魷通菜，味道濃沃，最啱配上白飯，鮮魷新鮮有口感，鮮魷份量也不少。豬頸肉看似很乾，因為有醃過，不蘸醬汁肉香味反而更出色，沙嗲醬帶有甜味，花生香味及香茅味。鴛鴦燒麵包這個名字令人以為麵包很硬，其實口感跟多士一樣，我覺得咖吷的甜味加入牛油的鹹味令味道更豐富，吃完也不覺膩。

openrice好多正評，所以去食。結果難食又唔抵到我要寫負評。又因為太難食所以唔想浪費我人生時間去寫太多字。。。講。重。點。1,叫左兩個菜式都有蝦，但呢個價位竟然啲蝦係茶餐廳水準雪左n年既“玻璃“蝦，冇蝦味，冇曬蝦既纖維。失望。。。2, 啲魷魚都係雪，冇味。3, 叻沙，濃既ok，但佢話咖哩，又冇咖哩味。。4, 炒蝦面，都係冇乜味。。雖然成碟面好多醬，但又冇味架喎。118蚊唔知自己食左乜。4, 環境，好迫。枱同枱既距離只有半隻手長。新餐廳都估唔到會擺到咁迫。5, 總括而言，普通茶餐廳水準味道，講唔到好食。唔值呢個價囉。所以，冇下次

🫶🏻馬來西亞菜嘅蘇媽蘇媽分店越開越多，人氣依然不減 ，唔同line嘅肉骨茶都好好飲！▪️椰香咖央多士 ($48)每次黎到都會必叫。厚厚嘅牛油加咖央醬，夾埋脆脆嘅多士食，好享受！▪️一字骨肉骨茶 ($178)同以前去開嘅分店有啲分別，一字骨肥美軟腍，好好咬口，配料仲有大大粒冬菇、杞子、豆卜，令肉骨茶多咗份清甜，平衡返濃濃嘅藥材味注意:呢間店無得refill 😖▪️辣死你媽 配 烤雞髀 ($86)一望好sharp醒嘅係綠色椰漿飯，但食落就略為失色▪️馬來西亞拉茶 ($35)▪️滲滲 ($32)➰➰➰➰➰➰➰➰➰➰➰➰💓回頭指數: 5 / 5 (5分滿分)📍店名: Toss 蘇媽.蘇媽🧭地址: 沙田沙田正街18號新城市廣場1期107號

"蘇媽"呢個名近年響噹噹，沙田都有佢嘅踪跡，沙田呢間環境仲好舒適下午茶餐好抵食菜式名好搞鬼✨話知你啦薄餅配素咖哩熱辣辣，仲大過塊面嘅薄餅，夠乾身同酥脆，沾上素咖哩非常惹味✨高佬麵配炸豬扒高佬麵配上煎蛋，仲有大大塊嘅炸豬扒，夾起好重手，食落唔會太油膩✨抺茶榴槤糯米糍口感軟糯嘅糯米糍，未入口已經聞到好香濃榴槤味，抺茶味嘅外皮煙煙靭靭，皮又唔會太厚，超好味✨馬來西亞拉茶面層打成厚厚嘅泡沬，令賣相加分，茶底好幼滑，奶同茶嘅比例恰好

平時公司附近都無蘇媽蘇媽，這星期都在家工作，所以就試試她的午餐，早點去到避開午市高峰時間，好彩可以即入，我點了招牌砂煲老鼠粉。賣相不錯，不過我覺得老鼠粉不算太入味，整體味道偏甜，對我來說一般般，而且食個午餐都要過百，我就覺得性價比偏低了。

蘇媽蘇媽開左好多唔同分店之前去過旺角個間覺得唔錯見到新城市呢間裝修幾靚又走左去試下😋(っ◔◡◔)っ ♥一字骨肉骨茶♥我鐘意飲肉骨茶呢度嘅馬拉口味係濃郁藥材味個種而唔係蒜香味重個種當然藥材唔係個個人都接受到但偏愛當歸味嘅我就好鍾意喇每一啖湯都有一種甘味😋材料方面一D 都無孤寒一字骨嘅份量好足夠晒2個人食而且煮完湯嘅豬肉仲好滑無柴皮口感👍🏻另外亦有d腐竹，冬菇😙可惜係佢唔似其他分店甘呢間無得免費加添肉骨茶🥺以呢個$178呢個價錢黎講雖然食物質素唔差但價錢比其他分店進取相比起黎就無甘抵喇…當然..店舖開喺商場係唔同d嘅😊(っ◔◡◔)っ ♥ 辣死你媽配烤雞髀🍗 ♥俾個青bb 椰漿飯吸引😆但係椰漿味唔濃只係有少少班蘭香雞髀覺得都算唔錯烤得外皮夠脆裏面啲肉都係Juicy整個用餐體驗算係唔錯可惜價錢比較進取而且等位等好耐去其他分店可能會好啲🤔